தமிழ்ப் படத்தில் ஸ்ரீதேவி மகள் ஜான்வி


தமிழ்ப் படத்தில் ஸ்ரீதேவி மகள் ஜான்வி
x
தினத்தந்தி 25 Sep 2018 10:30 PM GMT (Updated: 25 Sep 2018 6:33 PM GMT)

மறைந்த நடிகை ஸ்ரீதேவியின் மகள் ஜான்விக்கு தமிழ்ப் படத்தில் நடிக்க வாய்ப்பு வந்துள்ளது.

மறைந்த நடிகை ஸ்ரீதேவியின் மகள் ஜான்வி ‘தடக்’ இந்தி படத்தின் மூலம் கதாநாயகியானார். இந்தப்படம் திரைக்கு வந்து வரவேற்பை பெற்றது. ஜான்வி நடிப்புக்கும் பாராட்டுக்கள் கிடைத்தன. அதன்பிறகு புதிய படங்களில் நடிக்க அவருக்கு வாய்ப்புகள் வந்தன. பல இயக்குனர்கள் ஜான்வியை அணுகி கதை சொன்னார்கள். 

இப்போது கரன் ஜோகர் இயக்கும் புதிய இந்திப் படத்தில் நடிக்க அவர் முடிவு செய்து இருப்பதாக கூறப்படுகிறது. அர்ஜுன் ரெட்டி தெலுங்கு படம் மூலம் பிரபலமான விஜய் தேவரகொண்டா கதாநாயகனாக நடிக்கும் தெலுங்கு படமொன்றில் அவருக்கு ஜோடியாக நடிக்கவும் ஜான்வியிடம் பேசி வருகிறார்கள். 

தமிழ்ப் படத்தில் நடிக்கவும் ஜான்விக்கு வாய்ப்பு வந்துள்ளது. இரண்டு இயக்குனர்கள் அவரை அணுகி கதை சொல்லி இருப்பதாக கூறப்படுகிறது. இதுகுறித்து ஜான்வி தரப்பில் கூறும்போது ‘‘தமிழ், தெலுங்கு இயக்குனர்கள் ஜான்விக்கு கதை சொல்லி உள்ளனர். தென்னிந்திய மொழிகளில் நடிக்கவும் ஜான்விக்கு விருப்பம் உள்ளது. விரைவில் இதுபற்றிய அறிவிப்பு வரும்’’ என்றனர்.

Next Story