டெல்லியில் முதல்வர் ஓ.பன்னீர்செல்வத்துடன் பொன்.ராதாகிருஷ்ணன் சந்திப்பு

புதுடெல்லி

புதுடெல்லியில் முதல்-அமைச்சர் ஓ. பன்னீர்செல்வத்தை  மத்திய மந்திரி பொன்.ராதாகிருஷ்ணன் சந்தித்தார். அப்போது ஜல்லிக்கட்டு விவகாரம் குறித்து இருவரும் ஆலோசனை நடத்தியதாக கூறப்படுகிறது.

இந்த சந்திப்புக்கு பின் பொன்.ராதா கிருஷ்ணன் நிருபர்களிடம் கூறியதாவது:-

முதலமைச்சர் பன்னீர்செல்வத்தை மரியாதை நிமித்தமாக சந்தித்தேன். பிரதமரிடம் பேசிய பிரச்சனைகள் குறித்து விவாதித்தோம்.தமிழக அரசு எடுக்கும் நடவடிக்கைக்கு ஆதரவு அளிப்பதாக பிரதமர் உறுதியளித்திருப்பது நூற்றுக்கு நூறு உண்மையானது. தமிழக அரசின் அறிக்கைக்கு பிறகே வறட்சி நிவாரணம் குறித்து அறிவிக்கப்படும் என கூறினார்.