சினிமா செய்திகள்

ரசிகர்கள் திரண்டதால் ரஜினியின் ‘பேட்ட’ படப்பிடிப்பு பாதிப்பு + "||" + Rajini petta Shooting Fans flocked

ரசிகர்கள் திரண்டதால் ரஜினியின் ‘பேட்ட’ படப்பிடிப்பு பாதிப்பு

ரசிகர்கள் திரண்டதால் ரஜினியின் ‘பேட்ட’ படப்பிடிப்பு பாதிப்பு
லக்னோவில் நடக்கும் ‘பேட்ட’ படப்பிடிப்பில் ரஜினியை காண ஆயிரக்கணக்கான ரசிகர்கள் திரண்டனர்.
கார்த்தி சுப்புராஜ் இயக்கத்தில் ரஜினிகாந்த் நடிக்கும் புதிய படத்துக்கு ‘பேட்ட’ என்று பெயரிட்டு வடமாநிலங்களில் படப்பிடிப்பை விறுவிறுப்பாக நடத்தி வருகின்றனர். ஏற்கனவே இமாசலப்பிரதேசம் பகுதிகளிலும், இமயமலையிலும் படப்பிடிப்பை நடத்தி முடித்துள்ளனர். இப்போது 3–வது கட்டமாக உத்தரபிரதேச மாநிலம் லக்னோவில் படப்பிடிப்பை நடத்துகின்றனர். 

இதற்காக ரஜினிகாந்த் அங்கு முகாமிட்டுள்ளார். துணை நடிகர் நடிகைகள், தொழில்நுட்ப கலைஞர்கள் 700 பேர் சென்னையில் இருந்து சென்று உள்ளனர். அவர்கள் அங்குள்ள ஐந்து நட்சத்திர மற்றும் 3 நட்சத்திர ஓட்டல்களில் 400–க்கும் மேற்பட்ட அறைகளில் தங்கி படப்பிடிப்பில் பங்கேற்கின்றனர்.

லக்னோ பகுதியில் 10 இடங்களில் படப்பிடிப்பை நடத்தி வருகிறார்கள். ரஜினிகாந்துக்கு உத்தரபிரதேச அரசு போலீஸ் பாதுகாப்பு அளித்துள்ளது. அதையும் மீறி ஆயிரக்கணக்கான ரசிகர்கள் தினமும் அங்கு திரள்கிறார்கள். அவர்கள் படப்பிடிப்பு நடக்கும் இடங்களில் சுற்றி நின்று ரஜினியை பார்த்து ஆரவாரம் செய்வதும், கோ‌ஷமிடுவதுமாக உள்ளனர். 

இதனால் படப்பிடிப்பை வேகமாக நடத்த முடியாமல் பாதிப்பு ஏற்பட்டு உள்ளதாக கூறப்படுகிறது. அடுத்த மாதம் இறுதிவரை லக்னோவில் படப்பிடிப்பு நடைபெறும் என்றும், அதோடு முழு படப்பிடிப்பும் முடிந்துவிடும் என்றும் படக் குழுவை சேர்ந்தவர்கள் கூறுகிறார்கள். படப்பிடிப்பு முடிந்த பிறகே ரஜினிகாந்த் சென்னை திரும்புவார் என்று தெரிகிறது. அடுத்த வருடம் பொங்கலுக்கு படத்தை திரைக்கு கொண்டுவர திட்டமிட்டு உள்ளனர்.


தொடர்புடைய செய்திகள்

1. விஜய் சேதுபதி மகா நடிகன், ரொம்ப நாளுக்கு பிறகு நல்ல நடிகருடன் நடித்த உணர்வு - ரஜினி பேச்சு
விஜய் சேதுபதி சாதாரண நடிகன் இல்லை, மகா நடிகன். ரொம்ப நாளுக்கு பிறகு ஒரு நல்ல நடிகருடன் நடித்த அனுபவம் கிடைத்தது என்று ரஜினிகாந்த் பேசினார்.
2. ரஜினி நடித்துள்ள 2.O படத்தை தமிழ் ராக்கர்ஸ் உட்பட 12,567 இணையதளங்களில் வெளியிட தடை
ரஜினி நடித்துள்ள 2.O படத்தை தமிழ் ராக்கர்ஸ் உட்பட 12,567 இணையதளங்களில் வெளியிட தடைவிதித்து சென்னை ஐகோர்ட்டு உத்தரவிட்டுள்ளது.
3. பொங்கலுக்கு வெளியாகும் ரஜினி, அஜித், சிம்பு படங்களுக்கு தியேட்டர் ஒதுக்குவதில் சிக்கல்
பண்டிகையின்போது பெரிய பட்ஜெட் படங்களையும், மற்ற நாட்களில் சிறிய பட்ஜெட் படங்களையும் வெளியிட தயாரிப்பாளர்கள் சங்கம் அறிவுறுத்தி உள்ளது.
4. ரஜினிகாந்தின் பேட்ட திரைப்படம் பொங்கலுக்கு வெளியாகிறது அதிகாரபூர்வ அறிவிப்பு
ரஜினிகாந்தின் பேட்ட திரைப்படம் பொங்கலுக்கு வெளியாகிறது என அதிகாரபூர்வமாக் அறிவிக்கப்பட்டு உள்ளது. #Petta #Rajinikanth
5. ரஜினியை விமர்சித்த கஸ்தூரி
முன்னாள் பிரதமர் ராஜீவ் காந்தி கடந்த 1991–ம் ஆண்டு ஸ்ரீபெரும்புதூரில் கொலை செய்யப்பட்ட வழக்கில் முருகன், சாந்தன், பேரறிவாளன், நளினி, ராபர்ட் பயாஸ், ரவிச்சந்திரன், ஜெயக்குமார் ஆகிய 7 பேர் கைதாகி சிறையில் இருக்கிறார்கள்.