சினிமா செய்திகள்

கர்நாடகத்தில் ரஜினிகாந்த், கமல்ஹாசன் படங்களுக்கு சிக்கல் + "||" + Rajinikanth and Kamal Haasan are in trouble in Karnataka

கர்நாடகத்தில் ரஜினிகாந்த், கமல்ஹாசன் படங்களுக்கு சிக்கல்

கர்நாடகத்தில் ரஜினிகாந்த், கமல்ஹாசன் படங்களுக்கு சிக்கல்
கர்நாடகத்தில் ரஜினிகாந்த், கமல்ஹாசன் படங்களுக்கு சிக்கல் ஏற்பட்டுள்ளது.
காவிரி மேலாண்மை வாரியம் அமைக்க வற்புறுத்தும் ரஜினிகாந்த், கமல்ஹாசன் படங்களை கர்நாடகத்தில் வெளியிட எதிர்ப்பு கிளம்பி உள்ளதால் பட அதிபர்கள் மத்தியில் பரபரப்பு ஏற்பட்டு உள்ளது.

ரஜினிகாந்தின் ‘காலா’ பட வேலைகள் முடிந்து இந்த மாதம் இறுதியில் திரைக்கு வரும் என்று அறிவிக்கப்பட்டு உள்ளது. இதில் ரஜினிகாந்த் ஜோடியாக கியூமா குரேஷி நடித்துள்ளார். பா.ரஞ்சித் டைரக்டு செய்துள்ளார். மும்பை தாதா கதாபாத்திரத்தில் ரஜினி வருகிறார்.


ரஜினிகாந்தின் இன்னொரு படமான 2.0 படத்துக்கு கிராபிக்ஸ் பணிகள் முடியாததால் தள்ளிவைக்கப்பட்டு அதற்கு பதிலாக காலாவை முன்கூட்டி வெளியிட முடிவு செய்துள்ளனர். இதுபோல் கமல்ஹாசனின் விஸ்வரூபம்-2 படமும் திரைக்கு வர தயாராக உள்ளது. இந்த படத்துக்கு சமீபத்தில் தணிக்கை முடிந்து ‘யூஏ’ சான்றிதழ் கிடைத்துள்ளது.

பட அதிபர்கள் வேலை நிறுத்தம் வாபஸ் ஆனதும் இரண்டு படங்களும் திரைக்கு வர உள்ளன. இந்த நிலையில் காவிரி மேலாண்மை வாரியம் அமைக்க குரல் கொடுத்துள்ள ரஜினிகாந்த், கமல்ஹாசன் ஆகியோருக்கு கன்னட அமைப்பை சேர்ந்த வாட்டாள் நாகராஜ் கண்டனம் தெரிவித்து உள்ளார். “காவிரி பிரச்சினையில் ரஜினிகாந்த், கமல்ஹாசன் ஆகியோர் கர்நாடகத்துக்கு எதிராக பேசி வருகின்றனர். எனவே அவர்களின் படங்களை கர்நாடகாவில் திரையிட அனுமதிக்க மாட்டோம்” என்று அவர் கூறி உள்ளார்.

வாட்டாள் நாகராஜ் மிரட்டல் காரணமாக காலா, விஸ்வரூபம்-2 படங்களை கர்நாடகாவில் வெளியிடுவதில் தற்போது சிக்கல் ஏற்பட்டு உள்ளது. ரஜினிகாந்த், கமல்ஹாசன் படங்களுக்கு கர்நாடகாவில் நல்ல மார்க்கெட் உள்ளது. அதிகமான தியேட்டர்களில் வெளியிட்டு வசூல் பார்க்கிறார்கள். கர்நாடகாவில் இந்த படங்களை திரையிடாவிட்டால் பல கோடி ரூபாய் வருவாய் இழப்பு ஏற்படும் என்று கூறப்படுகிறது.

இரண்டு படங்களும் திரைக்கு வரும்போது கர்நாடக வினியோகஸ்தர்கள் மூலம் தியேட்டர்களுக்கு பாதுகாப்பு கேட்டு கர்நாடக போலீசாரிடம் மனு அளிக்க படக்குழுவினர் திட்டமிட்டு உள்ளனர்.


தொடர்புடைய செய்திகள்

1. ரஜினிகாந்த் நடித்த ‘2.0’ ‘மேக்கிங் வீடியோ’ இணையதளத்தில் வெளியானது
ரஜினிகாந்த் நடித்து, ஷங்கர் இயக்கிய ‘2.0’ படம் 29-ந்தேதி வெளிவர இருக்கிறது. இந்த படத்தில் ரஜினிகாந்துடன் பிரபல இந்தி நடிகர் அக்‌ஷய்குமார் முக்கிய வேடத்தில் நடித்து இருக்கிறார். படத்தின் கதாநாயகி, எமிஜாக்சன்.
2. கமல்ஹாசனின் இந்தியன்-2 படத்தில் சிம்பு?
கமல்ஹாசனின் திரையுலக வாழ்க்கையில் முக்கிய படம் இந்தியன். 1996-ல் வெளியான இந்த படம் லஞ்சம், ஊழலுக்கு எதிரான கருவை கொண்டது.
3. அரசியலில் ரஜினி ஹீரோவா, ஜீரோவா என்பதை மக்கள் தீர்மானிப்பார்கள் -அமைச்சர் ஜெயக்குமார்
அரசியலில் ரஜினி ஹீரோவா, ஜீரோவா என்பதை மக்கள் தீர்மானிப்பார்கள் என அமைச்சர் ஜெயக்குமார் கூறினார்.
4. சர்கார் விவகாரம்: விமர்சனங்களை ஏற்க துணிவில்லாத அரசு தடம் புரளும் - கமல்ஹாசன் தாக்கு
சர்கார் பட விவகாரத்தில் அரசை விமர்சனம் செய்துள்ள கமல்ஹாசன், விமர்சனங்களை ஏற்க துணிவில்லாத அரசு தடம் புரளும் என்று கூறியுள்ளார்.
5. ‘இந்தியன்-2’ படத்தில் கமல்ஹாசன் ஜோடி காஜல் அகர்வால்?
இந்தியன்-2 படத்தில் கமல்ஹாசனின் ஜோடியாக காஜல் அகர்வால் நடிக்க உள்ளதாக தகவல் வெளியாகி உள்ளது.