75-வது வயதில் மனைவியை விவாகரத்து செய்யும் ஹாலிவுட் நடிகர்


75-வது வயதில் மனைவியை விவாகரத்து செய்யும் ஹாலிவுட் நடிகர்
x
தினத்தந்தி 23 Nov 2018 10:00 PM GMT (Updated: 23 Nov 2018 9:21 PM GMT)

75-வது வயதில், தனது மனைவியை ஹாலிவுட் நடிகர் விவாகரத்து செய்ய உள்ளார்.


உலகம் முழுவதும் புகழ் பெற்ற ஹாலிவுட் நடிகர் ராபர்ட் டி நீரோ. இவர், காட் பாதர், ஸ்கார்பேஸ், ஒன்ஸ் அபான் அ டைம் இன் அமெரிக்கா, ஏஞ்சல்ஸ் ஹார்ட், விஸார்ட் ஆப் லைஸ் உள்பட பல படங்களில் நடித்துள்ளார். அனைத்து படங்களுமே உலகம் முழுவதும் வசூலை வாரி குவித்தன.

இவர் டயானே அபோட் என்பவரை மணந்தார். இவர்களுக்கு ஒரு மகனும் ஒரு மகளும் உள்ளனர். அதன்பிறகு டயானேவை ராபர்ட் டி நீரோ விவாகரத்து செய்தார். பின்னர் டூகீ ஸ்மித் எனவருடன் திருமணம் செய்து கொள்ளாமல் சேர்ந்து வாழ்ந்தார். இவர்களுக்கு 42 வயதில் ஜூலியன்-ஆரோன் என்ற இரட்டை மகன்கள் உள்ளனர்.

இந்த நிலையில் லண்டனில் ஒரு உணவகத்தில் பணியாற்றிய கிரேஸ் ஹைடவர் என்பவரை சந்தித்து காதல் வயப்பட்டார். இருவரும் 10 ஆண்டுகள் காதலித்து பின்னர் திருமணம் செய்து கொண்டனர். இது ராபர்ட் டி நீரோவுக்கு 3-வது திருமணம் ஆகும். இவர்களுக்கு எல்லியட் என்ற மகனும் ஹெலன் கிரேஸ் என்ற மகளும் உள்ளனர்.

தற்போது நீரோவுக்கு 75 வயது. கிரேஸுக்கு 63 வயது. இப்போது கிரேஸையும் விவாகரத்து செய்ய இருக்கிறார். கடந்த சில மாதங்களாக இருவரும் பிரிந்து வாழ்கிறார்கள்.


Next Story