<
பாலிவுட் நடிகர் வினோத் கன்னா மறைவு பிரதமர் மோடி;ரஜினிகாந்த் இரங்கல்
பழம்பெரும் நடிகர் வினோத் கன்னா மறைவுக்கு பிரதமர் மோடி நடிகர் ரஜினிகாந்த் உள்ளிட்டோர் இரங்கல் தெரிவித்துள்ளனர்.
புதுடெல்லி,
பாலிவுட் நடிகர் வினோத் கண்ணா புற்றுநோயால் பாதிக்கப்பட்டிருந்தார். இந்நிலையில் உடல் நலக்குறைவுகாரணமாக கடந்த ஏப்ரல் மாதம் 3-ம் தேதி மும்பையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். இந்நிலையில் சிகிச்சை பலனின்றி அவர் உயிரிழந்தார்.
அவரது மறைவிற்கு பாலிவுட் நடிகர் நடிகைகள் இரங்கல் தெரிவித்து வருகின்றனர்.
வினோத் கன்னா மறைவுக்கு பிரதமர் மோடி இரங்கல் செய்தியில் கூறியிருப்பதாவது:
நடிகர் வினோத் கண்ணா மறைவு மிகுந்த வருத்தம் அளிக்கிறது. மக்கள் மனதில் அர்ப்பணிப்புள்ள தலைவராகவும், நடிகராகவும் என்னென்றும் நிலைத்திருப்பார்.
இவ்வாறு அவர் கூறியுள்ளார்.
நடிகர் ரஜினிகாந்த் தெரிவித்துள்ள இரங்கல் செய்தியில் கூறியிருப்பதாவது:
மை டியர் பிரண்ட் வினோத் கன்னாவின் ஆன்மா சாந்தி அடைய இறைவனை பிரார்த்திகிறேன். அவரது குடும்பத்திற்கு ஆழ்ந்த இரங்கலை தெரிவித்துக்கொள்கிறேன்.
இவ்வாறு அதில் கூறப்பட்டுள்ளது.
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
