சென்னையில் இருந்து இலங்கைக்கு கடத்த முயன்ற வெளிநாட்டு பணம் ரூ.5 லட்சம் பறிமுதல்||From-Chennai-to-Sri-Lanka--Foreign-cash-seized-for
home
முகப்புArrowசெய்திகள்Arrowமாவட்ட செய்திகள்Arrowசென்னை
சென்னையில் இருந்து இலங்கைக்கு கடத்த முயன்ற வெளிநாட்டு பணம் ரூ.5 லட்சம் பறிமுதல்
கருத்துகள்
0
வாசிக்கப்பட்டது
25
பிரதி
Share
மாற்றம் செய்த நாள்:
புதன், ஜனவரி 11,2017, 4:30 AM IST
பதிவு செய்த நாள்:
புதன், ஜனவரி 11,2017, 4:30 AM IST

ஆலந்தூர்,

சென்னையில் இருந்து இலங்கைக்கு கடத்த முயன்ற வெளிநாட்டு பணம் ரூ.5 லட்சத்தை சுங்க இலாகா அதிகாரிகள் பறிமுதல் செய்தனர்.

அதிகாரிகள் சோதனை

சென்னை மீனம்பாக்கம் பன்னாட்டு விமான நிலையத்தில் இருந்து இலங்கை தலைநகர் கொழும்புக்கு விமானம் செல்ல இருந்தது. இதில் பயணம் செய்ய வந்த பயணிகளை சுங்க இலாகா அதிகாரிகள் சோதனை செய்தனர்.

அப்போது சென்னையை சேர்ந்த கிருஷ்ணகுமார் (வயது 40) என்பவர் வந்தார். அவரது நடவடிக்கையில் சுங்க இலாகா அதிகாரிகளுக்கு சந்தேகம் ஏற்பட்டது. இதனால் அவரது கைப்பையை அதிகாரிகள் சோதனை செய்தனர்.

வெளிநாட்டு பணம் பறிமுதல்

அதில் துணிகளுக்கு இடையே கட்டுக்கட்டாக அமெரிக்க டாலர்கள் மறைத்து வைக்கப்பட்டிருந்தது தெரியவந்தது. இதையடுத்து ரூ.5 லட்சம் மதிப்புள்ள அமெரிக்க டாலர்களை அதிகாரிகள் பறிமுதல் செய்தனர்.

இலங்கைக்கு சுற்றுலா விசாவில் செல்வதற்காக வந்த கிருஷ்ணகுமாரின் விமான பயணத்தை அதிகாரிகள் ரத்து செய்தனர். பின்னர் அவரிடம் அமெரிக்க டாலர்கள் கொடுத்து அனுப்பியது யார்? என விசாரணை நடத்தி வருகின்றனர்.

வாலிபர் தற்கொலை

* வியாசர்பாடியை சேர்ந்தவர் வினோத்குமார் (30). கருத்து வேறுபாடு காரணமாக மனைவி பிரிந்து சென்றதால் விரக்தி அடைந்த அவர் ஆவடி அருகே மோரை பகுதியில் உள்ள தனது தாய் வீட்டில் தூக்குப்போட்டு தற்கொலை செய்தார்.

* கிண்டி கத்திப்பாரா மேம்பால தடுப்புச்சுவரில் முட்டை ஏற்றிச்சென்ற லாரி மோதி கவிழ்ந்ததில் 37 ஆயிரம் முட்டைகள் உடைந்தன. லாரி டிரைவர் கிருஷ்ணமூர்த்தி லேசான காயம் அடைந்தார். இந்த சம்பவத்தால் 1 மணி நேரம் போக்குவரத்து பாதிக்கப்பட்டது.

* ஆதம்பாக்கம் பாலகிருஷ்ணாபுரம் பகுதியை சேர்ந்த குருமூர்த்தி மனைவி சுபா (27) தூக்குப்போட்டு தற்கொலை செய்து கொண்டார். அவரை தற்கொலைக்கு தூண்டியதாக குருமூர்த்தியை போலீசார் கைது செய்தனர்.

* குடிப்பழக்கம் காரணமாக எம்.ஜி.ஆர் நகரை சேர்ந்த பெயிண்டர் அப்புதினேஷ் (18) தூக்குப்போட்டு இறந்தார்.

தவறி விழுந்து சாவு

* வில்லிவாக்கம் பகுதியை சேர்ந்த வீரமணி (54), புழல் லட்சுமிபுரம் பகுதியில் கட்டுமான பணியில் ஈடுபட்டிருந்தார். அப்போது 2–வது மாடியில் இருந்து தவறி விழுந்து படுகாயம் அடைந்த அவர் ஆஸ்பத்திரியில் உயிரிழந்தார்.

* கடந்த 5–ந்தேதி மின்சார ரெயில் மோதியதில் படுகாயம் அடைந்த வடமாநில வாலிபர் தபன்மண்டல் (34), நேற்று ஆஸ்பத்திரியில் சிகிச்சை பலனின்றி இறந்தார்.

* அம்பத்தூர் அருகே மோட்டார்சைக்கிளில் சென்று கொண்டிருந்த எழும்பூரை சேர்ந்த முகில் ரஞ்சித் (26) வேன் மோதி பலியானார்.

* அண்ணா பல்கலைக்கழக வளாகத்தில் உள்ள கிண்டி பொறியியல் கல்லூரியில் மாணவ–மாணவிகள் யாரும் வகுப்புக்குள் தின்பண்டங்கள் கொண்டு வரக்கூடாது என உத்தரவிடப்பட்டுள்ளது.

* மாம்பலம்–சைதாப்பேட்டை ரெயில் நிலையங்களுக்கு இடையே தண்டவாளத்தை கடக்க முயன்ற 25 வயது மதிக்கத்தக்க வாலிபர் ஒருவர் மின்சார ரெயில் மோதி பலியானார்.

* திருவல்லிக்கேணி வெங்கடேசபுரத்தில் சாலை ஓரமாக நிறுத்தப்பட்டிருந்த 2 மோட்டார்சைக்கிள்களை மர்மநபர்கள் தீ வைத்து எரித்துவிட்டதாக போலீசில் புகார் செய்யப்பட்டுள்ளது.

கருத்துகள்
0
வாசிக்கப்பட்டது
25
பிரதி
Share
DailyThandhi_625x60px.gif

கருத்துக்களை பதிவு செய்ய இங்கே லாக் ஆன் செய்யவும்:
OR
*
இயல்பாக நீங்கள் ஆங்கிலத்தில் டைப் செய்யும் எழுத்துக்கள் “Space bar” ஐ அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G ஐ அழுத்தவும். மறுபடியும் தமிழில் டைப் செய்ய மீண்டும் CTRL+G ஐ அழுத்தவும்.
அதிகபட்ச எழுத்துக்கள் - 1500
முக்கிய குறிப்பு: தினத்தந்தி இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு தினத்தந்தி நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு webeditor@dt.co.in என்ற இந்த இமெயில் முகவரிக்கு தொடர்பு கொள்ளவும்.
அதிக கருத்துக்கள் பதிவு செய்தவர்கள்
img
Bronze 3191 crone
1
img
Bronze 2788 crone
2
img
Bronze 992 crone
3
img
Bronze 832 crone
4