சினிமா செய்திகள்

‘த அயன் லேடி’ என்று பெயர் சூட்டப்பட்டது : ஜெயலலிதா வேடத்துக்கு நித்யா மேனன் தேர்வு + "||" + 'The Iron Lady' was named: Nithya Menon selected for Jayalalithaa's role

‘த அயன் லேடி’ என்று பெயர் சூட்டப்பட்டது : ஜெயலலிதா வேடத்துக்கு நித்யா மேனன் தேர்வு

‘த அயன் லேடி’ என்று பெயர் சூட்டப்பட்டது : ஜெயலலிதா வேடத்துக்கு நித்யா மேனன் தேர்வு
மறைந்த முதல்–அமைச்சர் ஜெயலலிதா வாழ்க்கை சினிமா படமாக தயாராகிறது. இந்த படத்தை பிரியதர்ஷினி டைரக்டு செய்கிறார்.
பிரியதர்ஷினி டைரக்டர் மிஷ்கினிடம் உதவி இயக்குனராக பணியாற்றியவர். தற்போது வரலட்சுமி நடிக்கும் ‘சக்தி’ படத்தை இயக்கி வருகிறார். ஜெயலலிதா வாழ்க்கை படத்தில் அவரது வேடத்துக்கு நடிகை தேர்வு நடந்தது. பல நடிகைகளை பரிசீலித்தனர்.


இறுதியில் ஜெயலலிதாவாக நடிக்க நித்யா மேனன் தேர்வாகி இருக்கிறார். இவர் தமிழில் விஜய் ஜோடியாக மெர்சல், சூர்யாவுடன் 24, விக்ரமுடன் இருமுகன் ஆகிய படங்களில் நடித்துள்ளார். மணிரத்னம் இயக்கிய ஓ காதல் கண்மனி, சேரனின் ஜே.கே. எனும் நண்பனின் வாழ்க்கை படங்களிலும் நடித்துள்ளார். நித்யா மேனனை தேர்வு செய்தது குறித்து டைரக்டர் பிரியதர்ஷினி கூறியதாவது:–

ஜெயலலிதா வாழ்க்கை கதை படத்துக்கு ‘த அயன் லேடி’ என்று பெயர் வைத்துள்ளோம். ஜெயலலிதா வேடத்தில் நடிக்க அவரது குணநலன்களுடன் ஒத்துப்போகிற நடிகையை தேடினோம். நித்யாமேனன் பொருத்தமாக இருப்பார் என்று அவரை அணுகி கதை சொன்னோம். திரைக்கதை அவருக்கு பிடித்துப்போய் நடிக்க சம்மதித்து உள்ளார்.

சசிகலா வேடத்தில் நடிக்க வரலட்சுமி சரத்குமாரிடம் பேசி வருகிறோம். இதர நடிகர்–நடிகைகள் தொழில் நுட்ப கலைஞர்கள் தேர்வு நடக்கிறது. பிப்ரவரி மாதம் 24–ந்தேதி ஜெயலலிதா பிறந்த நாளில் படப்பிடிப்பை தொடங்குகிறோம்.

இவ்வாறு அவர் கூறினார்.

ஜெயலலிதா வாழ்க்கையை இயக்குனர்கள் பாரதிராஜா, ஏ.எல்.விஜய் ஆகியோரும் படமாக்குவதாக அறிவிக்கப்பட்டு உள்ளது. தன்னிடம் அனுமதி பெறாமல் ஜெயலலிதா வாழ்க்கையை படமாக்க கூடாது என்று அவரது அண்ணன் மகன் தீபக் எதிர்ப்பு தெரிவித்து இருக்கிறார்.


தொடர்புடைய செய்திகள்

1. அ.தி.மு.க. சார்பில் ஜெயலலிதா உருவபடத்துக்கு மலர்தூவி அஞ்சலி
ஈரோட்டில், அ.தி.மு.க. சார்பில் ஜெயலலிதா உருவபடத்துக்கு மலர்தூவி அஞ்சலி செலுத்தப்பட்டது.
2. 2-ம் ஆண்டு நினைவு தினம்: ஜெயலலிதா உருவப்படத்திற்கு மலர் தூவி அஞ்சலி
முன்னாள் முதல்-அமைச்சர் ஜெயலலிதாவின் 2-ம் ஆண்டு நினைவு தினத்தையொட்டி அவரது உருவப்படத்திற்கு அ.தி.மு.க.வினர் மற்றும் அம்மா மக்கள் முன்னேற்ற கழகத்தினர் மலர் தூவி அஞ்சலி செலுத்தினர்.
3. சொத்து குவிப்பு வழக்கு: ஜெயலலிதா, சசிகலா சொத்துகளை கையகப்படுத்துவதில் தாமதம் பின்னணி என்ன? பரபரப்பு தகவல்
சொத்து குவிப்பு வழக்கில் சுப்ரீம் கோர்ட்டு பிறப்பித்த உத்தரவு அடிப்படையில் ஜெயலலிதா, சசிகலா சொத்துகளை கையகப்படுத்துவதில் அரசு தாமதப்படுத்தி வருவதாக குற்றச்சாட்டு எழுந்துள்ளது.
4. சமயபுரம் மாரியம்மன் கோவிலுக்கு ஜெயலலிதா வழங்கிய யானையை முதுமலை முகாமில் பராமரிக்க வேண்டும் - மதுரை ஐகோர்ட்டு உத்தரவு
சமயபுரம் மாரியம்மன் கோவிலுக்கு ஜெயலலிதா வழங்கிய யானை மசினியை, முதுமலை முகாமுக்கு கொண்டு சென்று பராமரிக்க வேண்டும் என்று மதுரை ஐகோர்ட்டு நேற்று உத்தரவிட்டது.
5. அதிமுக 47ம் ஆண்டு தொடக்க விழா எம்ஜிஆர் -ஜெயலலிதா சிலைகளுக்கு மாலை அணிவித்து மரியாதை
அதிமுக தலைமை அலுவலகத்தில் நடைபெற்ற, கட்சியின் 47ம் ஆண்டு தொடக்க விழாவில் முதலமைச்சர், துணை முதலமைச்சர் உள்ளிட்டோர் பங்கேற்றனர்.