நீண்ட நாள் ஆசைகள் பூர்த்தியாகும் நாள். பிற இனத்தாரால் பெருமை வந்து சேரும் சாதுர்யமாக செயல்பட்டு பொருள்வரவைப் பெருக்கிக்கொள்வீர்கள். இடம், பூமி வாங்கும் யோகம் உண்டு. உடல்நலம் சீராகும்.      

16.11.2018 முதல் 22.11.2018 வரை

முன்னேறத்துடிக்கும் மனம் கொண்ட தனுசு ராசி அன்பர்களே!

எதிர்பார்த்த பண வரவு காரணமின்றித் தள்ளிப் போக நேரலாம். மறைமுக செலவுகள் பெருகும்.

உத்தியோகம்: ஒருசிலருக்குப் பதவிகளில் சிறு மாறுதல்கள் ஏற்படக்கூடும். உயரதிகாரிகளின் பாராட்டு கிடைக்கும்.

தொழில்: சொந்தத் தொழில் செய்பவர்களுக்கு புதிய வாடிக்கை யாளர்கள் கிடைப்பார்கள். கூட்டுத்தொழில் செய்பவர்களுக்கு சுமாரான லாபம் கிடைக்கும். புதிய கிளைகள் ஆரம்பிக்கும் முயற்சி தாமதமாகும். பங்குச்சந்தை வியாபாரம் சுமாராக நடைபெறும்.

கலை: கலைஞர்கள் புதிய ஒப்பந்தங்களைப் பெற தீவிர முயற்சிகளில் ஈடுபடுவார்கள். ஒருசிலருக்கு பெயரும், புகழும் கிடைக்கும்.

குடும்பம்: குடும்பத்தில் அவ்வப்போது சிறு சிறு சச்சரவுகள் வந்து போகும். வீண் பேச்சுகளால் மன உளைச்சலுக்கு ஆளாக நேரலாம்.

வார வழிபாடு: செவ்வாய்க்கிழமை அங்காரக பகவானுக்கு சிவப்பு மலர்மாலை சூட்டி வழிபடுங்கள்.

கார்த்திகை மாத ராசிபலன்கள்

17-11-2018 முதல் 15-12-2018 வரை

கவனமுடன் செயல்பட வேண்டிய நேரம்!

விளம்பி வருடம் கார்த்திகை மாத கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு பகவான் விரய ஸ்தானத்தில் சஞ்சரிக்கிறார். அதுமட்டுமல்லாமல் அஸ்தமனம் பெற்றும் இருக்கிறார். மேலும் ஏழரைச் சனியில் ஜென்மச் சனியின் ஆதிக்கமும் உங்களுக்கு நடைபெறுகிறது. எனவே எதிர்பார்ப்புகள் நடைபெறுவதில் கொஞ்சம் தாமதங்கள் ஏற்பட்டாலும், முடிவில் வெற்றி கிடைக்கும். முன்னேற்றப் பாதைக்கு முட்டுக்கட்டையாக இருப்பவர்கள் விலகுவதற்கு, முறையான பரிகாரங்களைச் செய்து கொள்வது நல்லது.

2–ல் கேது இருப்பதால் பிரச்சினைகள் முடிவடைந்தது போல இருந்து, மீண்டும் தலைதூக்கக்கூடும். ராகு – கேதுக்கள் ஆதிக்கம் மேலோங்கியிருப்பதால், உங்களுக்கு மனக்குழப்பம் அதிகரிக்கும். எதிரிகளால் தொல்லை வரும். எதிர்பார்த்த காரியங்கள் நடப்பதில் தாமதம் ஏற்படும். இருப்பினும் உங்கள் ராசிநாதன் குரு என்பதால் கவலைப்படத் தேவையில்லை. காரியங்கள் கடைசி நேரத்தில் கைகூடும். ராகு–கேது பெயர்ச்சி வரை எதிலும் கொஞ்சம் விழிப்புணர்ச்சியோடு இருப்பது நல்லது.

இம்மாதம் முழுவதும் உங்கள் ராசிநாதனாகவும், சுகாதிபதியாகவும் இருக்கும் குருபகவான், சூரியனோடு இணைந்து அஸ்தமனத்தில் சஞ்சரிக்கிறார். எனவே உங்களின் தன்னம்பிக்கையும், தைரியமும் குறையலாம். கைகொடுத்து உதவுவதாகச் சொன்னவர்கள் கடைசி நேரத்தில் பின்வாங்கலாம். ஆரோக்கியத் தொல்லைகளும் உண்டு. வீண் விரயங்களும் உண்டு. பிறருக்கு பொறுப்புச் சொல்வதன் மூலம் பிரச்சினைகளைச் சந்திப்பீர்கள்.

மாதத் தொடக்கத்தில் உங்கள் ராசிக்கு லாப ஸ்தானத்தில் புதனும், சுக்ரனும் வக்ர இயக்கத்தில் இருக்கிறார்கள். புத–சுக்ர யோகம் செயல்பட்டாலும் அது வலிமை இழந்திருப்பதால், தொழிலில் விழிப்புணர்ச்சி தேவை. உறவினர்கள் உங்களுக்குப் பகையாக மாறலாம். வீண் விரயங்களில் இருந்து விடுபட சுப விரயங்களை மேற்கொள்வது நல்லது. குறிப்பாக வீட்டிற்குத் தேவையான அத்தியாவசியப் பொருட்களையும், ஆடம்பரப் பொருட்களையும் வாங்கலாம். வீடு, வாகனம் பராமரிப்புச் செலவுகளில் ஆர்வம் காட்டுங்கள். வியாழன் வலிமை இழந்திருப்பதால் குரு பீடங்களுக்கு சென்று வழிபட்டு வருவது நல்லது.

இம்மாதம் திருக்கார்த்திகை வருவதால், கவசம் பாடி கந்தப் பெருமானை வழிபட்டு வருவது நல்லது.

புதனின் வக்ர நிவர்த்தியும், பெயர்ச்சியும்!

உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்ய தோ‌ஷம் பெற்ற கிரகம் வக்ர நிலையில் யோகத்தைக் கொடுக்கும். அதே நேரத்தில் உங்கள் ராசிக்கு தொழில் ஸ்தானாதிபதியான புதன் லாப ஸ்தானத்தில் சஞ்சரிக்கும் போது, நவம்பர் 24–ந் தேதி வக்ர நிவர்த்தியாகிறார். எனவே தொழில் வளர்ச்சி சிறப்பாக இருக்குமென்றே சொல்லலாம். மனைவி, மக்கள் மூலம் உதிரி வருமானங்கள் கிடைக்கும். பாக்கிகளும் வசூலாகிப் பரவசப்படுத்தும். ஆபரணம், வாகனம், மின்சாதனப் பொருட்கள் போன்றவற்றை வாங்குவீர்கள். டிசம்பர் 8–ந் தேதி விருச்சிகத்திற்கு புதன் செல்கிறார். அதன்பிறகு ஒருசிலருக்கு இடமாற்றங்கள், வீடு மாற்றங்கள் உருவாகலாம்.

சுக்ரனின் வக்ர நிவர்த்திக் காலம்!

உங்கள் ராசிக்கு 6, 11 ஆகிய இடங்களுக்கு சுக்ரன் அதிபதியாகிறார். அந்தச் சுக்ரன் நவம்பர் 30–ந் தேதி வக்ர நிவர்த்தியாகிறார். லாபாதிபதி பலம்பெறும் இந்த நேரம் பொருளாதார நிலை உயரும். உத்தியோகத்திற்காக முயற்சி செய்தவர்களுக்கு அது கிடைக்கும். ஒரு சிலருக்கு பணி நிரந்தரம் ஆகி மகிழ்ச்சிப்படுத்தும். சம்பளப் பாக்கிகளும் வந்து சேரும். பெண்வழிப் பிரச்சினைகள் நல்ல முடிவிற்கு வரும். வெளிநாட்டு வேலைக்கு முயற்சித்தவர்களுக்கு இப்பொழுது அழைப்புகள் வந்து ஆச்சரியப்படுத்தும்.

குருவின் சஞ்சாரம் நிலை!

குரு பகவான் மாதத் தொடக்கம் முதல் அஸ்தமனத்திலேயே இருக்கிறார். கேந்திராதிபத்ய தோ‌ஷம் பெற்ற கிரகம் என்பதால் அஸ்தமனம் நன்மைதான் என்றாலும், உங்களின் ராசிநாதனாகவும் குரு விளங்குவதால் ஆரோக்கியத் தொல்லை அதிகரிக்கும். அருகில் இருப்பவர்களின் உதவி குறையும். பிள்ளைகளால் பிரச்சினை வந்து மனநிம்மதியை குறைக்கும். வாகனங்களில் செல்லும்பொழுது கவனம் தேவை. குறிப்பாக இதுபோன்ற காலங்களில் எதையும் ஒருமுறைக்குப் பலமுறை யோசித்துச் செய்வது நல்லது.

இம்மாதம் வியாழன் தோறும் விரதமிருந்து தென்முகக் கடவுளை இன்முகத்தோடு வழிபடுவது நல்லது. 

பணத்தேவையைப் பூர்த்தி செய்யும் நாட்கள்:– 

நவம்பர்: 19, 20, 30, டிசம்பர்: 1, 2, 4, 5

மகிழ்ச்சி தரும் வண்ணம்: பொன்நிற மஞ்சள்

பெண்களுக்கான சிறப்புப் பலன்கள்!

இம்மாதம் விரய குருவின் ஆதிக்கத்தால் விரயங்கள் அதிகரிக்கும். வீடு மாற்றங்களும், இடமாற்றங்களும் ஏற்படலாம். குரு அஸ்தமனத்தில் இருப்பதால், எதையும் ஒருமுறைக்கு பலமுறை யோசித்துச் செய்வது நல்லது. இல்லம் தேடி நல்ல தகவல் வர குரு வழிபாட்டை மேற்கொள்வது அவசியம். கணவன்–மனைவிக்குள் விட்டுக் கொடுத்துச் செல்வதன் மூலமே விருப்பங்கள் நிறை         வேறும். பிள்ளைகளால் வரும் துன்பங்களை சமாளிப்பீர்கள். தாய்வழி ஆதரவு திருப்திகரமாக இருக்காது. சகோதர வர்க்கத்தினரின் உதவியும் ஓரளவே கிடைக்கும். பணவரவு திருப்திகரமாக இருந்தாலும் பற்றாக்குறை ஏற்படும். உத்தியோகத்தில் உடன் பணிபுரிபவர்களால் சிக்கல்கள் ஏற்படலாம். வீண்விவாதங்களை விலக்குவது நல்லது. சக பணியாளர்களிடம் உங்கள் பொறுப்புகளை ஒப்படைத்தால், அது நிறைவடையாமல் மீண்டும் உங்களிடமே வந்து சேரும். சனிக்கிழமை தோறும் விநாயகர், ஆஞ்சநேயர், சனீஸ்வரர் ஆகிய மூன்று தெய்வங்களையும் முறையாக வழிபடுங்கள்.

2018-ம் ஆண்டு புத்தாண்டு பலன்கள்

மூலம், பூராடம், உத்ராடம், 1-ம் பாதம் வரை (பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)

பாம்புக் கிரகத்தின் ஆதிக்கம்! பக்தி செலுத்தினால் பலன்கிட்டும்!

உதவிகள் செய்வதன் மூலம் உள்ளத்தில் இடம்பிடிக்கும் தனுசு ராசி அன்பர்களே!

புத்தாண்டு (2018) ஏழரைச் சனியில் ஜென்மச் சனியின் ஆதிக்கத்துடன் பிறக்கிறது. இருந்தாலும் கூட சனி உங்களுக்கு யோகம் தரும் கிரகமாகும். தனாதிபதியாகவும், சகாய ஸ்தானாதிபதியாகவும் விளங்குபவர் சனி பகவான். இதுவரை விரயச்சனியில் இருந்து தொல்லை தந்து வந்த அவர், ஜென்மத்தில் சஞ்சரிக்கும்பொழுது தன வரவைக் கொடுத்து, மனக் குழப்பத்தை அகற்றுவார். மேலும் குருவின் பார்வை ஆண்டின் தொடக்கத்தில் 3-ம் இடத்தில் வெற்றிகள் ஸ்தானத்தில் பதிவதால், உங்கள் வீட்டில் வெற்றிக் கொடி பறக்கப் போகிறது. புதிய பொறுப்புகளும், பதவிகளும் கிடைக்கப்போகின்றன. வழக்குகள் சாதகமாகும்.

உங்கள் ராசிநாதன் குரு லாப ஸ்தானத்தில் சஞ்சரித்து ஆண்டு தொடங்குவதால், பொருளாதாரப் பிரச்சினை அகலும். பொதுநலத்தில் ஈடுபட்டவர்களுக்கு வீண் பழிகள் அகலும். எதிரிகள் உதிரிகளாவர். அதே நேரத்தில் 2-ல் கேதுவும், 8-ல் ராகுவும் சஞ்சரிப்பதால், பாம்பு கிரகங்களின் ஆதிக்கம் மேலோங்கி இருக்கின்றது. எனவே வான் புகழும் நிலையை அடையவும், வழக்குகளில் வெற்றி காணவும் சர்ப்பசாந்திப் பரிகாரங்களை, உங்களுக்கு யோகபலம் தரும் நாளில் அனுகூல ஸ்தலத்தில் செய்து கொள்ளவேண்டும்.

விநாயகப்பெருமானையும், விஸ்வரூப ஆஞ்சநேயரையும் தொடர்ச்சியாக வழிபட்டால், சனியின் ஆதிக்க காலத்தில் சஞ்சலங்கள் ஏற்படாது. சந்தோஷங்களையே அதிகம் சந்திக்கும் சூழ்நிலை உருவாகும். உங்களுடைய சுய ஜாதகத்தில் இருக்கும் திசாபுத்தி பலமறிந்து, புத்தாண்டு ஜாதகத்தோடு ஒப்பிட்டுப் பார்த்து எப்பொழுது இதயம் மகிழும் சம்பவம் நடைபெறும், அதற்கு எந்தெந்த ஆலயத்தை தேர்ந்தெடுத்து வழிபட்டு வருவது நல்லது என்பதை அறிந்து செயல்படுங்கள்.

புத்தாண்டின் தொடக்க நிலை!

புத்தாண்டின் தொடக்கத்தில் உங்கள் ராசிநாதன் குரு, லாப ஸ்தானத்தில் சஞ்சரிக்கிறார். அவரது பார்வை 3,5,7 ஆகிய இடங்களில் பதிகின்றது. எனவே சகோதர ஒற்றுமை பலப்படும். சொத்துகளை பிரித்துக்கொள்வதில் மும்முரம் காட்டுவீர்கள். விலகிச் சென்றவர்கள் விரும்பி வந்து இணைவர். பிள்ளைகளின் எதிர்கால நலன் கருதி எடுத்த முயற்சிகளில் வெற்றி கிடைக்கும். பிரச்சினைக்கு மத்தியில் வாழ்ந்த நீங்கள் இனி நிம்மதி காண்பீர்கள். தகராறுகள் தானாக விலகிச் செல்லும். கல்யாண முயற்சிகளும் கைகூடும்.

பஞ்சம விரயாதிபதியான செவ்வாய் குருவோடு கூடி லாப ஸ்தானத்தில் சஞ்சரிப்பது யோகம்தான். பிள்ளைகளின் கல்வி சிறப்பாக அமையும். அவர்கள் நினைத்த மேற்படிப்பை தேர்ந்தெடுத்து வெற்றிபெறும் வாய்ப்பு கிட்டும். வெளிநாடு சென்றுபடித்துக் கொண்டே வேலை பார்க்கும் யோகமும் ஒருசிலருக்கு உண்டு. வெளி நாட்டுப் படிப்பை மேற்கொள்ள தொகை அதிகமாக இருக்கிறதே என்று நினைக்கவேண்டாம். அதற்கு அரசு வழிச்சலுகைகள் கிடைக்கும்.

ஜென்மச் சனியின் ஆதிக்கம் இருப்பதால் ஆரோக்கியத்தில் சிறுசிறு தொல்லைகள் ஏற்படலாம். மாற்று மருத்துவத்தை மேற்கொண்டு மனக் கவலையைப் போக்கிக் கொள்ளலாம். கூட்டு முயற்சிகளில் உங்களுக்கு லாபம் கிடைக்கும். குடியிருக்கும் வீட்டால் வந்த பிரச்சினை அகலும். சனியின் பார்வை 3,7,10 ஆகிய இடங்களில் பதிவதால் அரசியல் களத்தில் இருப்பவர்களுக்கு இதுவரை இருந்த வீண்பழிகள் அகலும். வெளியுலகத் தொடர்பு விரிவடையும். வாங்கல்- கொடுக்கல்கள் ஒழுங்காகும். தொழில் தொடங்கும் முயற்சியில் புதிய பங்குதாரர்கள் வந்திணைவர். பழைய தொழில் கைவிட்டுப் போனாலும் புதிய தொழில் வெற்றி நடை போடும்.

வருடத் தொடக்கத்தில் 2-ல் கேதுவும், 8-ல் ராகுவும் சஞ்சரிக்கிறார்கள். எனவே ஏற்றமும், இறக்கமும் கலந்த நிலை உருவாகும். தொழிலில் வீழ்ச்சியும், எழுச்சியும் மாறிமாறி வரும். தொகை வந்த மறுநிமிடமே செலவாகும். கொடுத்த வாக்கைக் காப்பாற்ற இயலாது. இதுபோன்ற காலங்களில் அன்னதானம் மற்றும் ஆன்மிக வழிபாடுகளை மேற்கொள்வது நல்லது. பிறரது வாழ்த்துக்களால் உங்கள் வாழ்க்கை வளம்பெறும். என்னயிருந் தாலும் ராகு-கேதுக்களின் மாற்றம் வரும் வரை சற்று பொறுமையைக் கடைப்பிடிப்பது நல்லது.

குருப்பெயர்ச்சிக் காலம்!

ஆண்டின் தொடக்கத்தில் உங்கள் ராசிக்கு 11-ம் இடத்தில் சஞ்சரிக்கும் குருபகவான், அக்டோபர் 4-ந் தேதி முதல் விரய ஸ்தானத்தில் சஞ்சரிக்கப் போகிறார். எனவே விரயங்கள் கூடுமோ என்று நினைக்க வேண்டாம். ராசிநாதன் 12-ல் சஞ்சரிக்கும் பொழுது வீட்டிற்குத் தேவையான விலையுயர்ந்த பொருட்களை வாங்கி மகிழலாம். வீடு கட்டும் முயற்சியில் ஆர்வம் கூடும். கட்டிய வீட்டைப் பழுது பார்ப்பீர்கள். சுப நிகழ்ச்சிகளுக்காக செலவிடுவீர்கள். அசையாச் சொத்துகளை வாங்கலாம். புதிய வாகனம் வாங்கும் யோகம் வாய்க்கும். ஆலய வழிபாடும், அருளாளர்களின் ஆலோசனைகளும் கைகொடுக்கும். கேந்திராதிபத்ய தோஷம்பெற்ற குரு பகவான் 12-ல் மறையும்பொழுது யோகத்தை வழங்குவார்.

குருவின் பார்வை பதியும் 4,6,8 ஆகிய இடங்கள் புனிதமடைகின்றன. நான்கினை குருதான் பார்த்தால் நலம் யாவும் வந்து சேரும். ஆறினை குருதான் பார்த்தால் ஆதரவுக் கரங்கள் நீளும். எனவே புதிய நண்பர்களின் பழக்கம் அதிகரிக்கும். கிளைத் தொழில்கள் தொடங்கும் வாய்ப்பு உருவாகும். பணியாளர்களின் தொல்லை அகலும். ரண சிகிச்சை செய்ய வேண்டுமென்று சொன்ன மருத்துவர்கள், இனிச் சாதாரண சிகிச்சையிலேயே நோயைக் குணப்படுத்துவர்.

குருவின் அதிசார காலமும், வக்ர காலமும்!

14.2.2018 முதல் 11.4.2018 வரை குரு விருச்சிக ராசியில் அதிசாரம் பெறுகிறார். 7.3.2018 முதல் 4.7.2018 வரை குரு வக்ரம் பெறுகிறார். இதற்கிடையில் பிப்ரவரி 14-ந் தேதி முதல் மார்ச் 9-ந் தேதி வரை விருச்சிக ராசிக்குள் குரு- செவ்வாய் சேர்க்கை ஏற்படுகிறது. இதனால் குரு-மங்கல யோகம் உண்டாகிறது. இக்காலத்தில் குடும்ப முன்னேற்றம் கூடும். பதவி உயர்வு, ஊதிய உயர்வு போன்றவை கிடைக்கும். பெண் குழந்தைகளின் சுபச் சடங்குகள் நடைபெறும்.

குருவின் வக்ர காலத்தில் எதிலும் கூடுதல் கவனம் தேவை. பெரிய மனிதர்களின் ஆதரவு குறையும். பங்கு தாரர்களால் தொல்லை ஏற்படும். வீண் பழிகள் வந்து கொண்டே இருக்கும். எதிர்மறைச் சிந்தனைகள் இதயத்தில் உருவாகும். மன உறுதி குறையலாம். நண்பர்கள், உங்களை விட்டு வில காமல் பார்த்துக் கொள்வது நல்லது. வீண் அலைச்சல் வேதனைகளைக் கொடுக்கும். கையிலுள்ள பணம் கணப்பொழுதில் கரையலாம். குரு பகவான் ஸ்தலங்களுக்குச் சென்று வழிபட்டு வருவதன் மூலம் நன்மைகளைக் காண இயலும்.

சனியின் வக்ர காலம்!

ஏப்ரல் 25-ந் தேதி முதல் ஆகஸ்டு 20-ந் தேதி வரை மூல நட்சத்திரக் காலில் தனுசு ராசியில் சனி வக்ரம் பெறுகிறார். உங்கள் ராசிக்கு 2,3 ஆகிய இடங்களுக்கு அதிபதியானவர் சனி பகவான். அவர் வக்ரம் பெறுவது அவ்வளவு நல்லதல்ல. புது முயற்சிகளில் யோசித்து ஈடுபடுங்கள். தொழில் போட்டிகள் அதிகரிக்கும். நினைத்த காரியத்தை நினைத்த நேரத்தில் செய்ய முடியவில்லையே என்று சிந்திப்பீர்கள்.

செவ்வாய்- சனி சேர்க்கை காலத்தில் சிக்கல்கள் அதிகரிக்கும். சகோதரர்களே உங்கள் முன்னேற்றத்திற்கு முட்டுக்கட்டை போடுவர். அலைச்சலுக்கேற்ற ஆதாயம் கிடைக்கும். அடுத்தவர் நலன் கருதி எடுத்த முயற்சிகளில் வீண்பழிகள் ஏற்படலாம். குடும்பத்தினர் உங்கள் குணமறிந்து நடந்து கொள்ளமாட்டார்கள். உடல் நலத்திலும் பிரச்சினை ஏற்படலாம். கடல் போல கவலைகள் வந்தாலும், துன்பங்கள் விலகி ஓட, அங்காரக வழிபாடும், சனிபகவான் வழிபாடும் அவசியம் தேவை. வடக்கு நோக்கிய அம்பிகையை வழிபட்டால் வளர்ச்சியில் உள்ள தளர்ச்சி நீங்கும். பறந்து செல்லும் ஆஞ்சநேயர் படத்தை வைத்து, அதன் வாலில் ஒரு மண்டலத்திற்கு பொட்டு வைத்து வழிபடுவதன் மூலம் நற்பலன்கள் வந்து சேரும்.

வளர்ச்சி தரும் வழிபாடு!

பட்டாபிஷேக ராமர் படத்தை இல்லத்து பூஜையறையில் வைத்து வழி படலாம். குரு கவசப் பாராயணம் செய்து வியாழக்கிழமை தோறும் குருவை வழிபடுவதன் மூலம் வளங்களையும், நலங்களையும் வரவழைத்துக் கொள்ள இயலும்.

செவ்வாய் பெயர்ச்சியும், உச்சமும்!

உங்கள் ராசிக்கு 5,12 ஆகிய இடங்களுக்கு அதிபதியானவர் செவ்வாய். அவர் ஜனவரி 20-ந் தேதி முதல் மார்ச் 10-ந் தேதி வரை தன் சொந்த வீடான விருச்சிகத்தில் சஞ்சரிக்கிறார். இக் காலத்தில் உடன்பிறப்புகள் வழியில் நிம்மதி குறையலாம். எதிர்பார்த்த அளவிற்கு லாபம் கிடைக் காது. பிள்ளைகளால் பிரச்சினைகள் உருவாகும். அவர்கள் உங்கள்ஆலோசனைகளைக் கேட்டு நடப்பது சந்தேகம்தான். ஆரோக் கியத் தொல்லைக்கு உள்ளாவீர் கள். கடினமாக உழைத்தாலும் கணிசமான லாபம் கிடைக்காது. அப்படியே லாபம் வந்தாலும் அடுத்த நிமிடமே செலவாகி விடும்.

ஏப்ரல் 30-ந் தேதி முதல் அக்டோபர் 26-ந் தேதி வரை மகரத்தில் செவ்வாய் உச்சம் பெறுகிறார். பஞ்சம விரயாதிபதி உச்சம் பெறுவது அவ்வளவு நல்லதல்ல. ஊர்மாற்றங்களும், உத்தியோக மாற்றங்களும் உள்ளத்தை நெருட வைக்கும். வாகனங்களால் செலவு அதிகரிக்கும். முன்னோர் சொத்துகள் கைவிட்டுப் போகலாம். பற்றாக்குறை ஏற்படுகின்றதே என்று ஆதங்கப்படுவீர் கள். இதுபோன்ற காலங்களில் வடக்குப் பார்த்த அம்பிகை மற்றும் வாராஹி வழிபாடு நன்மை செய்யும்.

மங்கையருக்கான மகத்தான பலன்கள்!

இந்தப் புத்தாண்டு பொருளாதார விருத்தியை அதிகரிக்கும் ஆண்டாக உங்களுக்கு அமையும். உங்கள் ராசிக்கு குரு-மங்கல யோகம், குரு-சந்திர யோகம், குரு- சுக்ரப் பரிவத்தனை ஆகிய மூன்றும் இடம்பெறுவதால், சென்ற ஆண்டைக் காட்டிலும் சிறப்பான ஆண்டாக இந்த ஆண்டு அமையப் போகிறது. ஜென்மச் சனியின் ஆதிக்கம் இருப்பதால், உடல் நலத்தில் கவனம் செலுத்துங்கள். கணவன்- மனைவிக்குள் அன்பும், பாசமும் அதிகரிக்கும். குருப்பெயர்ச்சிக்குப் பின்னால், பிள்ளைகளால் தொல்லைகள் ஏற்பட்டு அகலும். வருடத்தின் கடைசி 2 மாதங் களில் மனக்குழப்பம் உண்டாகும். எதையும் ஒருமுறைக்குப் பலமுறை யோசித்துச் செய்வது நல்லது. தீட்டிய திட்டங்கள் திசை மாறிப் போகும். உத்தியோகத்தில் எதிர்பாராத மாற்றம் வந்து சேரும். குலதெய்வப் பிரார்த்தனைகளை நிறைவேற்றுவதோடு, ஒவ்வொரு சனிக்கிழமையும் மாருதி வழிபாட்டை மேற்கொள்ளுங்கள். பிரதோஷ வழிபாடு உங்களுக்கு பெருமை சேர்க்கும்.

19-12-2017 முதல் 28-03-2020 வரை

மூலம், பூராடம், உத்ராடம், 1-ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)

ஜென்ம ராசியில் சனி சிந்தித்து செயல்பட வேண்டும் இனி!

லட்சியம் நிறைவேறும் வரை விடாது பாடுபடும் தனுசு ராசி நேயர்களே!

குருவின் ஆதிக்கம் பெற்ற உங்களுக்கு ஒரு தனி மதிப்பும், மரியாதையும் இருக்கும். வெல்லும் சொல்லுக்கு சொந்தக்காரர்களாக விளங்கும் நீங்கள் நியாயத்தை நிலைநிறுத்தப்பாடுபடுவீர்கள். உங்களுக்கு இதுவரை விரய ஸ்தானத்தில் சஞ்சரித்து வந்த சனிபகவான் இப்பொழுது ஜென்ம ராசிக்குள் அடியெடுத்து வைக்கின்றார். உங்கள் ராசியைப் பொறுத்தவரை தனாதிபதியாகவும், சகாய ஸ்தானாதிபதியாகவும் விளங்குபவர் சனிபகவான். எனவே பெரிய பாதிப்புகளை ஏற்படுத்த மாட்டார். இருந்தாலும் ஏழரைச் சனியின் ஆதிக்கம் என்பதால் குழப்ப நிலையை உருவாக்குவார்.

சனி உங்கள் ராசிக்கு முதல் சுற்றா? இரண்டாவது சுற்றா? மூன்றாவது சுற்றா? என்பதை ஆராய்ந்து பாருங் கள். முதல் சுற்றாக இருக்கும் பட்சத்தில் தீட்டிய திட்டங்கள் திசைமாறிச் செல்லலாம். திடீர், திடீரென விரயங்கள் ஏற்படலாம்.

இரண்டாவது சுற்று நடப்பவர்கள் பொங்கு சனியின் ஆதிக்கம் இருப்பதால் செல்வநிலை உயரும். செயல்பாடுகள் அனைத்திலும் வெற்றி கிடைக் கும். ஆனால் மனதில் மட்டும் இனம் புரியாத கவலை குடிகொள்ளும்.

மூன்றாவது சுற்று நடப்பவர்கள் எதையும் நிதானித்துச் செய்வது நல்லது. எப்படிச் செய்தாலும் அந்தக் காரியத்தில் மக்கள் அவர்கள் மீது குற்றம் சுமத்துவர். பண நெருக்கடி அதிகரிக்கும்.

இப்பொழுது உங்களுக்கு நடக்கும் சனி ஜென்மச் சனியாகும். அதற்காக நீங்கள் கவலைப்பட வேண்டாம். நீதிமான் என்றும், நியாயத்தை வழங்குபவர் என்றும் வர்ணிக்கப்படும் சனி பகவானை தேடி கோவிலுக்குச் சென்று வழிபட்டு வந்தால் வாழ்க்கைப் பாதை சீராகும். வழக்குகள் சாதகமாகும். வாரிசுகளால் ஏற்பட்ட பிரச் சினைகள் அகலும்.

சனிக்குரிய சிறப்பு ஸ்தலங்களான மதுரை, தேனி அருகிலுள்ள குச்சானூர் சென்று சனிபகவானை வழிபட்டு வருவது நல்லது. காரைக்கால் அருகிலுள்ள திருநள்ளாறு சென்று தங்க வாகனத்தில் காட்சி தரும் சனிபகவானை கவசம் பாடிக் கைதொழுது வழிபட்டு வாருங்கள். வார நாட்களில் சனி ஓரை வரும் நேரத்தில் சனி பகவானை வழிபட்டால் சகல யோகங் களும் உங்களுக்கு கிடைக்கும்.

ஜென்மத்தில் சனிவரும் நேரம்
சிந்தித்து செயல் புரிந்தால்
நன்மையே நாளும் சேரும்!
நல்லவர் தொடர்பு கிட்டும்!
பொன், பொருள் குவிவதற்கும்,
புகழ்வந்து சேர்வதற்கும,்
அன்புடன் கவசம் பாடி
அவரையே தொழுவோம் நாமே!

என்று ஜோதிட சாஸ்திரம் சொல்கின்றது.

எனவே ஒவ்வொரு சனிக்கிழமையும் சனியின் சன்னிதியில் எள் தீபம் ஏற்றி வழிபாடு செய்யுங்கள். ஆதியந்த பிரபு வழிபாடு ஆனந்தம் வழங்கும்.

சிறப்புகளை வழங்குமா ஜென்மச் சனி?

டிசம்பர் 19-ந் தேதி முதல் விரயச் சனியின் ஆதிக்கத்தில் இருந்து விடுபட்டு ஜென்மச் சனியின் ஆதிக்கத்தைப் பெறுகிறீர்கள். உங்கள் ராசி வீட்டைத் தேடி வரும் சனியால் பல விதங்களில் மாற்றங்களைக் காணப் போகிறீர்கள். ஆனால் தேக நலனில் மட்டும் அதிக அக்கறை எடுத்துக் கொள்ளும் சூழ்நிலை உருவாகும். அலைச்சல் கூடும். அதிகமாக முயற்சி செய்துதான் சில காரியங்கள் முடியும். செலவுகள் கட்டுக்கடங்காமல் இருக் கும். ஒருசிலரை நம்பி ஏமாறும் சூழ்நிலை கூட உண்டு. உங்கள் கண்காணிப்பில் இல்லாத காரியங்கள் சிறப்பாக முடிவடையாது.

பொதுநலம் மற்றும் அரசியலில் உள்ளவர்கள் வீண் பழிகளுக்கு ஆளாக நேரிடும். ஒருசிலர் வேறு தலைமையில் சேரலாமா? என்று கூட சிந்திப்பர். கணக்கு வழக்குகளை கச்சிதமாக வைத்துக் கொள்வது நல்லது.

சுற்றியுள்ளவர்களின் பகை அதிகரிக்கும். நட்பு வட்டமும் பகை ஆகலாம். நாடு மாற்றங்களும், வீடு மாற்றங்களும், வாகன மாற்றங்களும் நம்பிக்கை அளிக்கும். வீடு கட்டிக் குடியேற வேண்டும் அல்லது வாங்கிக் குடியேற வேண்டுமென்று நினைத்தவர்களின் எண்ணங்கள் பூர்த்தியாகப் போகின்றது.

ஜென்மச் சனி காலத்தில் மிகப் பெரிய விரயங்கள் ஏற்படலாம். சொத்துப் பிரச்சினைகள் தலைதூக்கலாம். எனவே பத்திரப் பதிவில் கவனம் செலுத்துங்கள்.

வாகனங்களில் செல்லும் பொழுது கூடுதல் கவனம் செலுத்த வேண்டிய நேரமிது. பழைய வாகனங்கள் பழுதாகி செலவு செய்ய நேரிடும். படிப்பில் தடங்கல் ஏற்படலாம்.

விரைவில் உங்கள் ராசியிலேயே கேதுவும், 7-ல் ராகுவும் சஞ்சரிக்கப் போவதால் நாகசாந்திப் பரிகாரங்களை முறையாகச் செய்வது நல்லது. மேலும் சாப விமோசனப் படங்களை இல்லத்துப் பூஜையறையில் வைத்து வழிபாடு செய்யலாம். பவுர்ணமி கிரிவலத்தில் கலந்து கொள்வதினாலும், அமாவாசையில் முன்னோர்களை வழிபடுவதன் மூலமும் முன்னேற்றத்தில் ஏற்பட்ட முட்டுக்கட்டைகள் அகலும்.

சனியின் பார்வை பலன்கள்!

உங்கள் ராசியிலேயே சனி பகவான் டிசம்பர் 19-ந் தேதியிலிருந்து சஞ்சரிக்கப் போகின்றார். அப்பொழுது அதன் பார்வை 3, 7, 10 ஆகிய இடங் களில் பதிவாகின்றது.

எனவே, அந்த இடங்களுக்குரிய ஆதிபத்யங்களில் எல்லாம் நல்ல மாற்றங்கள் உருவாகும். குறிப்பாக தன்னுடைய வீடான 3-ம் வீட்டைத் தானே பார்ப்பதால் உடன்பிறப்புகள் வழியே உதவிகள் கிடைக்கும். அவர்களோடு ஏற்பட்ட உரசல்களும், விரிசல்களும் அகலும். நீண்ட நாட்களாக வேலைஇல்லாமல் இருந்த உடன்பிறப்புகளுக்கு இப்பொழுது வேலை கிடைக்கும். அவர்களுடைய மண விழாக்கள் சிறப்பாக முடிய வழி பிறக் கும்.

சனியின் பார்வை சப்தம ஸ்தானத்தில் பதிவதால் உத்தியோகத்தில் வேலைப்பளு கூடுதலாக இருக்கும். அலைச்சல் அதிகரிக்கும். ஆதாயம் குறைவாகவே கிடைக்கும். நீண்ட தூரப் பயணங்களால் மனக்கலக்கம் ஏற்படும்.

வெளியுலகத் தொடர்பு விரிவடையும் என்றாலும் புதியவர்களிடம் கொஞ்சம் கவனமுடன் இருப்பது நல்லது. குடும்பத்தில் கணவன்-மனைவிக்குள் ஒற்றுமைக் குறைவு ஏற்படாமல் இருக்க விட்டுக் கொடுத்துச் செல்வது நல்லது. பெற்றோர்களின் உடல்நலத்தில் ஆரோக்கிய குறை ஏற்பட்டு அகலும்.

சனியின் பார்வை 10-ம் இடத்தில் பதிவதால் தொழிலில் மாறுதல் செய்ய நினைப்பீர்கள். மனைவி வழி உறவினர்கள் கூட்டாளிகளாக வந்திணைவர். உத்தியோகத்தில் உள்ளவர்கள் வி.ஆர்.எஸ். பெற்றுக்கொண்டு விருப்ப ஓய்வில் வெளிவந்து புதிய தொழில் தொடங்கும் திட்டங்களை மேற்கொள்வர். பணிநிரந்தரம் பற்றிய தகவல் வந்து சேரும்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார். இந்த இரண்டு குருப் பெயர்ச்சிகளும் உங்களுக்கு எதிர்பார்த்த மாற்றங்களையே கொடுக்கப் போகின்றது.

விருச்சிகத்தில் குரு சஞ்சரிக்கும் பொழுது அதன் பார்வை 4, 6, 8 ஆகிய இடங்களில் பதிகின்றது. குரு பார்வை பதியும் இடங்கள் எல்லாம் புனித மாகும். எனவே சுகங்களும், சந்தோஷங்களும் கிடைக்கும். வாகன யோகம் உண்டு. திருமண மண்டபங்கள், கடைகள் கட்டி வாடகைக்கு விடும் சூழ்நிலை உண்டு. பாக்கிகள் வசூலாகி பரவசப்படுத்தும். பணி நிரந்தரமாகவில்லையே என்ற கவலை இனி அகலும்.

தனுசு ராசியில் குரு சஞ்சரிக்கும் பொழுது அதன் பார்வை 5, 7, 9 ஆகிய இடங்களில் பதிகின்றது. எனவே பிள்ளைகளால் ஏற்பட்ட பிரச்சினைகள் அகலும். பிரபலஸ்தர்களின் ஒத்துழைப்பு கிடைக்கும். வாழ்க்கைத் துணையாலும் உதிரி வருமானங்கள் வந்து சேரும். அசையா சொத்துகளில் இருந்த வில்லங்கங்கள் விலகும்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகின்றார்கள். இக்காலத்தில் கூடுதல் கவனம் தேவை. நிறைய விரயங்கள் ஏற்படும். ‘கரும்பாம்பு ஜென்மம் வந்தால் கடலளவு பொருள் இருந்தாலும் விரயமாகி விடும்’ என்பர். வாழ்க்கைத் துணைவழியே பிரச்சினைகள் ஏற்பட்டு அகலும். குலதெய்வப் பிரார்த்தனைகளை நிறைவேற்றுவது நல்லது. ராகு-கேதுக் களுக்குரிய சிறப்பு வழிபாடுகளைச் செய்தால் மனநிம்மதி கிடைக்கும்.

தொட்ட காரியங்களில் வெற்றி பெற வழிபாடு!

வியாழக்கிழமை தோறும் சிவாலயத்திற்கு சென்று குரு தட்சிணா மூர்த்தியை வழிபட்டு வாருங்கள். சனிக்கிழமை அனுமனையும் வழிபட்டு வாருங்கள். சிறப்பு வழிபாடாக சிவகங்கை மாவட்டம் திருப்பத்தூருக்கு அருகில் உள்ள பிள்ளையார் பட்டிக்கு சென்று அங்குள்ள வடக்கு நோக்கி வீற்றிருந்து அருள்வழங்கும் கற்பக விநாயகரை கைதொழுது போற்றுங்கள். ஒப்பற்ற வாழ்க்கை அமையும்.

சனியின் வக்ர காலம்!

25.4.2018 முதல் 21.8.2018 வரை மூல நட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இக்காலத்தில் பண நெருக்கடி அதிகரிக்கும். விரயங்கள் கூடுதலாக இருக்கும். எந்தக் காரியமும் உடனடியாக முடிவடையவில்லையே என்று கவலைப்படுவீர்கள். கொடுத்த வாக்கைக் காப்பாற்ற இயலாது. கண், காது சம்பந்தப்பட்ட இடங்களில் தொல்லைகள் ஏற்பட்டு அகலும். தொழில் நிலையம் வைத்திருக்கும் இடத்தை மாற்றும் முயற்சியில் ஈடுபடுவீர்கள். முடிவடைந்த வழக்குகள் கூட மீண்டும் தலை தூக்கலாம்.

மங்கையருக்கான மகத்தான பலன்கள்!

தனுசு ராசியில் பிறந்த பெண்களுக்கு விரயச் சனியின் ஆதிக்க காலம் முடிந்து ஜென்மச் சனியின் ஆதிக்கம் நடைபெறப் போகின்றது. உடல் ஆரோக்கியப் பாதிப்புகள் அடிக்கடி ஏற்படலாம். தகுந்த மருத்துவ ஆலோசனைகளை பெறுவது நல்லது. இட மாற்றங்கள், ஊர் மாற்றங்கள் உருவாகும். ஒருசிலருக்கு வீடு வாங்கி குடியேறும் அமைப்பு உண்டு. பொருளாதார நிலை உயரும். மணவாழ்வில் மகிழ்ச்சி கூடும். கணவன்-மனைவிக்குள் இருந்த கருத்து வேறுபாடு அகலும். ஒருவரை ஒருவர் புரிந்து கொண்டு செயல்படுவீர்கள். பிள்ளைகளின் முன்னேற்றம் பெருமைப்படத்தக் கதாக இருக்கும். போட்டி, பந்தயங்களில் அவர்கள் வெற்றி கண்டு பதக்கங்களைப் பெறுவர்.

குருப் பெயர்ச்சிக்கு பிறகு குடும்பத்தில் சுபகாரியங்கள் நடைபெறும். தாய்வழி ஆதரவு பெருகும். ஆடை, ஆபரண சேர்க்கை உண்டு. பணிபுரியும் இடத்திலிருந்த பிரச்சினைகள் மாறும். வீடு கட்ட, வாகனம் வாங்க நீங்கள் எதிர்பார்த்த சலுகைகள் கிடைக்கும். குலதெய்வ வழிபாடு குடும்ப முன்னேற்றத்திற்கு வித்திடும். அதோடு சர்ப்ப சாந்தியும் செய்வது நல்லது.

27-7-2017 முதல் 13-2-2019 வரை

மூலம், பூராடம், உத்ராடம், 1–ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)

எட்டாமிடத்தில் வரும் ராகு எதிலும் கவனம் தேவை!

நிகழ்காலத்தை விட எதிர்காலத்திலேயே குறிக்கோளாக இருக்கும் தனுசு ராசி நேயர்களே!

உங்களுக்கு இந்த ராகு–கேது பெயர்ச்சி அஷ்டமத்திலும், 2–ம் இடத்திலுமாக அமைகின்றது. இதுவரை 9–ம் இடத்தில் சஞ்சரித்து வந்த ராகு, ஜூலை 27–ம் தேதி முதல் 8–ம் இடத்திற்கு வருகிறார். அதே நேரத்தில் 3–ம் இடத்தில் சஞ்சரிக்கும் கேது வாக்கு, தனம், குடும்பம் என்பதை அறிந்து கொள்ளும் இடமான 2–ம் இடத்திற்கு வருகின்றார்.

பொதுவாக கடகத்தில் சஞ்சரிக்கும் ராகு ராஜயோகத்தைக் கொடுக்கும் என்பதாலும், செப்டம்பர் 2–ந் தேதி பெயர்ச்சியாகப் போகும் குரு உங்கள் ராசிக்கு லாப ஸ்தானமான 11–ம் இடத்தில் சஞ்சரிக்கப் போவதோடு, அங்கிருந்து 3, 5, 7 ஆகிய இடங்களைப் புனிதப்படுத்தப் போவதாலும் இந்த ராகு–கேது பெயர்ச்சியை யோகம் தரும் பெயர்ச்சியாகவே கருதலாம்.

அஷ்டமத்தில் ராகு அடியெடுத்து வைக்கும் பொழுது, நமக்கு நற்பலன் கிடைக்க வேண்டுமானால் பெயர்ச்சிக்கு பிறகு உங்கள் ஜென்ம நட்சத்திரத்தன்றோ அல்லது ராகு பகவான் சஞ்சரிக்கும் நட்சத்திரத்தன்றோ, திங்கள், வியாழன் ஆகிய நாட்களில் சர்ப்ப சாந்திப் பரிகாரங்களைச் செய்வது நல்லது.

எல்லையில்லாத நற்பலனை வழங்கும் குருவை ஆலங்குடி, திட்டை, பட்டமங்கலம் போன்ற ஸ்தலங்களுக்குச் சென்று வழிபட்டு வாருங்கள். குருவருளும், திருவருளும் இணையும் பொழுது பெருவாரியான நற்பலன்கள் உங்களுக்கு கிடைக்கும். நீண்ட நாட்களாக நடைபெறாத காரியங்களெல்லாம் இனி படிப்படியாக நடைபெறும்.

அஷ்டமத்தில் அடியெடுத்து வைக்கும் ராகு!

கடந்த ஒன்றரை ஆண்டு காலமாக உங்கள் ராசிக்கு 9–ம் இடத்தில் ராகு சஞ்சரித்து வந்தார். அவர் ஜூலை 27–ந் தேதி அஷ்டம ஸ்தானத்திற்கு மாறுகிறார். 6, 8, 12 ஆகிய மறைவிடங்களுக்கு வரும்பொழுது ஒருசில கிரகங்கள் நன்மையைச் செய்யும். குறிப்பாக பாவ கிரகங்கள் வரும்பொழுது, பலன்கள் அதிகம் கிடைக் கும். சுயபலமற்ற கிரகம், இருக்கும் இடத்தைப் பொறுத்தே பலன் தரும். எனவே அஷ்டமத்தில் அடியெடுத்து வைக்கும்  நிழல் கிரகம் ராகு, நிஜகிரகம் போல வேலை செய்யப் போகிறது. விரயங் கள் ஏற்படுத்தினாலும் அதற்கு ஏற்ப வரவையும் கொடுக்கும்.

பாரப்பா எட்டினிலே ராகுவந்தால்
பணவிரயம் அதிகரிக்கும் இருந்த போதும்
சீரான பொருள் வரவைக் கொடுத்தேநாளும்
செலவழியும்! இடமாற்றம் உறுதியாகும்!

என்று ஜோதிட சாஸ்திரம் சொல்கின்றது.

அந்த அடிப்படையில் விரயங் களைப் பற்றி நீங்கள் கவலைப்பட வேண்டியதில்லை. எந்த செலவு வந்தாலும், அதற்கு ஏற்ப வரவையும் ராகு கொடுக்கும். பணத்தை வைத்துக்கொண்டு எந்தக் காரியமும் செய்யவேண்டும் என்பதில்லை. காரியத்தைதொடங்கிவிட்டால் பணப்புழக்கம் வந்து சேரும். நண்பர்கள் நல்ல பலனைக் கொண்டு வந்து சேர்ப்பர்.

இதுபோன்ற காலங்களில் குடும்பத்திற்குத் தேவையான விலை உயர்ந்த பொருட்களை வாங்குவதில் அக்கறை காட்டுவீர்கள். பிள்ளைகளின் எதிர் கால நலன்கருதி வங்கிகளில் வைப்பு நிதியை வைக்கலாம். அவர்களுக்குரிய ஆபரணங்கள் வாங்குவதில் முதலீடுகள் செய்யலாம். உங்கள் ராசியைப் பொறுத்தவரை வீடுகட்டி குடியேறும் அமைப்பைவிட கட்டிய வீடாக வாங்கி குடியேறும் வாய்ப்பு அதிகமாக உள்ளது.

அந்த அடிப்படையில் பெரியளவில் சொத்துகள் வாங்குவதற்கான வாய்ப்பும் இருக்கிறது. அதற்குரிய தொகை கைவசம் இல்லையே என்று நீங்கள் நினைக்க வேண்டாம். சந்திரன் வீட்டில் சஞ்சரிக்கும் ராகு கடன் வாங்கும் அமைப்பையும் கொடுப்பார்.

தொழில் மாற்றச் சிந்தனை மேலோங்கும். வரும் மாற்றங்களை ஏற்றுக்கொள்வது நல்லது. நடக்கும் தொழிலில் புதிய கூட்டாளிகளைச் சேர்த்துக் கொள்ளலாமா அல்லது பிள்ளை களையே கூட்டாக வைத்துக்கொள்ளலாமா என்று சிந்திப்பீர்கள். உங்கள் சிந்தனைக்கு வெற்றி கிடைக்கும்விதம் நல்ல சம்பவங்கள் இப்பொழுது நடைபெறப்போகிறது.

இரண்டாமிடத்து கேதுவின் பலன்!

இதுவரை உங்கள் ராசிக்கு 3–ம் இடத்தில் சஞ்சரித்து வந்த கேது பகவான் இப்பொழுது 2–ம் இடத்தில் சஞ்சரிக்கப் போகின்றார். மகர கேதுவின் ஆதிக்கம் குடும்பத்தில் பிரச்சினைகளை உருவாக்கினாலும் அதைச் சாமர்த்தியமாகச் சமாளித்து விடுவீர்கள். குறிப்பாக குடும்ப முன்னேற்றம் கருதி எடுக்கும் முயற்சிகளில் தடைகள் ஏற்படாமல் இருக்க அருகிலிருப்பவர்களின் அனுசரிப்பு உங்களுக்குத் தேவை. எனவே கோபத்தை குறைத்துக்கொள்வது நல்லது. தீபத்தில் தெரியும் தெய்வத்தின் முகத்தைப் பார்த்து நீங்கள் வழிபட்டால் தித்திக்கும் விதத்தில் வாழ்க்கையை அமைத்துக் கொள்ள இயலும்.

வாக்கு ஸ்தானம் என்று வர்ணிக்கப்படும் 2–ம் இடத்தில் கேது சஞ்சரிக்கப் போவதால் கொடுத்த வாக்கை ஒருசில சமயங்களில் காப்பாற்ற இயலாது. கூட்டாளிகள் தருவதாகச் சொன்ன தொகையைத் தருவதில் தாமதம் ஏற்படலாம். எனவே இது போன்ற காலங் களில் யாருக்கும் வாக்கு கொடுத்தால் ஒரு கணம் யோசிப்பது நல்லது.

மற்றவர்களுக்கு கொடுத்துதவும் எண்ணம்பெற்ற நீங்கள் ஒருசில சமயங்களில் ஏமாற்றங்களையும் சந்திக்க நேரிடும். அந்த அடிப்படையில் யாருக்கேனும் பண உதவி செய்திருந்தால் அல்லது பணப்பொறுப்புகள் சொல்லியிருந்தால் அதில் சிக்கல்கள் உருவாகலாம். கேது பலம் பெறும் இந்தநேரத்தில் விநாயகப்பெருமானை விடாது வழிபடுவது நல்லது. சங்கடஹர சதுர்த்தி விரதம் இருப்பதன் மூலம் சங்கடங்கள் அகலும். அதுமட்டுமல்லாமல் சிதறுகாய் உடைப்பதன் மூலம் துன்பங்கள் சிதறி ஓடும். கேதுக்குரிய தெய்வமாக விளங்கும் தும்பிக்கையான் மீது முழுமையான நம்பிக்கை வைக்கவேண்டிய நேரமிது.

பெண்களுக்கு!

தனுசு ராசியில் பிறந்த பெண்களுக்கு ஆரோக்கியத்தில் அக்கறை செலுத்த வேண்டிய நேரமிது. மருத்துவ ஆலோசனைகளைப் பெறுவது நல்லது. வரவைக் காட்டிலும் செலவு கூடும். விரயங்களைச் சமாளிக்கும் ஆற்றல் உங்களுக்கு உண்டு. குடும்பத்தில் உள்ளவர்களின் குணங் களைப் புரிந்து கொண்டு செயல்படுவது நல்லது. கணவன்–மனைவிக்குள் ஒற்றுமை பலப்பட விட்டுக் கொடுத்துச்செல்வது நல்லது. குழந்தைகளை உங்கள் மேற்பார்வையில் வைத்துக் கொள்ளுங்கள். உடன்பிறப்புகள் உங்களுக்கு உறுதுணையாக விளங்குவர். குருப்பெயர்ச்சிக்கு பிறகு கடன் பாதிக்கு மேல் குறையும். உத்தியோகத்தில் உள்ளவர்களுக்கு எதிர்பார்த்தபடி இடமாற்றம், இலாகா மாற்றம் வந்து சேரலாம். நவக்கிரகத்தில் உள்ள ராகு–கேதுக் களை வழிபடுவதன் மூலமும், பவுர்ணமி விரதத்தின் மூலமும் பலன்களை அதிகம் பெறலாம்.

வாழ்க்கை வசந்தமாக வழிபாடு!

அஷ்டமத்து ராகுவால் ஆதாயம் குறையாமலிருக்கவும், தன ஸ்தான கேதுவால் வரவு தடையின்றிக் கிடைக்கவும் சுய ஜாதகத்தில் ராகு–கேதுக்களின் பலமறிந்து சர்ப்ப சாந்திப்பரிகாரம்  செய்வதோடு, வியாழக்கிழமை தோறும் குரு தட்சிணாமூர்த்தி வழிபாட்டை மேற்கொள்வது நல்லது.

பாதசாரப்படி ராகு தரும் பலன்கள்!

புதன் சாரத்தில் ராகு சஞ்சரிக்கும் பொழுது (27.7.2017 முதல் 3.4.2018 வரை):

இக்காலத்தில் சுபவிரயங்கள் அதிகரிக்கும். கல்யாண வாய்ப்புகள் கைகூடும். திடீர் பயணங்களால் திரவிய லாபம் உண்டு. வெளிநாட்டு அழைப்புகளை பரிசீலனை செய்ய முன்வருவீர்கள். மாமன், மைத்துனர் வழியில் நடைபெறும் சுபநிகழ்வுகளை முன்னின்று நடத்தி நல்லபெயர் எடுத்துக்கொள்வீர்கள்.

சனி சாரத்தில் ராகு சஞ்சரிக்கும் பொழுது (4.4.2017 முதல் 11.12.2018 வரை):

இக்காலத்தில் எதிர்பாராத தனலாபம் கிடைக்கும். எல்லா நாட்களும் நல்ல நாட்களாக அமையும். வழக்குகளில் வெற்றி கிட்டும். வருங்கால நலன் கருதி நீங்கள் தீட்டிய திட்டங்களுக்கு பிரபலஸ்தர்களின் ஒத்துழைப்பு கிடைக்கும். கட்டிய வீட்டை விற்றுவிட்டோமே என்று கவலைப்பட்டவர்களுக்கு புதிய வீடு வாங்கும் யோகம் உண்டு. தனாதிபதியாகவும், சகாய ஸ்தானாதிபதியாகவும் விளங்கும் சனியின் சாரத்தில் ராகு சஞ்சரிக்கும் இக்காலம் ஒருபொற்காலம் ஆகும். புதிய தொழில் தொடங்கும் முயற்சி பலன் தரும். அரசியல் ஈடுபாடு கொண்டவர்களுக்கு அது நன்மையை வழங்கும். எதிரிகள் பின்வாங்கும் நேரமிது.

குரு சாரத்தில் ராகு சஞ்சரிக்கும் பொழுது (12.12.2018 முதல் 12.2.2019 வரை):

இக்காலத்தில் ராசிநாதன் குருவின் சாரத்தில் ராகு சஞ்சரிக்கப்போவதால் எந்தக்காரியமும் எடுத்தோம், முடித்தோம் என்று செய்து முடிப்பீர்கள். எதிர்பார்த்தபடியே இலாகா மாற்றங்கள் வந்துசேரும். முன்னோர் வழிபாட்டிலும், தெய்வ வழிபாட்டிலும் ஆர்வம் காட்டுவது நல்லது. ஆரோக்கியத் தொல்லை அகலும். வீண் பழிகளிலிருந்து விடுபடுவீர்கள். உத்தியோகத்தில் உள்ளவர்கள் விருப்ப ஓய்வில் வெளிவந்து நல்ல திருப்பங்களைக் காணும் நேரமிது.

பாதசாரப்படி   கேது    தரும்   பலன்கள்!

செவ்வாய் சாரத்தில் கேது சஞ்சரிக்கும் பொழுது (27.7.2017 முதல் 29.11.2017 வரை):

இக்காலத்தில் செவ்வாய் உச்சம்பெறும் மகர ராசியிலேயே செவ்வாயின் சாரத்தில் கேது சஞ்சரிக்கப் போவது யோகம்தான். தொட்ட காரியங்களில் வெற்றி கிடைக்கும். தொழில் வளர்ச்சி கூடும். விலகிச் சென்ற சகோதரர்கள் விரும்பி வந்து சேருவர். ஆன்மிகப் பணிகளில் ஆர்வம் காட்டுவீர்கள். உடன்பிறப்புகளோடு சொத்துகளால் ஏற்பட்ட பிரச்சினை அகலும்.

சந்திரன் சாரத்தில் கேது சஞ்சரிக்கும் பொழுது (30.11.2017 முதல் 7.8.2018 வரை):

இக்காலத்தில் விரயங்கள் கூடுதலாகவே இருக்கும். பணப்பற்றாக்குறை அதிகரிக்கும். பணம் வந்த மறுநிமிடமே குழப்பங்கள் அதிகரிக்கும். எதிர்மறைச் சிந்தனைகளை தவிர்த்தால் இனிய பலன் கிடைக்கும்.

சூரிய சாரத்தில் கேது சஞ்சரிக்கும் பொழுது (8.8.2018 முதல் 12.2.2019 வரை):

இக்காலத்தல் எதையும் சிந்தித்து யோசித்துச் செய்வது நல்லது. உறவினர் பகை அதிகரிக்கும். நீங்கள் மற்றவர் களுக்கு செய்யும் உதவிக்கு நன்றிகாட்ட மாட்டார்கள். புனிதப் பயணங்கள் அதிகரிக்கும். முன்னோர் வழிபாட்டை முறையாக மேற்கொள்வதன் மூலம் முன்னேற்றத்தில் ஏற்பட்ட தடைகளை அகற்றிக்கொள்ள இயலும்.

4-10-2018 முதல் 28-10-2019 வரை

மூலம், பூராடம், உத்ராடம், 1–ம் பாதம் வரை

(பெயரின் முதல் எழுத்துக்கள்: யே, யோ, ப, பி, பு, பூ, பா, ன, டே, பே உள்ளவர்களுக்கும்)

குரு வருமிடம் பனிரெண்டு, கொடுக்கும் விரயம் மிகவுண்டு!

சுறுசுறுப்புக்கு சொந்தக்காரர் களாக விளங்கும் தனுசு ராசி நேயர்களே!

நவக்கிரகங்களில் சுபகிரகமாக விளங்கும் குருவின் ஆதிக்கம் பெற்ற ராசியைக் கொண்டவர்கள் நீங்கள். தெய்வப்பற்றும், தேசப்பற்றும் மிக்கவர்களாக விளங்குவீர்கள். விடாமுயற்சி உங்களுக்கு வெற்றியைத் தேடித்தரும். சாஸ்திர அறிவு பெற்ற நீங்கள் பொதுவாழ்வில் ஈடுபட்டு புகழும் பெறுவீர்கள். சுதந்திரமாக இருக்க விரும்புபவர் நீங்கள். எதிரிகளை பகிரங்கமாக எதிர்த்துப் போராடி வெற்றி காணும் ஆற்றல் உங்களுக்குள் ஒளிந்திருக்கும். மனதில் உதிக்கும் கருத்துக்களை தெள்ளத் தெளிவாக எடுத்துரைப்பீர்கள். ‘லட்சியவாதிகள்’ என்று உலகம் உங்களைச்சொல்லும். குரு நான்காமிடத்திற்கும் அதிபதியாக விளங்குவதால் குடும்பத்தினர்களும், குழந்தைகளும் உங்கள் குணமறிந்து நடந்து கொள்வது அரிது.

புரட்டாசி 18–ல், குரு பெயர்ச்சியாகி 12–ம் இடமான விரய ஸ்தானத்தில் சஞ்சரிக்கப் போகின்றார். ஏற்கனவே ஜென்மச் சனியின் ஆதிக்கத்தில் சிக்கியிருக்கிறீர்கள். வழக்குகள், மனநிம்மதியின்மை, குடும்பத் தகராறு, தொழில் மாற்றம், பிள்ளைகளால் அமைதிக்குறைவு போன்றவற்றை கண்ட நீங்கள் இப்பொழுது விரய குருவாலும் சில பிரச்சினைகளை சந்திக்கக் கூடிய நேரமிது. இருப்பினும் உங்கள் ராசியைப் பொறுத்தவரை கேந்திராதிபத்திய தோ‌ஷம் பெற்ற கிரகம் 12–ல் மறைவதால் எதிலும் எதிர்த்துப் போராடி வெற்றி காண்பீர்கள். மலைபோல் வந்த காரியத் தடைகளும், இடையூறு சக்திகளும் பனிபோல் விலகும்.

விருச்சிக குருவின் சஞ்சாரம்!

4.10.2018–ல் முதல் விருச்சிக ராசியில் சஞ்சரிக்கும் குரு பகவான் 28.10.2019 வரை விரய ஸ்தானத்தில் வீற்றிருந்து அதன் பார்வை பலத்தால் நல்ல பலன்களை வழங்கப் போகின்றார். இடையில் 13.3.2019–ல் தனுசு ராசிக்கு அதிசாரமாகச் செல்கின்றார். பிறகு 10.4.2019–ல் தனுசு ராசியிலேயே வக்ரம் பெறுகின்றார். மீண்டும் 19.5.2019–ல் விருச்சிக ராசியில் சஞ்சரித்து வக்ர கதியிலேயே இருக்கின்றார். 7.8.2019–ல் விருச்சிக குரு வக்ர நிவர்த்தியாகின்றார். 28.10.2019–ல் தனுசு ராசிக்கு முறையாகச் செல்கின்றார்.

குரு பார்வை தரும் பலன்கள்!

குருப்பெயர்ச்சிக் காலத்தில் குருப்பெயர்ச்சியானவுடன் 12–ம் இடத்தில் இருந்தபடியே அவர் 4, 6, 8 ஆகிய இடங்களைப் பார்க்கின்றார். சுக ஸ்தானம், ரோக ஸ்தானம், இழப்புகள் ஸ்தானம் ஆகியவற்றில் பதியும் குருவின் பார்வை மூலம் தீய பலன்கள் மாறி, தூய பலன்கள் கிடைக்க வழி வகுக்கும்.

‘நான்கினை குரு தான் பார்த்தால் நலம் யாவும் வீடு வரும்’ என்பது முன்னோர் வாக்கு. அந்த அடிப்படையில் நல்ல சம்பவங்கள் இல்லத்தில் நடைபெறும். மாலை சூடும் வாய்ப்புகளும், மகிழ்ச்சியான சம்பவங்களும் இல்லத்தில் நடைபெறும். போட்டிகளுக்கு மத்தியில் முன்னேற்றம் காண்பீர்கள்.  உறவினர்களில் ஒருசிலர் உங்களை விட்டு விலகியிருந்தாலும் இப்பொழுது மீண்டும் வந்து இணைந்து செயல்படத் தொடங்குவர். வீடு வாங்கும் யோகம் உருவாகலாம். குடும்ப உறுப்பினர்களில் செவ்வாய் பலம் பெற்றவர்களின் பெயரில் வீடு வாங்குவது நல்லது.

‘ஆறினை குருதான் பார்த்தால் ஆதரவுக் கரங்கள் கூடும்’ என்பது முன்னோர் வாக்கு. அந்த அடிப்படையில் ‘வேலை இல்லையே’ என்று நினைத்தவர்களுக்கு வேலை கிடைக் கும். பணி நிரந்தரம் ஆகாதவர் களுக்கு பணி நிரந்தரம் ஆகும்.

தொழில் புரிபவர்களுக்கு புதிய ஒப்பந்தங்கள் வந்து சேரும். சகபணியாளர்களுக்கு கிடைத்த சலுகை நமக்கு கிடைக்கவில்லையே என்று நினைத்தவர்களுக்கு இப்பொழுது திறமைக்கேற்ற வாய்ப்புகள் வரத்தொடங்கும்.  தொழிலை விரிவு செய்யும் முயற்சியில் ஆர்வம் காட்டுவீர்கள். ஆரோக்கியத் தொல்லை அகலும். இதுவரை மாறுபட்ட நிலையில் சென்ற வழங்குகள் இப்பொழுது சாதகமாக முடியும்.  

குருவின் பார்வை 8–ம் இடத்திலும் பதிகின்றது. ‘எட்டினைக் குருதான் பார்த்தால் இழப்புகளை ஈடுசெய்ய வாய்ப்புகள் கைகூடி வரும்’. எனவே உங்களுக்கு ஏற்பட்ட இழப்புகளை ஈடுசெய்ய புதிய வாய்ப்புகள் வந்து சேரும். கொடுத்த கடன்கள் வசூலாகும். பிறருக்கு பொறுப்பு சொல்லி வாங்கிக் கொடுத்த தொகையால் வந்த பிரச்சினை தீரும். பழைய வாகனங்கள் பழுதாகி, பழுதாகி மனதை வாட வைக்கின்றதே என்ற கவலை அகல இப்பொழுது புதிய வாகனங்கள் வாங்கும் முயற்சியில் ஆர்வம் காட்டுவீர்கள். பிறமொழி பேசும் நண்பர் களால் நன்மை கிட்டும்.

உங்கள் ராசியிலேயே சனியோடு கேது பகவான் சேரும்பொழுது கொஞ்சம் விரயங்கள் கூடுதலாக இருக்கலாம். அடுத்தவர்களை நம்பிச்செய்த காரியத்தில் ஆதாயம் கிடைக்காது.   குடும்ப உறுப்பினர்கள் குணம் மாறி நடந்து கொள்வர். இக்காலத்தில் விஸ்வரூப ஆஞ்சநேயர் வழிபாடும், குலதெய்வ வழிபாடும் வேண்டும் வரத்தைக் கொடுக்கும்.

குருவின் பாதசாரப் பலன்கள்!

குருப்பெயர்ச்சியாகும் பொழுது தனது சுயசாரத்தில் சஞ்சரிக்கின்றார். இக்காலத்தில் வரவும், செலவும் சமமாகும். புதியவர்களை நம்பி எந்தப் பொறுப்பும் கொடுக்க வேண்டாம். இடமாற்றம், ஊர்மாற்றம், வீடுமாற்றம் உத்தியோக மாற்றம் ஆகியவற்றைப் பற்றிச் சிந்திக்கும் நேரமிது.

21.10.2018 முதல் 19.12.2018 வரை அனு‌ஷ நட்சத்திரக் காலில் குரு சஞ்சரிக்கின்றார். சனியின் சாரத்தில் குருபகவான் சஞ்சரிக்கும் பொழுது அற்புதமான காலமாக அமையும். பிற இனத்தாரால் பெருமை சேரும். தன வரவிலிருந்த தட்டுப்பாடுகள் அகலும். அரசு வேலைக்கு முயற்சி செய்பவர்களுக்கு அது கிடைக்கும். நேர் முகத் தேர்வில் வெற்றி பெறவில்லையே என்று நினைத்தவர்களுக்கு நல்ல வேலைஅமையும். வாரிசுகள் இல்லையே என்று ஏங்கியவர்களுக்கு இப்பொழுது செய்யும் பரிகாரங்கள் பலன் கொடுக்கும். தொழிலில் பழைய பங்குதாரர்கள் விலகினாலும் புதியவர்கள் வந்திணைவர். கூடப்பிறந்தவர்களும், குடும்ப உறுப்பினர்களும் உங்கள் குணமறிந்து நடந்து கொள்வர். இக்காலத்தில் திருநள்ளாறு, திருக்கொள்ளிக்காடு, குச்சானூர், பெரிச்சிக்கோவில், நல்லிப்பட்டி போன்ற சனிக்குரிய ஸ்தலங்களுக்கு சென்று வழிபட்டு வருவது நல்லது.

20.12.2018 முதல் 12.3.2019 வரை மற்றும் 18.5.2019 முதல் 27.10.2019 வரை கேட்டை நட்சத்திரக் காலில் குரு பகவான் சஞ்சரிக்கின்றார். புதன் காலில் குரு சஞ்சரிக்கும் பொழுது பதவி உயர்வு, ஊதிய உயர்வு போன்றவைகள் தானாக வந்து சேரும். பணிநீக்கம் செய்யப்பட்டவர்கள் மீண்டும் பணியில் அமர்த்தப்படுவர். புதிய தொழில் தொடங்கும் திட்டங்கள் நிறைவேறும். அந்நிய தேசத்தில் உள்ளவர்கள் சொந்த ஊர் திரும்பும் வாய்ப்பும், சொந்த ஊரில் உள்ளவர்கள் அந்நிய தேசத்திற்கு ஒப்பந்த அடிப்படையில் செல்லும் வாய்ப்பும் உருவாகும். தொழிலில் பழைய பணியாளர்களை விலக்கிவிட்டுப் புதிய பணியாளர்களைச் சேர்த்துக்கொள்ள வாய்ப்பு வரும்.  மங்கல ஓசை மனையில் கேட்கும் சூழ்நிலை உருவாகும்.

13.3.2019 முதல் 17.5.2019 வரை மூலம் நட்சத்திரக் காலில் குரு பகவான் சஞ்சரிக்கின்றார். கேது சாரத்தில் குரு பகவான் சஞ்சரித்து தனுசு ராசிக்குள் பிரவேசிப்பதால் உங்கள் ராசியிலேயே குரு உலா வரும் நேரம்இது. இப்பொழுது குருவின் பார்வை 5, 7, 9 ஆகிய இடங்களைப் பார்க்கின்றது. குறிப்பாக 5–ம் இடம், 9–ம் இடம் மிஞ்சும் பலன்தரும் என்பதால் தனுசில் குரு சஞ்சரிக்கும் பொழுது தடைகள் அகலும். தனவரவு திருப்தி தரும். கடை திறப்புவிழா, கட்டிடத்திறப்பு விழாக்களில் கவனம் செலுத்துவீர்கள். புதிய வாகனங்கள் வாங்கிப் பயணிக்கும் யோகம் உண்டு. தாய், தந்தையர்களுக்கு தீவிர சிகிச்சையின் பின் உடல் நலம் தேறும். பிள்ளைகளின் எதிர்கல நலன்கருதித் தீட்டிய திட்டங்கள் வெற்றி பெறும்.

செல்வ வளம் தரும் சிறப்பு வழிபாடு!

உங்கள் ராசிநாதன் குரு என்பதால் வியாழக்கிழமை தோறும் விரதம்இருந்து குரு தட்சிணாமூர்த்தியை வழிபடுவதோடு சதுர்த்தி நாளில் சிவகங்கை மாவட்டம், திருப்பத் தூருக்கு அருகிலுள்ள பிள்ளையார்பட்டிக்கு சென்று, அங்குள்ள கனவுகளை நனவாக்கும் கற்பக மூர்த்தியை வழிபட்டால் கசந்த காலங்களெல்லாம் வசந்த காலங்களாக மாறும்.

குருவின் வக்ர காலம்!

இந்தக் குருப்பெயர்ச்சி காலத்தில் விருச்சிக ராசியிலும், தனுசு ராசியிலும் குரு வக்ரம் பெறுகின்றார். இந்த வக்ர காலம் மிகுந்த விழிப்புணர்ச்சியோடு இருக்க வேண்டிய காலமாகும். ஆரோக்கியத் தொல்லைகள் அதிகரிக்கும். இடமாற்றம், ஊர்மாற்றம், உத்தியோக மாற்றம் போன்றவைகள் தானாக வந்து சேரும். எதிரி களின் பலம் மேலோங்கி இருக்கும் இந்த நேரத்தில் கொஞ்சம் எச்சரிக்கையோடு இருப்பது நல்லது. உறவினர்களுக்கு நீங்கள் நன்மை செய்தாலும் அது தீமையாகவே தெரியும். கட்டிய வீட்டை விற்கும் சூழ்நிலை ஒருசிலருக்கு உருவாகலாம். குடும்பப் பிரச்சினைகளைச் சாமர்த்தியமாகச் சமாளிப்பீர்கள். வழிபாடுகள் மூலம் வளர்ச்சி காணலாம்.

பெண்களுக்கான சிறப்புப் பலன்கள்!

தனுசு ராசியில் பிறந்த பெண்களுக்கு இந்த குருப்பெயர்ச்சி விரயங்களை அதிகம் வழங்கும் விதத்திலேயே இருக்கிறது. குடும்பப் பொறுப்புகள் கூடும். கடமைகளை நிறைவேற்றப் பெரும் முயற்சி எடுப்பீர்கள். சுப நிகழ்ச்சிகளுக்காக கணிசமான தொகையைச் செலவிட்டுவிட்டுப் பிறகு கடன் வாங்கும் சூழ்நிலை உருவாகும். ஆரோக்கியத்தில் அதிக கவனம் செலுத்தினாலும் வைத்தியச் செலவுகள் குறையாது. கணவன்–மனைவிக்குள் விட்டுக்கொடுத்து ஒருவரையொருவர் புரிந்து கொண்டு செயல்படுவது நல்லது. சுயதொழில் நடத்துபவர்கள் பிறரிடம் நம்பிக் கொடுத்த பொறுப்புகளால் துயரங்களைச் சந்திக்க நேரிடும். தாய் மற்றும் உடன்பிறப்புகளின் ஒத்துழைப்பு ஓரளவு கிடைக்கும். பணிபுரியும் பெண்களுக்கு வேலைப்பளு கூடும். பணிச்சுமை காரணமாக வேலையை விட்டுவிடுவோமா என்று கூட நினைப்பீர்கள். குழந்தைகளால் பிரச்சினைகள் ஏற்படாமல் இருக்க உங்கள் மேற்பார்வையில் அவர்களை வைத்துக்கொள்வது நல்லது. திசாபுத்திக்கேற்ற தெய்வ வழிபாடும், நாகசாந்திப் பரிகாரமும், வியாழன் தோறும் குரு தட்சிணாமூர்த்தி வழிபாடும் மேற்கொள்வதன் மூலமும் நல்ல பலன்களை இல்லம் தேடி வரவழைத்துக் கொள்ளலாம்.