ரகுல் ப்ரீத்சிங்–சாய் பல்லவி ஜோடியுடன் செல்வராகவன் டைரக்‌ஷனில், சூர்யா


ரகுல் ப்ரீத்சிங்–சாய் பல்லவி ஜோடியுடன் செல்வராகவன் டைரக்‌ஷனில், சூர்யா
x
தினத்தந்தி 19 Feb 2018 11:45 PM GMT (Updated: 19 Feb 2018 8:23 AM GMT)

சூர்யா கதாநாயகனாக நடிக்க, செல்வராகவன் டைரக்‌ஷனில், ஒரு புதிய படம் தயாராகி வருகிறது.

சூர்யா நடிக்கும் 36–வது படம். படத்துக்கு இன்னும் பெயர் சூட்டப்படவில்லை. இந்த படத்தை ட்ரீம் வாரியார் பிக்சர்ஸ் சார்பில் எஸ்.ஆர்.பிரகாஷ் பாபு, எஸ்.ஆர்.பிரபு ஆகிய இருவரும் தயாரிக்கிறார்கள். சூர்யா–செல்வராகவன் இணைந்து பணிபுரியும் முதல் படம், இது.

படப்பிடிப்பு பரபரப்பாக நடைபெற்று வருகிறது. ஏற்கனவே முதல் கட்ட படப்பிடிப்பும், பாடல் பதிவும் முடிவடைந்தது. இரண்டாவது கட்ட படப்பிடிப்புக்காக படக்குழுவினர் தயாராகி வருகிறார்கள். படத்துக்காக ரூ.3 கோடி செலவில் அம்பாசமுத்திரம் நகரத்தை போன்ற பிரமாண்டமான அரங்கு இரவு–பகலாக உருவாகிக் கொண்டிருக்கிறது.

இதற்காக, ‘ஆர்ட் டிபார்ட்மென்ட்’டை சேர்ந்த 220–க்கும் மேற்பட்டவர்கள் கடுமையாக உழைத்து வருகிறார்கள். படத்தின் இரண்டாவது கட்ட படப்பிடிப்பு, இந்த அரங்கில் 20 நாட்கள் தொடர்ந்து நடைபெற இருக்கிறது. சூர்யா ஜோடிகளாக ரகுல் ப்ரீத்சிங், சாய் பல்லவி ஆகிய இருவரும் நடிக்கிறார்கள். யுவன் சங்கர் ராஜா இசையமைக்கிறார்.

Next Story