சினிமா செய்திகள்

டைரக்டர் சுசிகணேசன் மீது பெண் இயக்குனர் புகார் + "||" + The female director complains about director Susi Ganesan

டைரக்டர் சுசிகணேசன் மீது பெண் இயக்குனர் புகார்

டைரக்டர் சுசிகணேசன் மீது பெண் இயக்குனர் புகார்
டைரக்டர் சுசிகணேசன் மீது பெண் இயக்குனர் ஒருவர் புகார் தெரிவித்துள்ளார்.

குறும்பட இயக்குனர் லீனா மணிமேகலை டைரக்டர் சுசிகணேசன் மீது பாலியல் புகார் கூறியுள்ளார். சுசிகணேசன் திருட்டுப்பயலே, கந்தசாமி ஆகிய படங்களை டைரக்டு செய்தவர்.

லீனா மணிமேகலை முகநூல் பக்கத்தில் 2017-ல் வெளியிட்ட பாலியல் தொல்லையை இப்போது ‘மீ டூ’ ஹேஷ்டேக்கில் பதிவிட்டு டைரக்டர் சுசிகணேசன் பெயரையும் குறிப்பிட்டு உள்ளார். அதில் அவர் கூறியிருப்பதாவது:-


“நான் 2005-ல் டி.வி. நிகழ்ச்சி தொகுப்பாளராகவும், தயாரிப்பாளராகவும் வேலை செய்தபோது பிரபலமான ஒரு இளம் இயக்குனரை நேர்காணல் செய்தேன். நிகழ்ச்சியை முடித்து ஆட்டோ பிடிப்பதற்காக ஸ்டுடியோவில் இருந்து தெருமுனைக்கு நடந்து சென்றேன். அப்போது நான் நேர்காணல் செய்த இயக்குனர் கார் எனது அருகில் வந்து நின்றது.

வடபழனியில்தானே வீடு. நான் இறக்கி விடுகிறேன் என்று கூறிய டைரக்டரை நம்பி அவரது காரில் ஏறினேன். சில நிமிடங்கள் உரையாடல் நன்றாக சென்றது. அதன்பிறகு திடீரென்று அவரது குரல் மாறியது. என்னிடம் இருந்த மொபைல் போனை பிடுங்கி ‘ஆப்’ செய்து காருக்குள் எங்கோ எறிந்தார்.

தனது அடுக்குமாடி குடியிருப்புக்கு வரவேண்டும் என்று மிரட்டினார். நான் அதிர்ச்சியானேன். சிறிது நேரம் செயல் இழந்து போனேன். அதன்பிறகு சுதாரித்துக் கொண்டு என்னை இறக்கி விடுமாறு கேட்டேன். கெஞ்சினேன். காரை உடைத்து விடுவேன் என்றேன். அலறினேன். 20 நிமிடத்தில் விடவேண்டிய இடத்துக்கு 45 நிமிடங்களாக கார் சுற்றிக்கொண்டு இருந்தது.

என் பையில் ஒரு சிறிய கத்தி வைத்திருந்தேன். அதை எடுத்து மிரட்டினேன். அதன்பிறகு என்னை இறக்கி விட்டார். அன்று நடந்ததை எனக்கு நெருக்கமானவர்களிடம் கூட என்னால் சொல்ல தைரியம் இல்லை. அதை நினைத்தால் இப்போதும் எனக்கு நடுக்கமாக உள்ளது.”

இவ்வாறு லீனா மணிமேகலை கூறியுள்ளார்.



தொடர்புடைய செய்திகள்

1. போலீஸ்காரர்களை தாக்கிவிட்டு தப்பிக்க முயற்சி: ரவுடி துப்பாக்கியால் சுட்டு பிடிப்பு
கலபுரகியில் போலீஸ்காரர்களை தாக்கிவிட்டு தப்பிக்க முயன்ற ரவுடியை நேற்று போலீசார் துப்பாக்கியால் சுட்டு கைது செய்தனர்.
2. “எனது அரசை சீர்குலைக்க முயற்சி” - மத்திய அரசு மீது சந்திரபாபு நாயுடு குற்றச்சாட்டு
எனது அரசை சீர்குலைக்க முயற்சி நடக்கிறது என்று மத்திய அரசு மீது ஆந்திர முதல்-மந்திரி சந்திரபாபு நாயுடு குற்றம்சாட்டினார்.
3. சி.பி.ஐ. இயக்குனர்கள் மீது நடவடிக்கை ஏன்? - மத்திய அரசு விளக்கம்
சி.பி.ஐ. இயக்குனர்கள் மீது நடவடிக்கை எடுத்ததற்கான காரணங்களை விளக்கி, மத்திய அரசு அறிக்கை வெளியிட்டுள்ளது.
4. மன்னிப்பு கேட்காவிட்டால் வழக்கு : பெண் இயக்குனர் பாலியல் புகாருக்கு சுசிகணேசன் மறுப்பு
டைரக்டர் சுசிகணேசன் பாலியல் தொல்லை கொடுத்ததாக பெண் இயக்குனர் லீனா மணிமேகலை புகார் கூறி இருந்தார். இதற்கு மறுப்பு தெரிவித்து சுசிகணேசன் வெளியிட்டுள்ள அறிக்கையில் கூறியிருப்பதாவது:–
5. மிரட்டி படுக்கைக்கு அழைத்தார் - டைரக்டர் மீது நடிகை போலீசில் புகார்
மிரட்டி படுக்கைக்கு அழைத்தார் என, டைரக்டர் மீது நடிகை ஒருவர் போலீசில் புகார் தெரிவித்துள்ளார்.