சினிமா செய்திகள்

இத்தாலியில் நடக்கிறது தீபிகா படுகோனே - ரன்வீர்சிங் திருமணம் + "||" + Deepika Padukone - Ranveer Singh married in Going on in Italy

இத்தாலியில் நடக்கிறது தீபிகா படுகோனே - ரன்வீர்சிங் திருமணம்

இத்தாலியில் நடக்கிறது தீபிகா படுகோனே - ரன்வீர்சிங் திருமணம்
தீபிகா படுகோனே இந்தி திரையுலகில் முன்னணி கதாநாயகியாக இருக்கிறார். இவருக்கு உலகம் முழுவதும் ரசிகர்கள் உள்ளனர்.
கோச்சடையான் படத்தில் ரஜினிகாந்த் ஜோடியாக நடித்து இருந்தார். ராணி பத்மாவதி வேடத்தில் நடித்த பத்மாவத் படம் கடந்த ஜனவரியில் திரைக்கு வந்து வசூல் பார்த்தது. அவரது நடிப்புக்கும் பாராட்டுகள் கிடைத்தன. அதோடு கொலை மிரட்டல்களும் வந்தன.


தீபிகா படுகோனேவும் பத்மாவத் படத்தில் வில்லனாக நடித்து இருந்த ரன்வீர்சிங்கும் இரண்டு வருடங்களுக்கு மேலாக காதலித்து வருகின்றனர். இருவரும் ஜோடியாக சுற்றும் படங்களும் அடிக்கடி வெளிவந்தன. ரகசியமாக நிச்சயதார்த்தம் நடந்து விட்டதாகவும் கூறப்பட்டது. இந்த நிலையில் வருகிற நவம்பர் மாதம் தீபிகா படுகோனே-ரன்வீர்சிங் திருமணம் நடக்க உள்ளதாக தகவல் வெளியாகி உள்ளது.

இந்த திருமணம் இத்தாலியில் நடக்க இருப்பதாக இருவருக்கும் நெருக்கமானவர்கள் கூறுகின்றனர். விராட் கோலிக்கும் நடிகை அனுஷ்கா சர்மாவுக்கும் அங்குதான் திருமணம் நடந்தது. ரன்வீர் சிங் சுவிட்சர்லாந்து நாட்டின் சுற்றுலா துறை தூதுவராக இருக்கிறார். எனவே அங்குள்ள அரசாங்கம் தங்கள் நாட்டில் வந்து திருமணம் செய்து கொள்ளும்படி அழைப்பு விடுத்துள்ளது.

ஆனால் தீபிகா படுகோனே இத்தாலியை தேர்வு செய்துள்ளார். அங்குள்ள அரசும் திருமணத்துக்கான ஏற்பாடுகளை செய்து தருவதாக உறுதி அளித்துள்ளது என்கிறார்கள். இத்தாலியில் திருமணத்தை முடித்து விட்டு மும்பையில் வரவேற்பு நிகழ்ச்சியை நடத்த திட்டமிட்டு உள்ளனர். திருமணம் ஆனதும் தங்குவதற்காக மும்பையில் அடுக்குமாடி குடியிருப்பில் 2 தளங்கள் உள்ள ஆடம்பர வீட்டை விலைக்கு வாங்கி இருக்கிறார்கள்.

இந்த வீட்டில் தற்போது ரன்வீர்சிங் தனது பெற்றோர்களுடன் வசித்து வருகிறார். 


தொடர்புடைய செய்திகள்

1. குண்டு வெடிப்பு, தீவிபத்தை குறிப்பிட்டு திருமணத்தை இன்சூரன்ஸ் செய்த தீபிகா படுகோனே
தீபிகா படுகோனே-ரன்வீர்சிங் திருமணம் இத்தாலியில் நடந்து முடிந்துள்ளது. அங்குள்ள லோக் கோமா பகுதியில் உள்ள ஓட்டலில் 2 நாட்கள் இந்த திருமண கொண்டாட்ட நிகழ்ச்சிகள் நடந்தன.
2. இத்தாலியில் பலத்த பாதுகாப்புடன் தீபிகா படுகோனே - ரன்வீர் சிங் திருமணம்
இந்தி நடிகை தீபிகா படுகோனேவும், நடிகர் ரன்வீர்சிங்கும் பல வருடங்களாக காதலித்து வந்தனர். இருவரும் திருமணம் செய்து கொள்ள முடிவு செய்தனர்.
3. தீபிகா படுகோனே - ரன்வீர் சிங் திருமணம்; அடுத்த மாதம் நடக்கிறது
நடிகை தீபிகா படுகோனே - நடிகர் ரன்வீர் சிங் திருமணம் அடுத்த மாதம் நடக்க உள்ளது.
4. தீபிகா படுகோனே - ரன்வீர் சிங் திருமணம் நவம்பரில் நடக்கிறது
பாலிவுட் திரை நட்சத்திரங்களான தீபிகா படுகோனே, ரன்வீர் சிங் திருமணம் நவம்பரில் நடக்கிறது என அறிவிக்கப்பட்டுள்ளது.
5. திராவகம் வீசப்பட்ட பெண்ணின் கதையில் தீபிகா படுகோனே
டெல்லியில் 2005–ம் ஆண்டு பஸ் நிலையத்தில் நின்று கொண்டிருந்த லட்சுமி அகர்வால் என்ற பெண் மீது திராவகம் வீசப்பட்டது இந்தியா முழுவதும் பரபரப்பை ஏற்படுத்தியது.