சினிமா செய்திகள்

விவசாயி வேடத்தில் விஜய் சேதுபதி + "||" + Vijay Sethupathi in the role of farmer

விவசாயி வேடத்தில் விஜய் சேதுபதி

விவசாயி வேடத்தில் விஜய் சேதுபதி
சினிமாவில் உயர்ந்ததும் அதிரடி கதைகளில் நடித்து தன்னை ஆக்‌ஷன் ஹீரோவாக அடையாளப்படுத்த ஆசைப்படும் கதாநாயகர்கள் மத்தியில் விஜய் சேதுபதி வித்தியாசமாக தெரிகிறார்.
விஜய் சேதுபதி தன்னை விட கதையை நம்புகிறார். இமேஜ் பார்க்காமல் என்ன கதாபாத்திரமாக இருந்தாலும் ஒப்புக்கொண்டு நடிக்கிறார்.

இதனால் குறுகிய காலத்தில் சிறந்த நடிகர் என்று திரையுலகினரையும் ரசிகர்களையும் பேச வைத்து இருக்கிறார். பீட்சா விற்பவராக வந்த  பீட்சா, ஞாபக மறதி உள்ளவராக நடித்த நடுவுல கொஞ்சம் பக்கத்தை காணோம், ரவுடி கதாபாத்திரம் ஏற்ற சூதுகவ்வும், இதற்குத்தானே ஆசைப்பட்டாய் பாலகுமாரா, நானும் ரவுடிதான் ஆகிய படங்கள் அவருக்கு வரவேற்பை பெற்றுக் கொடுத்தன.


தர்மதுரையில் டாக்டராகவும் சேதுபதியில் போலீஸ் அதிகாரியாகவும் வந்தார். இப்போது சீதக்காதி, சூப்பர் டீலக்ஸ், 96, செக்க சிவந்த வானம், ரஜினியுடன் பேட்ட, தெலுங்கில் சிரஞ்சீவியுடன் சைரா நரசிம்ம ரெட்டி ஆகிய படங்கள் கைவசம் உள்ளன. செக்கச்சிவந்த வானம் இந்த மாதம் இறுதியில் திரைக்கு வருகிறது.

 சீதக்காதி படத்தில் வயதான விவசாயியாக வருகிறார். மேலும் பல தோற்றங்களிலும் நடிக்கிறார். இந்த படத்தை பாலாஜி தரணிதரன் டைரக்டு செய்கிறார். இதன் படப்பிடிப்பு விறுவிறுப்பாக நடக்கிறது. இந்த நிலையில் வேட்டி–சட்டையில் விவசாயியாக வரும் விஜய் சேதுபதியின் புகைப்படம் சமூக வலைத்தளத்தில் வெளியாகி இருக்கிறது. இந்த படத்தை அவரது ரசிகர்கள் வைரலாக்கி வருகிறார்கள்.

தொடர்புடைய செய்திகள்

1. விஜய் சேதுபதி ஜோடியாக ராஷிகன்னா-நிவேதா பெத்துராஜ்
விஜய் சேதுபதி ஜோடியாக ராஷிகன்னா, நிவேதா பெத்துராஜ் ஆகிய இருவரும் ஜோடிகளாக நடிக்கிறார்கள்.
2. சபரிமலைக்கு பெண்கள் செல்வதை ஆதரித்த விஜய் சேதுபதிக்கு எதிர்ப்பு
சபரிமலை அய்யப்பன் கோவிலில் அனைத்து வயது பெண்களும் வழிபடலாம் என்று சுப்ரீம் கோர்ட்டு வழங்கிய தீர்ப்புக்கு எதிர்ப்பு தெரிவித்து கேரளாவில் போராட்டங்கள் நடந்தன.
3. சர்வதேச பிரச்சினைகளை பேசும் விஜய் சேதுபதியின் புதிய படம்
விஜய் சேதுபதி படத்துக்கு படம் வித்தியாசமான கதை மற்றும் கதாபாத்திரங்களை தேர்வு செய்து நடித்து வருகிறார்.
4. ‘சைரா நரசிம்ம ரெட்டி’ படத்தில் புதிய தோற்றத்தில் விஜய் சேதுபதி
விஜய் சேதுபதி, படத்துக்கு படம் கதாபாத்திரங்களில் வித்தியாசம் காட்டுகிறார். பீட்சா, நடுவுல கொஞ்சம் பக்கத்த காணோம், இதற்குத்தானே ஆசைப்பட்டாய் பாலகுமாரா, ஆரஞ்சு மிட்டாய், நானும் ரவுடிதான், சேதுபதி, தர்மதுரை, விக்ரம் வேதா ஆகிய படங்களில் அவரது திறமை வெளிப்பட்டது.
5. ரூ.11 கோடியை இழந்த விஜய் சேதுபதி
இந்த வருடம் 11 கோடி ரூபாயை இழந்து இருப்பதாக நடிகர் விஜய் சேதுபதி கூறினார்.