ஹாலிவுட் இயக்குனருடன் கமல்ஹாசன் சந்திப்பு

சென்னை, 

‘இன்செப்ஷன்’, ‘டார்க் நைட்’ போன்ற பிரபலமான ஹாலிவுட் படங்களை இயக்கியவர் கிறிஸ்டோபர் நோலன். இவர் ஒரு நிகழ்ச்சியில் பங்கேற்பதற்காக மும்பை வந்திருந்தார். அதே நிகழ்ச்சியில் பங்கேற்பதற்காக மும்பை சென்ற நடிகர் கமல்ஹாசன் நேற்று முன்தினம் இரவு ஹாலிவுட் இயக்குனரான கிறிஸ்டோபர் நோலனை சந்தித்து பேசினார். இந்த சந்திப்பை கமல்ஹாசன் தனது டுவிட்டர் பக்கத்தில் புகைப்படத்துடன் பகிர்ந்துள்ளார்.

அதில், “மதிப்புக்குரிய கிறிஸ்டோபர் நோலனை சந்தித்தேன். ‘டன்கிர்க்’ படத்தை டிஜிட்டல் முறையில் பார்த்ததற்காக அவரிடம் மன்னிப்பு கேட்டேன். அதற்கு பதிலாக ‘ஹே ராம்’ படத்தின் டிஜிட்டல் நகலை அவருக்கு பார்ப்பதற்காக கொடுத்துள்ளேன். அவர் (கிறிஸ்டோபர் நோலன்) பாபநாசம் படத்தை பார்த்ததை அறிந்து, நான் ஆச்சரியம் அடைந்தேன்” என்று கூறியுள்ளார்.