சினிமா செய்திகள்

இளைஞர் அணி செயலாளர்களுடன் ரஜினிகாந்த் சந்திப்பு + "||" + Rajinikanth meets with youth team secretaries

இளைஞர் அணி செயலாளர்களுடன் ரஜினிகாந்த் சந்திப்பு

இளைஞர் அணி செயலாளர்களுடன் ரஜினிகாந்த் சந்திப்பு
ரஜினி மக்கள் மன்ற இளைஞர் அணி செயலாளர்களுடன் ரஜினிகாந்த் சந்தித்து ஆலோசனை நடத்தினார். #Rajinikanth
சென்னை,

சென்னை போயஸ் தோட்ட இல்லத்தில் ரஜினி மக்கள் மன்ற மாவட்ட இளைஞரணி செயலாளர்களுடன் ரஜினிகாந்த் ஆலோசனை நடத்தினார்.

ரஜினிகாந்த் கடந்த சில நாட்களுக்கு முன்னர், மக்கள் மன்ற நிர்வாகிகளை சந்தித்து ஆலோசனை நடத்தினார். இந்த ஆலோசனையில் கோவையில் மாநாடு மற்றும் அடுத்த கட்ட நடவடிக்கைகள் குறித்து பேசினார். இந்நிலையில், இன்று போயஸ் கார்டனில் உள்ள தனது இல்லத்தில் இளைஞரணி செயலாளர்களுடன் ஆலோசனை நடத்தினார்.


இந்த ஆலோசனைக் கூட்டத்தில் தமிழகம், புதுச்சேரியை சேர்ந்த மாவட்ட இளைஞரணி செயலாளர்கள் 33 பேர் பங்கேற்றனர். இதில் இளைஞர் அணியினர் ஒழுக்கமாகவும், நேர்மையாகவும் இருக்க வேண்டும் எனவும்  ஒழுக்கமாக இருந்தால், மக்கள் மன்றத்தில் பொதுமக்கள் இணைவார்கள் எனவும் ரஜினி அறிவுறுத்தியதாக நீலகிரி மாவட்ட இளைஞரணி செயலாளர் டேனியல் கூறினார்.

மேலும், அனைத்து மாவட்டங்களிலும் உள்ள பிரச்சனைகள், அதற்கான தீர்வு குறித்து இளைஞரணி செயலாளர்களிடம் ரஜினி கேட்டறிந்ததாகவும், விரைவில் மகளிர் அணியை சந்தித்து ஆலோசனை நடத்த உள்ளதாகவும் ரஜினி மக்கள் மன்ற செயலாளர் ராஜூ மகாலிங்கம் தெரிவித்தார்.



தொடர்புடைய செய்திகள்

1. அரசியலில் ரஜினி ஹீரோவா, ஜீரோவா என்பதை மக்கள் தீர்மானிப்பார்கள் -அமைச்சர் ஜெயக்குமார்
அரசியலில் ரஜினி ஹீரோவா, ஜீரோவா என்பதை மக்கள் தீர்மானிப்பார்கள் என அமைச்சர் ஜெயக்குமார் கூறினார்.
2. ‘என் ஒப்புதலுடன் தான் ஒழுங்கு நடவடிக்கைகள் எடுக்கப்படுகின்றன’ ரஜினிகாந்த் திடீர் விளக்கம்
ரஜினி மக்கள் மன்றத்தில் என் ஒப்புதலுடன் தான் ஒழுங்கு நடவடிக்கை எடுக்கப்படுகின்றன என்று நடிகர் ரஜினிகாந்த் விளக்கம் அளித்துள்ளார்.
3. வெறும் ரசிகர் மன்றத்தை மட்டும் வைத்துக் கொண்டு அரசியலில் நாம் நினைத்ததை சாதிக்க முடியாது - ரஜினிகாந்த்
வெறும் ரசிகர் மன்றத்தை மட்டும் வைத்துக் கொண்டு அரசியலில் நாம் நினைத்ததை சாதிக்க முடியும் என்று யாராவது நினைத்தால், அவரது புத்தி பேதலித்துள்ளது என ரஜினிகாந்த் கூறி உள்ளார்.
4. கதை கசிந்து விட்டதாக பரபரப்பு : ரஜினியின் ‘பேட்ட’ படம், பாட்ஷா 2–ம் பாகமா?
ரஜினிகாந்த் ‘பேட்ட’ படத்தில் நடித்து வருகிறார். விஜய் சேதுபதி, பாபிசிம்ஹா, குருசோமசுந்தரம், நவாசுதீன் சித்திக், திரிஷா, சிம்ரன் என்று நிறைய நட்சத்திர பட்டாளம் நடிக்கிறார்கள்.
5. ரஜினி நடிப்பில் வெளியாகவுள்ள 2.0 திரைப்படத்தின் உருவாக்க காட்சிகள் வெளியீடு..
நடிகர் ரஜினிகாந்த் - இயக்குனர் ஷங்கர் கூட்டணியில் உருவாகியுள்ள 2.0 படத்தின் ஸ்நீக் பீக் எனப்படும் பிரத்யேக காட்சிகள் இன்று வெளியிடபட்டது.