அருகில் உள்ளவர்களை அனுசரித்துச் செல்ல வேண்டிய நாள். அடுத்தவர் நலனில் அக்கறை காட்டுவீர்கள். வாங்கல்-கொடுக்கல்களில் விழிப்புணர்ச்சி தேவை. கொடுத்த வாக்கைக் காப்பாற்ற இயலாது.

24.9.2021 முதல் 30.9.2021 வரை

பூர்வீக சொத்துக்களைப் பெற, பெரியவர் களின் உதவியை நாடுவீர்கள். உத்தியோகஸ்தர்கள் பதவி உயர்வு பெற்று வெளியிடங் களுக்கு மாறுதலாக வாய்ப்புள்ளது. தொழில் சீராக நடை பெற்றுவரும். எதிர்பார்க்கும் லாபம் கிடைக்கும். குடும்பத்தில் தனவரவு இருக்கும். தடைபட்டிருந்த சுபகாரியங்களை நடத்த முயற்சிப்பீர்கள். இந்த வாரம் புதன்கிழமை, பெருமாளுக்கு துளசி மாலை அணிவித்து வழிபட்டு வாருங்கள்.

புரட்டாசி மாத ராசி பலன்கள் 17.9.2021 முதல் 17.10.2021 வரை

உறவிற்கு முக்கியத்துவம் கொடுக்கும் குணம் பெற்ற கன்னி ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் உங்கள் ராசியிலேயே உச்சம் பெற்றும், வக்ரம் பெற்றும் இருக்கிறார். அவரோடு விரயாதிபதி சூரியனும், அஷ்டமாதிபதி செவ்வாயும் இணைந்திருக்கிறார்கள். குருவின் பார்வை உங்கள் ராசியில் பதிவதால் நல்ல காரியங்கள் பலவும் நடைபெறலாம். நம்பிக்கைக்குரிய நண்பர்கள் மூலம் தொழில் வளர்ச்சி ஏற்படும். விரயத்திற்கேற்ற வருமானம் உண்டு.

மகர குருவின் சஞ்சாரம்

உங்கள் ராசிக்கு 4, 7 ஆகிய இடங்களுக்கு அதிபதியானவர் குரு. கேந்திராதிபத்ய தோஷம் பெற்ற கிரகம் நீச்சம் பெற்றும், வக்ரம் பெற்றும் சஞ்சரிப்பது யோகம்தான். கொடிகட்டிப் பறந்த குடும்பப் பிரச்சினைகள் படிப்படியாக மாறும். குளிர்சாதனப்பெட்டி முதல் அரவை எந்திரங்கள் வரை அடுக்கடுக்காக இல்லத்திற்கு தேவையான பொருட்களை வாங்கி மகிழ்வீர்கள். தாமதப்பட்ட கல்யாணம் தடையின்றி நடைபெறும். வீடுமாற்றம் அல்லது வெளிமாநிலங்களுக்கு செல்லும் வாய்ப்பு ஒருசிலருக்கு ஏற்படும். தாயின் உடல்நலம் சீராகும்.

மகரச் சனியின் வக்ர நிவர்த்தி காலம்

உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் புரட்டாசி 11-ந் தேதி வக்ர நிவர்த்தியாகிறார். பஞ்சம ஸ்தானத்தில் வலுப்பெறும் சனியால் நெஞ்சம் மகிழும் சம்பவம் நிறையவே நடைபெறும். பூர்வீக சொத்துத் தகராறு அகலும். புதிய திருப்பங்கள் ஏற்படும். சொத்துக்களால் ஆதாயம் உண்டு. 6-க்கு அதிபதியாகவும் சனி விளங்குவதால் மறைமுக எதிர்ப்புகள் இருக்கத்தான் செய்யும். குறிப்பாக உறவுகள் திடீரெனப் பகையாகலாம். உழைப்பிற்கேற்ற பலன் கிடைக்காமல் போகலாம். உத்தியோகத்தில் பொறுப்புகள் மாற்றப்படலாம்.

புதனின் வக்ர நிவர்த்தி காலம்

மாதத் தொடக்கத்தில், கன்னி ராசியில் புதன் உச்சம் பெறுகிறார். உங்கள் ராசியில் உச்சம் பெறும் புதன், தொழில் ஸ்தானத்திற்கும் அதிபதியானவர். வக்ரம் பெற்றிருக்கும் அவர் புரட்டாசி 17-ந் தேதி வக்ர நிவர்த்தியானதும், தடைகள் தானாக விலகும். தொழிலில் பழைய பங்குதாரர்களை விலக்கி விட்டு, புதியவர்களை இணைத்துக் கொள்வீர்கள். உத்தியோகத்தில் உள்ளவர்களுக்கு பரிசீலனையில் இருந்த பதவி உயர்வு கிடைக்கும். ஒருசிலர் விருப்ப ஓய்வில் வெளிவந்து சுயதொழில் தொடங்கும் முயற்சியில் ஆர்வம் காட்டுவர்.

விருச்சிக சுக்ரனின் சஞ்சாரம்

மாதத் தொடக்கத்தில், குடும்ப ஸ்தானத்தில் சுக்ரன் சஞ்சரிக்கிறார். புரட்டாசி 17-ந் தேதி சகாய ஸ்தானத்திற்கு செல்கிறார். 2, 9 ஆகிய இடங்களுக்கு அதிபதியான சுக்ரன், சகாய ஸ்தானத்தில் சஞ்சரிக்கும் பொழுது குடும்ப முன்னேற்றம் கூடும். கொடுக்கல் - வாங்கல் திருப்தி தரும். ‘மங்கல ஓசை மனையில் கேட்க வில்லையே’ என்ற கவலை அகலும். வெளிநாட்டு நிறுவனங்களில் இருந்து அழைப்பு வரலாம்.

இம்மாதம் சனிக்கிழமை தோறும் அனுமன் வழிபாட்டை மேற்கொண்டால் அல்லல்கள் அகலும்.

பணத்தேவையைப் பூர்த்தி செய்யும் நாட்கள்:- செப்டம்பர்: 26, 27, 30, அக்டோபர்: 1, 2, 6, 7, 12, 13, 14 மகிழ்ச்சி தரும் வண்ணம்:- பச்சை.

பெண்களுக்கான பலன்கள்

இம்மாதம் வரவும், செலவும் சமமாகும். மாதத் தொடக்கத்தில் சேமிப்புகள் கரைந்தாலும், புரட்டாசி 17-ந் தேதிக்கு மேல் வருமானம் திருப்தி தரும். கணவன் - மனைவிக்குள் ஒற்றுமை பலப்படும். குடும்பத்தில் மங்கல ஓசை கேட்கும் வாய்ப்பு உண்டு. விலை உயர்ந்த பொருட்களை வாங்கி மகிழ்வீர்கள். பிள்ளைகள் உங்கள் குணமறிந்து நடந்து கொள்வர். பணிபுரியும் இடத்தில் மேலதிகாரிகளின் ஆதரவு குறையலாம்.

14.4.2021 முதல் 13.4.2022 வரை

கன்னி

முயற்சிகளில் வெற்றி கிட்டும்

(உத்ரம் 2, 3, 4 பாதங்கள், ஹஸ்தம், சித்திரை 1, 2 பாதங்கள் வரை) (பெயரின் முதல் எழுத்துக்கள்: ப, பி, பு, பூ, ஷ, ண, ட, பே, போ உள்ளவர்களுக்கும்)

கன்னி ராசி நேயர்களே!

பிறக்கும் புத்தாண்டு, ஆறில் குரு இருக்க, பஞ்சம ஸ்தானத்தில் சனி அமர, விரயாதிபதி சூரியனோடு உங்கள் ராசிநாதன் புதன் இணைந்து அஷ்டமத்தில் சஞ்சரிக்கும் விதத்தில் பிறக்கின்றது. கிரக நிலைகள் அடிப்படையில் பார்க்கும் பொழுது சுபவிரயங்கள் அதிகரிக்கும். துணிந்து நீங்கள் எடுத்த முடிவால் உறவினர்கள் ஆச்சரியப்படுவர். தொழில் முன்னேற்றமும், தொல்லை தந்த உடல்நலமும் சீராகும் வாய்ப்பும் உண்டு.

புத்தாண்டின் தொடக்கத்தில் உங்கள் ராசிநாதன் புதன், சூரியனோடு இணைந்து புத - ஆதித்ய யோகத்தையும், சுக்ரனோடு இணைந்து புத- சுக்ர யோகத்தையும் உருவாக்குகிறார். எனவே கடந்த ஆண்டு நடைபெறாத சில காரியங்கள் இப்பொழுது வருடத் தொடக்கத்திலேயே துரிதமாக நடைபெறும்.

அதே நேரத்தில் முன்னேற்றத்தைக் குறிக்கும் இடமான 3-ம் இடத்தில் கேது இருப்பதால், எந்நேரமும் எதிர்மறை சிந்தனைகள் வந்து கொண்டே இருக்கும். அவற்றில் இருந்து விடுபட்டு நேர்மறை எண்ணங்களை வளர்த்துக் கொண்டால் நன்மை ஏற்படும். அஷ்டம ஸ்தானம் வலுவாக இருக்கும் இந்த ஆண்டில், வருட தொடக்கத்திலேயே பாக்கிய ஸ்தானத்திற்குரிய கிரக பலமறிந்து, அதற்குரிய தெய்வ வழிபாடுகளை மேற்கொண்டால் தடைகளும், தாமதங்களும் அகலும்.

‘6-ல் குரு ஊரில் பகை’ என்பார்கள். எனவே உறவினர்களின் பகையும், உடன் இருப்பவர்களின் தொல்லையும் உருவாகிக் கொண்டேயிருக்கும். கடன்சுமை அதிகரிக்கலாம். உங்கள் ராசியைப் பொறுத்தவரை 4, 7ஆகிய இடங்களுக்கு அதிபதியான குரு, மறைவிடமான 6-ல் சஞ்சரிக்கும் பொழுது நன்மைகளையே வழங்குவார். எனவே காரியங்கள் கடைசி நேரத்தில் கூட கைகூடிவிடும். கடமையை சீரும், சிறப்புமாக செய்து முடிப்பீர்கள். உங்கள் கனிந்த பேச்சுக்களால் எதிரிகளின் தொல்லை குறையும். உத்தியோகம் சம்பந்தமாக எடுத்த புது முயற்சிகளில் வெற்றி கிடைக்கும்.

குறிப்பாக அரசு வேலைக்கு முயற்சி செய்தவர்களுக்கு, அது கிடைக்கும். ‘நேர்முகத் தோ்விற்கு பலமுறை சென்றும் நினைத்தது நடக்கவில்லையே’ என்று கவலைப்பட்டவர்களுக்கு இப்பொழுது நல்ல பதில் கிடைக்கும். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். பூர்வ புண்ணிய ஸ்தானத்தில் சனிபகவான் வீற்றிருப்பதால், பிள்ளைகளின் எதிர்கால நலன் கருதி எடுத்த முயற்சிகளில் முழுமையான பலன் கிடைக்கும்.

குருவின் வக்ர இயக்கம்

ஆண்டின் தொடக்கம் முதல் 13.9.2021 வரை, கும்ப ராசியில் அதிசார கதியில் குருபகவான் சஞ்சரிக்கின்றார். அவர் 16.6.2021 முதல் வக்ர இயக்கத்திலும் இருக்கிறார். 14.9.2021 முதல் 12.10.2021 வரை, மகர ராசியில் குருபகவான் வக்ரம் பெற்றுச் சஞ்சரிக்கின்றார். உங்கள் ராசியைப் பொறுத்தவரை குரு பகவான் 4, 7 ஆகிய இடங்களுக்கு அதிபதியானவர். கேந்திராதிபத்ய தோஷம் பெற்ற கிரகம் வக்ரம் பெறும்பொழுது, யோகத்தையே வழங்கும். எனவே வக்ர காலத்தில் வளர்ச்சி கொஞ்சம் கூடுதலாகவே இருக்கும். திருமண முயற்சி கைகூடும். உத்தியோகத்தில் ஊதிய உயர்வுடன் கூடிய இடமாற்றங்கள் வரலாம். பணிபுரியும் இடத்தில் உங்கள் திறமைக்குரிய அங்கீகாரம் கிடைக்கும்.

குருப்பெயா்ச்சி காலம்

ஆண்டின் தொடக்கத்தில் கும்ப ராசியில் அதிசார கதியில் சஞ்சரிக்கும் குருபகவான், மீண்டும் வக்ர கதியில் மகர ராசிக்கு வந்து, 13.11.2021 அன்று முறையாக கும்ப ராசிக்கு பெயர்ச்சியாகிறார். அதன் பிறகு 13.4.2022-ல் மீன ராசிக்குப் பெயர்ச்சியாகிச் செல்கின்றார். கும்பத்தில் குரு சஞ்சரிக்கும் பொழுது, அதன் பார்வை 2, 10, 12 ஆகிய இடங்களில் பதிகின்றது.

குருவின் பார்வை 2-ம் இடத்தில் பதியும்போது, குடும்பத்தில் ஒற்றுமை பலப்படும். உடன் இருப்பவர்கள் உங்கள் பணிக்கு உறுதுணையாக இருப்பர். வாங்கிய கடனைக் கொடுத்து மகிழ்வீர்கள். வருமானம் திருப்திகரமாக இருக்கும். கொடுத்த வாக்கைக் காப்பாற்றுவீர்கள். கொடிகட்டிப் பறந்த பிரச்சினைகள் படிப்படியாக மாறும்.

மீனத்தில் குரு சஞ்சரிக்கும் பொழுது, உங்கள் ராசிக்கு சப்தம ஸ்தானத்தில் சொந்த வீட்டில் குருபகவான் சஞ்சரிப்பதால் மிகுந்த நற்பலன் கிடைக்கும். தொழில் முன்னேற்றம், தொகை வரவில் திருப்தி, சுபகாரியம் கைகூடுதல், கட்டிடம் கட்டும் முயற்சி தொடருதல் போன்றவை ஒன்றன் பின் ஒன்றாக நடைபெறும். பொருளாதாரத்தில் நிறைவு ஏற்படும். புதிய பாதை புலப்படும். வரவேண்டிய பாக்கிகளும் வசூலாகும். வாசல் தேடி வரும் வாய்ப்புகளை உபயோகப்படுத்திக் கொள்ள முன்வருவீர்கள். கடன்சுமை பாதிக்கு மேல் குறையும். எதையும் யோசித்து செய்யுங்கள்.

ராகு-கேது பெயா்ச்சி காலம்

21.3.2022 அன்று மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். உங்கள் ராசியைப் பொறுத்தவரை 2-ம் இடத்திற்கு கேதுவும், 8-ம் இடத்திற்கு ராகுவும் வருகிறார்கள். 8-ல் ராகு சஞ்சரிப்பது அவ்வளவு நல்லதல்ல. நிறைய விரயங்களைச் சந்திக்கக்கூடிய வாய்ப்பு உருவாகும். தைரியமும், தன்னம்பிக்கையும் குறையும். மனபயம் அதிகரிக்கும். ‘இதைச் செய்வோமா, அதைச் செய்வோமா?’ என்று இரட்டித்த சிந்தனை மேலோங்கும். ஒரு கடனை அடைக்க இன்னொரு கடன் என்று, பெரிய அளவில் கடன் சுமை கூட வாய்ப்பு உள்ளது. கவனமாக செயல்படுங்கள். துணையாக இருக்கும் கூட்டாளிகளை விலகாமல் பார்த்துக்கொள்வது உங்கள் புத்திசாலித்தனமாகும்.

2-ல் கேது இருப்பதால் எதையும் ஒருமுறைக்குப் பலமுறை யோசித்துச் செய்யுங்கள். குடும்பத்தில் சச்சரவுகள் அதிகரிக்கும். கொடுத்த வாக்கைக் காப்பாற்ற இயலாது. ‘நாணய பாதிப்பு ஏற்படுகிறதே’ என்று கவலைப்படுவீர்கள். பிள்ளைகளாலும் ஒருசில பிரச்சினைகள் உருவாகலாம். ‘பார்க்கும் வேலையில் பிரச்சினைகள் அதிகரிக்கின்றதே, சம்பளம் குறைவாக இருந்தால் கூட பரவாயில்லை, வேறு வேலைக்கு முயற்சி செய்யலாம்’ என்று முயற்சித்தவர்களுக்கு இப்பொழுது வேறு வேலை கிடைக்கும். இருப்பினும் அது திருப்தி அளிக்காது. சேமிப்பில் சிறிது கரையும்.

மற்றவர்களின் மனதை புரிந்து கொண்டு செயல்படாவிட்டால் மனக்கலக்கம் அதிகரிக்கும். குடும்பத்தில் ஒருவர் மாற்றி ஒருவருக்கு ஆரோக்கியத் தொல்லையும், மருத்துவச் செலவுகளும் வரும். உத்தியோகத்தில் சகப் பணியாளர்களால் தொல்லையுண்டு. வீட்டிற்குத் தேவையான பொருட்களை வாங்குவீர்கள்.

சனியின் வக்ர காலம்

12.5.2021 முதல் 26.9.2021 வரை, மகர ராசியில் சனி பகவான் வக்ரம் பெறுகின்றார். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி. 6-ம் இடத்திற்கு அதிபதியான அவர் வக்ரம் பெறுவது நன்மைதான். தொழில், உத்தியோகத்தில் நல்ல மாற்றங்கள் ஏற்படும். கொடுத்த கடன்கள் வசூலாகும். பொருளாதார வளர்ச்சி அதிகரித்து, கொடுக்க வேண்டிய கடனைக் கொடுத்து நிம்மதி காண்பீர்கள். அதே நேரத்தில் பூர்வ புண்ணிய ஸ்தானாதிபதியாக சனி விளங்குவதால், சொத்துப் பிரச்சினைகள் தலை தூக்கலாம். சொந்தங்களில் ஒரு சிலர் பகையாகலாம்.

கவனமுடன் செயல்பட வேண்டிய காலம்

14.4.2021 முதல் 3.6.2021 வரை, 4.6.2021 முதல் 21.7.2021 வரை மற்றும் 24.10.2021 முதல் 7.12.2021 வரை, செவ்வாய் - சனி பார்வை உள்ளது. இக்காலத்தில் பகைக் கிரகங்களின் பார்வை இருப்பதால் பல வழிகளிலும் மன சங்கடங்கள் ஏற்படும். கொடுக்கல் - வாங்கல்களில் ஒருசிலர் ஏமாற்றங்களைச் சந்திக்க நேரிடும். நட்பு பகையாகலாம். உடல்நலத்தில் சீர்கேடுகள் ஏற்பட்டு அகலும். மனக்கலக்கம் அகல மாருதி வழிபாட்டை மேற்கொள்ளுங்கள்.

பெண்களுக்கான பலன்கள்

இந்தப் புத்தாண்டு விரயத்திற்கேற்ற வருமானம் வரும் ஆண்டாக அமையப் போகிறது. சென்ற ஆண்டில் நிறைவேறாத எண்ணங்கள் குருப்பெயா்ச்சிக்குப் பிறகு நடைபெறும். கணவன் - மனைவிக்குள் பிணக்கு வராமல் இருக்க விட்டுக்கொடுத்துச் செல்லுங்கள். பிள்ளைகளின் எதிர்கால நலன் கருதி தீட்டிய திட்டங்கள் வெற்றி பெறும். செவ்வாய் - சனி பார்வை, காலத்தில் உறவினர் பகை உருவாகாமல் பார்த்துக் கொள்வது நல்லது. பணிபுரியும் பெண்களுக்கு எதிர்பார்த்தபடி இடமாற்றங்கள் ஏற்படலாம். கேது 3-ல் இருப்பதால் வரும் மாற்றங்களை யோசித்து ஏற்றுக் கொள்வதே சிறந்தது. குரு வழிபாடு நன்மை தரும்.

வளா்ச்சி தரும் வழிபாடு

புதன்கிழமை தோறும் விரதம் இருந்து பெருமாள் வழிபாட்டை மேற்கொள்வதுடன், யோகபலம் பெற்ற நாளில் மதுரை கூடலழகிய சுந்தர ராஜப் பெருமாளையும், லட்சுமியையும் வழிபட்டு வந்தால் சகல யோகங்களும் வந்து சேரும்.

27-12-2020 முதல் 20-12-2023 வரை

ஐந்தில் வந்தது சனிபகவான், அற்புதப் பலன்கள் இனிசேரும்! கன்னி ராசி நேயர்களே!

இதுவரை உங்கள் ராசிக்கு 4-ம் இடத்தில் அர்த்தாஷ்டமச் சனியாகச் சஞ்சரித்து வந்த சனி பகவான், 26.12.2020 அன்று 5-ம் இடத்திற்குச் செல்கின்றார். 5-ம் இடம் என்பது பூர்வ புண்ணிய ஸ்தானம். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் தனது சொந்த வீடான பூர்வ புண்ணிய ஸ்தானத்தில் சஞ்சரிக்கும் இந்த நேரம் இனிய பலன்கள் ஏராளமாக வரப்போகின்றது. தொழில் வளம் சிறப்பாக இருக்கும். வருமானம் உயரும்.

மகர ராசியில், ஏற்கனவே நீச்சம் பெற்ற குரு பகவான் இருக்கின்றார். அவரது பார்வை உங்கள் ராசியில் பதிகின்றது. எனவே குடும்பத்தில் சந்தோஷ வாய்ப்புகளை அதிகம் சந்திக்கக்கூடிய சூழ்நிலை உருவாகும்.

சுபநிகழ்ச்சிகள் நடைபெறும்

டிசம்பர் 26-ந் தேதி முதல் உங்கள் ராசிக்கு 5-ம் இடத்தை அடையும் சனி பகவானால், நல்ல மாற்றங்கள் வரப்போகின்றது. இல்லத்தில் சுபநிகழ்ச்சிகள் ஒன்றன் பின் ஒன்றாக நடைபெறும். பிரிந்து சென்ற உறவினர்கள் பிரியமுடன் வந்திணைவர். செய்தொழில் எதுவாக இருந்தாலும் முன்னேற்றம் கூடும்.

சனியின் பார்வை பலன்கள்

உங்கள் ராசிக்கு 5-ம் இடத்தில் சஞ்சரிக்கும் சனி பகவான், 2, 7, 11 ஆகிய மூன்று இடங்களையும் பார்க்கப் போகின்றார். வாக்கு, தனம், குடும்பம், களத்திரம், வெளிநாட்டு முயற்சி, இளைய சகோதரம், பொருளாதாரம், மாமன், மைத்துனர் வழி ஒத்துழைப்பு, சேமிப்பு, கவுரவப்பதவி போன்றவற்றைப் பற்றி எடுத்துரைக்கும் இடங்களில் சனியின் பார்வை பதிவதால், அந்த ஆதிபத்யங்களில் எல்லாம் மாற்றங்களும், ஏற்றங்களும் வந்து சேரும். 2-ம் இடத்தை சனி பார்ப்பதால், பணப்புழக்கம் நன்றாக இருக்கும். சனியின் பார்வை 7-ம் இடத்தில் பதிவதால் தம்பதியர்களுக்குள் இருந்த கருத்து வேறுபாடுகள் அகலும். கல்யாண முயற்சிகளில் இருந்த தடை அகலும். சனியின் பார்வை 11-ம் இடத்தில் பதிவதால், தொழிலில் இதுவரை இருந்த இழப்புகளை ஈடுகட்டும் விதத்தில் வியாபாரம் சூடுபிடிக்கும்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரியன் சாரத்தில் சனி சஞ்சரிக்கும் பொழுது, விரயங்கள் அதிகரிக்கலாம். வீடு மாற்றங்களும், இட மாற்றங்களும் இயல்பாக வந்து சேரும்.

28.12.2021 முதல் 26.1.2023வரை: சந்திரன் சாரத்தில் சனி சஞ்சரிக்கும் பொழுது, பொருளாதார நிலை உயரும். தொழிலில் லாபம் எதிர்பார்த்ததைக் காட்டிலும் கூடுதலாகக் கிடைக்கும். சந்திரன் உங்கள் ராசிக்கு லாபாதிபதியாக இருப்பதால் இக்காலத்தில் பணப்பற்றாக்குறை ஏற்படாது. உத்தியோகத்தில் உள்ளவர்கள் தங்கள் மீது சுமத்திய குற்றங்களில் இருந்து விடுபட்டு மீண்டும் பணியில் சேருவர்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, கூடுதல் கவனத்துடன் இருப்பது நல்லது. செவ்வாய் உங்கள் ராசிக்கு 3, 8 ஆகிய இடங்களுக்கு அதிபதியானவர். எனவே முன்னேற்றத்தில் சிறுசிறு சறுக்கல்கள் வரலாம்.

குருப்பெயர்ச்சிக் காலம்

கும்ப ராசியில் குரு சஞ்சரிக்கும் பொழுது, ‘சகட யோக’ அடிப்படையில் பலன் கிடைக்கும். ஒரு தொகை செலவழிந்த பிறகே அடுத்த தொகை உங்கள் கரங்களில் புரளும். ஆரோக்கியத்தில் கூடுதல் கவனம் தேவை. மீனத்தில் குரு சஞ்சரிக்கும் பொழுது மிகச்சிறந்த பலன்கள் உங்களுக்கு கிடைக்கும். தொழில் மற்றும் உத்தியோகத்தில் முன்னேற்றம் உண்டு. வருமானம் மிதமிஞ்சியதாக இருக்கும். மேஷ குருவின் சஞ்சார காலத்தில் நிதானத்தோடு செயல்படுவது நல்லது. விரயங்கள் அதிகரிக்கும்.

ராகு-கேது பெயர்ச்சிக் காலம்

21.3.2022-ல் நடைபெறும் ராகு-கேது பெயர்ச்சியின்போது, மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். மறைவிடங்களில் பாம்பு கிரகங்கள் சஞ்சரிக்கும் பொழுது நன்மைகளையே செய்யும். சுயபலமற்ற கிரகம் என்பதால் இருக்கும் இடத்தைப் பொறுத்தே பலன் கிடைக்கும். பண விரயம் அதிகரித்தாலும், அதற்காகப் பயப்பட வேண்டியதில்லை. தன ஸ்தானத்தில் கேது இருப்பதால் எந்த வகையிலாவது உங்களுக்கு வருமானம் வந்து சேரும். தேங்கிய காரியங்கள் நடைபெறும். வீடு, இடம் வாங்கும் யோகம் உண்டு. தொழிலில் மாற்றம் செய்தால் நல்லது என்று நினைப்பீர்கள். குடும்பச்சுமை கூடும்.

8.10.2023-ல் நடைபெறும் ராகு-கேது பெயர்ச்சியின் போது, மீனத்தில் ராகுவும், கன்னியில் கேதுவும் சஞ்சரிப்பார்கள். இந்த காலகட்டத்தில் எதிர்பாராத மாற்றங்கள் இல்லம் தேடி வரும். ஜென்மத்தில் கேது இருப்பதால் ஆரோக்கியத்தில் மட்டும் அதிக தொல்லைகள் ஏற்படலாம். நினைத்த காரியத்தை செய்துமுடிக்க இயலாமல் உடல்நலத்தில் அச்சுறுத்தல்கள் ஏற்படும். மருத்துவச் செலவுகள் கூடும். எதையும் யோசித்துச் செய்வது நல்லது.

வெற்றி பெறவைக்கும் வழிபாடு

வியாழன் தோறும் விரதம் இருந்து குரு வழிபாட்டை மேற்கொள்வதோடு, இல்லத்துப் பூஜை அறையில் குரு பகவான் படம் வைத்து, குரு கவசம் படித்து வழிபடுவது நல்லது. குடும்ப முன்னேற்றம் கூடும்.

சனியின் வக்ர காலம்
12.5.2021 முதல் 26.9.2021 வரை, 25.5.2022 முதல் 9.10.2022 வரை, 27.6.2023 முதல் 23.10.2023 வரை என மூன்று முறை சனி வக்ரமடைகின்றார்.

உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். எனவே நெஞ்சம் மகிழும் சம்பவங்களும், அஞ்சும்படியான சம்பவங்களும் நடைபெறும். உத்தியோகத்தில் முன்னேற்றம் உண்டு. தொழிலில் ஏற்றங்கள் வந்து சேரும். பிள்ளைகள் வழியில் விரயங்கள் ஏற்படலாம். அவர்களை உங்கள் மேற்பார்வையில் வைத்துக்கொள்வது நல்லது.

பெண்களுக்கான சிறப்புப் பலன்கள்

இந்த சனிப்பெயர்ச்சி உங்களுக்கு மகிழ்ச்சி தரும் பெயர்ச்சியாகவே அமையும். பொருளாதார நிலை உயரும். வீடு, இடம் வாங்கும் யோகம் உண்டு. செய்தொழிலில் எதிர்பார்த்த லாபம் கிடைக்கும். கணவன் - மனைவிக்குள் கனிவும், பாசமும் கூடும். விலகிச்சென்ற சொந்தங்கள் விரும்பி வந்து இணைவர். தாய், தந்தை உறவு மேம்படும். சகோதரர்கள் உங்கள் எண்ணங்களைப் பூர்த்தி செய்வர். பிள்ளைகளின் கல்யாண வாய்ப்பு கைகூடும். மேற்படிப்பு சம்பந்தமாக எடுத்த முயற்சி பலன்தரும். பணிபுரியும் பெண்களுக்கு இனி வேலைப்பளு குறையும். எதிர்பார்த்த இடமாற்றம், இலாகா மாற்றம் கிடைக்கும். வேலை செய்யும் இடத்தில் மதிப்பும், மரியாதையும் கூடும்.

01.09.2020 முதல் 20.03.2022 வரை

ஒன்பதில் வருகிறது ராகு..உயர்நிலை வரும் வாழ்வினிலே..

கன்னி ராசி நேயர்களே!

இதுவரை உங்கள் ராசிக்கு 10-ம் இடத்தில் இருந்து வந்த ராகு பகவான், செப்டம்பர் 1-ந் தேதி 9-ம் இடத்திற்கு வரப்போகின்றார். கேது பகவான் அதே நாளில் உங்கள் ராசிக்கு 4-ம் இடமான சுக ஸ்தானத்தில் இருந்து வெற்றிகள் ஸ்தானமான 3-ம் இடத்திற்கு செல்கின்றார்.

இதற்கிடையில் நவம்பர் 15-ந் தேதி மகர ராசிக்கு குரு மாறுகின்றார். அப்பொழுது அவரது பார்வை உங்கள் ராசியில் பதிகின்றது. அதுமட்டுமல்லாமல் 9, 11 ஆகிய இடங்களிலும் பதிவாகின்றது. டிசம்பர் 26-ந் தேதி மகர ராசிக்குச் சனி பெயர்ச்சியாகிச் செல்கின்றார். உங்கள் ராசிக்கு 5-ம் இடத்திற்கு செல்லும் சனி, பூர்வ புண்ணியத்தின் பலனாக உங்களுக்கு கிடைக்க வேண்டிய பலனை வழங்குவார். 2021-ம் ஆண்டு நவம்பர் 13-ந் தேதி குரு, கும்ப ராசிக்குப் பெயர்ச்சியாகிச் செல்கின்றார். அப்பொழுது அவர் உங்கள் ராசிக்கு 2, 10, 12 ஆகிய இடங்களைப் பார்க்கப் போகின்றார். இவற்றை எல்லாம் அடிப்படையாக வைத்து ராகு, கேதுக்களின் பெயர்ச்சி பலன்களை பார்ப்போம்.

ஒளிமயமான வாழ்வு தரும் ராகு

முன்னேற்றம் தரும் கேது

‘9-ல் ராகு வந்தால் பொன், பொருள் சேர்க்கை ஏற்படும்’ என்பார்கள். ஒன்பதாமிடம் என்பது தகப்பனாரைப் பற்றியும், தந்தை வழி சொத்துக்கள், தர்மம் செய்யும் யோகம், ஆலயத் திருப்பணி, பங்காளிகள், கடல் கடந்த வாய்ப்பு போன்றவற்றையும் குறிக்கும் இடமாகும். பொதுவாக தந்தைவழி அனுகூலம் உண்டு. பொருளாதாரப் பற்றாக்குறை அகலும். உத்தி யோகஸ்தர்களுக்கு ஊதிய உயர்வு உண்டு. புதுவாகனம் வாங்கும் யோகம் ஒரு சிலருக்கு கிடைக்கும்.

மூன்றாமிடத்தில் சஞ்சரிக்கும் கேதுவால் முன் னேற்றப் பாதையில் அடியெடுத்து வைக்கப்போகிறீர்கள். உடன்பிறப்புகள் உங்களுக்கு உதவியாக இருப்பர். வாங்கல்-கொடுக்கல்களில் ஒருசில சமயங்களில் ஏமாற்றம் ஏற்பட்டாலும் மற்றொரு சமயத்தில் இரு மடங்கு லாபம் கிடைக்கும். கேது வலிமையான கிரகம் என்பதால் அதற்குரிய விநாயகப் பெருமான் வழிபாட்டை முறையாக செய்வது நல்லது. மேலும் சித்ர குப்தன் வழிபாடும் சிறப்பான பலன்களை உங்களுக்கு வழங்கும்.

செவ்வாய் சாரத்தில் ராகுவின் சஞ்சாரம் (1.9.2020 முதல் 4.1.2021 வரை)

மிருகசீர்ஷ நட்சத்திரக்காலில் செவ்வாய் சாரத்தில் ராகு சஞ்சரிக்கும் பொழுது, உடன்பிறப்புகளின் வழியே பகை உருவாகலாம். உயர் ரத்த அழுத்தம் மற்றும் மூட்டுவலி போன்றவற்றால் தொல்லைகள் ஏற்படலாம். கடன் சுமை குறைந்தாலும் மீண்டும் கடன் வாங்கும் சூழ்நிலை உருவாகும். இடம், பூமி விற்பனை மூலம் எதிர்பார்த்த தொகை கிடைக்கும். உத்தியோகத்தில் திடீர் மாறுதல்கள் உருவாகும். அதிகாரிகளின் வெறுப்புக்கு ஆளாக நேரிடலாம்.

சந்திரன் சாரத்தில் ராகுவின் சஞ்சாரம் (5.1.2021 முதல் 12. 9.2021 வரை)

சந்திரனின் சாரத்தில் ராகு சஞ்சரிக்கும் பொழுது மிகுந்த நற்பலன்கள் ஏற்படும். லாப ஸ்தானாதிபதியாக சந்திரன் விளங்குவதால் சேமிப்பு அதிகரிக்கும். சமூகத்தில் உயர்ந்த அந்தஸ்தைப் பெறுவீர்கள். பணியிலிருந்து நீக்கப்பெற்றவர்கள் மீண்டும் பணியில் சேர வாய்ப்புகள் உண்டு. வெளிநாட்டிலிருந்து அனுகூலமான தகவல் வந்து சேரும். வாகன யோகம் முதல் அனைத்து யோகங்களும் வந்து சேரும். குழந்தைகளின் கல்வி சம்பந்தமாக எடுத்த முயற்சி கைகூடும். இளைய சகோதரத்தோடு இணக்கம் ஏற்படும். உடல்நலக் குறைபாடுகள் அடிக்கடி வரலாம்.

சூரியன் சாரத்தில் ராகுவின் சஞ்சாரம் (13.9.2021 முதல் 20.3.2022 வரை)

கார்த்திகை நட்சத்திரக்காலில் சூரியனின் சாரத்தில் ராகு சஞ்சரிக்கும் பொழுது, விரயம் கொஞ்சம் கூடுதலாக இருக்கும். வாழ்க்கைத்துணை ஓர் இடத்திலும், தான் ஒரு இடத்திலும் இருந்து வேலை பார்க்கும் சூழ்நிலை ஒருசிலருக்கு உருவாகும். பணப்புழக்கம் நன்றாக இருந்தாலும் மனநிம்மதி குறைவாகவே இருக்கும். இடமாற்றங்கள் இனிமை தரும் விதத்தில் அமையும். பழைய ஆபரணங்களைக் கொடுத்துவிட்டுப் புதிய ஆபரணங்களை வாங்கி மகிழும் வாய்ப்பு சிலருக்கு கிடைக்கும். அரசியல் ஈடுபாடு கொண்டவர்களுக்கு எதிர்பார்த்த பொறுப்புகள் கிடைக்கலாம்.

பாதசார அடிப்படையில் கேது தரும் பலன்கள்

வெற்றிகள் ஸ்தானத்தில் சஞ்சரிக்கும் கேது பகவான் ‘நிழல் கிரகம்’ என்று வர்ணிக்கப்பட்டாலும், நிகழ்காலத் தேவைகளைப் பூர்த்தி செய்வதில் முன்நிற்பவர் ஆவார். எனவே பாதசார அடிப்படையில் பலன்களை அறிந்து கொண்டு செயல்படுவது நல்லது. பகை கிரகத்தின் சாரத்தில் சஞ்சரிக்கும் பொழுது அதற்குரிய பரிகாரங்களையும், வழிபாடுகளையும் வைத்துக்கொண்டால் நற்பலன்கள் கிடைக்கும்.

புதன் சாரத்தில் கேதுவின் சஞ்சாரம் (1.9.2020 முதல் 9.5.2021 வரை)

கேட்டை நட்சத்திரக்காலில் புதன் சாரத்தில் கேது சஞ்சரிக்கும் பொழுது, உடல் ஆரோக்கியம் சீராக இருக்கும். உற்சாகத்தோடு பணிபுரிவீர்கள். வருமானப் பற்றாக்குறை அகலும். வசதிமிக்க செல்வந்தர்களின் ஒத்துழைப்பால் புதிய முயற்சிகளில் ஆதாயம் கிடைக்கும். பணி நீக்கம் செய்யப்பட்ட நிலையில் இருப்பவர்களுக்கு மீண்டும் பணியில் சேர அழைப்புகள் வரலாம். உறவினர்களிடையே நிலவிய மனச்சங்கடங்கள் அகலும். அசையா சொத்துக்கள் வாங்குவதில் ஆர்வம் காட்டுவீர்கள். ஆன்மிக நாட்டம் அதிகரிக்கும். விலை உயர்ந்த பொருட்களை வாங்கும் யோகம் உண்டு. எடுத்த காரியங்களை எளிதில் செய்து முடிப்பீர்கள். கொடுத்த கடன்களும் வசூலாகும்.

சனி சாரத்தில் கேதுவின் சஞ்சாரம் (10.5.2021 முதல் 16.1.2022 வரை)

உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவரது சாரத்தில் கேது சஞ்சரிக்கும் பொழுது பிள்ளைகளால் ஏற்பட்ட பிரச்சினைகள் அகலும். அவர்களின் உயர்கல்வி, படிப்பிற்கேற்ற வேலை சம்பந்தமாக நீங்கள் ஏதேனும் முயற்சி செய்தால் அதில் வெற்றி கிடைக்கும். பிள்ளைகளின் எதிர்கால நலன்கருதி புதிய திட்டங்களைத் தீட்டுவீர்கள். ‘பூர்வீக சொத்துக்களில் இதுவரை பாகப்பிரிவினை ஏற்படவில்லையே’ என்ற கவலை அகலும். இக்காலத்தில் தொழில் வளர்ச்சி சிறப்பாகவே இருக்கும்.

குரு சாரத்தில் கேதுவின் சஞ்சாரம் (17.1.2022 முதல் 20.3.2022 வரை)

உங்கள் ராசிக்கு 4, 7 ஆகிய இடங்களுக்கு அதிபதியானவர் குரு. தாய் ஸ்தானம் மற்றும் களத்திர ஸ்தானத்திற்கு அதிபதியானவர். பெற்றோர் வழியில் பிரியம் கூடும். உற்றார், உறவினர்கள் உங்கள் பணிக்கு உறுதுணையாக இருப்பர். கற்ற கல்விக்கு ஏற்ற வேலை கிடைக்கும். பொதுவாழ்வில் இருப்பவர்களுக்கு நல்ல பொறுப்புகள் வரலாம். ‘வாங்கிய இடத்தை விற்று விட்டோமே’ என்று கவலைப்பட்டவர்களுக்கு இப்பொழுது புதிதாக இடம் வாங்கும் யோகம் உண்டு. உத்தியோகத்தில் சம்பள உயர்வு பற்றிய சந்தோஷமான செய்தி வந்து சேரும். வெற்றிப் பாதையில் அடியெடுத்து வைப்பீர்கள்.

வளர்ச்சி தரும் வழிபாடு

பெயர்ச்சியாகும் ராகுவால் ஒளிமயமான எதிர்காலம் அமையவும், கேதுவால் முன்னேற்றம் பெறவும், ஏகாதசி தோறும் விரதமிருந்து விஷ்ணுவை வழிபட்டு வரவும். புதன்கிழமை தோறும் பூஜை அறையில் கண்ணன் படம் வைத்து மாலை சூட்டியும், விளக்கேற்றியும் கண்ணன் கவசம் பாடி வழிபட்டு வருவது நல்லது.

பெண்களுக்கு...

ராகு-கேது பெயர்ச்சியின் விளைவாக கற்ற கல்விக்கு ஏற்ற வேலை கிடைக்கும். பெற்றோர்களின் ஆதரவும், மற்றவர்களின் ஆதரவும் உங்களுக்கு வந்து சேரும். கடன் சுமை குறையும். கணவன்-மனைவிக்குள் விட்டுக் கொடுத்துச் செல்வது நல்லது. பணிபுரியும் பெண்களுக்கு எதிர்பார்த்த சம்பள உயர்வுடன் கூடிய வேலை கிடைக்கலாம். உங்கள் கனவுகள் நனவாக விநாயகப் பெருமானையும், மகாலட்சுமியையும் இல்லத்துப் பூஜையறையில் பதிகம் பாடி வழிபடுவது நல்லது.

15-11-2020 முதல் 13-11-2021 வரை

ஐந்தில் வந்தது குரு பகவான், அனைத்து நன்மையும் இனி கிடைக்கும்!

கன்னி ராசி நேயர்களே!

இதுவரை உங்கள் ராசிக்கு 4-ம் இடத்தில் சஞ்சரித்து வந்த குரு பகவான், 15.11.2020 அன்று 5-ம் இடத்திற்கு வருகின்றார். அங்கிருந்து கொண்டு 9-ம் பார்வையாக உங்கள் ராசியைப் பார்க்கின்றார். ‘குரு பார்க்கக் கோடி நன்மை’ என்பதற்கேற்ப, இனி அடுக்கடுக்கான நன்மைகள் உங்களைத் தேடிவரப்போகின்றது. பூர்வ புண்ணிய ஸ்தானத்தில் அடியெடுத்து வைத்திருக்கும் குருவால், போராட்டமான வாழ்க்கை இனி பூந்தோட்டமாக மாறும். இழந்த பதவிகள் மீண்டும் கிடைக்கும். இல்லம் கட்டிக் குடியேறும் நிகழ்ச்சி இனிதே நடைபெறும்.

இந்தக் குருப்பெயர்ச்சிக் காலத்தில் சில மாதங்கள் 6-ம் இடத்திற்கு குரு சென்று சஞ்சரிக்கின்றார். சில காலங்கள் வக்ர இயக்கத்திலும் இருக்கின்றார். அதற்கேற்ற பலன்கள் உங்களுக்கு அமையும். சுய ஜாதகத்தில் திசாபுத்தி பலம் பெற்றிருப்பவர்களுக்கு எதிர்பார்ப்புகள் எல்லாம் நிறைவேறும். முன்னேற்றப் பாதையில் ஏதேனும் முட்டுக்கட்டை வருமேயானால் வியாழக்கிழமை தோறும் குரு பகவானை வழிபடுவதன் மூலம் நற்பலன்களை வரவழைத்துக்கொள்ள இயலும்.

குருவின் பார்வை பலன்

இந்தக் குருப்பெயர்ச்சியின் விளைவாக, குரு பகவான் உங்கள் ராசியைப் பார்ப்பதோடு 9, 11 ஆகிய இடங்களையும் பார்க்கின்றார். இதனால் உடல் ஆரோக்கியம் சீராகும். உற்சாகம் உள்ளத்தில் குடிகொள்ளும். அடிப்படை வசதிகளை பெருக்கிக் கொள்வதில் ஆர்வம் காட்டுவீர்கள். கூட்டு முயற்சியில் இருந்து விடுபட்டு, தனித்து இயங்க முற்படுவீர்கள். எதிரிகளின் பலம் குறையும். உறவினர்களும், நண்பர்களும் உதவிக்கரம் நீட்ட முன்வருவர். உத்தியோகத்தில் உள்ளவர்களுக்கு உழைப்பிற்கேற்ற பலன் கிடைக்கும்.

குருவின் பார்வை 9-ம் இடத்தில் பதிவதால், தந்தை வழி உறவில் இருந்த விரிசல்கள் விலகும். சொத்துக்களை பங்கிட்டுக் கொள்வதில் இதுவரை சகோதரர்களுக்குள் இருந்த பிரச்சினைகள் அகலும். தொழில் வளம் மிகச்சிறப்பாக இருக்கும். ‘அஞ்சும், ஒன்பதும் மிஞ்சும் பலன்தரும்’ என்பதால் புதிய ஒப்பந்தங்களும் வந்துசேரும். வீட்டை விரிவு செய்து கட்டும் முயற்சியில் இருந்த தடை அகலும். முன்னோர்கள் செய்த தர்ம காரியங்களை, ஆன்மிகப் பணிகளை முன்னின்று நடத்துவீர்கள்.

குருவின் பார்வை 11-ம் இடத்தில் பதிவதால் லாப ஸ்தானம் புனிதமடைகின்றது. எனவே தொழிலில் எதிர்பார்த்த லாபம் கிடைக்கும். தொழிலை விரிவுபடுத்த கேட்ட இடத்தில் உதவிகள் கிடைக்கும். வங்கிகளின் ஒத்துழைப்பு உண்டு. பொதுவாழ்வில் இருப்பவர்களுக்கு புதிய திருப்பங்கள் ஏற்படும். மக்கள் செல்வாக்கு அதிகரிக்கும். புதிய ஒப்பந்தங்களில் கையெழுத்திட்டு மகிழ்வீர்கள். உத்தியோகத்தில் உள்ளவர்களுக்கு பரிசீலனையில் இருந்த பதவி உயர்வு, சம்பள உயர்வு இப்பொழுது கிடைக்கும்.

நட்சத்திரப் பாதசாரப்படி பலன்கள்

உத்ராடம் நட்சத்திரக்காலில் சூரியன் சாரத்தில் குரு சஞ்சாரம் (15.11.2020 முதல் 4.1.2021 வரை)

உங்கள் ராசிக்கு 12-ம் இடத்திற்கு அதிபதியானவர் சூரியன். பயண ஸ்தானம் மற்றும் விரய ஸ்தானம் என்று சொல்லக்கூடிய இடத்திற்கு அதிபதியான இவரது சாரத்தில் குரு சஞ்சரிக்கும் பொழுது, விரயங்கள் கொஞ்சம் அதிகமாகவே இருக்கும். மனை, வீடு, நிலம் வாங்குவது அல்லது கட்டிய வீட்டைப் பழுது பார்ப்பது, கல்யாணம் போன்ற சுபகாரியங்களை முன்னிட்டு சீர்வரிசை பொருட்களை வாங்குவது போன்ற சுபவிரயங்கள் மூலம் வீண் விரயங்களில் இருந்து விடுபடலாம். வெளிநாட்டில் இருக்கும் நண்பர்கள் மூலம் தொழில் தொடங்க உதவிகள் கிடைக்கும். உத்தியோகத்தைப் பொறுத்தவரை உங்கள் திறமைக்கு ஏற்ற மதிப்பு கிடைக்குமா என்பது சந்தேகம் தான். மேலதிகாரிகள் உங்களுக்கு திடீரென இடமாற்றத்தைக் கொடுக்கலாம். தொழில் நிலையத்தை வேறு இடத்திற்கு மாற்றும் முயற்சியில் ஆர்வம் காட்டுவீர்கள்.

திருவோணம் நட்சத்திரக்காலில் சந்திரன் சாரத்தில் குரு சஞ்சாரம் (5.1.2021 முதல் 1.3.2021 வரை)

சந்திரன், உங்கள் ராசிக்கு லாப ஸ்தானாதிபதி ஆவார். அவரது சாரத்தில் குரு சஞ்சரிக்கும் பொழுது, பல நல்ல காரியங்கள் இல்லத்தில் நடைபெறும். தொழில் வளர்ச்சி மிகச் சிறப்பாக இருக்கும். உடல் ஆரோக்கியம் சீராகும். ஆன்மிக ஈடுபாடு அதிகரிக்கும். ‘வெளிநாட்டில் தொழில் புரிய வேண்டும், ஏற்றுமதி வணிகம் செய்ய வேண்டும்’ என்று நினைத்தவர்களுக்கு, அந்த முயற்சி இப்பொழுது கைகூடும். கூட்டாளிகள் பலரும் உங்களோடு வந்திணைய காத்திருப்பர். விவசாயம் மற்றும் கால்நடை அபிவிருத்தியில் கவனம் செலுத்துவீர்கள். உத்தியோகத்தில் உள்ளவர்களுக்கு உயர் அதிகாரிகளின் ஆதரவு கிடைக்கும். நீங்கள் கேட்ட சலுகைகளை வழங்க காத்திருப்பர். ஆடை, ஆபரண சேர்க்கை உண்டு.

அவிட்டம் நட்சத்திரக்காலில் செவ்வாய் சாரத்தில் குரு சஞ்சாரம் (2.3.2021 முதல் 4.4.2021 வரை, மீண்டும் 14.9.2021 முதல் 13.11.2021 வரை)

உங்கள் ராசிக்கு 3, 8 ஆகிய இடங்களுக்கு அதிபதியானவர், செவ்வாய். சகாய ஸ்தானம் மற்றும் அஷ்டம ஸ்தானத்திற்கு அதிபதியான இவரது சாரத்தில் குரு உலா வரும்பொழுது, நன்மையும், தீமையும் கலந்தே நடைபெறும். போட்டிகளுக்கு மத்தியில் உங்கள் முன்னேற்றம் உருவாகும். பொருளாதாரத்தில் ஏற்ற இறக்க நிலை இல்லாமல் இருக்க, அங்காரக வழிபாட்டை மேற்கொள்வது நல்லது. குடும்பத்தில் தேவைகள் அதிகரிக்கும். உடன்பிறப்புகள் உங்கள் குணமறிந்து நடந்து கொண்டாலும் கூட, திடீர் திடீரென சச்சரவுகளும் ஏற்படும். என்றைக்கோ வாங்கிப்போட்ட இடத்தை அத்தியாவசியமாக விற்கும் சூழ்நிலை இப்பொழுது ஏற்படலாம். பணிபுரிவோருக்கு நீண்ட தூரத்திற்கான மாறுதல் கிடைத்து மனக்குழப்பத்தை அதிகரிக்கச் செய்யும்.

அவிட்டம் மற்றும் சதயம் நட்சத்திரக்காலில் செவ்வாய் மற்றும் ராகு சாரத்தில் குரு சஞ்சாரம்(5.4.2021 முதல் 13.9.2021 வரை)

இக்காலத்தில் கும்ப ராசியில் குரு சஞ்சரிக்கின்றார். அப்பொழுது அவர் பார்வை 2, 10, 12 ஆகிய இடங்களில் பதிவாகின்றது. உங்கள் ராசிக்கு 4, 7 ஆகிய இடங்களுக்கு அதிபதியானவர் குரு. ‘கேந்திராதிபத்ய தோஷம் பெற்ற கிரகம் 6-ல் வரும்பொழுது யோகம் செய்யும்’ என்பார்கள். இருப்பினும் இக்காலத்தில் உடல்நலனில் அதிக கவனம் செலுத்த வேண்டிய சூழ்நிலை உருவாகும். மனக்குழப்பமும், புதிய பிரச்சினையும் வந்து அலைமோதும். ‘ஆறில் குரு, ஊரில் பகை’ என்பது பழமொழி. எனவே மறைமுக எதிர்ப்புகள் உங்களுக்கு இக்காலத்தில் இருக்கும். அலைச்சலுக்கேற்ற ஆதாயம் கிடைக்காது. இருப்பினும் குரு பார்வையால், மலைபோல் வந்த துயர் பனிபோல் விலகும். மங்கல ஓசை கேட்கும் வாய்ப்பு கிட்டும். தொழிலில் புதிய தொழிலாளர்கள் வந்திணைவர்.

குருவின் வக்ர இயக்கம்

16.6.2021 முதல் 13.10.2021 வரை குரு வக்ர இயக்கத்தில் இருக்கின்றார். கும்பம், மகரம் ஆகிய இரண்டு ராசிகளிலும் வக்ரம் பெறுகின்றார். உங்களைப் பொறுத்தவரை இந்த வக்ர காலம், நன்மைகள் அதிகம் நடை பெறும் காலமென்றே கருதலாம். பொருளாதாரப் பற்றாக்குறை அகலும். புகழ்மிக்கவர்கள் உங்களுக்குப் பின்னணியாக இருந்து சில நல்ல காரியங்களை முடித்துக் கொடுப்பார்கள். ‘வாங்கிப்போட்ட இடத்தில் வீடு கட்ட முடியவில்லையே, பிரச்சினை மேல் பிரச்சினை வந்து கொண்டு இருக்கின்றதே, எப்பொழுதுதான் இதற்கு விடிவுகாலம் வருமோ’ என்று நினைத்தவர்களுக்கு, இப்பொழுது கட்டிடப் பணி தொடரும். கவலைகள் தீரும். குடும்பத்தில் உள்ள மற்ற உறுப்பினர்களுக்கும் வேலை கிடைத்து, அதன் மூலம் உதிரி வருமானங்களும் உண்டு. ஆரோக்கியத்தில் அச்சுறுத்தல் ஏற்பட்டால் உடனடியாக மருத்துவ ஆலோசனை பெறுவது நல்லது.

செல்வ வளம் தரும் சிறப்பு வழிபாடு

இல்லத்து பூஜை அறையில் மகாலட்சுமி படம் வைத்து, அஷ்டலட்சுமி வருகைப் பதிகம் பாடி வழிபடுவது நல்லது. மேலும் வியாழக்கிழமை தோறும் விரதமிருந்து குரு கவசம் பாடி, குரு பகவானையும் வழிபட்டால் இல்லத்தில் நல்ல காரியம் நடைபெறும்.

பெண்களுக்கான சிறப்புப் பலன்கள்

கன்னி ராசியில் பிறந்த பெண்களுக்கு, குரு பார்வை இருப்பதால் மகிழ்ச்சியும், பூரிப்பும் அதிகரிக்கும். எதிர்பாராத விதத்தில் எந்தவொரு காரியமும் எளிதில் முடிந்துவிடும். வருமானம் திருப்திகரமாக இருக்கும். கணவன்-மனைவி ஒருவரையொருவர் புரிந்துகொண்டு நடப்பதன் மூலமும், விட்டுக்கொடுத்துச் செல்வதன் மூலமும் அமைதி குடிகொள்ளும். தாய்வழி ஆதரவு திருப்தி தரும். சகோதர ஒத்துழைப்பு பட்டும்படாமலும் இருக்கும். பிள்ளைகளை உங்கள் மேற்பார்வையில் வைத்துக் கொள்வது நல்லது. பணிபுரியும் பெண்களுக்கு கேட்ட சலுகைகள் கிடைக்கும். எதிர் பார்த்த உயர்வுகளும் உண்டு.