சினிமா செய்திகள்

விமான விபத்தில் பலியான நடிகை சவுந்தர்யா வாழ்க்கை சினிமா படமாகிறது + "||" + Soundarya is the cinematographer of the movie crash

விமான விபத்தில் பலியான நடிகை சவுந்தர்யா வாழ்க்கை சினிமா படமாகிறது

விமான விபத்தில் பலியான நடிகை சவுந்தர்யா வாழ்க்கை சினிமா படமாகிறது
விமான விபத்தில் பலியான நடிகை சவுந்தர்யாவின் வாழ்க்கை சினிமா படமாக எடுக்கப்பட உள்ளது.

தமிழ், தெலுங்கு பட உலகை ஒரு காலத்தில் கலக்கிய நடிகை சவுந்தர்யாவின் வாழ்க்கை சினிமா படமாகிறது. பெங்களூருவை சேர்ந்த இவர் எம்.பி.பி.எஸ். படிப்பை பாதியில் நிறுத்திவிட்டு சினிமாவுக்கு வந்தார். 1993-ல் கார்த்திக்கின் பொன்னுமணி படத்தில் அறிமுகமானார். ரஜினிகாந்த் ஜோடியாக அருணாசலம், படையப்பா படங்களில் நடித்து முன்னணி கதாநாயகியாக உயர்ந்தார்.


கமல்ஹாசனுடன் காதலா காதலா படத்திலும், விஜயகாந்துடன் தவசி, சொக்கத்தங்கம் படங்களிலும் நடித்தார். தெலுங்கு, கன்னட பட உலகிலும் உச்சத்தில் இருந்தார். தெலுங்கு பட உலகினர் இவரை அடுத்த சாவித்திரி என்றே அழைத்தனர். 2004-ல் பெங்களூரு அருகே தேர்தல் பிரசாரத்துக்கு சென்றபோது விமான விபத்தில் பலியானார். இது திரையுலகிலும், ரசிகர்கள் மத்தியிலும் பெரிய அதிர்ச்சியை ஏற்படுத்தியது. அவர் கடைசியாக பி.வாசு இயக்கிய ஆப்தமித்ரா கன்னட படத்தில் நடித்து இருந்தார். இந்த படம்தான் தமிழில் ரஜினிகாந்த் நடிப்பில் சந்திரமுகி என்ற பெயரில் வந்து வசூல் அள்ளியது.

மறைந்த பழம்பெரும் நடிகை சாவித்திரியின் வாழ்க்கை தமிழ், தெலுங்கில் படமாக வெளியாகி வரவேற்பை பெற்றுள்ளது.

இதனால் சவுந்தர்யாவின் வாழ்க்கையை படமாக எடுக்கப் போவதாக பிரபல தயாரிப்பாளர் ராஜ்கந்துகுரி அறிவித்து உள்ளார். தமிழ், தெலுங்கு, கன்னடம், மலையாளம் ஆகிய 4 மொழிகளில் இது உருவாகிறது. சவுந்தர்யா வேடத்துக்கு நடிகை தேர்வு நடக்கிறது. எம்.ஜி.ஆர்., ஜெயலலிதா,என்.டி.ராமராவ் ஆகியோரின் வாழ்க்கையும் சினிமா படமாகிறது.

தொடர்புடைய செய்திகள்

1. ‘த ஆக்சிடென்டல் பிரைம் மினிஸ்டர்’: மன்மோகன் சிங் பற்றிய சினிமாவுக்கு தடை விதிக்க டெல்லி ஐகோர்ட்டு மறுப்பு
மன்மோகன் சிங் பற்றிய சினிமாவுக்கு தடை விதிக்க டெல்லி ஐகோர்ட்டு மறுப்பு தெரிவித்தது.
2. நடிகர் பவர் ஸ்டார் சீனிவாசனின் மனைவி கடத்தப்பட்ட விவகாரம்: கைது செய்யப்பட்ட 5 பேரிடம் தீவிர விசாரணை
நடிகர் பவர் ஸ்டார் சீனிவாசனின் மனைவி கடத்தப்பட்ட விவகாரத்தில் கைது செய்யப்பட்ட 5 பேரிடம் போலீசார் தீவிர விசாரணை மேற்கொண்டு வருகின்றனர். முரண்பட்ட தகவலால் போலீசார் குழப்பம் அடைந்துள்ளனர்.
3. கடத்தப்பட்ட நடிகர் பவர் ஸ்டார் சீனிவாசன் மனைவி ஊட்டியில் மீட்பு; 7 பேர் கைது
நடிகர் பவர் ஸ்டார் சீனிவாசனின் மனைவி கடத்தப்பட்டு, ஊட்டியில் சிறைவைக்கப்பட்டார். அவரை போலீசார் மீட்டனர். இதுதொடர்பாக 7 பேர் கைது செய்யப்பட்டனர்.
4. வளசரவாக்கத்தில் சினிமா நடிகை தூக்குப்போட்டு தற்கொலை
வளசரவாக்கத்தில் சினிமா நடிகை தூக்குப்போட்டு தற்கொலை செய்து கொண்டார்.
5. தமிழகத்தில் சினிமா, திராவிட அரசியல் முடிந்துவிட்டது டாக்டர் அன்புமணி ராமதாஸ் பேச்சு
தமிழகத்தில் சினிமா, திராவிட அரசியல் முடிந்துவிட்டது என்று டாக்டர் அன்புமணி ராமதாஸ் கூறினார்.