மகாபாரதம் படத்தில் சல்மான்கான்?

மகாபாரதம் கதையை ரூ.1,000 கோடி செலவில் இந்தியில் படமாக எடுக்கின்றனர். இந்த படத்தில் அமீர்கான் நடிப்பது ஏற்கனவே உறுதி செய்யப்பட்டு விட்டது. அவர் அர்ஜுனன் வேடத்தில் நடிப்பதாக கூறுகின்றனர். இதர கதாபாத்திரங்களுக்கு நடிகர்-நடிகைகள் தேர்வு நடக்கிறது.

தற்போது சல்மான்கானும் இந்த படத்துக்கு ஒப்பந்தம் செய்யப்பட்டு இருப்பதாகவும் அவர் கிருஷ்ணர் கதாபாத்திரத்தில் நடிக்க இருப்பதாகவும் தகவல் வெளியாகி உள்ளது. பத்மாவத் சரித்திர படத்தில் பத்மாவதியாக வந்த தீபிகா படுகோனேவை மகாபாரதம் படத்தில் திரவுபதி வேடத்தில் நடிக்க வைக்க பேசி வருகின்றனர்.

மலையாளத்திலும் மகாபாரதம் கதையை பெரிய பட்ஜெட்டில் படமாக எடுக்கின்றனர். இந்த படத்தில் மோகன்லால் பீமனாகவும், நாகார்ஜுனா கர்ணனாகவும் நடிக்க உள்ளனர்.