கார்த்திக் சுப்புராஜ் படத்தில் ரஜினிகாந்த் ஜோடி யார்?
கார்த்திக் சுப்புராஜ் இயக்கத்தில் ரஜினிகாந்த் ஜோடியாக நடிப்பவர் யார்? என்ற பரபரப்பான எதிர்பார்ப்பு நிலவுகிறது.
அரசியல் கட்சி தொடங்குவதில் பரபரப்பாக இருக்கும் ரஜினிகாந்த் புதிய படமொன்றில் நடிக்கவும் தயாராகி வருகிறார். இந்த படத்தை கார்த்திக் சுப்புராஜ் டைரக்டு செய்கிறார். இவர் பீட்சா, ஜிகர்தண்டா, இறைவி படங்களை இயக்கி பிரபலமானவர். இதன் படப்பிடிப்பு விரைவில் தொடங்க உள்ளது.
ரஜினிகாந்தை கார்த்திக் சுப்புராஜ் இரு தினங்களுக்கு முன்பு சந்தித்தார். அப்போது படத்தின் முழு கதையையும் அவரிடம் வழங்கியதாக கூறப்படுகிறது. இதர நடிகர்-நடிகைகள் தேர்வு நடக்கிறது. ரஜினிகாந்த் ஜோடியாக நடிப்பவர் யார்? என்ற பரபரப்பான எதிர்பார்ப்பு நிலவுகிறது. கதாநாயகியாக நடிக்க நயன்தாரா, தீபிகா படுகோனே, அஞ்சலி ஆகிய 3 பேர் பெயர்கள் பரிசீலனையில் இருப்பதாக தகவல் வெளியாகி உள்ளது.
நயன்தாரா ஏற்கனவே சந்திரமுகி படத்தில் ரஜினிகாந்துடன் நடித்துள்ளார். சிவாஜி படத்தில் ஒரு பாடலுக்கு நடனம் ஆடினார். தீபிகா படுகோனே கோச்சடையான் அனிமேஷன் படத்தில் ரஜினிகாந்த் ஜோடியாக வந்தார். இறைவி படத்தில் அஞ்சலி நடித்து கார்த்திக் சுப்புராஜுடன் நெருக்கமான நட்பில் இருக்கிறார். கதாநாயகி யார்? என்பது ஓரிரு வாரங்களில் அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது.
Related Tags :
Next Story