சினிமா செய்திகள்

‘இந்தியன்-2’ படத்தில் கமல்ஹாசன் ஜோடி காஜல் அகர்வால்? + "||" + In 'Indian-2' Kamal Haasan to pair with Kajal Agarwal?

‘இந்தியன்-2’ படத்தில் கமல்ஹாசன் ஜோடி காஜல் அகர்வால்?

‘இந்தியன்-2’ படத்தில் கமல்ஹாசன் ஜோடி காஜல் அகர்வால்?
இந்தியன்-2 படத்தில் கமல்ஹாசனின் ஜோடியாக காஜல் அகர்வால் நடிக்க உள்ளதாக தகவல் வெளியாகி உள்ளது.

கமல்ஹாசன் 2 வேடங்களில் நடித்து 1996-ல் வெளியாகி வெற்றிகரமாக ஓடி வசூல் குவித்த இந்தியன் படத்தின் இரண்டாம் பாகம் தயாராகிறது. ஷங்கரே இதையும் டைரக்டு செய்கிறார். இதிலும் கமல்ஹாசன் இரண்டு வேடங்களில் நடிக்கிறார். திரைக்கதை, வசனம் எழுதும் பணிகள் முடிந்துள்ளன. படப்பிடிப்பு நடத்துவதற்கான இடங்களையும் முடிவு செய்து விட்டனர். நடிகர் நடிகைகள் தேர்வு நடக்கிறது. முதல் பாகத்தில் சி.பி.ஐ அதிகாரியாக வந்த நெடுமுடி வேணு இதிலும் அதே கதாபாத்திரத்தில் வருகிறார். கதாநாயகியாக நடிக்க காஜல் அகர்வாலிடம் பேசி வருவதாக தகவல் வெளியாகி உள்ளது.

இந்த படம் குறித்து ஷங்கர் கூறும்போது, “இந்தியன் மாதிரி படங்களை நான் ஏற்கனவே எடுத்து விட்டேன். இந்தியன்-2 படத்தை எப்படி உருவாக்க வேண்டும் என்று யோசிப்பதற்காக அதிக நாட்கள் எடுத்துக் கொண்டேன். முழு கதையையும் தயார் செய்து கமல்ஹாசனிடம் சொன்னேன். எழுதும்போது எப்படி ரசித்தேனோ அப்படியே அவரும் ரசித்து கேட்டார். அடுத்த மாதம் படப்பிடிப்பை தொடங்க திட்டமிட்டு உள்ளோம்” என்றார்.

இந்தியன் முதல் பாகம் கிளைமாக்சை 80 வயது முதியவராக வரும் கமல்ஹாசன் விபத்தில் சிக்கி மாயமாவது போன்றும் வெளிநாட்டில் இருந்து போன் செய்வது போன்றும் முடித்து இருந்தனர். அதில் இருந்து இரண்டாம் பாகம் கதை தொடங்கும் என்று தெரிகிறது. இந்த படத்திலும் கமல்ஹாசன் வயதானவராகவும் இளைஞராகவும் 2 வேடங்களில் வருகிறார்.



தொடர்புடைய செய்திகள்

1. கமல்ஹாசனின் இந்தியன்-2 படத்தில் சிம்பு?
கமல்ஹாசனின் திரையுலக வாழ்க்கையில் முக்கிய படம் இந்தியன். 1996-ல் வெளியான இந்த படம் லஞ்சம், ஊழலுக்கு எதிரான கருவை கொண்டது.
2. சர்கார் விவகாரம்: விமர்சனங்களை ஏற்க துணிவில்லாத அரசு தடம் புரளும் - கமல்ஹாசன் தாக்கு
சர்கார் பட விவகாரத்தில் அரசை விமர்சனம் செய்துள்ள கமல்ஹாசன், விமர்சனங்களை ஏற்க துணிவில்லாத அரசு தடம் புரளும் என்று கூறியுள்ளார்.
3. சிக்கலில் ‘சர்கார்’ படம்
சிக்கலில் சர்கார் படம் உள்ளதாக தகவல் வெளியாகி உள்ளது.
4. ‘பைரேட் ஆப் தி கரீபியன்’ படத்தில் இருந்து நடிகர் ஜானி டெப் விலகல்
பைரேட் ஆப் தி கரீபியன் படத்தில் இருந்து நடிகர் ஜானி டெப் விலகினார்.
5. ‘தி வில்லன்’ படம் வெற்றி பெறுவதற்காக ரசிகர்கள் நூதன வேண்டுதல் ஆடுகளை வெட்டி ரத்தத்தை பேனர்களில் தெளித்தனர்
‘தி வில்லன்‘ படம் வெற்றி பெறுவதற்காக நடிகர் சுதீப்பின் ரசிகர்கள் நூதன முறையில் வேண்டுதல் நடத்தினர். அதாவது ஆடுகளை வெட்டி அதன் ரத்தத்தை சுதீப்பின் பேனர்களில் தெளித்தனர்.