கனத்த இதயத்தோடுதான் பேருந்து கட்டணம் உயர்த்தப்பட்டுள்ளது; பேருந்து கட்டண உயர்வு தவிர்க்க முடியாது- அமைச்சர் ஜெயக்குமார் | திருவண்ணாமலை தெற்கு மாவட்டம் மற்றும் ராமநாதபுரம் மாவட்டத்தில் உள்ள தினகரன் ஆதரவாளர்கள் கட்சியிலிருந்து நீக்கம் - அதிமுக.. | பேருந்து கட்டண உயர்வை கண்டித்து திருவண்ணாமலை, தஞ்சாவூர், அரியலூர், திருவாரூர், அருப்புக்கோட்டை போன்ற பல்வேறு இடங்களில் அரசு மற்றும் தனியார் கல்லூரி மாணவ, மாணவிகள் போராட்டம் | விழுப்புரம் அரசு கலைக்கல்லூரி மாணவ, மாணவிகள் பேருந்து கட்டண உயர்வை கண்டித்து வகுப்பை புறக்கணித்து போராட்டம் | தற்போது நடக்கும் அதிமுக அரசை, யாராலும் அசைக்க முடியாது - நடிகர் ராமராஜன் | மாவட்டந்தோறும் ரஜினி மன்றத்துக்கு மகளிர் அணி தலைவி | அதிமுக எம்எல்ஏ பன்னீர்செல்வம் மீது தாக்குதல் |

மாநில செய்திகள்

ஜல்லிக்கட்டு தமிழர்களின் பாரம்பரிய விளையாட்டு ஐகோர்ட்டு மூத்த நீதிபதி பேச்சு + "||" + High Court senior judge Speech

ஜல்லிக்கட்டு தமிழர்களின் பாரம்பரிய விளையாட்டு ஐகோர்ட்டு மூத்த நீதிபதி பேச்சு

ஜல்லிக்கட்டு தமிழர்களின் பாரம்பரிய விளையாட்டு ஐகோர்ட்டு மூத்த நீதிபதி பேச்சு
ஜல்லிக்கட்டு தமிழர்களின் பாரம்பரிய விளையாட்டு என்றும், இது பல நூற்றாண்டுகளாக தமிழகத்தில் நடத்தப்பட்டது என்றும் ஐகோர்ட்டு மூத்த நீதிபதி ஹூலுவாடி ஜி.ரமேஷ் கூறினார்.
சென்னை,

பொங்கல் பண்டிகை

சென்னை ஐகோர்ட்டு வக்கீல்கள் சங்கத்தின் சார்பில் நேற்று பொங்கல் விழா கொண்டாடப்பட்டது. இந்த விழாவுக்கு வக்கீல் சங்கத்தின் தலைவர் ஜி.மோகனகிருஷ்ணன் தலைமை தாங்கினார். துணை தலைவர் ஆர்.சுதா, பொருளாளர் எஸ்.காமராஜ் ஆகியோர் முன்னிலை வகித்தனர். விழாவில் தலைமை நீதிபதி சஞ்சய்கிஷன் கவுல், மூத்த நீதிபதிகள் ஹூலுவாடி ஜி.ரமேஷ், எம்.ஜெயசந்திரன், எம்.வி.முரளிதரன் ஆகியோர் கலந்து கொண்டு சிறப்புரையாற்றினார்கள்.

தலைமை நீதிபதி சஞ்சய்கிஷன் கவுல் பேசும்போது, ‘ஒவ்வொரு மாநிலத்திலும் அந்தந்த மாநில கலாசாரத்துக்கு ஏற்ப புத்தாண்டை வரவேற்கிறார்கள். ஒவ்வொரு புத்தாண்டையும், தமிழர்கள் பாரம்பரிய கலாசார விழாவான பொங்கல் பண்டிகையோடு வரவேற்கின்றனர். ஆனால், தற்போது தமிழகத்தில் கடுமையான வறட்சி ஏற்பட்டுள்ளது. அதனால், இந்த ஆண்டு பொங்கல் பண்டிகை விவசாய பெருமக்களுக்கு சிறப்பாக இருக்காது. எனவே, வறட்சியால் வாடும் விவசாயிகளுக்கு வக்கீல்கள் தங்களால் முடிந்த உதவிகளை செய்ய வேண்டும்’ என்று கூறினார்.

ஜல்லிக்கட்டு


மூத்த நீதிபதி ஹூலுவாடி ஜி.ரமேஷ் பேசும்போது, ‘பொங்கல் பண்டிகையை முன்னிட்டு தமிழகத்தில் ஜல்லிக்கட்டு நடத்தப்பட்டன. இந்த ஜல்லிக்கட்டு போட்டி என்பது பல நூற்றாண்டுகளாக தமிழகத்தில் நடந்து வந்துள்ளது. இது தமிழர்களின் பாரம்பரிய விளையாட்டு என்பதிலும் மாற்றுக்கருத்து கிடையாது. ஆனால், இந்த ஜல்லிக்கட்டில் மாடுகள் சில கொடுமைப்படுத்தப்படுவதால், அதற்கு சுப்ரீம் கோர்ட்டு தடை விதித்துள்ளது’ என்று பேசினார்.

முன்னதாக சங்கத்தின் செயலாளர் ஆர்.கிருஷ்ணகுமார் அனைவரையும் வரவேற்றார். நூலகர் ஜி.ராஜேஷ் நன்றி கூறினார். நிகழ்ச்சியை மூத்த செயற்குழு உறுப்பினர்கள் வி.நன்மாறன், டி.ஆர்.தாரா ஆகியோர் தொகுத்து வழங்கினார்கள்.