சீனியர் டிவிசன் லீக் கால்பந்து: விவா சென்னை அணிக்கு 8-வது வெற்றி

சென்னை, 

சென்னை மாவட்ட கால்பந்து சங்கம் சார்பில் சீனியர் மற்றும் முதல் டிவிசன் லீக் கால்பந்து போட்டி நேரு ஸ்டேடியத்தில் நடந்து வருகிறது. இதில் சீனியர் டிவிசனில், நேற்று நடந்த ஆட்டத்தில் விவா சென்னை அணி 3-0 என்ற கோல் கணக்கில் சென்னை யுனைடெட் அணியை வீழ்த்தியது. 10-வது ஆட்டத்தில் ஆடிய விவா சென்னை அணி பெற்ற 8-வது வெற்றி இதுவாகும். முதல் டிவிசன் ஆட்டத்தில் ஒய்.எம்.எஸ்.சி. அணி 6-0 என்ற கோல் கணக்கில் சென்னை தபால் துறை அணியை தோற்கடித்தது. இன்று நடைபெறும் சீனியர் டிவிசன் லீக்கில் இந்தியன் வங்கி-ஏ.ஜி.அலுவலகம் (மாலை 5 மணி), முதல் டிவிசன் லீக்கில் லெவன் வாரியர்ஸ்-ரிசர்வ் வங்கி அணிகள் மோதுகின்றன.