மனஉறுதியோடு செயல்பட்டு மற்றவர்களை ஆச்சர்யப்பட வைக்கும் நாள். வருமானம் திருப்தி தரும். வீடு, இடம் வாங்கும் முயற்சியில் ஆர்வம் காட்டுவீர்கள். தொலைபேசி வழி தகவல்  மகிழ்ச்சி தரும்.

9.11.2018 முதல் 15.11.2018 வரை

செயல்களில் ஏற்றம் கொண்ட விருச்சிக ராசி அன்பர்களே!

இந்த வாரம் அரசாங்கத்தின் மூலம் சிறு வரவு இருக்கும். வாகனம் வாங்க முயற்சிப்பீர்கள்.

உத்தியோகம்: உத்தியோகஸ்தர்கள் முயற்சியோடு தங்கள் பணிகளில் ஈடுபடுவார்கள். சக ஊழியர்கள் உங்கள் பணிகளில் உதவியாக இருப்பார்கள்.

தொழில்: சொந்தத் தொழில் செய்பவர்கள் பணியில் உற்சாகமாக இருப்பீர்கள். புதிய வாடிக்கையாளர்கள் வருகையும், அவர்களால் வருமானமும் கிடைக்கும். கூட்டுத்தொழில் சிறப்பாக நடைபெற்று கணிசமான லாபம் பெற்றுத்தரும்.  பங்குச்சந்தை வியாபாரத்தில் சுமாரான லாபம் ஏற்படக்கூடும்.

கலை: கலைஞர்கள் புதிய பணிகளில் கவனம் செலுத்துவீர்கள். பிரபலமான நிறுவனத்திடம் இருந்து ஒப்பந்தங்கள் கிடைக்கலாம்.

குடும்பம்: குடும்பத்தில் அவ்வப்போது சிறு சிறு பிரச்சினைகள் ஏற்பட்டாலும் நன்றாக நடந்து வரும். பழைய கடன்களை அடைத்து நிம்மதி அடைவீர்கள்.

வார வழிபாடு: வெள்ளிக்கிழமை துர்க்காதேவிக்கு நெய் தீபமிட்டு வழிபடுங்கள்.

கார்த்திகை மாத ராசிபலன்கள்

17-11-2018 முதல் 15-12-2018 வரை

தனவரவு தாராளமாக வந்து சேரும்!

விளம்பி வருடம் கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் சுக ஸ்தானத்தில் சஞ்சரித்து தொழில் ஸ்தானத்தைப் பார்க்கிறார். தொழில் ஸ்தானாதிபதி சூரியன் தன பஞ்சமாதிபதியான குருவோடு இணைந்து உங்கள் ராசியிலேயே சஞ்சரிக்கிறார். எனவே இம்மாதம்  இனிய மாதமாகும். எடுத்த காரியங்கள் அனைத்திலும் எளிதில் வெற்றி கிடைக்கும். கொடுத்த வாக்கைக் காப்பாற்றுவீர்கள். கொள்கைப் பிடிப்போடு செயல்பட்டு தனக்கென ஒரு தனி முத்திரை பதிப்பீர்கள்.

தனாதிபதி குரு உங்கள் ராசியில் சஞ்சரிக்கும் பொழுது பணவரவு அதிகரிக்கும். தேவைகள் உடனுக்குடன் பூர்த்தி யாகும். செய்தொழிலில் கூடுதல் வருமானம் கிடைக்கும். பூர்வீகச் சொத்துகளில் பாகப்பிரிவினையாகி அதன் மூலமும் ஒரு பெரும் தொகை உங்களுக்கு கிடைக்கலாம். அவற்றைக் கொண்டு ஒருபுதிய தொழில் தொடங்கும் முயற்சியில் ஆர்வம் காட்டுவீர்கள். நடக்கும் தொழிலில் கிளைத் தொழில் தொடங்கும் முயற்சியும் கைகூடும்.

உத்தியோகத்தில் உள்ளவர்களுக்கு நல்ல முன்னேற்றங்கள் ஏற்படும். பணிநிரந்தரம், உத்தியோக உயர்வு, ஊதிய உயர்வு, எதிர்பார்த்த சலுகைகள் அனைத்தும் கிடைக்கும் நேரம் இது. வளர்ச்சி அதிகரிக்கும் இந்த நேரத்தில் சொத்துகள் வாங்கும் முயற்சியிலும் சொந்தங் களுக்கு கொடுத்து உதவும் முயற்சியிலும் ஆர்வம் காட்டு வீர்கள். பிள்ளைகளின் எதிர்கால நலன்கருதித் தீட்டிய திட்டங்கள் வெற்றிபெறும். துணிச்சலான சில முடிவுகளை எடுத்து அருகில் இருப்பவர்களை ஆச்சரியத்தில் ஆழ்த்து வீர்கள். வாகனம் வாங்கும் முயற்சி கைகூடும்.

புதன் வக்ரம், சுக்ரன் வக்ரம், குரு அஸ்தமனம் ஆகியவற்றோடு பிறக்கும் இம்மாதத்தில் வீட்டிற்குத் தேவையான விலை உயர்ந்த பொருட்களை வாங்கி மகிழ்வீர்கள். பிள்ளைகளின் கல்யாணச் சீர்வரிசைகள், ஆபரணங்கள் வாங்கும் யோகம் அனைத்தும் கைகூடும். பொதுவாழ்வில் இருப்பவர்களுக்கு புதிய பொறுப்புகளும், பதவிகளும் கூட கிடைக்கலாம். பெரிய மனிதர்களின் சந்திப்பால் நன்மைகள் அதிகம் நடைபெறும்.

இம்மாதம் வியாழக்கிழமை தோறும் குருவழிபாட்டை மேற்கொண்டால் பணப்புழக்கம் அதிகரிக்கும். புதன் கிழமை தோறும் பெருமாளை வழிபடுவதன் மூலம் புதிய பாதை புலப்படும். உறவினர்களின் உதவி கிடைக்கும். அனுமனை வழிபடுவதன் மூலம் செய்த முயற்சிகளில் ஜெயம் உண்டாகும். மேலும் இம்மாதம் பரணி தீபமும், கார்த்திகைத் திருநாளும் வருகிறது. அன்றைய தினம் இல்லத்திலும், ஆலயத்திலும் தீபம் ஏற்றி வைத்து முருகப்பெருமானை வழிபடுவதன் மூலம் முன்னேற்றத்தின் முதல் படிக்கு செல்லலாம்.

புதனின் வக்ர நிவர்த்தியும், பெயர்ச்சியும்!

உங்கள் ராசிக்கு 8, 11 ஆகிய இடங்களுக்கு அதிபதியானவர் புதன். அவர் மாதத் தொடக்கத்தில் வக்ர இயக்கத்தில் இருக்கிறார். நவம்பர் 24–ந் தேதி வக்ர நிவர்த்தியாகிறார். அதன்பிறகு டிசம்பர் 8–ந் தேதி விருச்சிகத்திற்குச் செல்கிறார். இதன் விளைவாகப் பொருளாதார முன்னேற்றம் அதிகரிக்கும். புண்ணிய ஸ்தலங்களுக்குச் சென்று தரிசிக்கும் யோகம் உண்டு. குடும்பத்தில் உள்ளவர்கள் உங்கள் குணமறிந்து நடந்து கொள்வர். தேகநலன் சீராகும். உங்களின் திறமை பளிச்சிடும். நம்பிக்கைக்குரியவர்கள் நல்ல தகவலைக் கொண்டுவந்து சேர்ப்பார்கள். புதிய ஒப்பந்தங்களில் கையெழுத்திட்டு மகிழ்வீர்கள். கல்யாண வாய்ப்புகள் கைகூடும்.

சுக்ரனின் வக்ர நிவர்த்திக் காலம்!

உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் நவம்பர் 30–ந் தேதி வக்ர நிவர்த்தியாகிறார். அப்போது புத–சுக்ரயோகம் செயல்   படுகிறது. எனவே பொன், பொருள் வாங்கும் முயற்சியும், சொத்துகள் வாங்கும் வாய்ப்பும் உருவாகும். வெளிநாடு செல்லும் முயற்சி எண்ணியபடி கைகூடும். ஒருசிலருக்கு வெளிநாட்டில் இருந்து அனுகூலத் தகவல் வரலாம். தாய் மற்றும் சகோதரிகளின் ஆதரவு கிடைக்கும். கல்விக்காகவும், கலை சம்பந்தமாகவும் எடுத்த முயற்சிகளில் வெற்றி கிடைக்கும். உங்கள் கருத்திற்கு ஆதரவு பெருகும் நேரம் இது. சமூகத்தில் மதிப்பும், மரியாதையும் உயரும்.

குருவின் சஞ்சார நிலை!

உங்கள் ராசிக்கு தன, பஞ்சமாதிபதியான குரு பகவான் உங்கள் ராசியிலேயே சஞ்சரிப்பது யோகம்தான். அதோடு தொழில் ஸ்தானாதிபதி சூரியனும் இணைந்திருப்பதால் தொழில் முன்னேற்றம் கூடும். தொழிலை விரிவு செய்யும் முயற்சியில் ஆர்வம் காட்டுவீர்கள். அதே சமயத்தில் குரு அஸ்தமனத்திலும் இருக்கிறார். எனவே மற்றவர்களை நம்பி ஒப்படைத்த பொறுப்புகள் மீண்டும் உங்களிடமே வந்து சேரலாம். உற்றார், உறவினர்களை மட்டுமல்லாமல் நண்பர்களையும் அனுசரித்துச்செல்ல வேண்டிய நேரம் இது. கோபத்தைக் குறைத்துக் கொள்வது நல்லது.

இம்மாதம் ஞாயிறு தோறும் விநாயகப்பெருமானையும் வியாழ பகவானையும், சூரிய பகவானையும் ஒருசேர வழிபடுவது நல்லது. 

பணத்தேவையைப் பூர்த்தி செய்யும் நாட்கள்:–

நவம்பர்: 17, 18, 27, 28, 29 டிசம்பர்: 1, 2, 3, 9, 11 ,15

மகிழ்ச்சி தரும் வண்ணம்:– சிவப்பு.

பெண்களுக்கான சிறப்புப் பலன்கள்!

தொட்டது துலங்கும் மாதம் இது. துணிவும், தன்னம்பிக்கையும் கூடும். பணவரவு திருப்திகரமாக இருக்கும். பாசம் மிகுந்த உறவினர்கள் பக்கபலமாக இருப்பார்கள். கணவன் – மனைவிக்குள் ஒற்றுமை பலப்படும். ஒருவரை ஒருவர் புரிந்து கொண்டு செயல்படுவீர்கள். பிள்ளைகளை உங்கள் மேற்பார்வையில் வைத்துக் கொள்வது நல்லது. சுக்ரனின் வக்ர நிவர்த்திக்குப் பிறகு குடும்ப முன்னேற்றம் கூடுதலாக இருக்கும். கொடுக்கல்–வாங்கல்கள் ஒழுங்காகும். புதியதாக ஆடை, ஆபரணங்கள் வாங்கி மகிழ்வீர்கள். தாய் மற்றும் உடன்பிறப்புகளின் ஆதரவு கூடுதலாகக் கிடைக்கும். பணிபுரியும் பெண்களுக்கு மேலதிகாரிகளின் ஆதரவோடு உத்தியோகத்தில் உயர்வும், ஊதியத்தில் உயர்வும் பெறுவீர்கள். குலதெய்வ வழிபாடும், குரு வழிபாடும் நன்மையை வழங்கும்.

2018-ம் ஆண்டு புத்தாண்டு பலன்கள்

விசாகம் 4-ம் பாதம், அனுஷம், கேட்டை வரை (பெயரின் முதல் எழுத்துக்கள்: தோ, ந, நி, நே, நோ, ய, யி, யு உள்ளவர்களுக்கும்)

ஒன்பதில் இருக்கும் ராகுவினால் பொன்பொருள் குவியும் நேரமிது!

நல்லதையே செய்ய வேண்டும் என்று சொல்லும் விருச்சிக ராசி அன்பர்களே!

வந்துவிட்டது புத்தாண்டு! வளர்ச்சி அதிகரிக்கும் விதத்தில் கிரக நிலைகளின் சஞ்சாரம் உள்ளது. வருடத் தொடக்கத்தில் சனி விலகி சந்தோஷ வாய்ப்புகளை சந்திக்க வைக்கிறது. வாக்கு ஸ்தானச் சனியால் இனி நீங்கள் சொல்லும் சொற்கள் வெல்லும் சொற்களாக மாறப்போகின்றது. திட்டமிட்ட காரியங்கள் திட்டமிட்டபடியே நடை பெறும். திறமை மிக்கவர்கள் உங்களுக்குப் பின்னணியாக இருந்து உதவிக்கரம் நீட்டுவர். வாய்ப்புகள் வந்து அலைமோதும். அனுபவத்தின் வாயிலாக அகிலமெல்லாம் போற்றும் விதம் வாழ்க்கையை அமைத்துக்கொள்வீர்கள்.

வருடத் தொடக்கத்தில் லாபாதிபதி புதன், ஜென்ம ராசியில் சஞ்சரிக் கிறார். தன ஸ்தானத்தில் சுக்ரன், சனி, சூரியன் ஆகியோர் வீற்றிருக்கின்றனர். குருவின் பார்வை சுக ஸ்தானத்தில் பதிகின்றது. எனவே ஆரோக்கியம் சீராகி ஆனந்தப்படுத்தும். அன்பு நண்பர்களின் ஆதரவோடு இன்பங்களை எல்லாம் வரவழைத்துக் கொள்வீர்கள். 9-ம் இடத்து ராகுவால், பொன் பொருள் குவியப் போகிறது. போற்றும் விதத்தில் செல்வாக்கும் உயரப் போகிறது. அதுமட்டுமல்ல, முக்கிய புள்ளிகளில் ஒருவராகவும் திகழப் போகிறீர்கள். மனப் பயம் அகலும். பணப்புழக்கம் அதிகரிக்கும். தேசப்பற்று மிக்கவர்களும், தெய்வப்பற்று மிக்கவர்களும் தேடிவந்து மாலை சூட்டுவர்.

புத்தாண்டு 2018-ன் கூட்டுத்தொகை ‘2’ என்ற சந்திரனின் ஆதிக் கத்தில் வருகிறது. அந்தச் சந்திரனுடைய வீடு உங்கள் ராசிக்கு 9-ம் இடமாகும். எனவே ஒளிமயமான எதிர் காலத்திற்கு உத்தரவாதம் கொடுக் கும் ஆண்டாக இந்த ஆண்டு அமையப் போகிறது.

குரு-மங்கல யோகத்தோடும்,  குரு-சந்திர யோகத்தோடும், குரு-சுக்ர பரிவர்த்தனையோடும் இந்த ஆண்டு பிறப்பதால், திரு மகளின் அருளாலே உங்களுக்கு திரளான செல்வம் சேரும். கலைவாணி அருளால் பட்டங்களும், பதவிகளும் கிடைக்கும். பொதுநலத்தில் உள்ளவர்கள் புகழ் ஏணியின் உச்சிக்குச் செல்வர்.

இருப்பினும் உங்களின் சுய ஜாதக கட்டத்தையும், புத்தாண்டு கட்டத்தையும் கொண்டு, பலன் அறிந்து யோக பலம் பெற்ற நாளில், சிறப்பு ஸ்தலங்களுக்குச் சென்று வழிபாடு செய்வது யோகங்களை அடுக்கடுக்காக கொண்டு வந்து சேர்க்கும்.

புத்தாண்டின் தொடக்க நிலை!

புத்தாண்டின் தொடக்கத்தில் உங்கள் ராசிநாதன் செவ்வாய் 12-ம் இடத்தில் தனாதிபதி குருவோடு இணைந்து சஞ்சரிக்கிறார். எனவே வரவு திருப்திகரமாக இருக்கும். வாங்கல்-கொடுக்கல்களை ஒழுங்கு செய்து கொள்வீர்கள். வீடு கட்டும் அல்லது வாங்கும் முயற்சியில் ஆர்வம் அதிகரிக்கும். சென்ற ஆண்டில் நடைபெறாத சில காரியங்கள் இப்பொழுது நடைபெறும். நண்பர்கள் நல்ல தகவல்களைக் கொண்டு வந்து சேர்ப்பர். குரு-மங்கல யோகத்தால் கல்யாணக் கனவுகள் நனவாகும்.

குருவின் பார்வை உங்கள் ராசிக்கு 4,6,8 ஆகிய இடங்களில் பதிவதால், நாள்தோறும் நல்ல தகவல் வந்து கொண்டே இருக்கும். வீடு, இடம் வாங்குவதில் ஆர்வம் கூடும். வீடு, அலுவலகப் பணிகள் துரிதமாக நடைபெறும். அரசாங்க அனுகூலம் கிடைக்கும். வாகனம் வாங்கும் யோகம் வாய்க்கும். உத்தியோகத்தில் உயர் பதவிகள் கிடைக்கலாம். தொழிலில் போட்டியாக இருந்தவர்கள் விலகுவர். பொருளாதார நிலை உயரும். பேட்டி கொடுக்கும் அளவிற்கு பெரிய நிலையை அடையப் போகிறீர்கள்.

இரண்டில் சஞ்சரிக்கும் சனியால் இனிய பலன்கள் ஏராளமாக வந்து சேரும். திரண்ட செல்வத்தைக் கொடுக்கும். காரியங்கள் அனைத்தும் விருப்பம் போல் நிறைவேறும். சனியின் பார்வை 4,8,11 ஆகிய இடங்களில் பதிவதால் தள்ளிப்போன வாய்ப்புகள் தானாக வந்து சேரும். துள்ளிச் சென்ற துயரங்கள் ஓடி ஒளியும். தலைமைப் பதவிகளும், பொறுப்புகளும் கிடைப்பதற்கான அறிகுறிகள் தோன்றும்.

ராகு-கேதுக்களின் ஆதிக்கம் உங்கள் ராசிக்கு யோகம் தரும் விதத்தில் இருக்கிறது. 9-ல் ராகுவும், 3-ல் கேதுவும் சஞ்சரிக்கிறார்கள். 9-ல் ராகு வந்தால் உயரிய வாழ்க்கை உண்டு. எனவே, நீங்கள் எந்தத் தொழில் செய்பவர்களாக இருந்தாலும் அதில் ஏற்றம் கிடைக்கும். வந்த வாய்ப்புகளை உபயோகப்படுத்திக் கொள்ளுங்கள்.

குருப்பெயர்ச்சிக் காலம்!

ஆண்டின் தொடக்கத்தில் விரய ஸ்தானத்தில் சஞ்சரித்து வரும் குரு பகவான், அக்டோபர் 4-ந் தேதி முதல் ஜென்ம ராசியில் சஞ்சரிக்கப்போகிறார். மற்ற ராசிக்காரர்களுக்கும், உங்களுக்கும் சற்று வித்தியாசம் உள்ளது. உங்கள் ராசிக்கு தன பாக்யாதிபதியாக விளங்கும் குரு, உங்கள் ராசியில் வாசம் செய்யும்பொழுது தன பாக்கியத்தை வழங்குவார். வங்கிச்சேமிப்பு வரலாறு காணாத அளவு உயரும். தங்கம், வெள்ளி சேர்க்கை உண்டு. மங்கல காரியங்கள் மனையில் நடைபெறும். அரியணையில் இருப்பவர்களும், அதிகார பதவியில் உள்ளவர்களும் உங்கள் ஆலோசனைகளைக் கேட்க வீடு தேடி வருவர். மற்ற ராசிக்காரர்களுக்கு ஜென்ம குரு வந்தால் இடமாற்றம், வீடுமாற்றம், உத்தியோக மாற்றங்களைக் கொடுக்கும். உங்களைப் பொறுத்தவரை வரும் மாற்றம் வளர்ச்சி தரும் மாற்றமாகவே இருக்கும்.

குருவின் பார்வை 5,7,9 ஆகிய இடங்களில் பதிகின்றது. எனவே மதிநுட்பத்தால் மகத்தான காரியங்களைச் செய்து முடிப்பீர்கள். கல்யாணக் கனவுகள் நனவாகும். ஆரோக்கியத் தொல்லை அகலும். உணவுக் கட்டுப்பாட்டின் மூலம் உடல் நலத்தைச் சீராக்கிக் கொள்வீர்கள். தெய்வ பக்தியும், தேசபக்தியும் மிக்க உங்களுக்கு, எண்ணிய காரியங்கள் எளிதில் நிறைவேறும். கலைத்துறையில் உள்ளவர்கள் கவுரவிக்கப்படுவர். விருதுகளைப் பெற்று வியக்கும் வாழ்வைக் காண்பர்.

குருவின் அதிசார காலமும், வக்ர காலமும்!

14.2.2018 முதல் 11.4.2018 வரை குரு விருச்சிக ராசிக்குள் அதிசாரம் பெறுகிறார். 7.3.2018 முதல் 4.7.2018 வரை குரு வக்ரம் பெறுகிறார். இதற்கிடையில் பிப்ரவரி 14-ந் தேதி முதல் மார்ச் 9-ந் தேதி வரை விருச்சிக ராசிக்குள் குரு- செவ்வாய் சேர்க்கை ஏற்பட்டு குரு-மங்கல யோகத்தை உருவாகுகின்றது. இந்த காலத்தில் சுப காரியங்களை நடத்த உகந்த நேரமாகும். வீண் விரயங்களில் இருந்து விடுபட சுப விரயங்களை மேற்கொள்ளுங்கள். கூட்டு முயற்சிகளில் வெற்றி கிடைக்கும்.

குருவின் அதிசார காலத்திலும், வக்ர காலத்திலும் இனம்புரியாத கவலை மேலோங்கும். இல்லத்தில் உள்ளவர்களால் தொல்லை ஏற்படும். சொன்ன சொல்லை நிறைவேற்றுவதில் தாமதங்கள் ஏற்படலாம். யாரையும் நம்பிச் செயல்பட முடியாது. பொறுப்புகள் சொல்வதைத் தவிர்ப்பது நல்லது. குருபகவானுக்குரிய சிறப்பு வழிபாடுகளை மேற்கொண்டால் செயல் பாடுகளில் உள்ள தடைகள் அகலும்.

சனியின் வக்ர காலம்!

ஏப்ரல் 25-ந் தேதி முதல் ஆகஸ்டு 20-ந் தேதி வரை மூல நட்சத்திரக் காலில் தனுசு ராசியில் சனி வக்ரம் பெறுகிறார். இக்காலத்தில் சகோதர ஒற்றுமை பலப்பட விட்டுக் கொடுத்துச் செல்வது நல்லது. அலைச்சலுக்கு ஏற்ற ஆதாயம் கிடைக்குமா? என்பது சந்தேகம் தான். பணியில் தொய்வு ஏற்படாமல் பார்த்துக் கொள்ளுங்கள். குடும்பச் சுமை கூடும். தன்னம்பிக்கையைத் தளர விடாதீர்கள்.

கல்வி, சுகம், தாய், வீடு, வாகனம் போன்றவற்றைக் குறிக்கும் நான்காம் இடத்திற்கும் அதிபதியாக சனி விளங்குவதால், மறதி அதிகரிக்கும். இடமாற்றங்கள் உறுதியாகலாம். வாகனப் பழுதுகளால் வாட்டம் காண்பீர்கள். ஆரோக்கியத்திற்காக செலவிட நேரும். தாய்வழி ஆதரவு ஓரளவே கிடைக்கும். முயற்சிகளில் வெற்றி பெற அனுமன் வழிபாடு அவசியம். சனி- செவ்வாய் சேர்க்கை காலத்தில் பிறருக்கு பொறுப்பு சொல்வதைத் தவிர்ப்பது நல்லது. எந்த முயற்சி செய்தாலும் குடும்பப் பெரியவர்களையும், சான்றோர்களையும் ஆலோசித்துச் செய்வது நல்லது. இந்த காலத்தில் பழனி, வைத்தீஸ்வரன் கோவில், திருப்பாம்புரம், திருநள்ளாறு போன்ற ஸ்தலங் களுக்கு யோகபலம் பெற்றநாளில் சென்று வழிபட்டு வந்தால் மனக்குழப்பம் அகன்று மகிழ்ச்சி கூடும்.

வளர்ச்சி தரும் வழிபாடு!

உங்களுக்கு யோகம் தரும் எண்களின் ஆதிக்கத்தில் ‘சிவாயநம’ என்று எழுதுவது நல்லது. சனிக் கிழமை தோறும் அனுமன் வழிபாடும், பவுர்ணமி அன்று கிரிவலம் வருவதும் உங்களுக்கு எண்ணற்ற நன்மைகளை வழங்கும். பொன்னான வாழ்க்கையை அமைத்துக் கொடுக்கும்.

செவ்வாய் பெயர்ச்சியும், உச்சமும்!

உங்கள் ராசிக்கு அதிபதியாகவும், 6-ம் இடத்திற்கு அதிபதியாகவும் விளங்குபவர் செவ்வாய். அவர், ஜனவரி 20-ந் தேதி முதல் மார்ச் 10-ந் தேதி வரை விருச்சிகத்தில் சஞ்சரிக்கிறார். உங்கள் ராசியிலேயே சஞ்சரிக்கும் பொழுது உடல் ஆரோக் கியம் சீராகும். உடன் பிறந்தவர்களால் நன்மை கிடைக்கும். வியாபாரம் விருத்தியடையும். வாங்கிய கடனை திருப்பிக் கொடுப்பதில் ஆர்வம் காட்டுவீர்கள். பாகப்பிரிவினைகள் சுமுகமாக முடியும். உத்தியோகத்தில் நிரந்தரப்பணி கிடைக்கும்.

ஏப்ரல் 30-ந் தேதி முதல் அக்டோபர் 26-ந் தேதி வரை மகரத்தில் செவ்வாய் உச்சம் பெறு கிறார். இக்காலம் ஒரு பொற் காலமாக அமையும். கடமையில் கண்ணும், கருத்துமாக இருப்பீர்கள். வீட்டிற்குத் தேவையான விலை உயர்ந்த பொருட்கள் மட்டுமல்ல, அசையா சொத்துகள் வாங்குவதிலும் ஆதாயம் உண்டு. அரசியல் வாதிகளாலும் ஆதாயம்உண்டு. குலதெய்வ வழிபாட்டில் ஆர்வம் காட்டுவீர்கள். வம்சம் தழைக்க வாரிசுகள் உருவாகும் நேரமிது.

மங்கையருக்கான மகத்தான பலன்கள்!

இந்தப் புத்தாண்டு உங்களுக்குப் புதிய பாதையைப் புலப்படுத்தும். பொருளாதார நிலை சிறப்பாக இருக்கும். வாழ்க்கைத் துணையோடு வளைந்து கொடுத்துப் போவீர்கள். கணவன்-மனைவிக்குள் அன்பும், பாசமும் அதிகரிக்கும். உங்கள் ஆலோசனைகளுக்கு குடும்ப உறுப்பினர்கள் முக்கியத்துவம் கொடுப்பர். வாரிசு களின் வளர்ச்சி பிரமிக்கத் தக்கதாக அமையும். இதுவரை வந்த வரன்களை விடஇனி வரும் வரன்கள் சிறப்பாக அமையும். தாய்வழி ஆதரவு உண்டு. வருமானம் மிதமிஞ்சியதாக இருக்கும். கடமையில் கண்ணும், கருத்துமாக இருப்பவர்களுக்கு விருதுகள் கிடைக் கும். குருப்பெயர்ச்சிக்குப் பின் ஆடை, ஆபரண சேர்க்கை உண்டு. உடன்பிறப்புகள் உங்கள் குணமறிந்து நடந்துகொள்வர். புகழ்மிக்கவர்கள் உங்களுக்குப் பின்னணியாக இருந்து பல காரியங்களை முடித்துக் கொடுப்பர். ஆனைமுகப்பெருமான், ஆறுமுகப் பெருமான், அனுமன் வழிபாட்டையும், குலதெய்வ வழிபாட்டையும் மேற்கொள்ளுங்கள்.

19-12-2017 முதல் 28-03-2020 வரை

விசாகம் 4-ம் பாதம், அனுஷம், கேட்டை வரை

(பெயரின் முதல் எழுத்துக்கள்: தோ, ந, நி, நே, நோ, ய, யி, யு உள்ளவர்களுக்கும்)

ஜென்மச் சனிதான் விலகியது! செல்வநிலையும் உயர்கிறது!

சொல்லும் சொற்கள் எல்லாம் வெல்லும் சொற்களாக வேண்டும் என்று விரும்பும் விருச்சிக ராசி அன்பர்களே!

அடுத்தவர்களுக்கு ஆலோசனை சொல்வதில் அசகாய சூரர்கள் என்று பெயர்பெற்ற உங்களுக்கு இந்த சனிப்பெயர்ச்சி இனிய பெயர்ச்சியாகவே அமைகின்றது.

ஏழரைச் சனியில் இப்பொழுது விரயச் சனியும், ஜென்மச் சனியும் விலகிவிட்டது. டிசம்பர் 19 முதல் குடும்பச் சனியின் ஆதிக்கம் ஏற்படுகின்றது. ஏழரை வருடத்தில் கடைசி இரண்டரை வருடங்கள் உங்கள் எதிர்பார்ப்பு களை எல்லாம் நிறைவேற்றி வைப்பவர் சனிபகவான்.

ஜென்மச் சனியின் ஆதிக்க காலத்தில் ஏற்பட்ட மருத்துவச் செலவுகளும், மனக்கசப்புகளும் இனிமாறும். ஜென்மச்சனி விலகும் இந்த நேரத்தில் நன்மைகளை அதிகம் பெற சனிக்குரிய சிறப்பு ஸ்தலங்களுக்கு நீங்கள் சென்று வழிபட்டு வருவது நல்லது. குறிப்பாக நீங்கள் விருச்சிக ராசி என்பதால் விருட்சங்களுக்கு பக்கத்தில் இருக்கும் தெய்வங்களை வழிபடுவதன் மூலம் உங்கள் விருப்பங்கள் நிறைவேறும்.

அந்த அடிப்படையில் சிவகங்கை மாவட்டம் திருப்பத்தூருக்கு அருகிலுள்ள கண்டர மாணிக்கம் பெரிச்சிக் கோவில் என்ற ஊரில் உள்ள வன்னிமரத்தடியில் வீற்றிருந்து அருள் கொடுக்கும் ஒற்றைச் சனீஸ்வரரை சனிப்பெயர்ச்சி அன்றைக்கே வழிபடுவது நல்லது.

இன்னும் இரண்டரை ஆண்டுகள் சனியின் ஆதிக்கம் இருந்தாலும் பாதச்சனி உங்களுக்குச் சாதகமான பலன்களையே வழங்குவார். சனிப் பெயர்ச்சிக் காலத்தில் மேற்கண்ட ஆலயம் மற்றும் திருநள்ளாறு, குச்சானூர், திருக்கொள்ளிக்காடு, நல்லிப்பட்டி, திருக்கொடியலூர் போன்ற ஸ்தலங்களில் வாய்ப்பிருக்கும் பொழுது சென்று வழிபட்டு வருவது நல்லது.

பொருள் தரும் தனஸ்தானத்தில்
பொன்னான சனியும் வந்தால்
அருள்கேட்டு வணங்கி யோர்க்கு
அகிலத்தில் நல முண்டாகும்!
திருமகள் அருளால் நாளும்
செல்வங்கள் குவியும் மேலும்
பெருமைகள் கூடும்! நாட்டில்
பிறர் போற்றும் வாழ்வுண்டாகும்!

என்று ஜோதிட சாஸ்திரம் சொல்கிறது.

இரண்டாமிடத்தில் சனி!  லாபம் குவியும் இனி!

டிசம்பர் 19 முதல் ஜென்மச் சனி விலகி 2-ம் இடத்திற்கு வருகின்றார். இரண்டாம் இடம் என்பது வாக்கு, தனம், குடும்பம் ஆகியவற்றைக் குறிக்கும் இடமாகும். அதுமட்டுமல்லாமல் சகாய ஸ்தானத்திற்கும், சுக ஸ்தானத்திற்கும் அதிபதியானவர் சனிபகவான். சகாய ஸ்தானத்தை வெற்றிகள் ஸ்தானம் என்று குறிப்பிடுவர்.

ஒவ்வொருவரும் வெற்றி பெறுவது ஒன்றையே குறிக்கோளாகக் கொண்டு தான் செயல்படுவார்கள். அப்படிப்பட்ட வெற்றிக்கு உரிய இடத்தை ஆதிபத்யமாக பெற்ற சனி பகவான் உங்கள் ராசிக்கு 2-ம் இடத்திற்கு வரும் பொழுது தொட்ட காரியங்கள் எல்லாம் வெற்றி பெறும். தொழில் வளர்ச்சியில் இமயம் போல் உயர வைப்பார். தொழிலில் பழைய பங்குதாரர்கள் விலகுவர். புதிய பங்குதாரர்கள் வந்திணைந்து பொருளாதார வளர்ச்சியை அதிகரிக்க வைப்பார்.

வீடு, நிலம், வாகனம் போன்றவற்றை வாங்கும் யோகம் உருவாகும். மங்கல ஓசை மனையில் கேட்க வழிபிறக்கும். உத்தியோகத்தில் உள்ளவர்களுக்கு உன்னதமான மாற்றம் வரப்போகின்றது.

சிந்தனையை வளப்படுத்துபவர் சந்திர பகவான் ஆவார். அவர் உங்கள் ராசியில் நீச்சம் பெறுவதால் ஒவ்வொரு பவுர்ணமிக்கும் நீங்கள் ஆன்மிகம் சார்ந்த மலைகளைச் சுற்றி வந்து விநாயகப் பெருமானையும், முருகப்பெருமானையும், சிவனையும், உமைய வளையும், நந்தியெம்பெருமானையும் வழிபட்டு வந்தால் மலைக்குமளவு உங்கள் வாழ்க்கைத்தரம் உயரும். முன்னேற்றத்தின் முதல்படிக்குச் செல்ல முடியும்.

கடந்த ஐந்தாண்டு காலமாக நீங்கள் செய்ய நினைத்துச் செய்ய இயலாமல் போன காரியங்களை எல்லாம் இந்த இரண்டரை ஆண்டுகளுக்குள் எளிதில் செய்து முடிப்பீர்கள். குடும்ப உறுப்பினர்களின் குறைகளைத் தீர்த்து நல்ல பெயர் எடுத்துக் கொள்வீர்கள். கடன்சுமை குறையும். வழக்குகள் சாதகமாக முடியும்.

என்ன இருந்தாலும் பாதச் சனியின் ஆதிக்கம் நடப்பதால் உடல் ஆரோக்கியத்தில் தொல்லைகள் ஏற்பட்டு அகலும். மாற்று மருத்துவத்தால் உடல் நலத்தைச் சீராக்கிக் கொள்ள முன் வருவீர்கள்.

சனியின் பார்வை பலன்கள்!

உங்கள் ராசிக்கு 2-ம் இடத்தில் சஞ்சரிக்கும் சனி பகவான், அதன் பார்வை 4, 8, 11 ஆகிய இடங்களில் செலுத்துகின்றார்.

சனிப்பெயர்ச்சி காலத்தில் சனியின் பார்வையும், குருவின் பார்வையும் சுக ஸ்தானத்தில் பதிகின்றது. சனியின் பார்வையும், குருவின் பார்வையும் எட்டாமிடத்தில் பதிகின்றது. மேலும் சனியின் பார்வை லாப ஸ்தானத்தில் பதிகின்றது. ‘குரு பார்க்க கோடி நன்மை’ என்பதற்கு ஏற்ப உங்களுக்கு ஒரு பெரும் யோகம் காத்திருக்கின்றது.

சனி, குரு இரண்டும் 4-ம் இடத்தைப் பார்ப்பதால் தாய்வழி ஆதரவு பெருகும். தக்க விதத்தில் பெற்றோர் களின் ஆதரவும் உங்களுக்கு கிடைக்கும். நூதன பொருட்கள் மற்றும் தங்கம், வெள்ளி, ஆடை, ஆபரணங்கள் வாங்கிச் சேர்க்க முன்வருவீர்கள். அசையா சொத்துக்கள் வாங்கி அகமகிழும் நேரமிது. உடன்பிறப்புகள் வழியில் நடைபெறும் திருமணம் போன்ற சுபகாரியங்களை முன்நின்று நடத்துவீர்்கள். அரசு வழிச் சலுகைகள் எதிர்பார்த்தபடி கிடைக் கும். கல்வி முன்னேற்றமும் உண்டு.

எட்டாமிடத்தைக் குரு மற்றும் சனி இரண்டும் பார்ப்பதால் கரைந்த சேமிப்புகளை ஈடுகட்டுவீர்கள். டி.வி, மிக்ஸி, பிரிட்ஜ், போன்ற விலை உயர்ந்த பொருட்களையும், அத்தியாவசியப் பொருட்களையும், ஆடம்பரப் பொருட்களையும் வாங்கும் வாய்ப்பு கைகூடிவரும். கட்டிடத் திறப்பு விழா, கடை திறப்பு விழாக்களை பாராட்டும் விதத்தில் செய்து காட்டுவீர்கள். பெண் குழந்தைகளுக்கான கடமை களைச் செய்வதில் ஆர்வம் காட்டுவீர்கள்.

சனியின் பார்வை 11-ம் இடத்தில் பதிவதால் மதிநுட்பத்தால் மகத்தான பலன்களைச் செய்து முடிப்பீர்கள். வெளிநாட்டிலிருந்து வரும் அழைப்புகள் ஆச்சரியப்படுத்தும். இளைய சகோதரத்தோடு இணக்கம் ஏற்படும். புதிய ஒப்பந்தங்கள் அடுக்கடுக்காக வந்து சேரும். புகழ்மிக்கவர்கள் உங்களுக்குப் பின்னணியாக இருந்து பல காரியங்களை முடித்துக் கொடுப்பர்.

குதூகலம் தரும் குருப்பெயர்ச்சிக் காலம்!

4.10.2018-ல் விருச்சிக ராசியில் குரு சஞ்சரிக்கப் போகின்றார். அதன்பிறகு 28.10.2019-ல் தனுசு ராசிக்கு குரு செல்கின்றார்.

முதலில் உங்கள் ராசியிலேயே குரு பகவான் சஞ்சரிக்கும் போது அதன் பார்வை 5, 7, 9 ஆகிய இடங்களில் பதிகின்றது. இதன் விளைவாக மிக அற்புதமான பலன்கள் நடைபெறப் போகின்றது. குறிப்பாக கல்யாணம்,   குழந்தைப்பேறு, சுபகாரிய நிகழ்வுகள், பூர்வ புண்ணிய பலன்கள், பெற்றோர்வழிப் பிரியம், கடல்தாண்டும் யோகம், வீடு கட்டும் முயற்சி, வீடு வாங்கும் முயற்சி, வாகனம் வாங்கி பயணிக்கும் எண்ணம், பொருளாதாரத்தில் மிக உயர்ந்த நிலை ஆகியவற்றை எல்லாம் விளக்கும் இடங்களான அந்த மூன்று இடங்களையும் குரு பார்ப்பதால் மேற்கண்ட செயல்கள் அனைத்தும் வெற்றிகரமாக நடைபெறும்.

தனுசு ராசியில் குரு சஞ்சரிக்கும் பொழுது 6, 8, 10 ஆகிய இடங்களைக் குரு பார்க்கின்றார். எனவே தொழில் வளர்ச்சி மேலோங்கும். குடும்பத்தில் நீண்ட நாட்களாக நடைபெறாத சில காரியங்கள் துரிதமாக நடைபெறும். பிரிந்து சென்றவர்கள் பிரியமுடன் வந்திணைவர். இடமாற்றங்கள் இனிமை தரும். வரவேண்டிய பாக்கிகள் வசூலாகும். உத்தியோகத்தில் எதிர்பார்த்த படியே சம்பள உயர்வும் வந்து சேரும்.

ராகு-கேது பெயர்ச்சிக் காலம்!

13.2.2019-ல் மிதுன ராசியில் ராகுவும், தனுசு ராசியில் கேதுவும் சஞ்சரிக்கப் போகிறார்கள். 2-ம் இடத்தில் கேதுவும், 8-ம் இடத்தில் ராகுவும் வருவதால் ஆன்மிக நாட்டம் அதிகரிக்கும். அருகில் உள்ளவர்களை அனுசரித்துச் செல்வது நல்லது. கோபத்தைக் குறைத்துக் கொள்ளுங்கள்.

குடும்பப் பெரியவர்களை கலந்து ஆலோசித்து முடிவெடுப்பதன் மூலமே நல்ல பலன்களையும், நிம்மதியையும் வரவழைத்துக் கொள்ள இயலும். மறைந்த ராகுவால் நிறைந்த தனலாபமும் கிடைக்கும். எனவே பொருளாதாரத்தில் நிறைவு ஏற்படும். ஆக்கப்பூர்வமாகச் சிந்தித்து செயல்படுவதன் மூலமே ஆதாயம் கிடைக் கும்.

தொட்ட காரியங்களில் வெற்றி பெற வழிபாடு!

சனிக்கிழமை தோறும் அருகில் இருக்கும் சிவாலயத்திற்கு சென்று விநாயகப் பெருமானையும், அனுமனையும் வழிபட்டு வாருங்கள். கார்த்திகை நட்சத்திரம் வரும் நாளில் விரதமிருந்து முருகப்பெருமானை வழிபாடு செய்யுங்கள். சிறப்பு வழிபாடாக சிவகங்கை மாவட்டம் காரைக்குடி அருகில் உள்ள மாத்தூருக்கு வாருங்கள். அங்குள்ள மகிழ மரத்தடி முனீஸ்வரர், ஐநூற்றீஸ்வரர், பெரியநாயகி அம்மன், மாப்பிள்ளை நந்தி ஆகியவற்றை வழிபட்டு மகிழ்ச்சியான வாழ்க்கையை அமைத்துக்கொள்ளுங்கள்.

சனியின் வக்ர காலம்!

25.4.2018 முதல் 21.8.2018 வரை மூலநட்சத்திரக் காலில் சனி வக்ரம் பெறுகின்றார். 8.5.2019 முதல் 3.9.2019 வரை மீண்டும் பூராட நட்சத்திரக் காலில் சனி வக்ரம் பெறுகின்றார்.

இக்காலத்தில் சகோதர பாசம் குறையலாம். சார்ந்து இருப்பவர்களால் விரயங்கள் ஏற்படலாம். ஆரோக்கியத்தில் கூடுதல் கவனம் தேவைப்படும் நேரமிது. ஒருசிலருக்கு அசையாச் சொத்துக்கள் வாங்கும் யோகம் உண்டு. வீடு கட்டிக் குடியேறும் அமைப்பும், செவ்வாய் பலம் பெற்றவர்களுக்கு ஏற் படும். ஒருசிலருக்கு வீடு வாங்கிக்குடியேறும் வாய்ப்பும் உண்டு.

மங்கையருக்கான மகத்தான பலன்கள்!

விருச்சிக ராசியில் பிறந்த பெண்களுக்கு இந்த சனிப் பெயர்ச்சி சாதகமான பெயர்ச்சியாகவே அமைகின்றது. குடும்பத்தில் மகிழ்ச்சி கூடும். குலதெய்வப் பிரார்த்தனைகளை நிறைவேற்றுவீர்கள். நல்ல தகவல்கள் இல்லம் தேடிவரும். பிள்ளைகளின் கல்வி முன்னேற்றம் கருதியும், கல்யாண நிகழ்ச்சி கருதியும் நீங்கள் எடுத்த முயற்சிகளில் வெற்றி கிடைக்கும். ஆரோக்கியத்தில் சிறுசிறு தொல்லைகள் ஏற்பட்டு அகலும். அப்போதைக்கப்போது மருத்துவ ஆலோசனைகளைப் பெறுவது நல்லது. உடன்பிறப்புகள் உங்களுக்கு உதவியாக இருப்பர்.

உத்தியோகத்தில் உள்ளவர்களுக்கு குருப்பெயர்ச்சி காலத்தில் இடமாற்றம், உத்தியோக மாற்றம், ஊர் மாற்றம் போன்றவைகள் ஏற்படலாம். 2-ல் வந்த சனி திரண்ட செல்வத்தை தர வேண்டும் என்பதால் ஊதிய உயர்வு கிடைக்கலாம். ராகு-கேது பெயர்ச்சியின் விளைவாக 2-ல் கேது, 8-ல் ராகு வருவதால் நாகசாந்திப் பரிகாரங்களை மேற்கொண்டால் நன்மைகளை அதிகம் வரவழைத்துக் கொள்ள இயலும்.

27-7-2017 முதல் 13-2-2019 வரை

விசாகம் 4–ம் பாதம், அனு‌ஷம், கேட்டை வரை

(பெயரின் முதல் எழுத்துக்கள்: தோ, ந, நி, நே, நோ, ய, யி, யு உள்ளவர்களுக்கும்)

ஒன்பதில் ராகு வருகிறது! பொன், பொருள் குவியப் போகிறது!

சிகரம் போல் உயர்ந்து சிறப்பான முறையில் வாழவேண்டும் என்று விரும்பும் விருச்சிக ராசி நேயர்களே!

ஜூலை மாதம் 27–ந் தேதி பெயர்ச்சியாகும் ராகு– கேதுக்கள் உங்கள் ராசிக்கு நல்ல பலன்களை அள்ளி வழங்கப் போகிறது. 9–ம் இடத்தில் ராகுவும், 3–ம் இடத்தில் கேதுவும் சஞ்சரிக்கப் போகிறார்கள்.

ராகுவைப் போல கொடுப்பானுமில்லை என்பதற்கேற்ப கிள்ளிக் கொடுக்காமல் அள்ளிக் கொடுக்கும் குணம் பெற்ற ராகு, ஒன்பதாமிடத்தில் அமரும் பொழுது நீங்கள் வள்ளலாக மாறலாம். வருமானம் பெருகிய வாழ்க்கையை அமைத்துக் கொள்வீர்கள். எல்லாம் ராகு கையில்தான் இருக்கின்றது.

முன்னேற்றம் தரும் மூன்றாமிடத்தில் கேது சஞ்சரிப்பதும் யோகம்தான். அப்படிப்பட்ட நற்பலன்களைத் தரும் ராகு–கேதுக்கள் பெயர்ச்சியானவுடன் ஒரு மாத காலத்திற்குள் யோகபலம் பெற்ற நாளில் நாகசாந்திப் பரிகாரங் களைச் செய்வது வெற்றியை வழங் கும். சுற்றமும், நட்பும் போற்ற வாழலாம்.

அடுத்து வருகிற குருப்பெயர்ச்சி, 12–ல் வருகிறதே என்று பயப்பட வேண்டாம். செப்டம்பர் 2–ந் தேதிக்கு மேல் குருப்பெயர்ச்சியானதும், சுப விரயங் கள் அதிகரிக்கும். துணிவும், தன்னம்பிக்கையும் கூடும். பூர்வீக சொத்துகள் சம்பந்தமாக பஞ்சாயத்துகளில் புதிய திருப்பங்கள் ஏற்படும். பிள்ளைகளின் கல்யாணக் கனவுகளையும், கல்விக் கனவுகளையும் நிறைவேற்ற முயல்வீர் கள்.

அடுத்து வரும் சனிப்பெயர்ச்சி அற்புதமான பெயர்ச்சியாகும். உங்கள் ராசியில் சஞ்சரித்து வரும் சனி பகவான், டிசம்பர் 19–ந் தேதி முதல் 2–ம் இடத்திற்கு செல்கிறார். இதன் விளைவாக குடும்ப ஒற்றுமை கூடும்.

இல்லத்தில் மங்கல ஓசை கேட்கும். முன்னேற்றப் பாதையை நோக்கி அடியெடுத்து வைப்பீர்கள். முக்கியப் புள்ளி களில் ஒருவராக மாறி நாட்டுப் பணியிலும், வீட்டு பணியிலும் ஆர்வம் காட்டுவீர்கள்.

ஒளிமயமான வாழ்வு தரும் ஒன்பதாமிடத்து ராகு!

கடந்த ஒன்றரை ஆண்டு காலமாக 10–ம் இடத்தில் சஞ்சரித்து வந்த ராகு பகவான் இப்பொழுது உன்னத வாழ்வுதரும் 9–ம் இடத்திற்கு அடியெடுத்து வைக்கின்றார்.

ஒன்பதில் ராகு வந்தால்
உன்னத வாழ்க்கை சேரும்!
பொன் பொருள் குவிவதோடு
புகழையும் குவித்து வைப்பார்!

என்று ஜோதிட சாஸ்திரம் சொல்கின்றது.

அந்த அடிப்படையில் பார்க்கும் பொழுது இந்த ராகு–கேது பெயர்ச்சியினால் பொன்னும், பொருளும் போற்றுகிற செல்வாக்கும் இன்னும் பெரு கி வளம் கிடைக்கப் போகின்றது. மண்ணில் நல்ல வண்ணம் வாழ வழி கிடைக்கப் போகின்றது. புண்ணிய காரியங்களுக்கு பொருளுதவி செய்யப்போகிறீர்கள். எண்ணிய எண்ணங்கள் எளிதில் நிறைவேறும்.

எந்தத் தொழிலைச் செய்பவராக இருந்தாலும் அதில் ஏற்றம் கிடைக்கும். வந்த வாய்ப்புகளை உபயோகப்படுத்திக் கொள்வது நல்லது. வாழ்க்கைப் பாதையில் சந்திப்பவர்களெல்லாம் சந்தோ‌ஷத்தை வழங்கப் போகிறார்கள். ஆக்கப்பூர்வமாகச் சிந்தித்து செயல்படுவீர்கள். அதிசயச் சம்பவங் கள் ஏராளம் நடைபெறும். வாழ்க்கைத் தேவைகள் பூர்த்தியாகும். வளர்ச்சிக்கு வித்திடும் அனைத்து யோகங் களும் வந்து சேரும் நேரமிது. தேகநலன் சீராக ஆனைமுகப் பெருமானையும், அனுமன் வழிபாட்டையும் மேற்கொள்ளுங்கள். பரிகாரங்களும், வழிபாடுகளும் அதிக பலன் வழங்கும்.

9–ம் இடத்தில் சஞ்சரிக்கும் ராகு தந்தை வழி உறவைப் புனிதப் படுத்துவார். பெற்றோர் வழியில் இருந்த பிரச்சினைகள் அகலும். உற்றார், உறவினர்கள் உதவிக்கரம் நீட்டுவர். தொழிலுக்காக அரசு வழியில் உதவிகளை எதிர்பார்த்து காத்திருப்பவர்களுக்கு அது கைகூடும். தொழில் நிலையத்தை இடமாற்றம் செய்யவேண்டும் என்று விரும்புபவர்களுக்கு இடமாற்றம் செய்யும் அமைப்பும், அதன் மூலம் எதிர்பார்த்த லாபமும் வந்து சேரும். கடன் சுமை குறையும்.

உத்தியோகஸ்தர்களுக்கு தளராத முயற்சியும், தன்னம்பிக்கையும் நிலையான உயர்விற்கு வழிவகுத்துக் கொடுக்கும். புதிய ஒப்பந்தங்களில் கையெழுத்திட்டு மகிழ்வீர்கள். வெளிநாட்டில்  இருந்து வரும் அழைப்பு களை சிலர் ஏற்றுக் கொள்ளும் யோகமும் உண்டு. கலைத்துறை, எழுத்துத்துறை, பத்திரிகைத் துறையில் உள்ளவர்கள் கவுரவிக்கப்படுவர். அரசியல் ஈடுபாடு கொண்டவர்களுக்கு அதிகப் பொறுப்புகள் வந்து சேரும். எதிர்பாராத விதத்தில் ஒருசிலருக்கு பதவிகள் கிடைக்கலாம்.

உடன்பிறப்புகளின் இல்லங்களில் நடைபெறும் விழாக்களை முன்னின்று நடத்தி வைப்பீர்கள். மூத்த சகோதர, சகோதரிகளால் அனுகூலம் கிடைக் கும். பூர்வீக சொத்துகளை விற்று விட்டுப் புதிய சொத்துகள் வாங்கும் யோகம் உண்டு. குடும்பத்தில் கணிசமான பணவரவு ஏற்படும். எனவே பொருளாதாரப் பற்றாக்குறை அகலும். சுயஜாதகத்தில் ராகு 9–ல் இருப்பவர் களுக்கு இப்பொழுது உன்னதமான நேரமாகும். அவர்கள் ராகு கேதுக் களை முறையாக வழிபடுவதன் மூலம் வெற்றிப்படியில் ஏற வழி பிறக்கும்.

முன்னேற்றம் தரும் மூன்றாமிடத்து கேது!

உங்கள் வாழ்வின் உயர்விற்கு காரணமே கேது பகவான் தான். கேதுவை ஞானகாரகன் என்பார்கள். அந்த ஞானத்தன்மை உங்களிடம் இருப்பதால் தான் உங்கள் எண்ணங்கள் பலிதமாகின்றன. சொல்லும் சொற்களை வெல்லும் சொற்களாக மாற்றுவது கேது பகவான்.

அவர் உங்கள் ராசிக்கு 3–ம் இடத்தில் சஞ்சரித்து வழி வகை செய்து கொடுக்கப் போகிறார். 3–ம் இடம் என்பது வீரம், வெற்றி, தைரியம், சகாயம் ஆகியவற்றை குறிக்கும் இடம் என்பதால், போட்டிகளில் வெற்றி கிடைக் கும். புகழ்கூடும். ஆற்றல் பளிச்சிடும். சொந்த பந்தங்களுடன் நல்லிணக்கம் உருவாகும். பணியாளர்கள் தொல்லை அகலும். செய்ய நினைத்த காரியங்களை உடனடியாகச் செய்து முடிப்பீர்கள். அதிகாரப் பதவியில் இருப்பவர் களுக்கு யோகம் வந்து சேரலாம்.

பெண்களுக்கு!

விருச்சிக ராசியில் பிறந்த பெண்களுக்கு இந்த ராகு–கேது பெயர்ச்சி நல்ல முன்னேற்றத்தை கொடுக்கப் போகின்றது. குடும்பத்தில் மகிழ்ச்சி கூடும். பொறுப்புகள் அதிகரிக்கும். புதிய வாய்ப்புகள் வந்து சேரும். வருமானம் திருப்தி தரும். வாங்கல்– கொடுக்கல்களை ஒழுங்கு செய்து கொள்வீர்கள். கணவன்–மனைவிக் குள் கனிவும், பாசமும் கூடும். பிள்ளை களின் எதிர்கால நலன் கருதி தீட்டிய திட்டங்கள் வெற்றி பெறும். பெண் குழந்தைகளின் சீர்வரிசை சாமான் களை வாங்கிச் சேர்ப்பதில் ஆர்வம் காட்டுவீர்கள். ஜென்மச் சனி விலகும் வரை ஆரோக்கியத்தில் அக்கறை காட்டுவது நல்லது. உத்தியோகத்தில் ஊதிய உயர்வு உண்டு. ஒளிமயமான எதிர்காலம் அமைய ராகு–கேதுக் களுக்கு சர்ப்ப சாந்தி செய்வது நல்லது. செவ்வாய்க்கிழமை முருகப்பெருமான் வழிபாடு முன்னேற்றம் தரும்.

வாழ்க்கை வசந்தமாக வழிபாடு!

ஒன்பதாமிடத்து ராகுவால் தொழில் வளர்ச்சி கூடவும், வருமானம் திருப்திகரமாக இருக்கவும், மூன்றாமிடத்து கேதுவால் முன்னேற்றத்தின் முதல் படிக்குச் செல்லவும் விநாயகரையும், அனுமனையும் சனிக்கிழமை தோறும் வழிபட்டு வாருங்கள். ராகு–கேதுக் களுக்குரிய பரிகாரங்களைச் செய்வதன் மூலமும் நல்ல வாய்ப்புகளை வரவழைத்துக் கொள்ள இயலும். பவுர்ணமியன்று மலை வலம் வருவதன் மூலம் மகத்துவம் காணலாம்.

பாதசாரப்படி ராகு தரும் பலன்கள்!

புதன் சாரத்தில் ராகு சஞ்சரிக்கும் பொழுது (27.7.2017 முதல் 3.4.2018 வரை)

இக்காலத்தில் நல்ல சம்பவங்கள் நிறைய நடைபெறும். புதன் உங்கள் ராசிக்கு 8, 11 ஆகிய இடங்களுக்கு அதிபதியாவார். லாபாதிபதியாக விளங்கும் புதன் காலில் ராகு சஞ்சரிப்பதால் லாபம் திருப்திகரமாக இருக்கும். பணத்தேவைகள் உடனுக்குடன் பூர்த்தியாகும். வெளிநாட்டு முயற்சி வெற்றி தரும்.

சனி சாரத்தில் ராகு சஞ்சரிக்கும் பொழுது (4.4.20168 முதல் 11.12.2018 வரை)

இக்காலத்தில் சகோதர ஒற்றுமை பலப்படும். பழைய வாகனங்களை கொடுத்துவிட்டு புதிய வாகனம் வாங்குவதில் ஆர்வம் காட்டுவீர்கள். உத்தியோகத்தில் உள்ளவர்கள் தொழில் செய்யலாமா என்று சிந்திப்பர். வீடு மாற்றம் அல்லது வீடு வாங்கும் யோகம் உண்டு.

குரு சாரத்தில் ராகு சஞ்சரிக்கும் பொழுது (12.12.2018 முதல் 12.2.2019 வரை)

இக்காலம் ஒரு பொற்காலமாகும். தன பஞ்சமாதிபதியான குரு சாரத்தில் ராகு வரும்பொழுது மிகுந்த முன்னேற்றம் ஏற்படும். புதியதொழில் தொடங்கும் திட்டங்கள் நிறைவேறும். ஒப்பந்தங்கள் அதிகரிக்கும். பிள்ளைகளின் சுபகாரியங்களை முடிக்க முன்வருவீர்கள். குடும்பத்தில் மங்கல ஓசையும், மழலையின் ஓசையும் கேட்கும் நேரமிது.

பாதசாரப்படி கேது தரும் பலன்கள்!

செவ்வாய் சாரத்தில் கேது சஞ்சரிக்கும் பொழுது (27.7.2017 முதல் 29.11.2017 வரை)

இக்காலத்தில் உங்கள் ராசிநாதன் சாரத்தில் கேது உலாவருவது நன்மைதான். உடல் ஆரோக்கியம் சீராகும். உற்சாகம் உள்ளத்தில் குடிகொள்ளும். உடன் இருப்பவர்களால் உதவி கிடைக்கும். உத்தியோக முயற்சிகளில் வெற்றி உண்டு. வாங்கிய கடனைக் கொடுத்து மகிழ்வீர்கள்.

சந்திரன் சாரத்தில் கேது சஞ்சரிக்கும் பொழுது (30.11.2017 முதல் 7.8.2018 வரை)

இக்காலத்தில் பயணங்களால் பலன் கிடைக்கும். ஒருசிலருக்கு வெளிநாட்டு யோகம் உண்டு. உத்தியோகம் சம்பந்தமாக வெளிநாட்டில் வேலை பார்க்க விண்ணப்பித்திருந்தவர்களுக்கு அது கைகூடும். தாய் வழி உறவுகளிடையே மனஸ்தாபங்கள் மாறும். பூர்வீக சொத்துகளை விற்றுவிட்டுப் புதிய சொத்துகளை வாங்குவதில் ஆர்வம் காட்டுவீர்கள். தந்தைவழி உடன்பிறப்புகளின் பகை மாறும். இதுபோன்ற காலங்களில் பவுர்ணமி விரதமிருந்து மலைவலம் வருவது நல்லது.

சூரிய சாரத்தில் கேது சஞ்சரிக்கும் பொழுது (8.8.2018 முதல் 12.2.2019 வரை)

இக்காலம் தொழில் விருத்தி ஏற்படும் காலமாகும். புதிய பதவியும், பட்டங்களும் கிடைக்கும். அரசாங்கத்தால் கவுரவிக்கப்படுவீர்கள். புகழ், கீர்த்தி அதிகரிக்கும். போட்டிகளில் வெற்றி கிடைக்கும். வி.ஐ.பிக்கள் வீடு வந்து உதவி செய்வர். வெற்றிச் செய்திகளை அதிகம் கேட்கும் நேரமிது. இக்காலத்தில் முறையாக சூரிய வழிபாட்டை மேற்கொண்டால் தக்க விதத்தில் முன்னேற்றங்கள் ஏற்படும்.

4-10-2018 முதல் 28-10-2019 வரை

விசாகம் 4–ம் பாதம், அனு‌ஷம், கேட்டை வரை

(பெயரின் முதல் எழுத்துக்கள்: தோ, ந, நி, நே, நோ, ய, யி, யு உள்ளவர்களுக்கும்)

தன பஞ்சமாதிபதி குருவின் வருகை! தனவரவு இனி தாராளமாக வரும்!

சொல்லும் சொற்களெல்லாம் வெல்லும் சொற்களாக அமைய வேண்டுமென்று சொல்லும் விருச்சிக ராசி நேயர்களே!

தைரியகாரகன் என்றழைக்கப்படும் செவ்வாயின் ஆதிக்கம் பெற்றவர்கள் நீங்கள். உங்களது ஒவ்வொரு செயலும் சாதனையாக இருக்கும். மனோபலம், தைரியம், தன்னம்பிக்கை மூன்றும் ஒருசேரப் பெற்ற தால் தான் வெற்றி வாய்ப்புகளை விரைவில் வரவழைத்துக்கொள் கிறீர்கள். அடுத்தவர்களுக்கு ஆலோசனை சொல்வதில் அசகாய சூரர்கள் மட்டுமல்ல நீங்கள் சொல்லும் யோசனைகள் வெல்லும் யோசனைகளாக இருக்கும். முன்கூட்டியே எதையும் அறியும் ஆற்றலைப்பெற்ற நீங்கள் இனிய பேச்சாற்றலால் இதயங்களைக் கவர்வீர்கள். இறைநம்பிக்கை மூலம் எதையும் சாதிக்கலாம் என்ற எண்ணம் எப்பொழுதும் உங்களுக்கு உண்டு.  

உங்கள் ராசிக்கு 12–ம் இடத்தில் இதுவரை சஞ்சரித்து வந்த குரு பகவான் புரட்டாசி 18–ம் தேதி முதல் உங்கள் ராசியிலேயே சஞ்சரிக்கப் போகின்றார். குரு பகவான் புரட்டாசி 18–ம் தேதி தன்னுடைய விசாக நட்சத்திரக் காலில் தனக்குரிய வியாழக்கிழமை அன்றைக்கே உங்கள் ராசிக்கு அடியெடுத்து வைப்பதால், இனி தொட்ட காரியங்களில் எல்லாம் வெற்றி கிடைக்கும். பண மழையிலும், பாச மழையிலும் நனைவீர்கள்.  சாதனையாளராகிச் சரித்திரத்தில் இடம்பெறும் நேரமிது.

குருப்பெயர்ச்சிக்கு முன்னதாகவே திசைமாறிய தென்முகக் கடவுளை வழிபட்டால் அசையா சொத்துக்களாலும், ஆதாயம் கிடைக்கும். அனைத்து முயற்சிகளிலும் வெற்றி கிடைக்கும்.

விருச்சிக குருவின் சஞ்சாரம்!

4.10.2018–ல் முதல் விருச்சிக ராசியில் சஞ்சரிக்கும் குரு பகவான் 28.10.2019 வரை ஜென்ம ராசியில் சஞ்சரித்து உங்களுக்குச் சிறப்பான

பலன்களை வழங்கப்போகின்றார். இடையில் 13.3.2019–ல் தனுசு ராசிக்கு அதிசாரமாகச் செல்கின்றார். பிறகு 10.4.2019 அன்று தனுசு ராசியிலேயே வக்ரம் பெறுகின்றார். மீண்டும் 19.5.2019–ல் விருச்சிக ராசியில் சஞ்சரித்து வக்ர கதியிலேயே இருக்கின்றார். 7.8.2019 அன்று விருச்சிக குரு வக்ர நிவர்த்தியாகின்றார். 28.10.2019–ல் தனுசு ராசிக்கு முறையாகச் செல்கின்றார்.

குரு பார்வை தரும் பலன்கள்!

குருப்பெயர்ச்சியின் பொழுது குருவின் பார்வை 5, 7, 9 ஆகிய இடங்களில் பதிகின்றது. பார்க்கும் குருவால் பலன்கள் அதிகம் கிடைக்கும் என்பதால் தான் ‘குரு பார்க்கக் கோடி நன்மை’ என்று பழமொழியை முன்னோர்கள் சொல்லி வைத்தார்கள்.

‘ஐந்தினை குருதான் பார்த்தால் அனைத்திலும் வெற்றி கிட்டும், வந்திடும் துயர்விலக்கி வாரிசும் கிடைக்க வைக்கும்’ என்று ஜோதிட சாஸ்திரம் சொல்கின்றது. எனவே பிள்ளைச்செல்வம் இல்லையே என்று கவலைப்பட்டவர்களும், கல்யாணம் கைகூடவில்லையே என்று நினைத்தவர்களும் சுயஜாதக ரீதியாக ஆராய்ந்து அதற்குரிய பரிகாரங்களை இப்பொழுது தேர்ந்தெடுத்துச் செய்தால் நடக்க வேண்டியன அனைத்தும் நல்ல விதமாக நடக்கும். தொழில் வளர்ச்சி உண்டு. தொகை வரவு திருப்தி தரும். பூர்வீக சொத்துகளில் இருந்த வில்லங்கங்கள் விலகும். பாகப்பிரிவினைகள் சுமுகமாக முடியும். உத்தியோகத்தில் எதிர்பார்த்த உயர்வுகளும், இலாகா மாற்றங்களும் வரலாம்.

‘ஏழினைக் குருதான் பார்த்தால் இல்லறம் சிறப்பாய் வாய்க்கும்’ என்பர். அந்த அடிப்படையில் 7–ம் இடமான ரி‌ஷபத்தை குரு பார்ப்பதால் கல்யாணக் கனவுகள் நனவாகும். மங்கல ஓசை மனையில் கேட்க வழி பிறக்கும். தங்களுக்கோ, தங்களைச் சார்ந்தவர்களுக்கோ, தங்கள் தம்பி, தங்கைகளுக்கோ சுபகாரியங்கள் நடைபெற்று மகிழ்ச்சிக்கடலில் மிதப்பீர்கள். வெளிநாடு செல்லும் முயற்சி கைகூடும். வெளிவட்டாரப் பழக்க வழக்கம் விரிவடையும். பெற்றோர் களின் பிரியம் அதிகரிக்கும். கூட்டு வணிகத்திலிருந்து தனித்து இயங்க முற்படுவீர்கள். உறவினர்கள் உங்கள் பணிக்கு உறுதுணையாக இருப்பர். வெளிநாடு செல்ல விசாவும் கிடைக்கும். அங்கேயே நிரந்தரமாக தங்கியிருந்து பணிபுரியும் அமைப்பும் உருவாகும்.

‘ஒன்பதைக் குருதான் பார்த்தால் பொன், பொருட்கள் சேர்க்கை அதிகரிக்கும், வன்பகை மாறும், வாகனங்கள் வந்து சேரும்’ என்று ஜோதிட சாஸ்திரம் சொல்கின்றது. அந்த அடிப்படையில் ஒன்பதாமிடத்தைக் குரு பார்ப்பதால் பொருளாதாரப் பற்றாக் குறை அகலும். புகழ்மிக்கவர்கள் உங்களுக்கு பின்னணியாக இருந்து வளர்ச்சிகூட வழிவகுத்துக்கொடுப்பர். ஆடை, ஆபரண சேர்க்கை உண்டு. கொடுத்த கடன்கள் வசூலாகும். தங்கம், வெள்ளியில் முதலீடு செய்யத்தயாராகக் காத்திருப்பீர்கள். பழைய வாகனத்தைக் கொடுத்துவிட்டுப் புதிய வாகனங்கள் வாங்க சலுகைகள் கிடைக்கும். தொழிலில் புதிய கூட்டாளிகள் வந்திணைவர். வாடகை இடத்தில் நடக்கும் தொழிலைச்சொந்த இடமாக மாற்றியமைக்கும் ஏற்பாடுகள் பலன்தரும்.

குருவின் பாதசார பலன்கள்!

குருப்பெயர்ச்சியின் பொழுது குரு தனது சுயசாரத்தில் சஞ்சரிக்கின்றார். தொழில் வளர்ச்சி சிறப்பாக இருக்கும். பணத்தேவைகள் உடனுக்குடன் பூர்த்தியாகும். குடும்பத்தில் உள்ளவர் களின் குறைகளைத்தீர்க்க முன்வருவீர்கள். கொடுத்த வாக்கைக் காப்பாற்றும் யோகம் உண்டு. மண விழா, மணி விழா, முத்துவிழா, காதுகுத்து, கட்டிடத் திறப்புவிழா, தொழில் தொடங்கும் யோகம் போன்ற அனைத்தும் ஒவ்வொன்றாக நடைபெறும் நேரமிது. கொடுத்த வாக்கைக் காப்பாற்றுவீர்கள். நாணயத்தோடும், நம்பிக்கையோடும் நடந்து கொண்டு மக்களின் பாராட்டுக்களைப் பெறும் நேரமிது. சுபவிரயங்கள் அதிகரிக்கும். வீட்டிற்குத் தேவையான விலை உயர்ந்த பொருட்களை வாங்குவதில் கவனம் செலுத்துவீர்கள்.

21.10.2018 முதல் 19.12.2018 வரை அனு‌ஷ நட்சத்திரக் காலில் குரு சஞ்சரிக்கின்றார். சனியின் சாரத்தில் குரு பகவான் சஞ்சரிக்கும் பொழுது, பிறஇனத்தாரின் ஒத்துழைப்போடு சில காரியங்கள் முடிவடையும். வழக்குகள் சாதகமாக முடியும். எதிர்பாராத திருப்பங்கள் தொழிலில் ஏற்பட்டு லாபத்தை அதிகரிக்கச் செய்யும். இடம், பூமி வாங்குவதில் இருந்த தடை அகலும். தாய்வழி ஆதரவோடு சில நல்ல காரியங்கள் இல்லத்தில் நடைபெறும். விலகியிருந்த சகோதரர்கள் விரும்பி வந்து சேருவர். சனிக்குரிய சிறப்பு வழிபாடுகளை செய்வதன் மூலம் சந்தர்ப்பங்கள் சாதகமாக அமையும்.

20.12.2018 முதல் 12.3.2019 வரை மற்றும் 18.5.2019 முதல் 27.10.2019 வரை கேட்டை நட்சத்திரக்காலில் குரு பகவான் சஞ்சரிக்கின்றார். புதன் காலில் குரு சஞ்சரிக்கும் பொழுது உங்கள் ராசிக்கு குரு லாபாதிபதியாகவும், புதன் அஷ்டமாதிபதியாகவும்  விளங்குகின்றார். எனவே வரவு திருப்திகரமாக இருந்தாலும் செலவுகள் கொஞ்சம் கூடுதலாகவே இருக்கும். உடல்நிலையில் சிறிது பிரச்சினைகள் ஏற்பட்டு அகலும். மாமன், மைத்துனர் வழியில் கொஞ்சம் அனுசரித்துச் செல்ல வேண்டிய நேரமிது. தூரதேசத்திலிருந்து வரும் அழைப்புகளை ஏற்றுக் கொள்ளலாமா? என்று சிந்திக்கும் நேரமிது. வரன்கள் வாயில் தேடிவரும். குலதெய்வப் பிரார்த்தனைகளை நிறைவேற்றுவீர்கள்.

13.3.2019 முதல் 17.5.2019 வரை மூலம் நட்சத்திரக்காலில் குரு பகவான் சஞ்சரிக்கின்றார். கேது சாரத்தில் குருபகவான் சஞ்சரித்து தனுசு ராசிக்குள் பிரவேசிக்கிறார். உங்கள் ராசிக்கு தனாதிபதி தனுசு. அந்த தனாதிபதி தன ஸ்தானத்தில் அடியெடுத்து வைக்கும் நேரமிது.

குருவின் பார்வை 6, 8, 10 ஆகிய இடங்களில் பதிவதால் பணிச்சுமை அதிகரிக்கும். அலைச்சலுக்கேற்ற ஆதாயம் கிடைக்குமா என்பது சந்தேகம் தான். குடும்ப உறுப்பினர்களிடம் அனுசரித்துச் செல்வது நல்லது. கோபத்தைக் குறைத்துக்கொண்டு செயல்படுவதன் மூலம் ஆதாயம் அதிகம் பெறலாம். புதிய நண்பர்கள் வந்திணைந்து பொருளாதார வளர்ச்சி கூட வழிவகுத்துக்கொடுப்பர். உத்தியோக மாற்றங்கள் ஒருசிலருக்கு தானாகவே வந்து சேரலாம்.

செல்வ வளம் தரும் சிறப்பு வழிபாடு!

உங்கள் ராசிநாதன் செவ்வாய் என்பதால் சதுர்த்தி திதியில் ஆனைமுகனையும், சஷ்டி திதியில் ஆறு முகப் பெருமானையும் வழிபாடு செய்யுங்கள். பவுர்ணமி கிரிவலம் வருவதோடு முன்னோர் வழிபாட்டையும் மேற்கொள்ளுங்கள்.  இரணியூர் ஆட்கொண்டநாதர், சிவபுரந்தேவியை வழிபட்டு வாழ்க்கையை வளமாக்கிக் கொள்ளுங் கள். சிவகங்கை மாவட்டம் கீழச் சிவல்பட்டி அருகில் இத்திருத்தலம் அமைந்துள்ளது.

குருவின் வக்ர காலம்!

இந்தக் குருப்பெயர்ச்சிக் காலத்தில் விருச்சிக ராசியிலும், தனுசு ராசியிலும் குரு வக்ரம்பெறுகின்றார். இக்காலத்தில் கொஞ்சம் பொறுமையைக்கடைப்பிடிக்க வேண்டியது அவசியமாகும். குடும்பத்தினர் களில் மூத்தவர்களை கலந்துஆலோ சித்துச் செய்யும் செயல்களால் நன்மை கிட்டும். சுபவிரயங்கள் அதிகரிக்கும். தனாதிபதி வக்ரம் பெறும் நேரத்தில் வரவைக் காட்டிலும் செலவு கூடுதலாக இருந்தாலும் அதைச் சமாளிக்கும் திறன் உங்களுக்கு உண்டு.

பெண்களுக்கான சிறப்புப் பலன்கள்!

விருச்சிக ராசியில் பிறந்த பெண்களுக்கு இந்த குருப் பெயர்ச்சி இனிய பலன்களை ஏராள மாக வழங்கப்போகின்றது. வளர்ச்சிப் பாதையை நோக்கி அடியெடுத்து வைப்பீர்கள். வாகனம், வீடு வாங்கி மகிழும் யோகம் உண்டு. வாரிசுகளின் வளர்ச்சி பெருமைப்படத்தக்கதாக அமையும். கணவன்–மனைவிக்குள் ஒற்றுமை பலப்படும். நெருக்கம் அதிகரிக்கும். உங்கள் பெயரிலேயே சொத்துக்கள் வாங்க குடும்ப உறுப்பினர்கள் சம்மதிப்பர். தாய்வழி ஆதரவு கிடைக்கும். உடன்பிறப்புகளும் உங்கள் குணமறிந்து நடந்து கொள்வர். ஆரோக்கியம் சீராகி ஆனந்தப்படுத்தும். உள்ளத்தில் உற்சாகம் குடிகொள்ளும். உயர்பதவிகளும், சம்பள உயர்வும் உத்தியோகத்தில் உள்ள பெண்களுக்குக் கிடைக்கும்.   மேலதிகாரிகளின் பாராட்டுதல் களோடு கூடுதல் பொறுப்புகளும் உங்களுக்கு வரலாம். குலதெய்வ வழிபாடும், பிரதோ‌ஷ வழிபாடும் உங்கள் குடும்ப முன்னேற்றத்திற்கு வித்திடும்.