சினிமா செய்திகள்

டைரக்டர்கள் பாரதிராஜா, விஜய் ; ஜெயலலிதா வாழ்க்கையை படமாக்க எதிர்ப்பு + "||" + Directors Bharathiraja, Vijay; Jayalalitha life Resistance to the film

டைரக்டர்கள் பாரதிராஜா, விஜய் ; ஜெயலலிதா வாழ்க்கையை படமாக்க எதிர்ப்பு

டைரக்டர்கள் பாரதிராஜா, விஜய் ; ஜெயலலிதா  வாழ்க்கையை படமாக்க  எதிர்ப்பு
மறைந்த முதல்–அமைச்சர் ஜெயலலிதா வாழ்க்கை வரலாறை படமாக்குவதில் 3 டைரக்டர்கள் இடையே போட்டா போட்டி ஏற்பட்டுள்ளது.
பிரபல இயக்குனர் விஜய் இந்த படத்தை இயக்குவதாகவும் விஷ்ணு வர்த்தன் இந்தூரி தயாரிப்பதாகவும் அறிவிப்பு வந்தது. தொடர்ந்து மிஷ்கினிடம் உதவி இயக்குனராக பணியாற்றிய பெண் இயக்குனர் பிரியதர்ஷ்னியும் ஜெயலலிதா வாழ்க்கை வரலாறை படமாக்குவதாக அறிவித்தார்.


இவர்களைத் தொடர்ந்து பாரதிராஜாவும் ஜெயலலிதா வாழ்க்கை கதையை படமாக்கப் போவதாக அறிவிக்கப்பட்டது. இது பட உலகில் பரபரப்பை ஏற்படுத்தியது. இந்த படங்களில் நடிக்க ஜெயலலிதா வேடத்துக்கு நடிகைகள் தேர்வு நடக்கிறது. பாரதிராஜா இயக்கும் படத்தில் ஜெயலலிதாவாக நடிக்க அனுஷ்கா, ஐஸ்வர்யாராய் ஆகியோரிடம் பேசிவருவதாக கூறியுள்ளனர்.

 எம்.ஜி.ஆர்.வேடத்தில் கமல்ஹாசன், மோகன்லால் ஆகியோரில் ஒருவர் நடிப்பார் என்றும் கூறினர். மற்ற இரு படங்களிலும் ஜெயலலிதாவாக நடிக்க நயன்தாரா, திரிஷா, வித்யாபாலன், ரம்யா கிருஷ்ணன், மஞ்சிமா மோகன் ஆகியோரை பரிசீலிக்கின்றனர். படப்பிடிப்பை ஜெயலலிதா பிறந்த நாளான பிப்ரவரி 24–ந்தேதி தொடங்கவும் திட்டமிட்டு உள்ளனர்.

இந்த நிலையில் ஜெயலலிதா வாழ்க்கையை படமாக்க அவரது அண்ணன் மகன் தீபக் எதிர்ப்பு தெரிவித்து உள்ளார். இதுகுறித்து அவர் கூறும்போது, ‘‘ஜெயலலிதா வாழ்க்கையை படமாக்குவதற்கு என்னிடமும் எனது சகோதரியிடமும் அனுமதி பெறவேண்டும். சசிகலாவிடமும் ஒப்புதல் பெறவேண்டும். ஆனால் இதுவரை யாரும் எங்களிடம் அனுமதி கேட்கவில்லை. ஜெயலலிதா வாழ்க்கையை படமாக்க நாங்கள் அனுமதி கொடுக்க மாட்டோம். மீறி படம் எடுத்தால் சட்டப்பூர்வ நடவடிக்கை எடுக்கப்படும்’’ என்றார்.

தொடர்புடைய செய்திகள்

1. உலக கோப்பை கிரிக்கெட் படத்தில் ஸ்ரீகாந்த் வேடத்தில் நடிக்கும் ஜீவா
உலக கோப்பை கிரிக்கெட் படத்தில் ஸ்ரீகாந்த் வேடத்தில் ஜீவா நடிக்க தேர்வாகி உள்ளார்.
2. ஜெயலலிதா வாழ்க்கை படத்தில் எம்.ஜி.ஆர். வேடத்தில் இந்திரஜித்
ஜெயலலிதா வாழ்க்கை படத்தில் எம்.ஜி.ஆர். வேடத்தில் நடிகர் இந்திரஜித் நடிக்க உள்ளார்.
3. ஜெயலலிதா சிகிச்சை பெற்ற போது உணவுக்காக மட்டும் ரூ.1.17 கோடி செலவு: அப்பல்லோ மருத்துவமனை
மருத்துவமனையில் சிகிச்சை பெற்ற போது ஜெயலலிதாவின் உணவுக்காக ரூ.1.17 கோடி செலவானதாக தெரிவிக்கப்பட்டுள்ளது.
4. ‘இந்தியன்-2’ படத்துக்காக வர்ம கலை கற்கும் காஜல் அகர்வால்
இந்தியன்-2 படத்துக்காக காஜல் அகர்வால் வர்ம கலை கற்று வருகிறார்.
5. ஜெயலலிதாவை விட்டு அவரது சொந்தங்கள் விலகி இருந்ததற்கான காரணம் என்ன?
ஜெயலலிதாவை விட்டு அவரது சொந்தங்கள் விலகி இருந்ததற்கான காரணம் என்ன என்பது குறித்து அவரது உறவினர் மகள் விளக்கம் அளித்து உள்ளார்.