புதுமுகங்கள் நடிக்கும் நகைச்சுவை படம் ‘லைக் பண்ணுங்க ஷேர் பண்ணுங்க’

‘லைக் பண்ணுங்க ஷேர் பண்ணுங்க’ படம் பற்றி டைரக்டர் சு.சத்தியசீலன் கூறியதாவது:-

‘‘2 குடும்பங்களுக்கு இடையே பகை இருந்து வருகிறது. அந்த குடும்பத்தினரை கண்ணால் பார்ப்பதே பாவம் என்று 2 குடும்பத்தினரும் ஒருவரையொருவர் வெறுக்கிறார்கள். அப்படிப்பட்ட 2 குடும்பங்களை சேர்ந்த ஆணும், பெண்ணும் காதலித்தால் என்ன ஆகும்? முந்தைய தலைமுறை மோதிக்கொள்ள-அடுத்த தலைமுறை காதல் கொள்வது என்பது எவ்வளவு பிரச்சினைகளை எதிர்கொள்ளும் என்பதுதான் திரைக்கதை.

படப்பிடிப்பு முழுவதும் ஈரோடு மற்றும் அதை சுற்றியுள்ள பகுதிகளில் நடைபெற்றுள்ளது. இது, முழுக்க முழுக்க ஜனரஞ்சகமான படமாக தயாராகி வருகிறது. புதுமுகங்கள் ஆச்சு-பிரிஷா ஆகிய இருவரும் கதாநாயகன்-கதாநாயகியாக நடிக்கிறார்கள். சவுந்தர்யன் பாடல்களை எழுதி இசையமைக்கிறார். அருணாசலம் தியேட்டர்ஸ் 

ஏ.சரவணன் தயாரிக்கிறார்.’’