நீதிபதிகள் தீர்ப்பு வழங்கும் முன் யோசிக்க வேண்டும் இல்லாத காவிரி நீரை எங்கிருந்து திறந்துவிடுவது? முன்னாள் பிரதமர் தேவேகவுடா கேள்வி||Cauvery-absenceWhere-water-is-going-to-open-up
home
முகப்புArrowசெய்திகள்Arrowபிற மாநில செய்திகள்Arrowபெங்களூர்
நீதிபதிகள் தீர்ப்பு வழங்கும் முன் யோசிக்க வேண்டும் இல்லாத காவிரி நீரை எங்கிருந்து திறந்துவிடுவது? முன்னாள் பிரதமர் தேவேகவுடா கேள்வி
கருத்துகள்
0
வாசிக்கப்பட்டது
33
பிரதி
Share
மாற்றம் செய்த நாள்:
புதன், ஜனவரி 11,2017, 5:45 AM IST
பதிவு செய்த நாள்:
புதன், ஜனவரி 11,2017, 2:09 AM IST

பெங்களூரு,

“நீதிபதிகள் தீர்ப்பு வழங்கும் முன் யோசிக்க வேண்டும். இல்லாத காவிரி நீரை எங்கிருந்து திறந்துவிடுவது?“ என்று முன்னாள் பிரதமர் தேவேகவுடா கேள்வி எழுப்பியுள்ளார்.

போக்குவரத்து நெரிசல்

பெங்களூருவில் நேற்று ‘பி–பேக்‘ அமைப்பு சார்பில் ஒரு நிகழ்ச்சி நடைபெற்றது. இதில் முன்னாள் பிரதமர் தேவேகவுடா கலந்து கொண்டு பேசியதாவது:–

“அரசியல்வாதிகளின் நடவடிக்கைகளை மக்கள் உன்னிப்பாக கவனிக்கிறார்கள். அதனால் அரசியல்வாதிகள் தங்களின் நடவடிக்கையை மாற்றிக்கொள்ள வேண்டியது அவசியம். பெங்களூருவில் மக்கள்தொகை பெருக்கம் மற்றும் போக்குவரத்து நெரிசல் என்பது பெரிய பிரச்சினையாக உள்ளது. இந்த பிரச்சனையை தீர்க்க அனைவரும் இணைந்து முயற்சி செய்ய வேண்டும்.

அரசியல் தூய்மையாக...

பூங்கா நகரம் என்ற பெருமையை பெற்று இருந்த பெங்களூரு தற்போது மாறிவிட்டது. இங்குள்ள மக்கள்தொகை 1 கோடிக்கு மேல் சென்றுவிட்டது. நகரில் பிரச்சினைகள் அதிகரித்துவிட்டன. குடிநீர், போக்குவரத்து மற்றும் வீட்டு வசதி பிரச்சினைகள் அதிகரித்து வருகின்றன. இந்த பிரச்சினைகளுக்கு தீர்வு காண அரசியல்வாதிகள் மற்றும் நகர குடிமக்கள் சங்கங்கள் இணைந்து செயல்பட வேண்டும்.

மாநிலத்தில் அதிகார துஷ்பிரயோகம் நடக்கிறது. பிரச்சினைகளை தீர்க்க வேண்டுமென்றால் அரசியல் தூய்மையாக இருக்க வேண்டும். இது மிக கடினமான பணி. நான் ஏமாற்றம் அடையவில்லை. அதனால் தான் இந்த வயதிலும் அரசியலில் ஈடுபட்டு வருகிறேன். எனது அனுபவத்தை அடுத்த தலைமுறைக்கு தெரிவிக்க வேண்டும், அதை மக்களிடம் பதிவு செய்ய வேண்டும் என்பதால் நான் இன்னும் அரசியலில் நீடிக்கிறேன்.

மக்களுக்கு பதில் சொல்வது...

நான் 55 ஆண்டுகளாக அரசியலில் உள்ளேன். தற்போது நிலைமை மிக மோசமான சூழ்நிலையில் உள்ளது. குடிநீர் என்பது அடிப்படை உரிமை ஆகும். ஆனால் காவிரி பிரச்சினையில் சுப்ரீம் கோர்ட்டு தமிழகத்திற்கு தண்ணீரை திறந்துவிடும்படி அடிக்கடி உத்தரவிடுகிறது. இல்லாத காவிரி நீரை எங்கிருந்து திறந்து விடுவது? இதில் மக்களுக்கு பதில் சொல்வது நம்மை போன்றவர்களுக்கு பெரும் பிரச்சினையாக உள்ளது.

நீதிபதிகள் தீர்ப்பு வழங்கும்போது ஆழ்ந்து யோசிக்க வேண்டும். உண்மை நிலையை அறிந்து தீர்ப்பு வழங்க வேண்டும். பிரதமர் மோடி உயர் மதிப்பு கொண்ட ரூபாய் நோட்டுகளை ரத்து செய்தபோது, அதை நான் வரவேற்றேன். விவசாயிகள் சந்திக்கும் பிரச்சினைகளுக்கு தீர்வு காணுமாறு கூறினேன். ஆனால் அதன் பிறகு வங்கிகளில் பணத்தை எடுப்பது தொடர்பாக 65 முறை விதிமுறைகளை ரிசர்வ் வங்கி மாற்றி உத்தரவிட்டது. இதனால் மக்கள் பெரிதும் பாதிக்கப்பட்டுள்ளனர்.

இன்னும் தேவையான அளவுக்கு பணத்தை எடுக்க முடியாத நிலை உள்ளது. ரூபாய் நோட்டுகளை ரத்து செய்வதற்கு முன் அதனால் ஏற்படும் பாதிப்புகள் மற்றும் தேவையான முன்எச்சரிக்கை நடவடிக்கைகளை எடுத்து இருக்க வேண்டும். அதை மத்திய அரசு செய்யவில்லை.“

இவ்வாறு தேவேகவுடா பேசினார்.

இந்த நிகழ்ச்சியில் லோக் அயுக்தா முன்னாள் நீதிபதி சந்தோஷ் ஹெக்டே உள்பட பலர் கலந்து கொண்டனர்.

கருத்துகள்
0
வாசிக்கப்பட்டது
33
பிரதி
Share
DailyThandhi_625x60px.gif

கருத்துக்களை பதிவு செய்ய இங்கே லாக் ஆன் செய்யவும்:
OR
*
இயல்பாக நீங்கள் ஆங்கிலத்தில் டைப் செய்யும் எழுத்துக்கள் “Space bar” ஐ அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G ஐ அழுத்தவும். மறுபடியும் தமிழில் டைப் செய்ய மீண்டும் CTRL+G ஐ அழுத்தவும்.
அதிகபட்ச எழுத்துக்கள் - 1500
முக்கிய குறிப்பு: தினத்தந்தி இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு தினத்தந்தி நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு webeditor@dt.co.in என்ற இந்த இமெயில் முகவரிக்கு தொடர்பு கொள்ளவும்.
அதிக கருத்துக்கள் பதிவு செய்தவர்கள்
img
Bronze 3191 crone
1
img
Bronze 2790 crone
2
img
Bronze 993 crone
3
img
Bronze 832 crone
4