செல்வாக்கு அதிகரிக்கும் நாள். ஆதாயம் தரும் வேலையொன்றில் அக்கறை காட்டுவீர்கள். வருமானம் திருப்தி தரும். மாமன், மைத்துனர் வழியில் ஒத்துழைப்புகள் கிடைக்கும்.

18-9-2020 முதல் 24-9-2020 வரை

உத்தியோகத்தில் உள்ளவர்கள் சிலருக்கு, எதிர்பார்த்துக் காத்திருந்த இடமாற்றம், பதவி உயர்வு அமையும். மனசஞ்சலங்கள் உண்டாகும். புதிய கடன் உருவாக வாய்ப்பு உண்டு. நீண்ட கால பகை ஒன்று விலகும். பிரச்சினைக்குரிய விஷயங்களில் இருந்து விலகி நிற்பது நல்லது. உடல் ஆரோக்கியத்தில் தனி கவனம் செலுத்துங்கள். இந்த வாரம் ஞாயிற்றுக்கிழமை சூரிய பகவானை வழிபாடு செய்து வாருங்கள்.

சார்வரி வருடம் புரட்டாசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதன் சந்திரன் தன ஸ்தானத்தில் சஞ்சரித்து குருவால் பார்க்கப்படுகின்றார். எனவே ‘குரு சந்திரயோகம்’ உருவாகின்றது. உங்கள் ராசிக்கு யோகம் தரும் கிரகமான செவ்வாய், பத்தாமிடமான தொழில் ஸ்தானத்தில் பலம்பெற்றுச் சஞ்சரிக்கின்றார். புதனும் உச்சம்பெற்று சகாய ஸ்தானத்தில் சூரியனோடு இணைந்து சஞ்சரிக்கின்றார். எனவே இந்த மாதம் தொட்டது துலங்கும், தொல்லைகள் அகலும்.

‘6-ல் குரு ஊரில் பகை’ என்பார்கள். உங்களைப் பொறுத்தவரை சொந்தம், சுற்றம் அனைத்திலும் மறைமுக எதிர்ப்புகள் இருந்துகொண்டே இருக்கும். குருவின் பார்வை 2, 10, 12, ஆகிய இடங்களில் பதிவதால் ஒரு சிலருக்கு இடமாற்றங்கள், ஊர் மாற்றங்கள், உத்தியோக மாற்றங்கள் ஏற்படலாம். ‘குரு மங்கள யோகம்’ இருப்பதால் பிள்ளைகளின் கல்யாண வாய்ப்புகள் கைகூடும். செவ்வாய் பலத்தால் பூமி யோகம் உண்டு. வாக்கு வாதங்களைத் தவிர்ப்பது நல்லது. ‘புத ஆதித்ய யோகம்’ இருப்பதால் உடன்பிறப்புகளின் முன்னேற்றத்தில் அக்கறை காட்டுவீர்கள்.

துலாம் புதனின் சஞ்சாரம்

செப்டம்பர் 21-ந் தேதி, துலாம் ராசிக்கு புதன் செல்கின்றார். உங்கள் ராசிக்கு 4-ம் இடத்திற்கு செல்லப்போகும் புதன் நல்ல வாய்ப்புகளை வரவழைத்துக் கொடுப்பார். நண்பர்களின் ஆலோசனை தொழில் முன்னேற்றத்திற்கு கைகொடுக்கும். தாயின் உடல்நலம் சீராகும். முன்னோர் சொத்துக்களில் முறையான பங்கீடுகள் கிடைக்கும். உறவினர்களால் ஏற்பட்ட தொல்லை அகலும். பிரபலஸ்தர்களின் ஒத்துழைப்போடு சில பிரச்சினைகளில் இருந்து விடுபடுவீர்கள்.

சிம்ம சுக்ரனின் சஞ்சாரம்

செப்டம்பர் 28-ந் தேதியன்று சிம்ம ராசிக்கு சுக்ரன் செல்கின்றார். உங்கள் ராசிக்கு 4, 11 ஆகிய இடங்களுக்கு அதிபதியானவர் சுக்ரன். அவர் தன ஸ்தானத்திற்கு வரும்பொழுது குடும்பத்தில் தனவரவு திருப்தி தரும். தடைகளும், தாமதங்களும் அகலும். இடையூறு செய்த உறவினர் விலகுவர். என்றைக்கோ வாங்கிப்போட்ட சொத்து இப்பொழுது பலமடங்கு விலை உயர்ந்த லாபத்தைத் தேடித் தரும்.

புதனின் வக்ர இயக்கம்

செப்டம்பர் 30-ந் தேதி துலாம் ராசியில் புதன் வக்ரம் பெறுகின்றார். 3, 12-க்கு அதிபதியான புதன் வக்ரம் பெறுவது நன்மைதான். விரயாதிபதி வக்ரம் பெறும்பொழுது விரயத்திற்கேற்ற வரவு முன்னதாகவே வந்து சேரும். பயணங்கள் பலன் தருவதாக அமையும். புதிய முயற்சிகளில் வெற்றி காண்பீர்கள். உத்தியோகத்தில் இடமாற்றங்கள், ஊர்மாற்றங்கள் உறுதி ஆகலாம். வீட்டைப் பராமரிப்பதற்காக ஒரு தொகையைச் செலவிடுவீர்கள். அக்டோபர் 8-ந் தேதி கன்னி ராசியில் புதன் வக்ரம் பெறும்பொழுது சகோதரர்களால் நன்மை கிடைக்கும்.

இம்மாதம் பவுர்ணமி அன்று விரதமிருந்து பஞ்சமுக விளக்கேற்றி இல்லத்துப் பூஜை அறையில் காமாட்சியம்மன் பதிகம் பாடி வழிபடுவது நல்லது.

பணத்தேவைகளைப் பூர்த்தி செய்யும் நாட்கள்: செப்டம்பர்: 17, 18, 20, 21, அக்டோபர்: 1, 2, 7, 8, 13, 14, மகிழ்ச்சி தரும் வண்ணம்: ஆரஞ்சு.

பெண்களுக்கான பலன்கள்

மகிழ்ச்சி கூடும் மாதம் இது. பொருளாதாரத்தில் இருந்த ஏற்ற- இறக்க நிலை அகலும். உறவினர்களின் அன்புத்தொல்லைக்கு ஆட்பட நேரிடும். பெற்றோர்களின் பிரியம் மட்டுமல்லாமல் ஆதரவும் கிடைக்கும். கணவன்-மனைவிக்குள் நெருக்கம் அதிகரிக்கும். பணிபுரியும் பெண்கள் சுயதொழில் தொடங்க ஆர்வம் காட்டுவர். வாகனம் வாங்கும் முயற்சி வெற்றி தரும். பிரச்சினைகளில் இருந்து விடுபட பெருமாள், லட்சுமியை வழிபடுவது நல்லது.

சார்வரி வருடத்தொடக்கத்தில், உங்கள் ராசிநாதன் சந்திரன், சனி மற்றும் கேதுவுடன் இணைந்து 6-ம் இடத்தில் சஞ்சரிக்கிறார். சப்தம ஸ்தானத்தில் குருவும் செவ்வாயும் இணைந்து குரு-மங்கள யோகத்தை உருவாக்குகிறார்கள். புதன் நீச்சம் பெற்று மீனத்தில் சஞ்சரிக்கிறார். தனாதிபதி சூரியன் உச்சம் பெற்றும், லாபாதிபதி சுக்ரன் சொந்த வீட்டிலும் சஞ்சரித்து ஆண்டு தொடங்குவதால் பணப்பற்றாக்குறை அகலும்.

ராகு-கேது பெயர்ச்சி

1.9.2020 அன்று உங்கள் ராசிக்கு 11-ம் இடத்திற்கு ராகுவும், 5-ம் இடத்திற்கு கேதுவும் பெயர்ச்சியாகிறார்கள். லாப ஸ்தானத்தில் ராகு சஞ்சரிக்கும் பொழுது, பணம் பல வழிகளிலும் வந்து பையை நிரப்பும். தொழில் எதிர்பார்த்ததை காட்டிலும் கூடுதல் லாபம் கிடைக்கும். வங்கிகளின் ஒத்துழைப்பால் கடன் உதவி பெறுவீர்கள். பிள்ளைகள் வழியில் உதிரி வருமானம் கிடைக்கும். பூர்வீக வீடுகளில் பாகப்பிரிவினை செய்துகொள்ள எடுத்த பஞ்சாயத்துகள் நல்ல முடிவிற்கு வரும். ஆன்மிக பணியை தொடர முன்வருவீர்கள்.

குருப்பெயர்ச்சி

15.11.2020 அன்று மகர ராசிக்கு குருபகவான் பெயர்ச்சியாகி செல்கிறார். அது குருவுக்கு நீச்ச வீடு. இருப்பினும் பார்க்கும் இடங்களால் உங்களுக்கு நல்ல பலன் வந்து சேரும். தனவரவு திருப்தி தரும்.  பெண்களால் நன்மை உண்டு. உதிரி வருமானங்கள் கிடைக்கும். எடுத்த காரியம் எளிதில் முடியும். மாமன், மைத்துனர் வகையில் மகத்தான ஒத்துழைப்பு கிடைக்கும். திருமண முயற்சி கைகூடும். உற்சாகத்துடன் பணிபுரிவீர்கள். சகோதர ஒற்றுமை பலப்படும். புதிய ஒப்பந்தங்கள் அடுக்கடுக்காக வந்து சேரும்.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனி பகவான் மகரத்திற்கு பெயர்ச்சியாகிறார். ராசிக்கு 7-ம் இடத்தை கண்டகச்சனி என்பார்கள். இந்த நேரத்தில் விரயங்கள் அதிகரிக்கலாம். வீடு மாற்றங்களும், நாடு மாற்றங்களும், உத்தியோக மாற்றங்களும் விருப்பமின்றி நடைபெறும். குடும்ப சுமை கூடும். அலைச்சலுக்கேற்ற ஆதாயம் கிடைக்காது.

குரு வக்ரமும், அதிசாரமும்

13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ்சரிக்கிறார். மீண்டும் குருபகவான் 6.4.2021 முதல் கும்ப ராசிக்கு அதிசாரத்தில் செல்கிறார். இவற்றின் விளைவாக உங்களுக்கு திடீர் மாற்றங்கள் செய்கிறார். தொழில் பங்குதாரர்களால் தொல்லைகள் ஏற்படலாம். ஒரு சிலருக்கு வாங்கல், கொடுக்கல்களில் ஏமாற்றங்களைக்கூட சந்திக்க நேரிடும். வீடு மாற்றம் நாடு மாற்றம் சம்பந்தமாக எடுத்த முயற்சிகளில் தாமதம் உண்டாகும். உறவினர்களின் ஒத்துழைப்பு குறையலாம்.

வழிபாடு

பஞ்சமி திதியில் விரதமிருந்து வராகி அம்மனை வழிபட்டு வருவதோடு யோகபலம் பெற்ற நாளில் சிவகங்கை மாவட்டம் இளையாத்தங்குடியிலுள்ள நித்ய கல்யாணி, கயிலாசநாதரை வழிபட்டு வந்தால் நிகழ்கால தேவைகள் பூர்த்தியாகும்.

பெண்களுக்கு..

குரு-மங்கள யோகத்தோடு இந்த புத்தாண்டு பிறப்பதால் சுபகாரிய பேச்சுகள் முடிவாகும். பெண்கள், பிறந்த வீட்டிற்கும், புகுந்த வீட்டிற்கும் பெருமை சேர்ப்பார்கள். தந்தை வழி ஆதரவு உண்டு. பிள்ளைகளால் பெருமை சேரும். சனிப்பெயர்ச்சிக்கு பிறகு சஞ்சலங்கள் அதிகரிக்கும். கண்டக சனியின் ஆதிக்கம் வரும் பொழுது, கவனமாக செயல்பட வேண்டும். மற்றவர்களிடம் பொறுப்பை ஒப்படைத்தால் அதுசிறப்பாக நடைபெறுமா என்பது சந்தேகம்தான்.

19-12-2017 முதல் 28-03-2020 வரை

புனர்பூசம் 4-ம் பாதம், பூசம், ஆயில்யம் வரை.

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)

ஆறாமிடத்தில் சனி ஆதரவு கூடும் இனி!

பிரச்சினைகளைத் தீர்த்து வைக்க பெரிதும் ஆர்வம் காட்டும் கடக ராசி நேயர்களே!

சந்திக்கும் நண்பர்களை எல்லாம் சிந்திக்க வைக்கும் விதத்தில் பழகும் உங்களுக்கு இதுவரை 5-ம் இடத்தில் சஞ்சரித்து வந்த சனி பகவான் இப்பொழுது 6-ம் இடத்திற்கு வருகின்றார்.

உங்கள் ராசிக்கு 7, 8 ஆகிய இடங்களுக்கு அதிபதியானவர் சனி பகவான். ஜாதகத்தில் 6, 8, 12 ஆகிய மூன்று இடங்களும் மறைவிடங்களாகக் கருதப்படுபவை. அந்த மறைவிடங்களுக்கு அதிபதி மறைவிடத்திலேயே சஞ்சரிக்கும் பொழுது மிகுந்த நற்பலன்களைக் கொடுக்கும் என்பார்கள்.

அந்த அடிப்படையில் பார்க்கும் பொழுது எட்டுக்கு அதிபதியான சனி பகவான் இப்பொழுது 6-ம் இடத்தில் சஞ்சரிக்கின்றார். எனவே அற்புதமான பலன்களை அள்ளி வழங்கப்போகின்றார். பணம் பல வழிகளிலும் வந்து பையை நிரப்பும். கனவுகள் நனவாகும் நேரமிது. தொழில் வளர்ச்சியில் தொல்லை தந்தவர்கள் விலகுவர். உத்தியோகத்தில் உங்களுக்கு இனி நல்ல வாய்ப்புகள் வந்து சேரப் போகின்றன.

இதுபோன்ற நேரங்களில் சனி பகவான் மேலும் நன்மைகளைச் செய்ய ஒவ்வொரு சனிக்கிழமையும் விரதம்இருந்து சனி பகவானுக்கு எள் தீபம் ஏற்றி வழிபடுவது நல்லது. ஆதியந்தப் பிரபு வழிபாட்டை மேற்கொள்வதன் மூலமும் நீங்கள் ஆனந்தமான வாழ்க்கையை அமைத்துக்கொள்ள இயலும். தேனி அருகில் உள்ள குச்சானூர் சனி பகவான் ஆலயத்திற்குச் சென்று ஈஸ்வரனின் அருளைப் பெற்று வருவது நல்லது.

அதிர்ஷ்டம் தருமா ஆறாமிடத்துச் சனி?

மிகப்பெரிய கிரகமான சனி பகவான் உங்கள் ராசிக்கு 8, 9-ம் இடங் களுக்கு அதிபதியாவார். 8-ம் இடம் என்பது இழப்புகள், விரயங்களைக் கொடுக்கும் இடமாகும். 9-ம் இடம் என்பது பிதுர்ரார்ஜித ஸ்தானமாகும். அந்த இரண்டு இடங்களுக்கும் அதிபதியாக விளங்கும் சனிபகவான் 6-ம் இடத்தில் சஞ்சரிக்கும் பொழுது ‘கெட்டவன் கெட்டிடின் கிட்டிடும் ராஜயோகம்’ என்பதற்கு ஏற்ப ராஜயோகத்தை வழங்குவார்.

ஆறிலே சனிதான் வந்து

ஆட்சியை நடத்தும் நேரம்

பாரிலே புகழைப் பெற்றோர்

பலருமே பழக்கம் ஆவார்!

ஆர்வமாய் சனியைத்தொழுதால்

ஆதாயம் நமக்குச் சேரும்!

போராடும் உள்ளம்மாறிப்

பொருள் வளம் அதிகரிக்கும்!

என்று ஜோதிட சாஸ்திரம் சொல்கின்றது.

ஆறாமிடம் என்பது எதிர்ப்பு, வியாதி, கடன் ஆகியவற்றைக் கொடுக்கும் இடமாகும். அந்த இடத்தில் சனி பகவான் சஞ்சரிக்கும் பொழுது மறைமுக எதிர்ப்பு கள் மாறும். பகை பாராட்டிய உறவினர்கள் பாசம் காட்ட முன்வருவர். நகை, தோட்டம் என்று வாங்கிச் சேர்ப்பீர்கள்.

உடல் ஆரோக்கியத் தொல்லை அகலும். சஞ்சரிக்கும் சனியால் சிறுசிறு பாதிப்புகள் ஏற்பட்டாலும் அஷ்டமாதிபதியாகி 6-ம் இடத்தில் இருப்பதால் எளிதில் குணமாகிவிடும். ரத்த அழுத்தம், நரம்பு சம்பந்தப்பட்ட நோய்கள் ஏற்பட்டவர்கள் ஆரம்பத்திலேயே மருத்துவ சிகிச்சைகளை மேற்கொள்வது நல்லது.

உத்தியோகத்தில் சிறப்பான முன்னேற்றம் கிடைக்கும். பலமுறை நேர்முகத் தேர்வுக்குச் சென்றும் பலன் கிடைக்கவில்லையே என்று ஏங்கியவர்களுக்கு இப்பொழுது வேலை கிடைப்பதற்கான நல்ல தகவல் வந்து சேரும். அலுவலகங்களில் எதிர்பார்த்த சலுகைகள் கிடைக்கும். வாகனம் வாங்க, வீடுகட்ட எதிர்பார்த்த கடனுதவி கிடைக்கும். உத்தியோகத்தில் நீண்ட நாட்களாக வராமலிருந்த பதவி உயர்வும், ஊதிய உயர்வும் வரலாம். படிப்பிற்கேற்ற வேலை கிடைக்கவில்லையே, இருக்கும் வேலையிலும் தொல்லைகள் அதிகரிக்கிறதே, விருப்ப ஓய்வில் வெளிவரவும் முடியவில்லையே என்றெல்லாம் கவலைப்பட்டவர்களுக்கும், பணி நிரந்தரம் பற்றிய தகவல் பரிசீலனையில் இருப்பவர்களுக்கும், இக்காலத்தில் எதிர்பார்ப்புகள் நடைபெறும்.

மந்தன் பார்வையால் ஏற்படும் மகத்தான பலன்கள்!

சனி பகவான் 6-ம் இடத்தில் சஞ்சரிக்கும் பொழுது, அதன் பார்வை 3, 8, 12 ஆகிய இடங்களில் பதிகின்றது. எந்த கிரகங்களுக்கும் பார்வை பலன் உண்டு. அதே நேரத்தில் சனியின் பார்வைக்கும், குருவின் பார்வைக்கும் பலன் அதிகம். நமக்கு யோகம் தரும் கிரகமாக இருந்து பார்த்தால் நல்ல பலன் அதிகம் கிடைக்கும். நமக்கு தோஷம் தரும் கிரகமாக இருந்து பார்த்தால் பொருளாதாரப் பற்றாக் குறையும், மன நிம்மதியிழப்பும் உருவாகும். அந்த அடிப்படையில் சனி 3-ம் இடத்தைப் பார்ப்பதால் சகோதர வர்க்கத்தினருக்குள் இருந்த சச்சரவுகள் அகலும். உடன்பிறப்புகள் உங்கள் குணமறிந்து நடந்து கொள்வர். சகோதரிகளுக்கு காலாகாலத்தில் கல்யாணம் நடைபெறவில்லையே என்ற கவலை இனி அகலும்.

சனியின் பார்வை 8-ம் இடத்தில் பதிவதால் ஆரோக்கியத் தொல்லை அதிகரிக்கலாம். ஆகாரத்தில் கட்டுப்பாடு செலுத்தி ஆரோக்கியத்தைச் சீராக்கிக் கொள்ளுங்கள். ஏதேனும் சிறு தொல்லைகள் வந்தால் மருத்துவ ஆலோசனைகளைப் பெறுவது நல்லது. இந்த நேரத்தில் விபரீத ராஜயோகம் செயல்படுவதால் மூடிக்கிடந்த தொழிலுக்கு இனி திறப்பு விழா நடத்துவீர்கள். முக்கிய நபர்களின் ஒத்துழைப்போடு கடன் சுமையை குறைத் துக் கொள்வீர்கள். நீண்டதூரப் பயணங்கள் செல்லப்போட்ட திட்டம் நிறைவேறும். உடன்பணிபுரிபவர்கள் எல்லாம் அமெரிக்கா, லண்டன் என்று சென்று கொண்டிருக்கிறார்களே, நம்மை மட்டும் ஏன் இன்னும் அனுப்பவில்லை என்று கேள்விக்கணை தொடுத்தவர்கள் இப்பொழுது சந்தோஷத்தோடு வெளிநாடு செல்லும் வாய்ப்பு கைகூடப்போகின்றது.

சனியின் பார்வை 12-ம் இடத்தில் பதிவதால் திடீர் திடீரெனப் பயணங்கள் உருவாகும். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். புண்ணிய காரியங்களுக்கு பொருளுதவி செய்வீர்கள். முன்னோர்கள் கட்டி வைத்த கோவிலைப் பராமரித்து புதுப்பிக்கும் முயற்சியில் ஆர்வம் காட்டுவீர்கள்.

தோட்டம் வாங்கி பயிரிட்டு வரவைப் பெருக்கிக் கொள்ளும் வாய்ப்பு ஒருசிலருக்கு உண்டு. சுயஜாதகத்தில் செவ்வாய் பலம்பெற்றிருந்தால் பூமி யோகம் கிட்டும். தொழில் நிலையம் நடத்துபவர்கள் வாடகை வீட்டை விலைக்கு வாங்கும் யோகம் உருவாகும். அலுவலகம், கடை போன்றவைகளை சொந்த இடத்தில் வைத்துக் கொள்ள ஆசைப்படுவர். புதிய வாகனங்கள் வாங்கி பயணிக்க வேண்டுமென்று ஆர்வம் கொண்டவர்கள் இப்பொழுது புதிய வாகனங்கள் வாங்கும் வாய்ப்பு கைகூடிவரலாம்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார்.

விருச்சிக ராசியில் குரு சஞ்சரிக்கும் பொழுது உங்கள் ராசியில் அவரது பார்வை பதிகின்றது. அது மட்டுமல்ல 9, 11 ஆகிய இடங்களிலும் அவரது பார்வை பதிகின்றது. எனவே உடல் ஆரோக்கியம் சீராகும். உள்ளத்தில் உற்சாகமும், தெம்பும் கொடிகட்டிப் பறக்கும். பொருளாதார நிலையில் மிகப்பெரிய முன்னேற்றம் ஏற்படும். பெற்றோர் வழி ஆதரவு கிடைக்கும். தொழிலில் கூடுதல் லாபம் கிடைக்கும். பணி ஓய்விற்குப் பிறகும் மீண்டும் பணிபுரிய வாய்ப்புக் கூடிவரும்.

தனுசு ராசியில் குரு சஞ்சரிக்கும் பொழுது, இல்லத்தில் சுபகாரிய நிகழ்வுகள் கைகூடும். கல்யாண மாலை சூடும் வாய்ப்பும், வீடு, இடம், வாங்கும் யோகமும், வெளிநாடு செல்லும் யோகமும் உருவாகலாம். புதிய தொழில் தொடங்கும் முயற்சி கை கூடும். தொழிலில், பங்குதாரர்களை விலக்கி விட்டுத் தனித்து இயங்கும் வாய்ப்பும் உருவாகலாம்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகிறார்கள். 12-ம் இடத்தில் ராகு சஞ்சரிக்கப் போவது யோகம் தான். பயணங்களால் பலன் கிடைக்கும். பணிகளிலிருந்த தொய்வு நிலை அகலும்.

மறைந்த ராகுவால் நிறைந்த தன லாபம் உண்டு. புனிதப் பயணங்கள் அதிகரிக்கும். புகழ்மிக்கவர்கள் உங்களுக்குப் பின்னணியாக இருந்து சில காரியங்களை முடித்துக் கொடுப்பர்.

கேது பலத்தால் உத்தியோக மாற்றங்கள் உறுதியாகலாம். அரசு வேலை கிடைப்பதற்கான அறிகுறிகள் தென்படும். ஆடை, ஆபரண சேர்க்கை உண்டு. அழகான வீடுகட்டிக் குடியேறும் யோகம் உருவாகும்.

மங்கையருக்கான மகத்தான பலன்கள்!

கடக ராசியில் பிறந்த பெண்களுக்கு சனிப்பெயர்ச்சி சந்தோஷங்களை வழங்கும் பெயர்ச்சியாகவே இருக்கிறது. குடும்ப வருமானமும் கூடுதலாகவே கிடைக்கும். குடியிருக்கும் வீட்டை விலைக்கு வாங்கும் யோகமும் ஒருசிலருக்கு உண்டு. திருமணம் கைகூடும். பரிகாரங்கள் செய்வதன் மூலம் குழந்தை பாக்கியம் கிட்டும். புகுந்த வீட்டில் மதிப்பும், மரியாதையும் உயரும். சேமிப்புகளால் கணிசமான தொகை உங்கள் கைகளில் புரளும். கணவன்-மனைவிக்குள் அன்பும், பாசமும் கூடும். தாய்வழி ஒத்துழைப்பு உண்டு. சனிப் பெயர்ச்சியின் தொடக்கத்தில் ஜென்ம ராகு, 9-ல் கேது இருப்பதால் யோகபலம் பெற்ற நாளில் சர்ப்ப சாந்திப் பரிகாரங்களைச் செய்தால் நினைத்தது நிறை வேறும்.

தொட்ட காரியங்களில் வெற்றி பெற வழிபாடு!

வெள்ளிக்கிழமை தோறும் சிவாலயத்திற்கு சென்று விநாயகப் பெருமானையும், சனிக்கிழமை தோறும் அனுமனையும் வழிபட்டு வாருங்கள். ஆதியந்த பிரபு வழிபாடும் உங்களுக்கு அனுகூலம் தரும். சிறப்பு வழிபாடாக சிவகங்கை மாவட்டம் கீழச்சிவல்பட்டி அருகிலுள்ள இரணியூரில் வீற்றிருந்து அருள் வழங்கும் ஆட்கொண்ட நாதர் சிவபுரந்தேவியை வழிபட்டு அனைத்து யோகங்களையும் வரவழைத்துக் கொள்ளுங்கள்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இதுபோன்ற வக்ர காலங்களில் உங்களுக்கு வளர்ச்சி கூடுதலாகவே இருக்கும். அஷ்டமாதிபதி வக்ரம் பெறுவதால் எதிர்பாராத நல்ல திருப்பங்கள் ஏற்படும். அதே நேரத்தில் 7-க்கு அதிபதியாகவும் சனி இருப்பதால் வாழ்க்கைத் துணை வழியே பிரச்சினைகள் ஏற்படலாம். குடும்ப உறுப்பினர்கள் உங்கள் குணமறிந்து நடந்து கொள்ள மறுப்பர். பிள்ளைகளாலும், பிரச்சினைகள் வரலாம். மாமன், மைத்துனர் வழியிலும் மனக்கசப்பு ஏற்படும். வாங்கிய இடத்தை விற்கும் சூழ்நிலையால் கவலை கொள்வீர்கள். மகிழ்ச்சி குறையாமலிருக்க மற்றவர்களை அனுசரித்துச் செல்வது நல்லது.

01.09.2020 முதல் 20.03.2022 வரை

பதினொன்றில் வருகிறது ராகு..பணவரவு திருப்தி தரும்..

கடக ராசி நேயர்களே!

இதுவரை உங்கள் ராசிக்கு 12-ம் இடத்தில் விரய ஸ்தானத்தில் சஞ்சரித்து வந்த ராகு பகவான், செப்டம்பர் 1-ந் தேதி அன்று லாப ஸ்தானம் எனப்படும் 11-ம் இடத்திற்குச் செல்கின்றார். அது போல கேது பகவான் உங்கள் ராசிக்கு 5-ம் இடமான பூர்வ புண்ணிய ஸ்தானத்திற்கு அதே நாளில் வரப்போகின்றார்.

இதற்கிடையில் நவம்பர் 15-ந் தேதி மகர ராசிக்கு குரு செல்கின்றார். அப்பொழுது அவர் உங்கள் ராசி யையும் 3, 11 ஆகிய இடங்களையும் பார்க்கப் போகின் றார். அதன்பிறகு டிசம்பர் 26-ந் தேதி மகர ராசிக்கு சனி செல்கின்றார். அப்பொழுது கண்டகச் சனியின் ஆதிக்கம் நடைபெறும். 2021-ம் ஆண்டு நவம்பர் மாதம் 13-ந் தேதி குரு, கும்ப ராசிக்குச் செல்கின்றார். அப்பொழுது உங்கள் ராசிக்கு 2, 4, 12 ஆகிய இடங் களைப் பார்வையிடுகின்றார். இவற்றை அடிப்படையாக வைத்து ராகு-கேது பலன்களைப் பார்ப்போம்.

வருமானத்தைப் பெருக்கும் ராகு

பிள்ளைகளால் பெருமை தரும் கேது

பதினோராமிடமான லாப ஸ்தானத்திற்கு வரும் ராகு, உங்களின் சோகத்தை மாற்றி சுகத்தைக் கொடுப்பார். பணத்தேவை உடனுக்குடன் பூர்த்தியாகும். நஷ்டத்தில் நடந்த தொழில் இனி லாபத்தில் நடக்கும். வியாபாரத்தில் இதுவரை ஏற்பட்ட சரிவை ஈடுகட்டுவீர்கள். தொழிலை விரிவுபடுத்தும் முயற்சிக்கு வங்கிகளின் கடனுதவி கிடைக்கலாம். முன்னோர் வழிச்சொத்துக்களில் முறையான பங்கீடு கிடைக்கும். படித்து முடித்தவர்களுக்கு வேலை வாய்ப்பும், வேலையில் இருப்பவர்களுக்குச் சுயதொழில் செய்யும் வாய்ப்பும் உருவாகலாம்.

பஞ்சம ஸ்தானத்தில் கேது சஞ்சரிக்கும் பொழுது, பூர்வீக சொத்து பற்றிய பிரச்சினை முடிவிற்கு வரும். விலகிச்சென்ற உடன்பிறப்புகள் ஒருங்கிணைந்து செயல்படத் தொடங்குவர். பிள்ளைகளின் கல்வி முன்னேற்றம் கருதியும், கல்யாண முயற்சி கருதியும் நீங்கள் எடுத்த முடிவு பலன்தரும். ஒரு சிலருக்கு படித்த படிப்பிற்கும், தொழிலுக்கும் சம்பந்தம் இல்லாத வேலை அமையும். புதிய தொழில் தொடங்கும் திட்டங்கள் நிறைவேறும். வீட்டிற்குத் தேவையான விலை உயர்ந்த பொருட்களை வாங்குவீர்கள்.

செவ்வாய் சாரத்தில் ராகுவின் சஞ்சாரம் (1.9.2020 முதல் 4.1.2021 வரை)

மிருகசீர்ஷ நட்சத்திரக்காலில் செவ்வாய் சாரத்தில் ராகு சஞ்சரிக்கும் பொழுது, எண்ணங்கள் எளிதில் நிறைவேற வழிபிறக்கும். குடும்பத்தில் அமைதி நில வும். உத்தியோகம் மற்றும் தொழிலில் உன்னத நிலை காணும் சூழ்நிலை உருவாகும். பூமிப் பிரச்சினை அகலும். புதிய சொத்துக்கள் வாங்குவது, வாங்கிய சொத்தை விற்பது போன்றவற்றில் ஆர்வம் காட்டுவீர்கள். பாகப்பிரிவினை சுமுகமாக முடிய வழிபிறக்கும். அரசு வழி உத்தியோகத்திற்கு ஏற்பாடு செய்தால் அதில் வெற்றி கிடைக்கும். சாதாரண வேலையில் இருப்பவர்களுக்கு சம்பள உயர்வோடு கூடிய வேலை அமையலாம். அரசியல் மற்றும் பொதுநலத்தில் உள்ளவர்களுக்கு நல்ல பொறுப்புகளும், உயர்பதவிகளும் கிடைக்கும்.

சந்திரன் சாரத்தில் ராகுவின் சஞ்சாரம் (5.1.2021 முதல் 12.9.2021 வரை)

உங்கள் ராசிநாதன் சந்திரனின் சாரத்தில் ராகு சஞ்சரிக்கும் பொழுது, மனக்குழப்பங்கள் கொஞ்சம் அதிகரிக்கலாம். அதே நேரம் பணப்புழக்கத்திற்கு குறைவு ஏற்படாது. வேகமாகத் தொடங்கிய வேலையைப் பாதியிலேயே விட்டுவிடுவீர்கள். திட்டமிட்ட காரியங்களைத் திட்டமிட்டபடி செய்ய இயலாது. தைரியமும், தன்னம்பிக்கையும் இப்பொழுது உங்களுக்கு அதிகம் தேவை. எதிர்பார்த்த உதவி கிடைப்பது தாமதப்படலாம். அதிகார வர்க்கத்தினரின் கோபத்திற்கு ஆளாகாமல் பார்த்துக்கொள்வது நல்லது. உடலுக்கு ஒவ்வாத உணவுகளை உட்கொள்வதன் மூலம் ஆரோக்கியச் சீர்கேடுகள் ஏற்படலாம், கவனம் தேவை.

சூரியன் சாரத்தில் ராகுவின் சஞ்சாரம் (13.9.2021 முதல் 20.3.2022 வரை)

கார்த்திகை நட்சத்திரக்காலில் சூரியனின் சாரத்தில் ராகு சஞ்சரிக்கும் பொழுது, நற்பலன்கள் ஏராளமாக நடைபெறும். குடும்ப முன்னேற்றம் கூடும். கொடுக்கல்-வாங்கல்கள் ஒழுங்காகும். இல்லத்தில் மங்கல ஓசை கேட்பதற்கான வாய்ப்பு உண்டு. உங்களால் பலன்அடைந்தவர்கள் இப்பொழுது உங்களுக்கு உதவி செய்ய முன்வருவர். ஆபரணங்கள் வாங்க சந்தர்ப்பங்கள் கைகூடிவரும். வெளிநாட்டிலிருந்து எதிர்பாராத நல்ல தகவலும் கிடைக்கும். அதிகார வர்க்கத்தினரின் ஆதரவோடு புது முயற்சிகளில் வெற்றி காண்பீர்கள்.

பாத சார அடிப்படையில் கேது தரும் பலன்கள்

கேது பகவான் பஞ்சம ஸ்தானத்தில் சஞ்சரிக்கும் பொழுது, அங்குள்ள கிரகங்களின் பாதசார அடிப்படையில் பலன்கள் உங்களுக்கு வந்து சேரும். அவற் றின் பலாபலன்களை பாதசார அடிப்படையில் நாம் அறிந்து செயல்பட்டால் எதிர்பார்ப்புகள் நிறைவேறும்.

புதன் சாரத்தில் கேதுவின் சஞ்சாரம் (1.9.2020 முதல் 9.5.2021 வரை)

கேட்டை நட்சத்திரக்காலில் புதன் சாரத்தில் கேது சஞ்சரிக்கும் பொழுது வரவும், செலவும் சமமாகவே இருக்கும். புதன், உங்கள் ராசிக்கு 3, 12 ஆகிய இடங்களுக்கு அதிபதியாவார். சகோதர, சகாய ஸ்தானம் மற்றும் விரய ஸ்தானத்திற்கும் அதிபதியானவர் புதன். எனவே அந்த அடிப்படையில் பார்க்கும்பொழுது இக்காலத்தில் உடன்பிறப்புகளால் ஒருசில நன்மை கிடைக்கும். அவர்களின் இல்லத்தில் நடைபெறும் மங்கல நிகழ்ச்சிகளை முன்னின்று நடத்துவீர்கள். வழக்குகள் சாதகமாக முடியும். உடல் ஆரோக்கியம் சீராகும். இடமாற்றங்கள், வீடு மாற்றங்கள் பற்றிச் சிந்திப்பீர்கள். வெளிநாட்டு முயற்சியில் எதிர்பார்த்த பலன் உண்டு. வாங்கிய கடனில் ஒரு பகுதியைக் கொடுத்து மகிழ்வீர்கள். வாக்குவாதங்களைத் தவிர்ப்பது நல்லது.

சனி சாரத்தில் கேதுவின் சஞ்சாரம் (10.5.2021 முதல் 16.1.2022 வரை)

உங்கள் ராசிக்கு 7,8 ஆகிய இடங் களுக்கு அதிபதியானவர் சனி பகவான். அவருடைய சாரத்தில் கேது வரும்பொழுது இடமாற்றங்கள், ஊர் மாற்றங்கள் எளிதில் வரலாம். உத்தியோக மாற்றங்களும், தொழில் மாற்றங்களும் கூட ஏற்படலாம். எந்த மாற்றங்கள்வந்தாலும் வந்த மாற்றங்களை ஏற்றுக் கொள்ளக்கூடிய விதத்தில் நிர்ப்பந்தம் ஏற்படும். மூன்றாம் நபரின் தலையீட்டால் குடும்பப் பிரச்சினைகள் கொடிகட்டிப் பறக்கும். இக்காலத்தில் நம்பிக்கைக்கு உரியவர்களிடம் கூட குடும்ப விஷயத்தைப் பகிர்ந்து கொள்ளக்கூடாது. துன்பங்களை விலைகொடுத்து வாங்குவது போல் ஆகிவிடும். கடின உழைப்பும், கவலையும் அதிகரிக்கும் நேரமிது.

குரு சாரத்தில் கேதுவின் சஞ்சாரம் (17.1.2022 முதல் 20.3.2022 வரை)

குருபகவான், உங்கள் ராசிக்கு 6, 9 ஆகிய இடங்களுக்கு அதிபதியானவர். எனவே இக்காலத்தில் ஓரளவு நற்பலன்களே நடைபெறும். உங்களின் எதிர்பார்ப்புகள் நிறைவேறும். கூட்டுத் தொழிலில் மாற்றம் ஏற்பட்டு தனித்து இயங்கும் சூழல் உண்டு. உத்தியோகத்தில் கூட விருப்ப ஓய்வில் வெளிவந்து நண்பர்களைக் கூட்டாக்கி தொழில் தொடங்கும் முயற்சியில் ஆர்வம் காட்டுவீர்கள். எது, எப்படி இருந்தாலும் காரியங்கள் கடைசி நேரத்தில் கைகூடிவிடும். மலைபோல் வந்த துயர் பனிபோல் விலகியது என்று சொல்வீர்கள்.

வளர்ச்சி தரும் வழிபாடு

லாப ஸ்தான ராகுவால் வருமானம் திருப்தியாக அமையவும், பஞ்சம ஸ்தான கேதுவால் பிள்ளைகள் வழியில் நல்ல தகவல் கிடைக்கவும், இல்லத்து பூஜையறையில் சனிக்கிழமை தோறும், சனி கவசம் பாடி வழிபடுவது நல்லது. வாய்ப்பிருக்கும் பொழுது ஜெய ஆஞ்சநேயரை வழிபடலாம்.

பெண்களுக்கு...

ராகு-கேது பெயர்ச்சியின் விளைவாக பொருளாதார வளர்ச்சி அதிகரிக்கும். புதிய வாழ்க்கை அமையும். பணி நீக்கம் செய்யப்பட்டவர்கள் மீண்டும் பணியில் சேர வாய்ப்புகள் கைகூடி வரும். உடன்பிறப்புகளும், உடன் இருப்பவர்களும் உங்களுக்கு உறுதுணையாக இருப்பர். கடன் சுமை குறையும். கணவன்-மனைவிக்குள் ஒற்றுமை பலப்படும். நேர்மறைச் சிந்தனைகளை மேற்கொள்வது நல்லது. செவ்வாய் விரதமும், அம்பிகை வழிபாடும் நன்மை தரும்

28-10-2019 முதல்15-11-2020 வரை

புனர்பூசம் 4-ம் பாதம், பூசம், ஆயில்யம் வரை.

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)

ஆறில் வந்தது குரு பகவான் அனுசரித்தால் தான் ஆதாயம்!

பொது சேவை செய்வதற்காகவே பொன்னான நேரத்தை அதிகம் செலவிடும் கடக ராசி நேயர்களே!

உங்கள் ராசிநாதன் சந்திரன் ‘மனதுகாரகன்’ என்று அழைப்படுபவர். அரசியல் முதல் ஆன்மிகம் வரை அத்தனையும் அத்துபடியாக தெரிந்து வைத்திருப்பவர்கள் நீங்கள். உங்களை யாரும் ஏமாற்றமுடியாது. மற்றவர் களுக்கு எந்தப் பிரச்சினை வந்தாலும், அதை தீர்க்கும் ஆற்றல் உங்களுக்கு உண்டு என்பதால் நாடு எங்கிலும் உங்களுக்கு நண்பர்கள் ஏராளமாக இருப்பர். பொதுநலத்தில் பிரியம் வைத்திருக்கும் நீங்கள், புகழ் ஏணியின் உச்சிக்கு செல்வோர்களின் பட்டியலில் முதலிடம் பிடிப்பீர்கள். இப்படிப்பட்ட குணங்களைப் பெற்ற உங்களுக்கு இந்த குருப்பெயர்ச்சியால் எப்படிப்பட்ட பலன் கிடைக்கும் என்பதைப் பற்றிப் பார்ப்போம்.

தனுசு ராசியில்அடியெடுத்து வைக்கும் குருபகவான் உங்கள் ராசிக்கு  6,9 ஆகிய இடங்களுக்கு அதிபதியானவர். 6-ம் இடம் என்பது எதிர்ப்பு, வியாதி, கடன், இடையூறு சக்திகள், சஞ்சலம், வழக்குகள், ஏமாற்றம், சுய மரியாதை போன்றவற்றை பற்றி அறிந்து கொள்ள வேண்டிய இடமாகும். 9-ம் இடம் என்பது பிதுரார்ஜித ஸ்தானம் மட்டுமல்லாமல் வம்சவிருத்தி, தர்ம காரியங்கள் செய்தல், ஆலயத் திருப் பணிகள், தீர்த்தயாத்திரைகள், கொள்கைப் பிடிப்போடு செயல்படுவதல், கடல்கடந்து செல்லும் யோகம், வாகனம் வாங்கும் முயற்சி, கண்ணியமிக்க நண்பர்களின் அறிமுகம் ஆகியவற்றை குறிக்கும் இடமாகும்.

6-க்கு அதிபதி 6-ல் இருப்பதால் ‘விபரீத ராஜயோக’ அடிப்படையில் சில நல்ல காரியங்களும் நடைபெறும். பொதுவாக பொருளதாரநிலை உயரும். கடன் சுமை குறையும். இக்காலத்தில் கொடுத்த வாக்குறுதியைக் காப்பாற்றுவீர்கள். உழைப்பிற்கேற்ற பலன் கிடைக்கவில்லையே என்று கவலைப்பட்டவர்களுக்கு இக்காலம் ஒரு பொற்காலமாக அமையலாம். வரும் துயரைத் தடுத்து நிறுத்துகின்ற ஆற்றல் குருவின்பார்வை பலத்திற்கு உண்டு என்பதால் இக்காலத்தில் விரதங்களும், வழிபாடுகளும் வெற்றிக்கு வித்திடும்.

தனுசு குருவின் சஞ்சாரம்!

உங்கள் ராசிக்கு குரு பகவான் 6,9 ஆகிய இடங்களுக்கு அதிபதியானவர். எதிர்ப்பு, கடன், வியாதி மற்றும் தந்தை வழி உறவு ஆகியவற்றை அறிந்து கொள்ளக்கூடிய இடங்கள் இவை. இப்பொழுது பெயர்ச்சியாகும் குரு 28.10.2019 முதல் 15.11.2020 வரை தனுசு ராசியில் சஞ்சரித்தாலும் இடையில் 27.3.2020 முதல் 7.7.2020 வரை மகர ராசியில் சஞ்சரிக்கப் போகின்றார். 13.5.2020 முதல் 9.9.2020 வரை குரு வக்ர இயக்கத்தில் இருக்கின்றார். முதலில் மகர ராசியிலும், பிறகு தனுசு ராசியில் வக்ரம் பெறுகின்றார்.

மகர ராசியில் குருபகவான் சஞ்சரிக்கும் பொழுது அங்கு நீச்சம் பெறுகின்றார். குரு பகவானுக்கு மகர ராசி நீச்ச வீடாகும். உங்களைப் பொறுத்தவரை மகரத்தில் சஞ்சரிக்கும் குரு சப்தம பார்வையாக உங்கள் ராசியைப் பார்க்கின்றார். எனவே மகரத்தில் சஞ்சரிக்கும் சில மாதங்களில் எண்ணற்ற நல்ல மாற்றங்கள் உங்களுக்கு வந்துசேரப் போகின்றது. குறிப்பாக கல்யாண வாய்ப்புகள் கைகூடும். கட்டிடம் கட்டும் முயற்சி, கடல் தாண்டும் முயற்சி, தொழில் வளர்ச்சி போன்றவை இக்காலத்தில் நடைபெறலாம்.

6-க்கு அதிபதி நீச்சம் பெறும் பொழுது ‘கெட்டவன் கெட்டிடில் கிட்டிடும் ராஜயோகம்’ என்பதற்கேற்ப திட்டமிடாது செய்யும் காரியங்களில் கூட வெற்றி கிடைக்கும். திடீர், திடீரென லாபம் வந்து உங்களை மகிழ்விக்கும். பொதுநலத்தில் இருப்பவர் களுக்கு புதிய பொறுப்புகளும், பதவிகளும் வந்து சேரும்.

ஏற்கனவே சனிபகவான் தனுசு ராசியில் சஞ்சரித்துக்கொண்டு இருக்கின்றார்.  மகரத்தில் குரு சஞ்சரிக்கும் பொழுது பரிவர்த்தனை யோகமும், நீச்சபங்க ராஜயோகமும் ஏற்படுகின்றது. எனவே இப்படிப்பட்ட யோகத்தோடு குருவின் பார்வையும் உங்கள் ராசியில் பதிகின்ற அதிசாரத்தில், நினைத்ததெல்லாம் நிறைவேறும்.  நீண்ட நாள் நோய் அகலும் வாய்ப்பும் கைகூடலாம்.

குருவின் பார்வை பலன்!

‘இரண்டினைக் குருதான் பார்த்தால் இனியதோர் வாழ்வு சேரும்’, ‘பத்தினை குருதான் பார்த்தால் முத்தான தொழில் வளம் வாய்க்கும்’ என்று ஜோதிட சாஸ்திரம் சொல்கின்றது. அந்த அடிப்படையில் இந்த குரு பெயர்ச்சியின் விளைவாக 2, 10, 12 ஆகிய இடங்களைக் குரு பார்ப்பதால் அந்த இடங்களெல்லாம் புனித மடைந்து புதிய திருப்பங்களை உங் களுக்கு வழங்கப்போகின்றது.

குரு பார்வை பற்றி அறிந்து கொள்வதற்கு முன்னால், குருவுடன் இணைந்திருக்கும் கிரகங்களைப் பற்றியும் நீங்கள் தெரிந்து கொள்ள வேண்டும். குறிப்பாக குரு பகவான் சனி மற்றும் கேதுவுடன் சேர்ந்து சஞ்சரிக்கின்றார். எனவே சனியின் கடுமையைக் கொஞ்சம் குறைப்பார்.அதுமட்டுமல்லாமல் அங்கிருந்து கொண்டு, அவர் பார்க்கும் இடங்களுக்கும் நல்ல பலன்களை அள்ளி வழங்குவார். கேதுவுடன் சேர்ந்த குரு பகவான்  ராகுவைப் பார்ப்பதால் விரய ஸ்தானமும் உங்களுக்குப் புனிதமடைகின்றது. எனவே நீங்கள் பொருளாதார நெருக்கடிகளைச் சமாளிக்கும் விதத்தில் புதிய திருப்பங்களை காணப் போகிறீர்கள்.

குருவின் பார்வை 2-ம் இடத்தில் பதிவதால் கொடுத்த வாக்கைக் காப்பாற்ற முடியும். கொள்கைப்பிடிப்போடு செயல்பட இயலும். நிலையான வருமானத்திற்கு வழிவகுத்துக்கொள்வீர்கள். சங்கிலித் தொடர்போல வந்த கடன்சுமை குறையும்.

குருவின் பார்வை 10-ம் இடத்தில் பதிவதால் தொழில் வளம் சிறப்பாக இருக்கும். தொல்லை தந்த எதிரிகள் விலகுவர். புதிய ஒப்பந்தங்கள் அடுக்கடுக்காக வந்து சேரும். உத்தியோகத்தில் உள்ளவர்களுக்கு இருந்து வந்த பிரச்சினைகள் தீரும். தொழிலை விரிவு செய்ய நினைத்தவர்களுக்கு வங்கி மற்றும் வள்ளல் களின் ஒத்துழைப்பு கிடைக்கும். வேலைபார்க்கும் நிறுவனம் சம்பந்தமாகவே வெளிநாடு சென்று பணிபுரியும் யோகமும் சிலருக்கு வரலாம்.

நேர்முகத் தேர்விற்கு பலமுறை சென்றும் வேலை கிடைக்கவில்லையே. இந்த முறையாவது வேலை கிடைக்குமா, என்று நினைத்தவர் களுக்கு எதிர்பார்த்தபடியே வேலை  கிடைக்கும். தெசாபுத்தி பலம் பெற்றவர்களுக்கு அரசாங்க வேலைகள் கூடக் கிடைக்கலாம். வியாபாரத்தில் இருந்த மறைமுகப் போட்டிகள் அகலும். விலகிச் சென்ற பணியாளர்கள் மீண்டும் வந்திணைவர். கூட்டுத் தொழிலைத் தனித்தொழிலாக மாற்றிக் கொள்ள விரும்புபவர்கள் கூட்டாளிக்குரிய பங்கு தொகையைக் கொடுத்துவிட்டுத் தொழிலைத் தானே ஏற்று நடத்தும் வாய்ப்பு அமையலாம். என்ன இருந்தாலும் செயல் ஸ்தானத்தைக் குரு பார்ப்பதால் செய்யும் காரியங்களில் இதுவரை இருந்த மந்தநிலை இனி மாறும்.

குருவின் பார்வை 12-ம் இடத்தில் பதிவதால் அயன சயன ஸ்தானம் மற்றும் விரய ஸ்தானம் எனப்படும் இடம் புனிதமடைகின்றது. எனவே குடும்பத்தில் கணவன்-மனைவிக்குள் ஒற்றுமை பலப்படும். உதாசீனப்படுத்திய உறவினர்கள் ஓடிவந்து ஒட்டிக்கொள்ள முன்வருவர். விட்டுப்போன வரன்கள் மீண்டும் வரலாம். வீடு, இடம், வாங்கும் முயற்சி வெற்றி தரும். ஆரோக்கியத் தொல்லையில் இருந்து விடுபடுவீர்கள். ஆடை, ஆபரண சேர்க்கை உண்டு. பயணங்கள் பலன்தரும் விதத்தில் அமையும். சுபநிகழ்ச்சிகள் பலவும் இல்லத்தில் நடைபெறலாம்.

மகர குருவின் சஞ்சாரம்!

27.3.2020 முதல் 7.7.2020 வரை மகர ராசியில் குரு சஞ்சரிக்கின்றார். இதற்கிடையில் 13.5.2020 முதல் குருபகவான் மகர ராசிக்குள் வக்ர இயக்கத்திலும் இருக்கின்றார். இந்த மகர குருவின் சஞ்சாரம் எப்படியிருக்கின்றது என்பதைப்பற்றிப் பார்ப்போம். குரு நீச்சம் பெற்றிருந்தாலும் வலிமை இழந்திருந்தாலும் அதன் பார்வைக்கு பலன் உண்டு. குறிப்பாக உங்கள் ராசிக்கு 7-ம் இடமான மகரத்தில் சஞ்சரிக்கும் பொழுது களத்திர ஸ்தானம் புனிதமடைகின்றது. எனவே கல்யாண முயற்சிகள் கைகூடும். கருத்து வேறுபாடுகள் அகலும். சந்தர்ப்பங்கள் அனைத்தும் சாதகமாக அமையும். உடல் நலத்தில் இருந்த நோய் நொடிகள் ஓடி ஒளியும்.

9-க்கு அதிபதியாகவும் குரு விளங்குவதால் இக்காலத்தில் பெற்றோர் களின் உடல் நலத்தில் கவனம் தேவை. தந்தையின் ஆரோக்கியம் சீராக மருத்துவர்களை அணுகுவீர்கள். முன்னோர் வழிச் சொத்துக்களின் முறையான பங்கீடுகள் கிடைக்கும். குடும்பத்தில் மூன்றாம் நபரால் ஏற்பட்ட குழப்பங்கள் அகலும்.  வெளிநாட்டில் படிப்பை தொடர வேண்டும் என்று முயற்சித்த பிள்ளைகளுக்கு நல்ல பதில் வந்து சேரும்.

செல்வ வளம் தரும் சிறப்பு வழிபாடு!

இந்தக்குருப்பெயர்ச்சி குதூகலம் தரும் பெயர்ச்சியாக அமைய, தாம்பத்திய தட்சிணாமூர்த்தி படத்தை இல்லத்தில் வைத்து வழிபடலாம். தஞ்சை மாவட்டம் தென்குடி திட்டையில் உள்ள ராஜகுருவை வழிபட்டு நலங் களையும், வளங்களையும் வரவழைத்துக்கொள்ளுங்கள்.

குருவின் வக்ர காலம்!

13.5.2020 முதல் 9.9.2020 வரை தனுசு ராசியிலும், மகர ராசி யிலும் குரு வக்ரம் பெறுகின்றார். இக்காலத்தில் குடும்பச்சுமை கொஞ்சம் கூடுதலாக இருக்கும். கொடுக்கல் வாங்கல்களில் ஒருசிலர் ஏமாற்றங் களைச் சந்திக்க நேரிடும். உத்தியோகத்தில் உடன்பணிபுரிபவர்களால் தொல்லைகள் ஏற்படும். வாங்கிய கடனைக்கொடுக்க ஏதேனும் ஒரு சொத்துக்களை விற்கும் சூழ்நிலை ஏற்படும். விலை உயர்ந்த பொருட்களை வாங்குவதில் கவனம் செலுத்துவீர்கள். வீடு மாற்றம், நாடு மாற்றம் தொடர்பான சிந்தனைகள் மேலோங்கும். கூட்டாளிகள் கூடுதல் லாபம் தருவதாகச் சொல்லிவிட்டு கடைசி நேரத்தில் கையை விரிக்கலாம். சேமிப்புகள் கரைகின்றதே என்று கவலைப்படுவீர்கள். மறைமுகப் பகை அதிகரிக்கும். இக்காலத்தில் எதையும் மனதிற்குள்ளேயே வைத்துக்கொள்வது நல்லது.

பெண்களுக்கான சிறப்பு பலன்கள்

கடக ராசியில் பிறந்த பெண்களுக்கு கனவுகள் நனவாகும் விதத்தில் இந்தக் குருப் பெயர்ச்சி இருக்கின்றது. உள்ளத்தில் உற்சாகம் குடிகொள்ளும். குருவின் பார்வை குடும்ப ஸ்தானத்தில் பதிவதால் குடும்ப முன்னேற்றம் கூடுதலாயிருக்கும். கணவன்-மனைவிக்குள் ஒற்றுமை பலப்படும். சென்ற குருப்பெயர்ச்சி காலத்தில் ஏற்பட்ட பிரச்சினைகள் சூரியனைக் கண்ட பனிபோல விலகும். தாய் மற்றும் உடன்பிறப்புகளின் ஆதரவு உண்டு. தந்தையின் உடல் நலத்தில் கவனம் தேவை. புகுந்த வீட்டிற்கு பெருமை சேர்ப்பீர்கள். உத்தியோகத்தில் இருப்பவர் களாக இருந்தால் உயர்பதவிகள் தானாகக் கிடைக்கும். பிள்ளை களின் எதிர்கால நலன்கருதி நீங்கள் எடுத்த முயற்சி வெற்றி தரும். திருமணமாகி குழந்தைப்பேறு எதிர்பார்த்து காத்திருக்கும் பெண்களுக்கு மக்கட்பேறு கிடைக்கும் வாய்ப்பு உண்டு. பணிபுரியும் பெண்களுக்கு எதிர்பார்த்த பதவி உயர்வு கிடைக்கும். ஆடை, ஆபரண சேர்க்கை ஏற்படும். குரு வழிபாடும் சர்ப்ப கிரக வழிபாடும் உங்கள் எதிர்பார்ப்புகளை நிறைவேற்றும்.