மாநில செய்திகள்
சீட்டு நடத்தி ரூ.60 லட்சம் மோசடி: தலைமறைவான தம்பதி தேடப்படும் குற்றவாளிகள் போலீஸ் அறிவிப்பு

சீட்டு நடத்தி ரூ.60 லட்சம் மோசடி: தலைமறைவான தம்பதி தேடப்படும் குற்றவாளிகள் போலீஸ் அறிவிப்பு
சீட்டு நடத்தி ரூ.60 லட்சம் மோசடி செய்து விட்டு தலைமறைவான தம்பதியை தேடப்படும் குற்றவாளிகளாக போலீசார் அறிவித்துள்ளனர். ரூ.60 லட்சம் மோசடி புதுச்சேரி சண்முகாபுரம் அண்ணாவீதியை சேர்ந்தவர் பழனி(வயது 32). இவரது மனைவி அழகம்மாள்(28). இவர்கள் இருவரும் சீட்டு ந

புதுச்சேரி,

சீட்டு நடத்தி ரூ.60 லட்சம் மோசடி செய்து விட்டு தலைமறைவான தம்பதியை தேடப்படும் குற்றவாளிகளாக போலீசார் அறிவித்துள்ளனர்.

ரூ.60 லட்சம் மோசடி

புதுச்சேரி சண்முகாபுரம் அண்ணாவீதியை சேர்ந்தவர் பழனி(வயது 32). இவரது மனைவி அழகம்மாள்(28). இவர்கள் இருவரும் சீட்டு நடத்தி வந்தனர். இவர்களிடம் 40–க்கும் மேற்பட்டோர் சீட்டு கட்டி வந்தனர். சீட்டு கட்டியவர்களுக்கு சரியாக பணத்தை திருப்பித் தராமல் ரூ.60 லட்சம் மோசடி செய்ததாக கூறப்படுகிறது.

இந்தநிலையில் கடந்த 19.12.2015 அன்று கணவன்–மனைவி இருவரும் தலைமறைவாகி விட்டனர். அவர்களிடம் சீட்டு கட்டி ஏமாந்த பொதுமக்கள் மேட்டுப்பாளையம் போலீஸ் நிலையத்தில் புகார் செய்தனர். புகாரின் பேரில் மேட்டுப்பாளையம் போலீசார் வழக்குப்பதிவு செய்து கணவன்–மனைவி இருவரையும் வலைவீசி தேடி வந்தனர். 2 ஆண்டுகள் ஆனபோதிலும் இதுவரை அவர்களை பற்றிய விவரம் எதுவும் கிடைக்கவில்லை.

தேடுதல் வேட்டை தீவிரம்

இந்த நிலையில் பழனி மற்றும் அவரது மனைவி அழகம்மாளை தேடப்படும் குற்றவாளியாக மேட்டுப்பாளையம் போலீசார் அறிவித்து அவர்களது புகைப்படத்தை வெளியிட்டுள்ளனர். சப்–இன்ஸ்பெக்டர் வெற்றிவேல் தலைமையில் போலீசார் தனிப்படை அமைத்து தேடுதல் வேட்டையை தீவரமாக நடத்தி வருகின்றனர்.