உதிரி வருமானங்கள் பெருகும் நாள். பிரபலமானவர்களின் சந்திப்பு கிடைத்து மகிழ்வீர்கள்.  பரபரப்புடன் செயல்படுவீர்கள். பாதியில் நின்ற கட்டிடப் பணிகளை மீதியும் தொடரும் எண்ணம் உருவாகும். வரவு திருப்தி தரும்.

16.11.2018 முதல் 22.11.2018 வரை

முன்யோசனையுடன் காரியங்களைச் செய்யும் கும்ப ராசி அன்பர்களே!

முக்கியமான செயல்களை அதிக முயற்சியுடன் செய்து முன்னேற்றமான பலன்களை அடைவீர்கள்.

உத்தியோகம்: உத்தியோகத்தில் வேலைப்பளு கூடும். முக்கியமான செயல்களை அதிக முயற்சியுடன் செய்து முன்னேற்றமான பலன்களை அடைவீர்கள்.

தொழில்: சொந்தத்தொழில் செய்பவர்களுக்கு வருமானம் உயரும். வாடிக்கை யாளர்களின் நம்பிக்கைக்கு பாத்திரமாவார்கள். கூட்டு வியாபாரத்தில் எதிர் பார்க்கும் லாபம் கிடைக்கும். வேலையாட்களுக்கு ஊக்கமளித்து வியாபாரத்தைப் பெருக்குவீர்கள். பங்குச்சந்தை வியாபாரத்தில் சுமாரான லாபம் கிடைக்கலாம்.

கலை: புதிய ஒப்பந்தங்களைப் பெற கடும் முயற்சி மேற்கொள்வீர்கள்.

குடும்பம்: குடும்பத்தில் சிறுசிறு தொல்லைகள் இருந்தாலும் சீராக நடைபெற்று வரும். கணவன் - மனைவி இடையே ஒற்றுமை அதிகமாகும். தனவரவு எதிர்பார்த்தபடி இருக்கும்.

வார வழிபாடு: சனிக்கிழமை சனி பகவானுக்கு நல்லெண்ணெய் தீபமிட்டு வழிபடுங்கள்.

கார்த்திகை மாத ராசிபலன்கள்

17-11-2018 முதல் 15-12-2018 வரை

தொழில் வளர்ச்சி கூடும் நேரம்!

விளம்பி வருடம் கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்திலேயே உங்கள் ராசிக்கு 3, 10 ஆகிய இடங்களுக்கு அதிபதியான செவ்வாய், உங்கள் ராசியிலேயே சஞ்சரிக்கிறார். சகாய ஸ்தானம் மற்றும் தொழில் ஸ்தானத்திற்கு அதிபதியானவர் செவ்வாய் என்பதால் அவர் உங்கள் ராசியில் சஞ்சரிக்கும் பொழுது தொழில் முன்னேற்றம் ஏற்படும். துணையாக இருக்கும் நண்பர்கள் தோள்கொடுத்து உதவுவர். லாபம் எதிர்பார்த்தபடி வந்து சேரும். கரைந்த சேமிப்புகளை ஈடுகட்டும் விதத்தில் பணப்புழக்கம் அதிகரிக்கும்.

அதே நேரத்தில் 10–ல் குரு வந்திருப்பதால் பதவிகளில் ஏதேனும் பிரச்சினைகள் வருமோ என்று நீங்கள் நினைக்கலாம். குரு பகவான் இந்த மாதம் முழுவதும் அஸ்தமனத்தில் இருக்கிறார். எனவே எந்தப் பிரச்சினையும் ஏற்படாது. பொதுவாழ்வில் ஈடுபட்டிருப்பவர்களுக்குப் பொறுப்புகள் தானாக வந்து சேரும். செல்வாக்கு உயரும். அதிகாரப் பதவியில் உள்ளவர்களின் ஆதரவோடு அனைத்து           முயற்சிகளிலும் வெற்றி கிடைக்கும்.

6–ல் ராகு அமர்ந்து குரு கேந்திரத்தில் இருந்தால்  அஷ்டலட்சுமி யோகம் உருவாகும். எனவே நீங்கள் எந்தத் தொழில் செய்பவராக இருந்தாலும், அதில் எதிர்பார்த்ததைக் காட்டிலும் கூடுதலாக வருமானம் கிடைக்கும். வங்கிகளிலும் கடனுதவியை எதிர்பார்த்துக் காத்திருப்பவர்களுக்கு தொலைபேசி வழியாக நல்ல தகவல் வந்து சேரும். ஆற்றல் மிக்கவர்கள் உங்கள் அருகிலிருந்து உதவிசெய்வர்.

சனியின் பார்வை உங்கள் ராசியில் பதிவதால் ஒருசில சமயங்களில் சஞ்சலங்களும், சந்தோ‌ஷங்களும் மாறி மாறி வரும். ஆரோக்கியத்தில் அக்கறை காட்டுவது நல்லது. சனி, செவ்வாயைப் பார்ப்பதால் நரம்பு, எலும்பு சம்பந்தப்பட்ட பாதிப்புகள் ஏற்படலாம். உடன்பிறப்புகளின் குணம் திடீரென மாறும். சொத்துகளால் பிரச்சினைகளும், சொத்துப்பதிவில் தாமதங்களும் இருக்கும். புதிய சொத்துகள் வாங்குபவர்கள் வில்லங்கம் பார்த்து வாங்குவது நல்லது.

12–ல் கேது இருப்பதால் ஆன்மிகப் பயணங்கள் அதிகரிக்கும். குலதெய்வ வழிபாட்டில் கவனம் செலுத்துங்கள். அதுமட்டுமல்லாமல் ராசிநாதன் சனியால் நன்மை ஏற்பட சனிக்கிழமை தோறும் ஆதியந்தப் பிரபுவை வழிபட்டு வருவது உத்தமம். 

இம்மாதம் பரணி தீபமும், திருக்கார்த்திகை தீபமும் வருகின்றது. எனவே அன்றைய தினங்களில் கவசம் பாடி கந்தப்பெருமானை வழிபடுவதோடு, இலுப்பை எண்ணெயில் தீபம் ஏற்றி வழிபட்டால் இனிய பலன்கள் ஏராளமாக நடைபெறும்.

புதனின் வக்ர நிவர்த்தியும், பெயர்ச்சியும்!

உங்கள் ராசிக்கு புதன் பஞ்சம அஷ்டமாதிபதியானவர். அவர் மாதத் தொடக்கத்தில் வக்ர இயக்கத்தில் இருக் கிறார். நவம்பர் 24–ந் தேதி வக்ர நிவர்த்தியாகி துலாத்தில் சஞ்சரிக்கும் பொழுது, நல்ல பலன்களையே ஏராளமாக நடைபெற வழிவகுப்பார். சுக்ரனோடு இணைந்து புத–சுக்ர யோகத்தையும் உருவாக்குவதால் ஆடை, ஆபரணங்கள் வாங்கும் அமைப்பு உண்டு. அடுத்தவர் நலன்கருதி எடுத்த முயற்சியில் ஆதாயம் கிடைக்கும். டிசம்பர் 8–ந் தேதி விருச்சிகத்திற்கு புதன் செல்கிறார். அப்பொழுது புத ஆதித்ய யோகம் உருவாகின்றது. பெற்றோர் வழிப் பிரச்சினைகள் நல்ல முடிவிற்கு வரும். பிள்ளைகளின் கல்வி முன்னேற்றம் கருதி ஏதேனும் ஏற்பாடுகள் செய்திருந்தால், நல்ல முன்னேற்றம் கிடைக்கும். உத்தியோகத்தில் தலைமைப் பதவி வருவதற்கான அறிகுறிகள் தோன்றும்.

சுக்ரனின் வக்ர நிவர்த்திக் காலம்!

நவம்பர் 30–ந் தேதி சுக்ரன் வக்ர நிவர்த்தியாகிறார். உங்கள் ராசிக்கு 4, 9–க்கு அதிபதியானவர் சுக்ரன். அவர் வக்ர நிவர்த்தியான பிறகு வீடு கட்டும் முயற்சி அல்லது வீடு வாங்கும் முயற்சியில் அனுகூலம் கிடைக்கும். வியாபார விரோதங்கள் விலகும். அடகு வைத்த நகைகளை மீட்பீர்கள். நெடுந்தூரப் பயணங்களால் நெஞ்சம் மகிழும். கைநழுவிச் சென்ற வாய்ப்புகள் எல்லாம் கைகூடிவரும் நேரம் இது.

குருவின் சஞ்சார நிலை!

மாதத் தொடக்கத்தில் 10–ல் சஞ்சரிக்கும் குரு பகவான் பலமிழந்து அஸ்தமனத்தோடு சஞ்சரிக்கிறார். சப்தமாதிபதி சூரியனுடன் குரு இருப்பதால் கல்யாண முயற்சிகள் கைகூடும். கடல்தாண்டி வரும் செய்தி காதினிக்கச் செய்யும். எந்தக் காரியத்தையும் எடுத்தோம், முடித்தோம் என்று செய்து முடிப்பீர்கள். தன லாபாதிபதியான குரு அஸ்தமனம் பெறுவதால் பணப்புழக்கத்தில் மட்டும் கொஞ்சம் தடை ஏற்படும். இருந்தாலும் தன்னம்பிக்கை அதிகம் பெற்ற நீங்கள் எதையும் சமாளிப்பீர்கள். இதுபோன்ற காலங்களில் குரு வழிபாட்டை மேற்கொள்வதோடு, குரு பீடங்களுக்கும் சென்று வழிபட்டு வருவது நல்லது.

இம்மாதம் செவ்வாய் தோறும் முருகப்பெருமானையும், வியாழன் தோறும் குரு பகவானையும் வழிபட்டு வாருங்கள்.

பணத்தேவையைப் பூர்த்தி செய்யும் நாட்கள்:–
நவம்பர்: 10, 19, 23, 24, டிசம்பர்: 2, 3, 9, 10, 15 

மகிழ்ச்சி தரும் வண்ணம்:– ஆரஞ்சு

பெண்களுக்கான சிறப்புப் பலன்கள்!

இம்மாதம் உங்கள் ராசிநாதன் சனி லாப ஸ்தானத்தில் இருப்பதால், பணத்தேவைகள் உடனுக்குடன் பூர்த்தியாகும். பக்குவமாகப் பேசி காரியங்களைச் சாதித்துக் கொள்வீர்கள். தாய்வழி ஆதரவும், சகோதரர்கள் ஒத்துழைப்பும் கிடைக்கும். இடம், வீடு வாங்க  நினைத்தவர்களுக்கு அது கைகூடும். கணவன் – மனைவிக்குள் இருந்த கருத்து வேறுபாடு அகலும். பிள்ளைகளுக்கு வேலை கிடைத்து உதிரி வருமானங்கள் வந்து சேரும். சுக்ரனின் வக்ர நிவர்த்திக்குப் பிறகு பெற்றோர் வழியில் வரவு உண்டு. பெண் பிள்ளைகளின் கல்யாண முயற்சி கைகூடும். திருக்கார்த்திகைத் திருநாளில் முறையாக முருகப்பெருமானை வழிபடுவதோடு, யோகபலம் பெற்ற நாளில் வராகி அம்மன் வழிபாட்டையும் மேற்கொண்டால் பணியில் இருந்த தொய்வு அகலும். எதிர்பார்த்தபடி முன்னேற்றம் வந்து சேரும்.

2018-ம் ஆண்டு புத்தாண்டு பலன்கள்

(அவிட்டம் 3,4 பாதங்கள், சதயம், பூரட்டாதி 1,2,3 பாதங்கள் வரை) (பெயரின் முதல் எழுத்துக்கள்: கு,கூ,கோ,ஸி,ஸீ,ஸே,ஸோ,தா உள்ளவர்களுக்கும்)

குருவின் பார்வை பதிகின்றது! கூடுதல் நன்மை கிடைக்கின்றது!

யார் மனமும் புண்படாமல் பேசச் சொல்லும் கும்ப ராசி அன்பர்களே!

2018 புத்தாண்டு புதிய பாதையை உங்களுக்குப் புலப்படுத்தப் போகின்றது. தொடக்கத்திலேயே தன லாபாதிபதி குருவின் பார்வை உங்கள் ராசியில் பதிகின்றது. வெற்றிகள் ஸ்தானத்திற்கும், தொழில் ஸ்தானத்திற்கும் அதிபதியான செவ்வாய், குருவோடு இணைந்திருப்பதால் இந்த ஆண்டு இனிய ஆண்டாகவும், ஏராளமான நன்மைகளை வழங்கும் ஆண்டாகவும் மலரப்போகிறது. தடைகள் அகலும். தனலாபம் எதிர்பார்த்தபடி அமையும். மங்கல நிகழ்ச்சிகள் அடுத்தடுத்து இல்லத்தில் நடைபெற்று மகிழ்ச்சியை வழங்கும்.

வருடத் தொடக்கத்தில் உங்கள் ராசிநாதன் சனிபகவான், லாப ஸ்தானத்தில் சஞ்சரிக்கிறார். குருவின் பார்வையும், உங்கள் ராசியில் பதிந்து கூடுதல் நன்மையை கிடைக்க வைக்கின்றது. எனவே வருமானம் திருப்திகரமாக இருக்கும். வாங்கல்- கொடுக்கல்கள் சிறப்பாக இருக்கும். வராத தொகையும் வசூலாகும். வந்த தொகையும் சேமிப்பாகும். தொழிலில் இதுவரை இல்லாத அளவிற்கு இப்பொழுது வெற்றிநடை போடுவீர்கள்.

சனியின் பார்வை உங்கள் ராசியில் பதிகின்றதே என்று நீங்கள் நினைக்க வேண்டாம். விரயாதிபதி, ஆதிபத்யமும் பெற்ற சனிபகவான், உங்கள் ராசியைப் பார்க்கும் பொழுது நல்ல விரயங்களையே ஏற்படுத்துவார். இதுநாள் வரை குடும்ப முன்னேற்றம் கருதி போட்டு வைத்த திட்டங்களையெல்லாம் நிறைவேற்றுவார். காரியங்கள் அனைத்திலும் வெற்றி கிடைக் கும்.

ராகு-கேதுக்களின் ஆதிக்கத்தைப் பொறுத்தவரை ஓரளவு நன்மை தரும் வித்திலேயே இருக்கிறது. 6-ல் சஞ்சரிக்கும் ராகுவால் மறைமுக எதிர்ப்புகள் மாறும். மாற்றங்களும், ஏற்றங் களும் வந்து சேரும். கூட்டுத் தொழிலில் இருந்து விலகி தனித்து இயங்க முற்படுவீர்கள். உத்தியோக வாய்ப்புகள் ை-கைகூடும். உடல் ஆரோக்கியத்திற்காக செலவழித்த தொகை குறையும். பெரிய மனிதர்களின் நட்பால் பிரச்சினைகளில் இருந்து விடுபடுவீர்கள். 12-ல் சஞ்சரிக்கும் கேது பயணங்களுக்கு உறுதுணையாக இருக் கும். வெளிமாநிலங்களுக்கும், வெளிநாடுகளுக்கும் உத்தியோகம் சம்பந்தமாக செல்ல நினைத்தவர்களுக்கு அது கைகூடும். திட்டமிட்ட காரியங் கள் திட்டமிட்டபடியே நடைபெறும் நேரமிது.

சப்தமாதிபதி சூரியன் லாப ஸ்தானத்தில் சுக்ரனோடும், சனியோடும் இணைந்திருக்கிறார். 4,9 ஆகிய இடங்களுக்கு அதிபதியானவர் சுக்ரன். அவர் 11-ம் இடத்தில் சஞ்சரிப்பது யோகம் தான். எனவே மனதில் இருந்த இனம் புரியாத கவலை மாறும். எதிர்காலத்தைப் பற்றிய பயம் அகலும். பணியிடத்தில் உங்களுக்குரிய சலுகைகள் கிடைக்கும். எதிர்பார்த்த புதிய ஒப்பந்தங்கள் வந்து சேரும். அரசியல் ஈடுபாடு கொண்டவர்களுக்கு ஆதாயம் கிடைக்கும்.

இருப்பினும் உங்கள் சுய ஜாதகத்தோடு, புத்தாண்டு கிரக நிலைகளை ஒப்பிட்டுப் பார்த்து பலன் அறிந்து, அதற்குத் தகுந்தாற்போல் வழிபாடுகளை மேற்கொள்வது சிறப்பு தரும்.

புத்தாண்டின் தொடக்க நிலை!

புத்தாண்டின் தொடக்கத்தில் உங்கள் ராசிநாதன் சனி, லாப ஸ்தானத்தில் சஞ்சரிக்கிறார். அவர் உங்கள் ராசியைப் பார்ப்பதோடு 5,8 ஆகிய இடங்களையும் பார்க்கிறார். லாபத்தில் சனி வந்தால் நல்லதோர் தொழில் வாய்க்கும்; யோகங்கள் வந்து சேரும். யோசனைகள் வெற்றியாகும். நீங்கள் எடுத்த முடிவு சரியானதாக இருக்கும். இருப்பினும் ஜென்ம ராசியைச் சனி பார்ப்பதால், சில நேரங்களில் தடுமாற்றங்களும் வந்து சேரலாம். மனக்குழப்பங்கள் அகல, அருளாளர்களின் ஆலோசனைகள் கைகொடுக்கும். சனியின் பலத்தால் ஆதாயம் தரும் தொழிலைத் தொடங்க ஆர்வம் காட்டுவீர்கள்.

குருவின் பார்வை உங்கள் ராசியில் பதிவதோடு சகாய ஸ்தானம் மற்றும் புத்திர ஸ்தானத்திலும் பதிகின்றது. சனி பார்க்கும் இடங்களையே குருவும் பார்ப்பதால், இனிய பலன்களே வந்து சேரும். எதைத் தொட்டாலும் வெற்றி கிடைக்கும். ஆரோக்கியத் தொல்லை அகலும். பேச்சாற்றல், எழுத்தாற்றல் பெற்றவர்களாகவும், கலைத்துறையில் பங்குபெற்று புகழ் குவிப்பவர் களாகவும் திகழ்வார்கள்.

ஆண்டின் தொடக்கத்தில் 3,10-க்கு அதிபதியான செவ்வாய், 9-ம் இடத்தில் குருவோடு கூடியிருப்பது யோகம்தான். முன்னோர் வழிச் சொத்துகளில் முறையான பங்கீடு கிடைக்கலாம். பஞ்சாயத்துகள் நல்ல முடிவிற்கு வரும்.

குருப்பெயர்ச்சிக் காலம்!

ஆண்டின் தொடக்கத்தில் 9-ம் இடத்தில் சஞ்சரிக்கும் குரு பகவான், அக்டோபர் 4-ந் தேதி முதல் 10-ம் இடத்தில் சஞ்சரிக்கப் போகிறார். 10-ல் குரு வந்தால் பதவியில் மாற்றம் வரும் என்பார்கள். எனவே உங்களுக்கு உத்தியோகம், தொழிலில் ஏற்படும் மாற்றம் ஏற்றுக் கொள்ளக் கூடியதாகவே இருக்கும். உங்கள் ராசியைப் பொறுத்தவரை 2,11 ஆகிய இடங்களுக்கு அதிபதியானவர் குரு. 2-ம் இடம் தன ஸ்தானம் என்றும், 11-ம் இடம் லாப ஸ்தானம் என்றும் அழைக் கப்படுவதால், அதற்குரிய கிரகம் 10-ம் இடத்தில் சஞ்சரிக்கும் பொழுது, தொடங்கும் புதிய தொழில் லாபகரமாக இருக்கும். உத்தியோகத்தில் வேலைப்பளு கூடினாலும் வேண்டியஅளவிற்கு சம்பள உயர்வு கிடைக் கும்.

குருவின் பார்வை பதியும் இடங்களெல்லாம் புனிதமடைவதால் 2,4,6 ஆகிய இடங்களுக்குரிய ஆதிபத்யங்கள் இனிதாக நடைபெறும். கொடுத்த வாக்கைக் காப்பாற்றுவீர்கள். குடும்பத்தினர்களின் கோரிக்கைகள் நிறைவேற வழிவகுத்துக் கொடுப்பீர்கள். நீண்ட காலக் கனவுகள் நனவாகும். பணத்தேவைகள் உடனுக்குடன் பூர்த்தியாகும். இல்லம் கட்டிக் குடியேற வேண்டுமென்ற ஆசை நிறைவேறும். உள்ளம் மகிழும் சம்பவங்கள் ஒவ்வொன்றாக நடை பெறும். நல்லவர்களின் தொடர்பு நீடிக்கும்.

குருவின் அதிசார காலமும், வக்ர காலமும்!

14.2.2018 முதல் 11.4.2018 வரை குரு விருச்சிக ராசியில் அதிசாரம் பெறுகிறார். 7.3.2018 முதல் 4.7.2018 வரை குரு வக்ரம் பெறுகிறார். இதற்கிடையில் பிப்ரவரி 14-ந் தேதி முதல் மார்ச் 9-ந் தேதி வரை விருச்சிக ராசிக்குள் குரு- செவ்வாய் சேர்க்கை ஏற்பட்டு குரு-மங்கல யோகத்தை    வழங்குகிறது. இக்காலத்தில் பற்றாக் குறை ஏற்படலாம். தொழில் எதிர்பார்த்த அளவிற்கு லாபம் கிடைக்குமா? என்பது சந்தேகம் தான். தன லாபாதிபதி வக்ரம் பெறும் நேரத்தில் திட்டமிட்டு செலவு செய்வது நல்லது.

குரு அதிசார காலத்திலும், வக்ர காலத்திலும் குடும்ப ஒற்றுமை குறையலாம். விட்டுக் கொடுத்துச் செல்ல வேண்டிய நேரம் இது. எதைச்செய்தாலும் ஒருமுறைக்குப் பலமுறை யோசித்துச்செய்யுங்கள். இக்காலத்தில் முன்கோபத்தினால் பல நல்ல வாய்ப்புகளை இழக்க நேரிடலாம். எனவே கோபத்தை தளர்த்திக் கொள்ளுங்கள். தேக ஆரோக்கியம் சீராகும். வாகனங்களால் விரயங்கள் ஏற்படும். இக்காலத்தில் குருவழிபாட்டை மேற்கொள்வது நல்லது. குருவிற்குரிய ஆலயங் களான பட்டமங்கலம், ஆலங்குடி, திருச்செந்தூர் போன்ற ஆலயங் களுக்குச் சென்று வழிபட்டு வரலாம்.

சனியின் வக்ர காலம்!

ஏப்ரல் 25-ந் தேதி முதல் ஆகஸ்டு 20-ந் தேதி வரை மூல நட்சத்திரக் காலில் தனுசு ராசியில் சனி வக்ரம் பெறுகிறார். இக்காலத்தில் கொஞ்சம் கூடுதல் கவனத்துடன் செயல்படுவது நல்லது. விரயங்கள் அதிகரிக்கும். வீடு மாற்றங்களும், நாடு மாற்றங் களும் வந்து சேரும். பாடுபட்டதற்கேற்ற பலன் கிடைக்காது. பக்கபலமாக இருப்பவர்கள் உங்களை விட்டு விலகுவர். பொறுப்பு சொல்லி வாங்கிக் கொடுத்த தொகை வரவில்லையே என்ற கவலை மேலோங்கும். மன அமைதி குறையும் நேரமிது.

விரயாதிபதியாகவும் சனி விளங்குவதால், வக்ர காலத்தில் சுப விரயங்களை மேற்கொள்ளலாம். பிள்ளைகளின் எதிர்கால நலன் கருதி எடுத்த முயற்சிகளுக்கு பலன் கிடைக்கும். பெண் பிள்ளைகளின் திருமணம் முடிவாகலாம். செவ்வாய்- சனி சேர்க்கை காலத்தில் அபரிமிதமான செலவு ஏற்படலாம். வரவு ஒரு மடங்கு வந்தால், செலவு இருமடங்காகும். கைமாற்று வாங்கும் சூழ்நிலை கூட உருவாகலாம். சொத்துகளை விற்க வேண்டிய நிர்ப்பந்தம் ஒரு சிலருக்கு வந்து சேரும். இந்த காலத்தில் உங்களுக்கு நடைபெறும் திசாபுத்திக்கேற்ற தெய்வ வழிபாடுகளை வழிபடுவது நல்லது.

வளர்ச்சி தரும் வழிபாடு!

வெள்ளிக்கிழமை தோறும் மகாலட்சுமி வழிபாட்டையும், சனிக்கிழமை தோறும் வாலில் மணிகட்டிய ஆஞ்சநேயர் வழிபாட்டையும் மேற்கொள்ளுங்கள். அஷ்டலட்சுமிகளின் பெயர் களை அதிகாலையில் உச்சரித்து வருவது நல்ல பலனைத் தரும்.

செவ்வாய் பெயர்ச்சியும், உச்சமும்!

உங்கள் ராசிக்கு 3,10 ஆகிய இடங்களுக்கு அதிபதியானவர் செவ்வாய். வெற்றிகள் ஸ்தானம் மற்றும் தொழில் ஸ்தானம் ஆகியவற்றிற்கு அதிபதியாக விளங்கும் செவ்வாய், ஜனவரி 20-ந் தேதி முதல் மார்ச் 10-ந் தேதி வரை தனது சொந்த வீடான விருச்சிகத்தில் சஞ்சரிக்கிறார். இந்த காலத்தில் வளர்ச்சி கூடும். வசதி வாய்ப்புகள் பெருகும். தளர்ச்சி அகலும். தனித்திறமை பளிச்சிடும். உறவினர்கள் உதவிக்கரம் நீட்டுவர். விலகிச் சென்ற உடன்பிறப்புகள் விரும்பி வந்து சேருவர்.

ஏப்ரல் 30-ந் தேதி முதல் அக்டோபர் 26-ந் தேதி வரை மகரத்தில் செவ்வாய் உச்சம் பெறுகிறார். 10-ம் இடத்திற்கு அதிபதி உச்சம் பெறுவது நன்மைதான். என்றாலும் விரய ஸ்தானத்தில் அல்லவா உச்சம் பெறுகிறார். எனவே திடீரென நடக்கும் தொழிலை விட்டுவிட்டு, வேறு தொழிலுக்கு செல்லும் சூழ்நிலை உருவாகும். ஒருசிலர் தொழிலில் லாபம் கிடைக்கவில்லையே என்று மீண்டும் உத்தியோகத்திற்கு திரும்பலாம். இந்த காலத்தில் பணிபுரியும் இடத்தில் கொஞ்சம் நிதானம் தேவை. அங்காரக வழிபாட்டை முறையாகச் செய்ய வேண்டிய நேரமிது.

மங்கையருக்கான மகத்தான பலன்கள்!

இந்தப் புத்தாண்டின் தொடக் கம் உங்களுக்கு மிகச் சிறப்பாக இருக்கின்றது. குரு பார்வை இருப்பதால் மனக்குழப்பம் அகலும். மதிப்பும், மரியாதையும் உயரும். பணப் புழக்கம் அதிகரிக்கும். உங்கள் ஆலோசனைகளைக் குடும்ப உறுப்பினர்கள் ஏற்றுக் கொள்வர். கணவன்- மனைவிக்குள் பாசமும், நேசமும் அதிகரிக்கும். மகப்பேறுக்காக காத்திருப்பவர்களுக்குப் புத்திரப்பேறு கிடைக்கும். பரிகாரங்கள் செய்ததற்கான பலன் கிடைப்பதைக் கண்டு மகிழ்ச்சியடைவீர்கள். தாய்வழி ஆதரவு திருப்தி தரும். பிள்ளைகளின் முன்னேற்றம் கண்டு பெருமையடைவீர்கள். குருப்பெயர்ச்சிக்குப் பிறகு உத்தியோக மாற்றங்கள் நிகழலாம். ஒருசிலர் விருப்ப ஓய்வில் வெளிவந்து புதுமுயற்சியில் ஈடுபடுவர். வெளிநாட்டிலிருந்து அனுகூலத் தகவல் வந்து சேரும். குருதெய்வ வழிபாடும், அனுமன் வழிபாடும் குடும்ப முன்னேற்றத்திற்கு வித்திடும்.

14-04-2018  முதல்  13-04-2019 வரை

குரு மற்றும் சனி வக்ர காலங்கள்

19-12-2017 முதல் 28-03-2020 வரை

(அவிட்டம் 3,4 பாதங்கள், சதயம், பூரட்டாதி 1,2,3 பாதங்கள் வரை)

(பெயரின் முதல் எழுத்துக்கள்: கு,கூ,கோ,ஸி,ஸீ,ஸே,ஸோ,தா உள்ளவர்களுக்கும்)

பதினோராமிடத்தில் சனி! பண வரவு தான் இனி!

எதிர்காலத்தைப் பற்றியே எப்பொழுதும் நினைக்கும் கும்ப ராசி நேயர்களே!

அனுபவத்தின் வாயிலாக அனைத்தையும் அறிந்து கொள்ள முடியும் என்று சொல்லும் உங்களுக்கு இதுவரை 10-ம் இடத்தில் சஞ்சரித்து வந்த சனிபகவான் இனி பதினோராம் இடத்தில் அடியெடுத்து வைக்கப்போகின்றார். உங்கள் ராசிக்கு அதிபதியாகவும், விரய ஸ்தானத்திற்கு அதிபதியாகவும் விளங்குபவர் சனிபகவான். அவர் லாப ஸ்தானத்திலிருந்து உங்கள் ராசியைப் பார்ப்பதால் இந்த சனிப்பெயர்ச்சி உங்களுக்கு சந்தோஷம் தரும் பெயர்ச்சியாகவே அமையப் போகின்றது.

லாப ஸ்தானத்தில் சஞ்சரிக்கப் போகும் சனியால் நற்பலன்கள் பெற, பெயர்ச்சி நாளிலேயே வழிபாடு செய்வது நல்லது. உங்கள் ராசிக்கு 10-ம் இடம் எனப்படும் தொழில் ஸ்தானம் விருச்சிக ராசி ஆகும். எனவே, வீட்டில் விருட்ச (தாவர) வழிபாடுகளையும் நீங்கள் மேற்கொள்ளலாம்.

அந்த அடிப்படையில், சிவகங்கை மாவட்டம் திருப்பத்தூர் அருகில் கண்டரமாணிக்கம் உள்ளது. அதன் அருகில் உள்ள பெரிச்சிக்கோவில் என்ற ஊரில் வன்னிமரத்தடியில் வீற்றிருந்து சனி பகவான் அருள்வழங்குகிறார். வன்னிமரத்தடி தெய்வங்கள் எண்ணியதை நிறைவேற்றும் என்பர். அரசு மரம், வன்னி மரம், வேப்ப மரம், மகிழ மரம், வில்வ மரம் போன்ற சிறப்பு வாய்ந்த மரங்களுக்கு அடியில் வீற்றிருந்து அருள்வழங்கும் தெய்வங்களை வாய்ப்பிருக்கும் பொழுதெல்லாம் நீங்கள் வழிபாடு செய்யலாம். திருநள்ளாறு, திருக்கொள்ளிக்காடு, குச்சானூர் போன்ற ஸ்தலங்களுக்கும் சென்று வழிபட்டு வரலாம்.

லாபத்தில் சனிதான் வந்தால்

நல்லதோர் தொழில்கள் வாய்க்கும்!

தேகத்தில் இருக்கும் நோய்கள்

சீக்கிரம் விலகி ஓடும்!

யோகங்கள் வந்து சேரும்!

யோசனைகள் வெற்றி யாகும்!

மேகவண்ணச் சனியை நீங்கள்

மிகப் பணிந்து வணங்குவீரே!

 

என்று ஜோதிட சாஸ்திரம் சொல்கின்றது.

லாப ஸ்தான சனி என்ன செய்யும்?

மிகப்பெரிய கிரகம் என்று வர்ணிக்கப்படும் சனி பகவான் டிசம்பர் 19-ந் தேதி முதல் லாப ஸ்தானத்தில் சஞ்சரிக்கப் போகின்றார். அங்கிருந்து கொண்டு உங்கள் ராசியை மட்டுமல்லாமல் பாக்கிய ஸ்தானத்தையும், ஆயுள் ஸ்தானத்தையும் பார்க்கின்றார். ஆயுள்காரகன் ஆயுள் ஸ்தானத்தைப் பார்ப்பது யோகம் தான்.

சனி 10-ம் இடத்தில் சஞ்சரிக்கும் பொழுது உங்களுடைய செயல்பாட்டில் அதிகம் முயற்சிகளைக் காட்டியும், ஒருசில காரியங்கள் கைகூடாமல் போயிருக்கலாம். பிற இனத்தாரால் பிரச்சினைகள் வந்திருக்கலாம். தொழிலுக்காக வாங்கிய கடன் தொகை அதிகரித்து, கொடுத்த வாக்கைக் காப்பாற்ற இயலாமல் போயிருக்கலாம்.

மேலிடத்து நிர்ப்பந்தத்தின் விளைவாக அரசியல் மற்றும் பொது நலத்தில் இருப்பவர்களுக்கு பொறுப்புகள் மாற்றப்பட்டிருக்கலாம். குடும்ப உறுப்பினர்கள் உங்களைக் கேட்காமலேயே சில காரியங்கள் செய்ததன் விளைவாக பிரச்சினைகளை நீங்கள் சந்தித்திருக்கலாம். தாய், தந்தையரின் உடல் நலத்திற்காக ஒரு பெரும் தொகையைச் செலவிட்டும் பலன் தராமல் போயிருக்கலாம். இவை எல்லாம் 10-ல் சனி வரும்பொழுது நடைபெற வேண்டிய நிகழ்வுகளாகும்.

இதுவரை அந்த இடத்தில் சஞ் சரித்து வந்த சனி பகவான் இப்பொழுது 11-ம் இடத்தில் இடப்பெயர்ச்சியாகும் பொழுது, மேற்கண்ட அனைத்திலும் இருந்து நீங்கள் விடுதலை அடையப்போகிறீர்கள். எதை எப்பொழுது செய்ய வேண்டும் என்று நினைத்தீர்களோ அதை அப்பொழுதே செய்து முடிப்பீர்கள். அதற்குத் தேவையான பொருளாதாரம் உங்கள் கைகளில் புரளும்.

சகோதர பாசத்தை நீங்கள் வளர்த்துக் கொண்டாலும் உங்கள் உடன்பிறப்புகள் உங்களோடு முழுமையாகப் பாசம் காட்டுவார்களா என்பது சந்தேகம் தான். வெளிநாட்டு யோகம் ஒருசிலருக்கு வந்து சேரும். தங்கம், வெள்ளி வாங்குவதில் நாட்டம் செலுத்துவீர்கள்.

இக்காலத்தில் விரயத்திற்கேற்ற தனலாபம் வந்து கொண்டே இருக்கும் என்பதால் காரியத்தை தொடங்கிவிட்டால் பணம் தானாக வந்து சேரும். குழந்தைகளின் கல்யாணச் சீர்வரிசைகள் வாங்குவதில் தீவிரம் காட்டுவீர்கள்.

உடன்பிறப்புகளின் குடும்பத்தில் நடைபெறும் சுபகாரியங்களை முன்நின்று நடத்தி வைப்பீர்கள். பழைய வாகனங்களை கொடுத்துவிட்டுப் புதிய வாகனங்கள் வாங்குவீர்கள்.

வீட்டுப் பராமரிப்புச் செலவுகளை இதுபோன்ற காலங்களில் மேற்கொள்ளலாம். விவசாயத்தில் ஈடுபாடு கொண்டவர்கள் பண்ணை அமைத்துப் பராமரிக்கலாம். கால்நடைப் பராமரிப்பில் ஆர்வம் காட்டினாலும் கால்நடைகளை வாங்கி வளர்த்து வந்தாலும் அதன் மூலம் எதிர்பார்த்ததைக் காட்டிலும் கூடுதலாகவே லாபம் கிடைக்கும்.

சனியின் பார்வை பலன்கள்!

உங்கள் ராசிநாதனாகவும் விரயாதி பதியாகவும் விளங்கும் சனி பகவான் இந்தமுறை பெயர்ச்சியாகும் பொழுது 1, 5, 8 ஆகிய இடங்களைப் பார்க்கின்றார். எனவே மாற்றங்களும், ஏற்றங்களும் வந்து கொண்டே இருக்கும். பணம் கைக்கு வந்த மறுநிமிடமே செலவாகிவிடும் என்பதால் இந்த நேரத்தில் பெரும்தொகைகள் வரும்பொழுது உடனடியாக அதைப் பொருட்களாக மாற்றி அமைத்துக்கொள்வது நல்லது. ஆதாயம் தரும் தொழிலைத் தேர்ந்தெடுத்து மூல தனம் போடலாம். ஆடை, ஆபரணங் கள் வாங்குவது மட்டுமல்லாமல் அடகு வைத்த நகைகளையும் மீட்டுக்கொள்ளலாம்.

சனியின் பார்வை 5-ம் இடத்தில் பதிவதால் குழந்தைகளின் கல்வி மற்றும் கடல் தாண்டும் முயற்சிகளுக்காக எதிர்பார்ப்போடு இருந்தவர்களுக்கு அது நல்லவிதமாக நடைபெறும். பெண் பிள்ளைகளின் பூப்புனித நீராட்டு விழாக்கள் மற்றும் புதுமனை புகுவிழாக்களை நடத்திப்பார்ப்பீர்கள். பூர்வீக இடம் கையை விட்டுப் போனதே என்ற கவலை மாறச் சொந்த ஊரிலேயே இடம் வாங்கும் யோகமும் ஒரு சிலருக்கு உண்டு.

சனியின் பார்வை அஷ்டம ஸ்தானத்தில் பதிவதால் இழப்புகளை ஈடுசெய்ய புதிய வாய்ப்புகள் கைகூடி வரும். எதிர்காலத் திட்டங்களை நிறைவேற்றுவதில் இருந்த இடையூறுகள் அகலும். திடீர் இடமாற்றங்களையும், தொழில் மாற்றங்களையும் உருவாக்கும். உத்தியோகத்தில் உள்ளவர்களுக்கு ஊதிய உயர்வுடன் கூடிய பதவி உயர்வு கிடைக்கும்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த இரண்டு குருப்பெயர்ச்சிகளும் உங்களுக்கு ஏற்படுத்தும் மாற்றங்களையும் ஏற்றங்களையும் பற்றிப் பார்ப்போம்.

முதலில் விருச்சிக ராசிக்கு குரு பெயர்ச்சியாகும் பொழுது அதன் பார்வை 2, 4, 6 ஆகிய இடங்களில் பதிகின்றது. எனவே வாக்கு, தனம், குடும்பம், தாய், வாகனம், வீடு, எதிர்ப்பு, உத்தியோகம், உடல்நலம் போன்றவற்றில் எல்லாம் நல்ல பலன்களைக் கொடுக்கப் போகின்றது. குடும்ப முன்னேற்றம் கூடும். கொடுத்த வாக்கை காப்பாற்றுவீர்கள். வரன்கள் வாயில் தேடிவரும். வாகனம் வாங்கும் யோகம் உண்டு. தாயின் ஆதரவு கிடைக்கும். எதிரிகள் வில குவர்.

தனுசு ராசிக்கு குருப்பெயர்ச்சியாகும் பொழுது அதன் பார்வை 3, 5, 7 ஆகிய இடங்களில் பதிவாகின்றது. எனவே, உடன்பிறப்புகள் உதவிக்கரம் நீட்டுவர். பூர்வீக சொத்துத் தகராறுகள் அகலும். நீண்ட நாட்களாகப் பேசிப்பேசி விட்டுப் போன திருமணம் இப்பொழுது விரைவில் முடியும்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகின்றார்கள். உங்கள் ராசிக்கு 5-ல் ராகுவும், 11-ல் கேதுவும் சஞ்சரிப்பதால் நாகதோஷம் உருவாகின்றது.

பாக்கிய ஸ்தானத்தில் ராகு சஞ் சரிக்கும் பொழுது, வாழ்க்கை வளமாக சிறப்பு பரிகாரங்களைச் செய்து கொள்வது நல்லது. பிள்ளைகளை உங்கள் மேற்பார்வையில் வைத்துக்கொள்ளுங்கள். சொத்துகள் வாங்கும் பொழுது சரிபார்த்து வாங்குவது நல்லது. பத்திரப் பதிவில் அதிக கவனம் செலுத்த வேண்டும். மூத்த சகோதரத்தோடு மோதல்கள் ஏற்படாமல் இருக்க விட்டுக் கொடுத்துச் செல்வது நல்லது.

தொட்ட காரியங்களில் வெற்றி பெற வழிபாடு!

சிவாயலத்திற்கு சென்று சனிக் கிழமை தோறும் சனி பகவான் சன்னிதியில் எள் தீபம் ஏற்றி அர்ச்சனைகள் செய்து வழிபட்டு வாருங் கள். வெள்ளிக்கிழமை தோறும் விநாயகப் பெருமான் சன்னிதியில் தேங்காய் உடைப்பது நல்லது. சிறப்பு வழிபாடாக காரைக்குடி அருகில் உள்ள நேமம் ஜெயங்கொண்ட சோழீஸ்வரர், சவுந்தரநாயகி அம்மனை யோகபலம் பெற்ற நாளில் வழிபட்டு வருவதன் மூலம் நல்ல வாய்ப்புகள் இல்லம் தேடி வரும். நினைத்த காரியங்கள் நிறை வேறும்.

சனியின் வக்ர காலம்!

25.4.2018 முதல் 21.8.2018 வரை மூலநட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

உங்கள் ராசிநாதன் சனி வக்ரம் பெறும் பொழுது எதிலும் கூடுதல் கவனம் செலுத்துவது நல்லது. குடும்பத்திலும் சரி, மற்ற இடத்திலும் சரி பிறர் கருத்தைப் புரிந்து கொண்டு செயல்பட்டால் தான் பிரச்சினைகளில் இருந்து விடுபட இயலும். முன்கோபத்தின் காரணமாக முன்னேற்றப் பாதையில் சில தடைகள் உருவாகலாம். எதைச் செய்தாலும் குடும்பப் பெரியவர்களை கலந்து ஆலோசித்துச் செய்வது நல்லது. ஆரோக்கியத் தொல்லை ஏற்படும். மருத்துவச் செலவு கூடும். சனி வழிபாட்டையும் மேற்கொள்ளுங்கள். சகல நன்மைகளும் கிடைக்கும்.

மங்கையருக்கான மகத்தான பலன்கள்!

கும்ப ராசியில் பிறந்த பெண்களுக்கு பொருளாதாரத்தில் நிறைவு ஏற்படும். உங்கள் திறமை பளிச்சிடும். கணவன்-மனைவி உறவு கற்கண்டாய் இனிக்கும். எதை எந்த நேரத்தில் செய்ய வேண்டுமென்று நினைத்தீர்களோ அதை அந்த நேரத்தில் செய்து முடிப்பீர்கள். சுப நிகழ்ச்சிகள் இல்லத்தில் நடைபெறும். தங்கம், வெள்ளி வாங்குவதில் தனிக் கவனம் செலுத்துவீர்கள்.

பிள்ளைகளின் வளர்ச்சி பெருமைப்படத்தக்கதாக அமையும். வீடு வாங்கிக் குடியேறும் யோகம் உண்டு. பெற்றோர்களின் ஆரோக்கியத்தில் கவனம் தேவை. உத்தியோகத்தில் கூடுதல் பொறுப்பும், தலைமைப் பதவியும் கிடைக்கலாம். குலதெய்வ வழிபாடு குடும்ப முன்னேற்றத்திற்கு வித்திடும். சனி மற்றும் குருவிற்குரிய சிறப்பு ஸ்தலங்களுக்கு யோக பலம் பெற்ற நாளில் சென்று வழிபட்டு வருவது நல்லது.

27-7-2017 முதல் 13-2-2019 வரை

(அவிட்டம் 3,4 பாதங்கள், சதயம், பூரட்டாதி 1,2,3 பாதங்கள் வரை)

(பெயரின் முதல் எழுத்துக்கள்: கு,கூ,கோ,ஸி,ஸீ,ஸே,ஸோ,தா உள்ளவர்களுக்கும்)

ஜென்ம கேது விலகியது!  நன்மைகள் நாடி வரும்!

மற்றவர்களின் நம்பிக்கைக்கு பாத்திரமான கும்ப ராசி அன்பர்களே!

இதுவரை உங்கள் ராசியில் இருந்து வந்த கேது பகவான், இப்போது அங்கிருந்து விலகி ஜூலை 27–ந் தேதி 12–ம் இடத்திற்கு வருகிறார். அதே நேரத்தில் சப்தம ஸ்தானத்தில் சஞ்சரித்து வந்த ராகுபகவான், 6–ம் இடத்தில் உலாவரப் போகிறார். எனவே சர்ப்ப தோ‌ஷம் உங்களை விட்டு விலகுகிறது. இனி அற்புதப் பலன்கள் அடுக்கடுக்காக வந்து சேரும்.

பற்பல வழிகளிலும் செய்த முயற்சிகளில் தடைகள் ஏற்பட்டு விட்டதே, எப்பொழுது தான் விடிவுகாலம் என்று எதிர்பார்த்துக் காத்திருந்த உங்களுக்கு, முதல்படியாக ராகு–கேதுக் களின் பெயர்ச்சி நிகழவிருக்கிறது. இந்த பெயர்ச்சிக்குப் பிறகு ஒருமாதம் கழித்து செப்டம்பர் 2–ந் தேதி வரும் குருப்பெயர்ச்சிக்குப் பின்னர் உங்களுக்கு முழுமையான நற்பலன் கிடைக்கப் போகிறது.

ஏனெனில் கன்னி ராசியில் சஞ்சரிக்கும் குருபகவான், துலாம் ராசிக்கு செல்லப் போகிறார். துலாம் ராசியில் அடியெடுத்து வைத்த குரு தனது பார்வை பலத்தை உங்கள் ராசியில் பதிக்கிறார். அதுமட்டுமல்லாமல் உங்கள் ராசிக்கு 3,5 ஆகிய இடங்களையும் பார்க்கிறார். எனவே அந்த மூன்று விதமான பார்வைகளின் மூலம் வாழ்வில் முன்னேற்றத்தை வரவழைத்துக் கொள்ளப் போகிறீர்கள். பற்றாக்குறை இனி அகலும். பணவரவு திருப்தி தரும். வெற்றிக்கு வழிகாட்ட நண்பர்கள் முன்வருவர்.

விருச்சிகத்தில் உள்ள சனிபகவான் டிசம்பர் 19–ந் தேதி தனுசு ராசிக்குச் செல்கிறார். இதனால் மேலும் நன்மைகள் கிடைக்கும். ராசிநாதன் லாப ஸ்தானத்தில் சஞ்சரிக்கும் நேரமிது. ராசிக்கு அதிபதியே லாப ஸ்தானத்திற்கு வரும் பொழுது, திட்டமிடாமல் செய்த காரியங்கள் கூட வெற்றியாகும். இந்த மூன்று கிரகப் பெயர்ச்சிகளும் உங்கள் முன்னேற்றத்திற்கு வித்திடும் விதம் அமைய வேண்டுமானால், முறையாக பரிகாரங்களை மேற்கொள்ள வேண்டும்.

முதலில் ராகு–கேது பெயர்ச்சிக்கு, நாகசாந்திப் பரிகாரங்களை யோகபலம் பெற்ற நாளில், உங்களுக்கு அனுகூலம் தரும் ஸ்தலங்களில் செய்து வந்தால் முன்னேற்றத்தை வரவழைத்துக் கொள்ள இயலும். அடுத்து குருப் பெயர்ச்சி காலத்தில் குரு தட்சிணா மூர்த்தி வழிபாட்டை முறையாக மேற்கொள்வது நல்லது. குறிப்பாக திசைமாறிய தென்முகக் கடவுளை வழிபட்டால் வாய்ப்புகள் வாசல் தேடி வந்து சேரும். அதன்பிறகு சனிப் பெயர்ச்சி காலத்தில் திருநள்ளாறு, திருக்கொள்ளிக்காடு, குச்சானூர், பெரிச்சிக்கோவில் போன்ற ஸ்தலங் களைத் தேர்ந்தெடுத்து அபிஷேக ஆராதனைகள் செய்து வழிபட்டு வந்தால் வளர்ச்சியில் வந்த தளர்ச்சி அகலும்.

ஆறாமிடத்து ராகு தரும் அற்புதப் பலன்கள்!

கடந்த 1½ ஆண்டு காலமாக உங்கள் ராசிக்கு 7–ம் இடத்தில் சஞ்சரித்து வந்த ராகுபகவான், ஜூலை 27–ந் தேதி முதல் 6–ம் இடத்திற்கு வருகின்றார். 6–ம் இடத்தில் ராகு சஞ்சரிக்கும்பொழுது, அற்புதமான பலன்களை வழங்கும். ராகு தனது பார்வை பலத்தால் 3,7,11 ஆகிய இடங்களைப் புனிதப்படுத்தி அதன் மூலம் உங்கள் எண்ணங்களை நிறைவேற்றப் போகிறார். பணத்தேவைகளைப் பூர்த்தி செய்வார். இனத்தார் பகை மாறும். எடுத்த காரியங்களில் வெற்றி கிடைக்கும்.

கருநாகம் ஆறில் வந்தால்
கடும்பகை நோயும் தீரும்!
வருமானம் திருப்தி யாகும்!
வசந்தமும் வாழ்வில் சேரும்!

என்று ஜோதிட சாஸ்திரம் சொல்கின்றது.

அந்த அடிப்படையில் பார்க்கும் பொழுது, இந்த ராகு பெயர்ச்சி இனிய பலன்களை வழங்கும் என்றே சொல்லலாம். கேது உங்கள் ராசியை விட்டு நகர்வதே யோகம்தான். அதே போல ராகுவும் சப்தம ஸ்தானத்தில் சூரியன் வீட்டில் இருந்து பின்னோக்கிச் செல்வதன் மூலமும் குடும்பத்தில் ஏற்பட்ட குழப்பங்கள் அகலும். ஒற்றுமை பலப்படும். உயர்ந்த மனிதர்களின் சந்திப்பால் பிரச்சினைகளைத் தீர்த்துக்கொள்வீர்கள். ஆரோக்கியம் சீராகி ஆனந்தப்படுத்தும்.

கேதுவின் பார்வை 2–ம் இடத்தில் பதிவதால் ஆன்மிகப் பெரியோர் களும், அருளாளர்களும் வழங்கும் ஆலோசனை கைகொடுக்கும். குடும்பத்தில் கொடிகட்டிப் பறந்த பிரச்சினைகள் படிப்படியாக மாறும். வியாபாரத்தில் புதிய கூட்டாளிகளை இணைத்துக்கொண்டு தொழில் வளத்தைப் பெருக்கிக் கொள்வீர்கள். குடும்பத்தில் கணவன்–மனைவி உறவில் இருந்த கருத்து வேறுபாடுகள் அகலும்.

பாகப்பிரிவினைக்கு பேச்சுவார்த்தை நடத்தினால் சுமுகமாக முடிவிற்கு வரும். சுபச்செலவுகள் அதிகரிக்கும். பொருளாதாரப் பற்றாக்குறை அகல குடும்ப உறுப்பினர் களின் சம்பாத்தியம் கைகொடுக்கும். பொதுவாக உங்களுக்குரிய சுயஜாதகத்தில் ராகுவிற்குரிய சாரபலமறிந்து அதன் அடிப்படையில் பரிகாரங்களை மேற்கொண்டால் நல்ல வாய்ப்புகள்இல்லம் தேடி வரும். உத்தியோக உயர்வு, ஊதிய உயர்வு போன்றவற்றில் இருந்த தடைகள்அகலும்.

பன்னிரெண்டாம் இடத்து கேது தரும் பலன்கள்!

பன்னிரெண்டாம் இடத்தில் கேது சஞ்சரிக்கப் போவதால், விரயங்கள் அதிகரிக்குமோ என்று கவலைப்பட வேண்டாம். குருவினுடைய பார்வை உங்கள் ராசியில் பதிவதால் சுபவிரயங்கள் அதிகரிக்கும். பயணங்கள் கூடும். பிரச்சினைகளில் இருந்து விடுபட குருபார்வை கைகொடுக்கும். வியாபாரம், வர்த்தகம் சம்பந்தமாக புது ஒப்பந்தம் வந்து சேரும்.

குடும்பத்தில் சுபகாரிய நிகழ்வுகள் நடைபெற வழிபிறக்கும். சாமர்த்தியமான செயல்பாடுகளால் சேமிப்பை உயர்த்திக் கொள்வீர்கள். விரய ஸ்தானத்தில் கேது சஞ்சரிக்கும்பொழுது அரைகுறையாக நின்ற வீட்டுப் பணிகளை தொடரலாம். அத்தியாவசியப் பொருட்களை வாங்கலாம். தங்கம், வெள்ளியில் முதலீடு செய்யலாம்.

பெண்களுக்கு!

இந்த ராகு–கேது பெயர்ச்சி உங்களுக்கு மிகுந்த நன்மைகளை வழங்கப் போகிறது. தீட்டும் திட்டங்கள் வெற்றி பெறும். திறமை பளிச்சிடும். கூட்டு முயற்சிகளில் லாபம் கிடைக்கும். குடும்ப முன்னேற்றம் கூடும். குருப்பெயர்ச்சிக்கு பிறகு கொடுக்கல்–வாங்கல்கள் ஒழுங்காகும். தடைபட்ட திருமணங்கள் நடைபெறும். உத்தியோகத்தில் உள்ளவர் களுக்கு பதவி உயர்வு கிடைக்கும். கணவன்–மனைவிக்குள் பாசமும், நேசமும் அதிகரிக்கும். பெற்றோரின் உடல் நலம் சீராகும். அரைகுறையாக நின்ற பணிகள் தொடரும். அடகுவைத்த நகைகளை மீட்பீர்கள். ராகு–கேதுக்களுக்கு முறையான சர்ப்ப சாந்திப் பரிகாரங்களை செய்து கொள்வதன் மூலம் முறையான பலன்களை வரவழைத்துக் கொள்ள இயலும். பவுர்ணமியன்று நிலவு வழிபாடு நிம்மதியை வழங்கும்.

வாழ்க்கை வசந்தமாக வழிபாடு!

ஆறாமிடத்து ராகு அதிர்ஷ்டத்தை அள்ளி வழங்கவும், 12–ம் இடத்து கேது பண விரயத்தை சீராக்கவும், ராகு–கேது பிரீதி செய்வதோடு சனிக்கிழமையன்று பெருமாள், லட்சுமி, ஆஞ்சநேயர் வழிபாட்டை மேற்கொள்ளுங்கள். பிரதோ‌ஷ வழிபாடும் பெருமை சேர்க்கும்.

பாதசாரப்படி ராகு தரும் பலன்கள்!

புதன் சாரத்தில் ராகு சஞ்சரிக்கும் போது (27.7.2–017 முதல் 3.4.2018 வரை)

பஞ்சம அஷ்டமாதிபதியாக விளங்கும் புதனின் சாரத்தில் ராகு சஞ்சரிப்பதால் தொழில் வளர்ச்சி கூடும். இழப்புகளை ஈடுசெய்யும் வாய்ப்பு உருவாகும். புத்திரப்பேறு இல்லாத தம்பதியர்களுக்கு மகப்பேறு கிடைப்பதற்கான அறிகுறி தென்படும். பூர்வீகச் சொத்து பிரச்சினைகள் அகலும். வருமானத்தால் குடும்ப முன்னேற்றம் காண்பீர்கள்.

சனி சாரத்தில் ராகு சஞ்சரிக்கும் பொழுது (4.4.2018 முதல் 11.12.2018 வரை)

இக்காலம் ஒரு இனிய காலமாகும். ராசிநாதன் சனியின் சாரத்தில் ராகு சஞ்சரிக்கும் பொழுது, சந்தோ‌ஷங்களை நாளும் சந்திக்க இயலும். ஆதாயம் தரும் தகவல் அதிகம் வந்துசேரும். வீட்டுப் பராமரிப்பில் ஆர்வம் காட்டுவீர்கள். விலகிச் சென்ற உறவினர்கள் விரும்பி வந்து இணைவார்கள்.

குரு சாரத்தில் ராகு சஞ்சரிக்கும் பொழுது (12.12.2018 முதல் 12.2.2019 வரை)

எண்ணிய காரியங்கள் எளிதில் நடைபெறும். குடும்பத்தில் குதூகலம் கூடும். பொருளாதார நிலை உயரும். புதிய திருப்பங்கள் ஏற்படும். எதிர்பாராத தன லாபம் ஏற்படும். தொழில் விருத்தி உண்டு. உத்தியோகத்தில் உள்ளவர்களுக்கு ஊதிய உயர்வு தானாகவே வந்து சேரும்.

பாதசாரப்படி கேது தரும் பலன்கள்!

செவ்வாய் சாரத்தில் கேது சஞ்சரிக்கும் பொழுது (27.7.2017 முதல் 29.11.2017 வரை)

துணிவும், தன்னம்பிக்கையும் கூடும். மனக்குழப்பங்கள் அகல மாற்று இனத்தவர்கள் வழிகாட்டுவர். உடன்பிறப்புகள் உங்கள் குணமறிந்து நடந்து கொள்வர். பணத்தேவைகள் உடனுக்குடன் பூர்த்தியாகும். வீடுகட்டுவது அல்லது கட்டிய மனையை வாங்கிப் பழுது பார்ப்பது போன்ற நல்ல காரியங்கள் நடைபெறும். உறவினர்கள் வழிய வந்து சேருவார்கள்.

சந்திரன் சாரத்தில் கேது சஞ்சரிக்கும் பொழுது (30.11.2017 முதல் 7.8.2018 வரை)

இந்த காலத்தில் கூடுதல் கவனத்துடன் செயல்படுவது நல்லது. விழிப்புணர்ச்சி இல்லை என்றால் விரயங்கள் ஏற்படும். பெற்றோரால் மன அமைதி குறையலாம். கடன்கள் தொல்லையளிக்கலாம். பவுர்ணமி வழிபாடும், மலைவலம் வருவதும் நன்மை தரும். எதிர்மறை சிந்தனைகளை தவிர்க்கவும், திங்கட்கிழமை தோறும் சிவன் வழிபாட்டையும், பிரதோ‌ஷ நாளில் நந்தி வழிபாட்டையும் மேற்கொள்ளுங்கள்.

சூரிய சாரத்தில் கேது சஞ்சரிக்கும் பொழுது (8.8.2018 முதல் 12.2.2019 வரை)

வாழ்க்கைத் துணை வழியே விட்டுக் கொடுத்துச் செல்வது நல்லது. ஆரோக்கியத் தொல்லை அதிகரிக்கும். தந்தை வழி உறவினர்களின் பிரச்சினை தலை தூக்கும். அக்கம், பக்கத்தில் உள்ளவர்களை அனுசரித்துச் செல்லுங்கள். என்ன மருத்துவம் பார்த்தாலும் ஆரோக்கியம் சீராகவில்லையே என்று கவலைப்படுவீர்கள். பொதுவாழ்வில் இருப்பவர்களுக்கு வீண்பழி ஏற்படும். பதவிகளில் திடீர் மாற்றங்கள் உருவாகலாம். பகைவர்களுக்கு பலம் கூடும் நேரமிது. அரசு வழிச் சலுகைகள் வருவதில் தாமதம் ஏற்படும்.

4-10-2018 முதல் 28-10-2019 வரை

(அவிட்டம் 3,4 பாதங்கள், சதயம், பூரட்டாதி 1,2,3 பாதங்கள் வரை)

(பெயரின் முதல் எழுத்துக்கள்: கு,கூ,கோ,ஸி,ஸீ,ஸே,ஸோ,தா உள்ளவர்களுக்கும்)

பத்தில் குரு வருகிறது! பதவி மாற்றம் தருகிறது!

லட்சியத்தை அடையும் வரை விடாது முயற்சி செய்ய வேண்டும் என்று சொல்லும் கும்ப ராசி நேயர்களே!

‘ஆயுள்காரகன்’ என்றும் ‘சூரிய புத்திரன்’ என்றும் சொல்லப்படும் மாபெரும் கிரகமான சனியின் ஆதிக்கம் பெற்ற ராசியில் பிறந்த நீங்கள், எதையும் சீர்தூக்கிப் பார்க்கும் குணமுடையவர்கள். பழமையும், புதுமையும் உங்களைக் கவரும். வாழ்க்கைப் பிரச்சினைகள் தீர வடிகாலாக இருப்பது தெய்வ தரிசனங்கள் தான் என்பதை எல்லோருக்கும் எடுத்துரைப்பீர்கள். அயராத உழைப்பின் மூலம் வாழ்வில் வெற்றிக்கனியை எட்டிப்பிடிப்பவர்களும் நீங்கள் தான். தாராள குணம் கொண்டவர்களாகவும், தர்மசீலர்களாக இருப்பவர்களும் உங்கள் ராசியில் பிறந்தவர்களாக இருப்பர். தவறுகளைத் தட்டிக்கேட்பதன் மூலம் எதிர்ப்புகளை சம்பாதித்துக் கொள்வீர்கள். எதிர்மறை எண்ணங் களைத் தவிர்த்தால் இனிய வாழ்க்கை உங்களுக்கு கிடைக்கும்.

இதுவரை 9–ம் இடத்தில் இருந்து கொண்டு, உங்கள் ராசியைப் பார்த்து வந்த குரு பகவான் இப்பொழுது 10–ம் இடத்தில் அடியெடுத்து வைத்துள்ளார். 10–ம் இடத்திற்கு குரு வந்திருக்கின்றாரே என்று நீங்கள் பயப்பட வேண்டாம். முத்தான தொழிலைப்பற்றி எடுத்துரைக்கும் இடமான 10–ம் இடத்தில் தனலாபாதிபதியான குரு வரும்பொழுது தொழில் வளர்ச்சி கூடுதலாக இருக்கும் என்பது பொது நியதி. குரு இருக்குமிடத்தைக் காட்டிலும் பார்க்கும் இடத்திற்குத் தான் பலன் அதிகம். தோ‌ஷங்களை சந்தோ‌ஷமாக மாற்றுகிற ஆற்றல் குருவின் பார்வைக்கு உண்டு என்பதால் ‘குருபார்க்க கோடி தோ‌ஷ நிவர்த்தி’ என்றார்கள் நம் முன்னோர்கள்.

விருச்சிக குருவின் சஞ்சாரம்!

4.10.2018 விருச்சிக ராசியில் சஞ்சரிக்கும் குரு பகவான் 28.10.2019 வரை பத்தாமிடத்தில் சஞ்சரித்து அதன் பார்வை பலத்தால் நம்பிக்கைகள் அனைத்தையும் நடைபெற வைக்கப் போகின்றார். இடையில் 13.3.2019–ல் தனுசு ராசிக்கு அதிசாரமாகச் செல்கின்றார். பிறகு 10.4.2019 அன்று தனுசு ராசியிலேயே வக்ரம் பெறுகின்றார். மீண்டும் 19.5.2019–ல் விருச்சிக ராசியில் சஞ்சரித்து வக்ர கதியிலேயே இருக்கின்றார். 7.8.2019 அன்று விருச்சிக குரு, வக்ர நிவர்த்தி யாகின்றார். 28.10.2019–ல் தனுசு ராசிக்கு முறையாகச் செல்கின்றார்.

குரு பார்வை தரும் பலன்கள்!

குருப்பெயர்ச்சியின் பொழுது குருவின் பார்வை பலம் குடும்ப ஸ்தானம், தாய் ஸ்தானம், எதிர்ப்பு, வியாதி, கடனைக் குறிக்கும் இடங்களில் பதிந்து அந்த இடத்தை புனிதமடையச் செய்கின்றார்.

‘இரண்டினை குரு தான் பார்த்தால் திரண்டிடும் செல்வம்’ என்பர். எனவே இரண்டாமிடத்தைக் குரு பார்க்கும் பொழுது திரண்ட நிதி கிடைக்கும். பணத்தேவைகள் பூர்த்தியாகும். இல்லத்தில் நல்ல சம்பவங்கள் அடுக் கடுக்காக நடைபெறும். கொடுத்த வாக்கைக் காப்பாற்றி மகிழ்வீர்கள்.  மனப்பயம் அகலும். நட்பிலும், உறவிலும் ஏற்பட்ட பகை மாறும். வீடு மாற்றங்களால் ஒரு சிலருக்கு நன்மை கிடைக்கும். வீடு கட்டும் யோகம், அல்லது வாங்கும் யோகம்கூட திசாபுத்தி பலம் பெற்றவர்களுக்கு அமையும்.

‘நான்கினை குருதான் பார்த்தால் நல்லவர் நேசம் கிட்டும்’ என்பது முன்னோர் வாக்கு. அந்த அடிப்படையில் உடல்நலம் சீராகும். கடமையில் கண்ணும், கருத்துமாக இருப்பீர்கள். பெற்றோர்களின் பாசமழையில் நனையும் வாய்ப்பு உண்டு. கல்வி வளர்ச்சி அதிகரிக்கும். படிப்பை பாதியில் விட்டவர்கள் இப்பொழுது மீண்டும் தொடருவர்.

குருவின் பார்வை 6–ம் இடத்தில் பதிவதால் எதிரிகள் விலகிச் செல்வர். லாப நோக்கத்தோடு பழகியவர்களை இனம்கண்டு கொள்வீர்கள். மாற்று மருத்துவத்தால் உடல்நலம் சீராகும். கடன் சுமை குறைய புதிய வழி பிறக்கும். மேலதிகாரிகளின் அனு கூலத்தோடு உத்தியோகத்தில் எதிர்பார்த்த முன்னேற்றங்கள் வந்து சேரும்.  இதுவரை அறுவை சிகிச்சை செய்யவேண்டுமென்று சொன்ன மருத்துவர்கள் இப்பொழுது சாதாரண சிகிச்சையிலேயே குணமாக்குவர். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். வழக்குகள் சாதகமாக முடிந்து தீர்ப்பு உங்கள் பக்கம் வரலாம். சக பணியாளர்களின் ஒத்துழைப்போடு மிகுந்த முன்னேற்றம் காணும் நேரமிது.

உங்கள் ராசிக்கு பதினோராமிடத்தில் சஞ்சரிக்கும் சனியோடு கேது சேரப்போகின்றார். எனவே பூர்வீக கோவில்களில் திருப்பணி செய்யும் வாய்ப்பு உங்களுக்கு உண்டு. மாமன், மைத்துனர் வழியில் ஒத்துழைப்புகள் கிடைக்கும். பழைய தொழிலைப் பைசல் செய்துவிட்டுப் புதிய தொழில் தொடங்கும் முயற்சியில் ஒருசிலர் ஆர்வம் காட்டுவர். வாகன மாற்றம் செய்ய உகந்த நேரமிது. இதுபோன்ற காலங் களில் குலதெய்வப் பிரார்த்தனைகளை நிறைவேற்றுவது நல்லது.

குருவின் பாதசார பலன்கள்!

குருப்பெயர்ச்சி காலத்தில் குரு தனது சுயசாரத்தில் சஞ்சரிக்கின்றார். இக்காலம் இனிய காலமாக அமையும். எடுத்த காரியங்களில் எளிதில் வெற்றி காண்பீர்கள். தனவரவு தாராளமாக வந்து கொண்டேயிருக்கும்.  நீண்ட காலமாக தொல்லை கொடுத்து வந்த கடன் சுமை குறையும். பொன், பொருள் வாங்கப் போட்ட திட்டம் நிறைவேறும். பெற்றோர்களும், மற்றோர்களும் உதவியாக இருப்பர். தொழிலில் புதியவர்களை கூட்டாக இணைத்து வளர்ச்சி காண்பீர்கள்.

21.10.2018 முதல் 19.12.2018 வரை அனு‌ஷ நட்சத்திரக்காலில் குரு சஞ் சரிக்கின்றார். சனி சாரத்தில் குரு சஞ்சரிக்கும் பொழுது ராசிநாதனாகவும், விரயாதிபதியாகவும் சனி விளங்குவதால் விரயங்கள் கொஞ்சம் அதிகரிக்கும். வீடு மாற்றம், நாடு மாற்றம், உத்தியோக மாற்றங்கள் தானாகவே வந்து சேரும். உத்தியோகத்தில் கூடுதல் பொறுப்பும், அதிக உழைப்பும் இருப்பதால் வேறு உத்தியோகத்திற்குச் செல்லலாமா என்ற சிந்தனை மேலோங்கும். குடும்பத்திற்குத் தேவையான அத்தியாவசியப் பொருட் கள் மற்றும் விலை உயர்ந்த மின்சாதனப் பொருட்கள், பிள்ளைகளுக்கான ஆபரணங்கள் வாங்கும் வாய்ப்புக் கைகூடும். உறவினர் பகை மாறும். அரசுப்பணியில் சேர முயற்சி செய்தவர்களுக்கு மகிழ்ச்சியான தகவல் வரலாம். ஆன்மிகப்பற்று அதிகரிக் கும். குடும்பத்துடன் காசி, ராமேஸ்வரம் என்று ஸ்தல யாத்திரைகளைச் செய்ய வாய்ப்புகள் தேடி வரும்.

20.12.2018 முதல் 12.3.2019 வரை மற்றும் 18.5.2019 முதல் 27.10.2019 வரை கேட்டை நட்சத்திரக்காலில் குரு பகவான் சஞ்சரிக்கின்றார். புதன் காலில் சஞ்சரிக்கும் பொழுது  செய்யும் தொழிலில் நல்ல அபிவிருத்தி ஏற்படும். பணியாளர்கள் பக்கபலமாக இருப்பர். விலகிச்சென்ற சொந்தங்கள் விரும்பி வந்திணைவர். கடன் சுமை குறைய புதிய வழிபிறக்கும். வீட்டுப் பராமரிப்பில் ஆர்வம் காட்டுவீர்கள்.  பிள்ளைகளின் கல்வி முன்னேற்றம் கருதி எடுத்த முயற்சி கைகூடும். பெண் பிள்ளைகளின் திருமணத் தேவையை முன்னிட்டு சீர்வரிசைப் பொருட்களை வாங்குவதில் ஆர்வம் காட்டுவீர்கள். பல நாட்களாக நிலுவையிலிருந்த பஞ்சாயத்துக்கள் நல்ல முடிவிற்கு வரும்.

13.3.2019 முதல் 17.5.2019 வரை மூலம் நட்சத்திரக்காலில் குரு பகவான் சஞ்சரிக்கின்றார். கேது சாரத்தில் குரு பகவான் சஞ்சரித்து தனுசு ராசிக்குள் பிரவேசிப்பதால் இக்காலத்தில் பல நல்ல மாற்றங்கள் வந்து சேரப்போகின்றது. குறிப்பாக குருவின் பார்வை 3, 5, 7 ஆகிய இடங்களில் பதிகின்றது. எனவே சகோதர ஒற்றுமை பலப்படும். உடன்பிறப்புகளின் இல்லத் திருமண விழாக்களை முன்னின்று நடத்திவைப்பீர்கள். விலை உயர்ந்த பொருட்களை வாங்குவதில் ஆர்வம் கூடும். வாகனங்கள் வாங்குவதில் கவனம் செலுத்துவீர்கள். வரன்கள் வாயில்தேடி வரும். பெண் பிள்ளைகளின் வழியே சுபச்செய்திகளை கேட்க நேரிடும். உத்தியோகத்தில் எதிர்பார்த்த முன்னேற்றம் உண்டு.

செல்வ வளம் தரும் சிறப்பு வழிபாடு!

உங்கள் ராசிநாதன் சனி என்பதால் சனிக்கிழமை தோறும் ஜெய அனுமனை வழிபட்டு வாருங்கள். பிரதோ‌ஷ காலத்தில் நந்தி வழிபாடும் நன்மை தரும். தாராபலம் பெற்ற நாளில் புதுக்கோட்டை மாவட்டம் வேந்தன்பட்டி சென்று நினைத்ததை நிறைவேற்றும் நெய் நந்தீஸ்வரரை வழிபட்டு வாருங்கள். நந்தி பதிகம் பாடினால் நல்லது நடக்கும்.

குருவின் வக்ர காலம்!

இந்தக் குருப்பெயர்ச்சி காலத்தில் விருச்சிக ராசியிலும், தனுசு ராசியிலும் குரு வக்ரம் பெறுகின்றார். இந்த வக்ர காலத்தில் கூடுதல் கவனம் உங்களுக்கு தேவை. எதைச் செய்தாலும் ஒருமுறைக்குப் பலமுறை யோசித்துச் செய்ய வேண்டியது அவசியமாகும். கொடுத்த வாக்குறுதியைக் காப்பாற்ற இயலாது. பணத்தேவைகள் அதிகரிக்கும். பிரச்சினைகளும் தலைதூக்கும். பிறருக்கு பொறுப்பு சொல்லி வாங்கிக் கொடுத்த தொகை வருவதில் தாமதம் ஏற்படும். தொழில் பங்குதாரர்கள் நம்பிக்கைக்குரிய விதம் நடந்து கொள்ளமாட்டார்கள். உத்தியோகத்தில் சக ஊழியர்களால் தொல்லை ஏற்படலாம். மேலதிகாரிகளின் ஆதரவு குறையாமல் பார்த்துக்கொள்வது நல்லது. தேர்ந்தெடுத்த வழிபாடுகள் மூலமே இக்காலத்தை இனிய காலமாக அமைத்துக்கொள்ள இயலும்.

பெண்களுக்கான சிறப்புப் பலன்கள்!

இல்வாழ்க்கை சிறப்பாக அமையும். இடம், வீடு வாங்கும் யோகம் உண்டு. பொருளாதாரப் பற்றாக்குறை அகலும். கணவன்–மனைவிக்குள் அமைதியும் ஆனந்தமும் கிடைக்க விட்டுக்கொடுத்துச் செல்ல வேண்டிய நேரமிது. எந்தப் புது முயற்சிகளில் ஈடுபட்டாலும் குடும்பப் பெரியவர்களை ஆலோசித்துச் செய்வதோடு கணவரிடமும், யோசனைகள் கேட்டுச் செய்தால் சண்டை, சச்சரவுகள் ஏற்படாது. உடன்பிறப்புகளில் ஒருசிலர் மட்டுமே உங்கள் குண மறிந்து நடந்து கொள்வர். தாய்வழி ஆதரவு திருப்தி தரும். பணிபுரியும் பெண்களுக்கு பகை அதிகரிக்கும். சகபணியாளர்களின் ஒத்துழைப்புக் குறையலாம். உத்தியோக மாற்றங்களை ஏற்றுக்கொள்ள வேண்டிய நிர்ப்பந்தங்கள் உருவாகலாம். ஒருசிலருக்கு நீண்ட தூரத்திற்கான மாறுதல் கிடைக்கலாம். மேலதிகாரிகளை அனுசரித்துச்செல்வது நல்லது. பொதுவாழ்வில் ஈடுபட்டிருப்பவர்களுக்கு பொறுப்புகளால் மாற்றம் ஏற்படும். சதுர்த்தி விரதமிருந்து விநாயகப் பெருமானையும், ஏகாதசி விரதமிருந்து விஷ்ணு, லட்சுமி, மாருதி ஆகியோரையும் வழிபட்டு வருவது நல்லது.