1102 ஆராய்ச்சி உதவியாளர் வேலை

மத்திய அரசுப் பணியாளர் தேர்வாணையங்களில் ஒன்றான எஸ்.எஸ்.சி. அமைப்பு, இந்திய வானியல் துறையில், ஆராய்ச்சி உதவியாளர் பணியிடங்களை நிரப்ப அறிவிப்பு வெளியிட்டு உள்ளது. இவை ‘குரூப்-பி‘ பிரிவில் வரும் நான்-ஹெசட்டடு அதிகாரி தரத்திலான பணியிடங்களாகும். மொத்தம் 1102 பணியிடங்கள் இந்த அறிவிப்பின் மூலம் நிரப்பப்படுகிறது. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

விண்ணப்பதாரர்கள் 4-8-2017 தேதியில் 30 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படுகிறது.

இயற்பியல் பாடத்தை உள்ளடக்கிய அறிவியல் பிரிவில் இளங்கலை பட்டப்படிப்பு படித்தவர்கள் விண்ணப்பிக்கலாம். கம்ப்யூட்டர் சயின்ஸ், ஐ.டி., கம்ப்யூட்டர் அப்ளிகேசன்ஸ் படித்தவர்களும், எலக்ட்ரானிக்ஸ் அண்ட் டெலிகம்யூனிகேசன் டிப்ளமோ என்ஜினீயரிங் படித்தவர்களும் விண்ணப்பிக்க முடியும். இவர்கள் பிளஸ்-2 வரை இயற்பியல், கணிதம் பாடங்கள் அடங்கிய பாடப்பிரிவில் படித்து தேர்ச்சி பெற்றிருப்பது அவசியம்.

கணினி அடிப்படையிலான தேர்வு மூலம் தகுதியானவர்கள் தேர்வு செய்யப்படுவார்கள்.

பொது மற்றும் ஓ.பி.சி. பிரிவினர் ரூ.100 கட்டணம் செலுத்தி விண்ணப்பிக்க வேண்டும். அனைத்து பிரிவு பெண் விண்ணப்பதாரர்கள், எஸ்.சி., எஸ்.டி. பிரிவினர் மாற்றுத் திறனாளிகள் இந்த கட்டணம் செலுத்த வேண்டியதில்லை.

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். பார்ட்-1, பார்ட்-2 என இரு படிவங்களாக விண்ணப்பம் சமர்ப்பிக்க வேண்டும். இறுதியில் பூர்த்தியான விண்ணப்பத்தை கணினிப் பிரதி எடுத்து வைத்துக் கொள்ளவும். ஆன்லைன் விண்ணப்பம் சமர்ப்பிக்க கடைசி நாள் 4-8-2017-ந் தேதியாகும். இதற்கான தேர்வு 20-11-2017 முதல் 27-11-2017 வரை நடை பெறும்.

விண்ணப்பிக்கவும், விரிவான விவரங்களை தெரிந்து கொள்ளவும் www.ssconlie.nic.in என்ற இணையதள முகவரியைப் பார்க்கலாம்.