சினிமா செய்திகள்

திருடப்பட்டதாக புகார்: சர்ச்சையில் ‘திமிரு புடிச்சவன்’ கதை + "||" + Reported to be stolen: The story of 'Thimiru Pudichavan' in controversy

திருடப்பட்டதாக புகார்: சர்ச்சையில் ‘திமிரு புடிச்சவன்’ கதை

திருடப்பட்டதாக புகார்: சர்ச்சையில் ‘திமிரு புடிச்சவன்’ கதை
திமிரு புடிச்சவன் கதை திருடப்பட்டதாக புகார் எழுந்துள்ளது.
தமிழ் பட உலகில் கதைகள் திருட்டு சர்ச்சைகள் தொடர்கின்றன. சமீபத்தில் திரைக்கு வந்த விஜய்யின் ‘சர்கார்’ விஜய்சேதுபதியின் ‘96’ ஆகிய படங்கள் இதில் சிக்கின. 96 கதை தனது உதவியாளர் எழுதிய கதை என்று டைரக்டர் பாரதிராஜாவே கூறினார். சர்கார் கதையை எதிர்த்து கோர்ட்டில் வழக்கு தொடர்ந்து பிறகு சமரசம் ஆனார்கள்.


இந்த பிரச்சினையில் பாக்யராஜ் திரைப்பட எழுத்தாளர் சங்க தலைவர் பதிவியையே ராஜினாமா செய்யும் நிலைமை ஏற்பட்டது. இப்போது விஜய் ஆண்டனி நடிப்பில் வெளியாகி ஓடிக்கொண்டிருக்கும் திமிரு புடிச்சவன் கதை, தன்னுடையது என்று எழுத்தாளர் ராஜேஷ்குமார் கூறியுள்ளார்.

இது பரபரப்பை ஏற்படுத்தியது. இந்த குற்றச்சாட்டை திமிரு புடிச்சவன் படத்தின் இயக்குனர் கணேசா மறுத்துள்ளார். இதுகுறித்து அவர் கூறியதாவது:-

“திமிரு புடிச்சவன் கதை என்னுடையது. இந்த படம் அனைத்து ஊர்களிலும் வெற்றிகரமாக ஓடுகிறது. நான் 25 வருடமாக சினிமாவில் இருக்கிறேன். நிறைய கஷ்டங்களை சந்தித்து 2-வது படத்தை இயக்கி உள்ளேன். இப்போது கதைக்கு ராஜேஷ் குமார் உரிமை கோருவது ஏற்புடையது அல்ல. கதை எனக்கு சொந்தமானது என்பதற்கான ஆதாரங்கள் இருக்கிறது.

தெலுங்கில் ராஜமவுலியிடம் உதவியாளராக இருந்தபோது இதன் கருவை உருவாக்கினேன். 10 ஆண்டுகள் கழித்துத்தான் அதை படமாக்கி இருக்கிறேன். ராஜேஷ்குமார் மீது எனக்கு மரியாதை உள்ளது. அவர் எழுதிய கதையை நான் படிக்கவில்லை.”

இவ்வாறு அவர் கூறினார்.


தொடர்புடைய செய்திகள்

1. க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார்
க.பரமத்தி அரசு மேல்நிலைப்பள்ளி முன்னாள் மாணவர்கள் விலையில்லா மடிக்கணினி கேட்டு போலீசில் புகார் கொடுத்தனர்.
2. சமூக ஆர்வலருக்கு கொலை மிரட்டல் புகார்: நடவடிக்கை எடுக்காத சப்-இன்ஸ்பெக்டர் பணியிடை நீக்கம்
சமூக ஆர்வலருக்கு கொலை மிரட்டல் விடுத்த விவகாரத்தில் நடவடிக்கை எடுக்காத மாயனூர் போலீஸ் சப்-இன்ஸ்பெக்டரை பணியிடை நீக்கம் செய்து திருச்சி சரக டி.ஐ.ஜி. பாலகிருஷ்ணன் உத்தரவிட்டார்.
3. அடிப்படை வசதிகள் இல்லை என புகார்: மாத்தூர் தொட்டி பாலத்தில் அதிகாரிகள் குழு ஆய்வு
மாத்தூர் தொட்டி பாலத்தில் அடிப்படை வசதிகள் இல்லை என புகார் எழுந்ததையடுத்து அதிகாரிகள் குழுவினர் திடீரென ஆய்வு செய்தனர்.
4. வியாபாரத்தில் முதலீடு செய்தால் லாபத்தில் பங்கு தருவதாக கூறி ரூ.75 லட்சம் மோசடி போலீஸ் சூப்பிரண்டிடம் புகார்
வியாபாரத்தில் முதலீடு செய்தால் லாபத்தில் பங்கு தருவதாக கூறி ரூ.75 லட்சம் மோசடி செய்தவர்கள் மீது நடவடிக்கை எடுக்க வலியுறுத்தி தஞ்சை போலீஸ் சூப்பிரண்டிடம் பாதிக்கப்பட்டவர்கள் புகார் அளித்தனர்.
5. புதுக்கடை அருகே ஏ.டி.எம். கார்டு எண்ணை மர்ம நபரிடம் கூறியதால் ரூ.72 ஆயிரத்தை இழந்த பெண் போலீசில் புகார்
புதுக்கடை அருகே ஏ.டி.எம். கார்டு எண்ணை மர்மநபரிடம் கூறியதால் ஒரு பெண் ரூ.72 ஆயிரத்தை இழந்தார்.