சினிமா செய்திகள்

ஓரின சேர்க்கை தீர்ப்பு : தமிழ் நடிகர்–நடிகைகள் கருத்து + "||" + Homosexual verdict: Tamil actor-actresses comment

ஓரின சேர்க்கை தீர்ப்பு : தமிழ் நடிகர்–நடிகைகள் கருத்து

ஓரின சேர்க்கை தீர்ப்பு : தமிழ்  நடிகர்–நடிகைகள்  கருத்து
ஓரின சேர்க்கை சட்ட விரோதமானது அல்ல என்று சுப்ரீம் கோர்ட்டு சரித்திர முக்கியத்துவம் வாய்ந்த தீர்ப்பு வழங்கி இருப்பதை நடிகர்–நடிகைகள் வரவேற்று உள்ளனர். அதன் விவரம் வருமாறு:–
நடிகை திரிஷா:– ஓரின சேர்க்கை சம்பந்தமான 377 சட்ட பிரிவு ரத்து செய்யப்பட்டு உள்ளது. இதன் மூலம் சம உரிமைக்கு செல்வதற்கான வழி கிடைத்துள்ளது. ஜெய் ஹோ..

நடிகை கஸ்தூரி:– ஓரின சேர்க்கை குற்றம் என்ற சட்டத்தை நீக்க தொடர்ந்து நடந்த போராட்டங்களுக்கு வெற்றி கிடைத்து இருக்கிறது. காதலுக்கு கண்ணும் வயதும் சாதியும் இல்லை என்பதுபோல் பாலினம் இல்லை என்பது எனது கருத்து. மேலை நாடுகளில் இது வினோதமானது இல்லை. அன்போடு நெருங்கிய இருவரை ஒரே பாலினத்தை சேர்ந்தவராக இருந்தாலும் ஏன் பிரிக்க வேண்டும்.

இருவர் விரும்பி செய்தால் அது குற்றம் இல்லை. விரும்பாமல் நடக்கும் கற்பழிப்பு, பாலியல் வன்முறைகள்தான் குற்றம். ஓரின சேர்க்கையாளர்களால் சமூகத்துக்கு எந்த பிரச்சினையும் இல்லை. வன்முறையோ சீர்கேடுகளோ வரப்போவதும் இல்லை. ஓரின சேர்க்கைக்கு எதிரான விக்டோரியா மகாராணி காலத்து பழமையான சட்டத்தை ரத்து செய்து பரந்த மனப்பான்மையை புகுத்தி உள்ள இந்த தீர்ப்பு வரவேற்கத்தக்கது.

ஓரின சேர்க்கை பாவமோ, குற்றமோ இல்லை. அன்பு இயற்கைக்கு முரணானது இல்லை. கள்ளக்காதலுக்காக 2 குழந்தைகளை கொல்வதுதான் இயற்கைக்கு முரணானது.

நடிகை ஸ்ரேயா:–  ஓரின சேர்க்கைக்கு ஆதரவான தீர்ப்பு. இதுதான் உண்மையான சுதந்திரம். நன்றி.

நடிகர் ஆர்யா:– எல்லோருக்கும் சம உரிமை இருக்க வேண்டும். சாதி, மதங்கள் கடந்து பிடித்தவர்களுடன் இருப்பது அவரவர் உரிமை. இப்படித்தான் இருக்க வேண்டும் என்று நிர்ப்பந்திப்பது தவறு. மாற்றங்களை ஏற்கவேண்டும். இந்த தீர்ப்பு ஒரு மாற்றத்துக்கான வழிதான்.


தொடர்புடைய செய்திகள்

1. 1,168 அடி உயரத்தில் திரிஷா! அவருக்கு உள்ள தைரியத்தை பாருங்க
1,168 அடி உயரத்தில் இருந்து போஸ் கொடுத்த நடிகை திரிஷா அவருக்கு வந்த தைரியத்தை பாருங்க. #TrishKrish
2. “தன்னம்பிக்கையே எனது பலம்” -நடிகை திரிஷா
தன்னம்பிக்கையே எனது பலம் என நடிகை திரிஷா கூறியுள்ளார்.