சினிமா செய்திகள்

கர்நாடகாவில் கமல்ஹாசனின் விஸ்வரூபம்-2 படத்துக்கும் தடை + "||" + Kamal Haasan's Vishwaroopam-2 film is banned in Karnataka

கர்நாடகாவில் கமல்ஹாசனின் விஸ்வரூபம்-2 படத்துக்கும் தடை

கர்நாடகாவில் கமல்ஹாசனின் விஸ்வரூபம்-2 படத்துக்கும் தடை
கர்நாடகாவில் கமல்ஹாசனின் விஸ்வரூபம்-2 படத்துக்கும் தடை விதிக்கப்பட்டுள்ளது.

ரஜினிகாந்தின் ‘காலா’ படத்தை வருகிற 7-ந்தேதி திரைக்கு கொண்டு வருகின்றனர். தமிழகம் முழுவதும் 650-க்கும் மேற்பட்ட தியேட்டர்களில் இந்த படம் வெளியாகிறது. தமிழ் படங்களுக்கு கர்நாடகாவில் நல்ல மார்க்கெட் உள்ளது. எனவே காலா படத்தை அங்கு 250-க்கு மேற்பட்ட தியேட்டர்களில் திரையிட்டு ரூ.20 கோடிவரை வசூல் ஈட்ட திட்டமிட்டு இருந்தனர்.

ஆனால் காலா படத்துக்கு கர்நாடகாவில் திடீரென்று தடை விதிக்கப்பட்டு உள்ளது. காவிரி பிரச்சினையில் கர்நாடகாவுக்கு எதிராக கருத்து தெரிவித்துள்ள ரஜினிகாந்தை கண்டிக்கும் வகையில் இந்த நடவடிக்கை எடுத்து இருப்பதாக கன்னட அமைப்புகளும் திரைப்பட வர்த்தக சபையும் அறிவித்து உள்ளன.

தமிழ் திரைப்பட தயாரிப்பாளர்கள் சங்கம் சார்பில் நடிகர் பிரகாஷ்ராஜ் நடத்திய சமரச பேச்சுவார்த்தை வெற்றிபெறவில்லை. இதனால் காலா படத்தை கர்நாடகாவில் திரையிட முடியாத சூழ்நிலை ஏற்பட்டு உள்ளது. இந்த நிலையில் காவிரி பிரச்சினையில் கர்நாடகத்துக்கு எதிராக கருத்து தெரிவித்ததாக கமல்ஹாசன் படத்துக்கும் அங்கு தடை விதிக்கப்பட்டு உள்ளது.

இதுகுறித்து கர்நாடக திரைப்பட வர்த்தகசபை தலைவர் கோவிந்து கூறும்போது, “ரஜினிகாந்த், கமல்ஹாசன் படங்களை தவிர மற்ற படங்களை கர்நாடகாவில் திரையிட எந்த ஆட்சேபனையும் இல்லை” என்றார். இதனால் விரைவில் திரைக்கு வர உள்ள கமல்ஹாசனின் விஸ்வரூபம்-2 படத்தையும் அங்கு திரையிட முடியாத நிலைமை ஏற்பட்டு உள்ளது.

இந்த படம் விஸ்வரூபம் படத்தின் இரண்டாம் பாகமாக தயாராகி உள்ளது. நாயகிகளாக பூஜா குமார், ஆண்ட்ரியா நடித்துள்ளனர். கமல்ஹாசனே கதாநாயகனாக நடித்து இயக்கி உள்ளார். தணிக்கை குழுவினர் படத்துக்கு யூஏ சான்று அளித்துள்ளதாக கூறப்படுகிறது. ஆகஸ்டு 15-ந்தேதி சுதந்திர தினத்தையொட்டி படத்தை திரைக்கு கொண்டு வர பரிசீலிக்கின்றனர். இந்த நிலையில் கர்நாடாகத்தில் விஸ்வரூபம்-2 படத்துக்கு தடை விதித்துள்ளதால் படக்குழுவினர் அதிர்ச்சியில் உள்ளனர்.


தொடர்புடைய செய்திகள்

1. கிராம நிர்வாக அலுவலர்களை பதவி இறக்கம் செய்ய ஐகோர்ட்டு தடை
கிராம நிர்வாக அலுவலர்களை பதவி இறக்கம் செய்த உத்தரவை அமல்படுத்த தடை விதித்து மதுரை ஐகோர்ட்டு உத்தரவிட்டுள்ளது.
2. கர்நாடகத்தில் ஆட்சியை பிடிக்க பா.ஜனதா தீவிரம் - காங்கிரஸ் எம்.எல்.ஏ.க்களை இழுக்க நடந்த குதிரைபேர உரையாடல்
கர்நாடகத்தில் ஆட்சியை பிடிக்க காங்கிரஸ் எம்.எல்.ஏ.க்களை இழுக்க பா.ஜனதா நடத்திய குதிரைபேர உரையாடல் பதிவை உளவுத்துறை முதல்-மந்திரி குமாரசாமியிடம் ஒப்படைத்தது.
3. பிளாஸ்டிக் தடை சட்டத்தை நிறுத்தி வைக்க வேண்டும்; வியாபார தொழில்துறை சங்கம் முதல்–அமைச்சருக்கு மனு
தமிழக அரசு அடுத்த ஆண்டு முதல் அமல்படுத்த உள்ள பிளாஸ்டிக் தடை சட்டத்தை நிறுத்தி வைக்க வேண்டும் என விருதுநகர் தொழில்துறை சங்கம் கோரி உள்ளது.
4. கர்நாடகத்தில் கால்வாய்க்குள் பஸ் பாய்ந்தது; 30 பேர் பரிதாப பலி - பிரதமர், ஜனாதிபதி இரங்கல்
மண்டியா அருகே தனியார் பஸ் கால்வாய்க்குள் பாய்ந்து விபத்துக்குள்ளானதில் பள்ளி மாணவர்கள் உள்பட 30 பேர் பலியானார்கள்.
5. கொட்டாம்பட்டியில் தொடரும் மின்தடையால் பொதுமக்கள் அவதி; சாலை மறியலில் ஈடுபட்டதால் பரபரப்பு
கொட்டாம்பட்டி பகுதியில் கஜா புயலால் கடும் பாதிப்பு ஏற்பட்டதில் ஏராளமான மரங்கள் விழுந்ததில் கொட்டாம்பட்டி துணை மின் நிலையத்திற்கு உட்பட்ட பகுதிகளில் 50–க்கும் மேற்பட்ட மின்கம்பங்கள் சாய்ந்து சேதமடைந்தன.