சினிமா செய்திகள்

‘டத்தோ’ பட்டம் விவகாரம் : ராதாரவி மீது சின்மயி மீண்டும் புகார் + "||" + 'Datho' degree Affair: Chinmayi again complains about Radharavi

‘டத்தோ’ பட்டம் விவகாரம் : ராதாரவி மீது சின்மயி மீண்டும் புகார்

‘டத்தோ’ பட்டம் விவகாரம் : ராதாரவி மீது  சின்மயி மீண்டும் புகார்
பாடகி சின்மயி மீ டூவில் பாலியல் புகார் சொல்லி பரபரப்பு ஏற்படுத்தினார். ராதாரவிக்கு மலேசியாவில் வழங்கிய டத்தோ பட்டம் போலி என்றும் கூறிவருகிறார். இந்த நிலையில் முகநூல் பக்கத்தில் நேரடியாக அவர் பேசியதாவது:–
‘‘மீ டூ ஆரம்பித்து இரண்டு மாதங்கள் ஆகிறது. பெண் குழந்தைகளுக்கு பாலியல் தொல்லைகள் சகஜமாக நடக்கிறது. பாலியல் கொடுமைகளை பெண்கள் தைரியமாக வெளியே சொல்ல வேண்டும். மீ டூவில் நான் புகார் சொன்ன பிறகு நிறைய பேர் என்னை வசைபாடினார்கள். முதலில் கஷ்டமாக இருந்தது. இப்போது சகஜமாகி விட்டது. 

பெண்களை பாலியல் தொல்லைக்கு பயந்து வீட்டில் அடைக்காதீர்கள். கணவன் மனைவி என்றாலும் மனைவி விருப்பத்துக்கு எதிராக தொடக்கூடாது. பிரச்சினைகளை பெண்கள் வெட்கப்படாமல் பேசவேண்டும். நான் 2016–ல் இருந்து டப்பிங் யூனியன் உறுப்பினர் இல்லை என்று சொல்லும் ராதாரவி கடந்த 2 ஆண்டுகளில் 4 படங்களில் டப்பிங் பேச ஏன் ஒப்புக்கொண்டார்?. 

டப்பிங் யூனியன் உறுப்பினர்களிடம் இருந்து வசூலிக்கும் பணத்தில் கட்டிய கட்டிடத்துக்கு டத்தோ ராதாரவி வளாகம் என்று பெயர் சூட்டியது ஏன்? மீ டூ புகார் சொன்னால் நடிக்க வராதீர்கள். ஆண்களே பெண் வேடமிட்டு நடிப்பார்கள் என்று ஏன் எச்சரிக்கிறார்? டத்தோ பட்டத்தை மெலாகா அரசு அவருக்கு கொடுக்கவில்லை. சுல்தான் ஒருவர் வழங்கியதாக கூறுகிறார். அந்த சுல்தான் உண்மையானவர் இல்லை என்கிறார்கள். 

மீ டூவில் நான் பேசுவதற்கு பா.ஜனதா காரணம் என்றும், பெங்களூருவில் அந்த கட்சி எனக்கு ஒரு அபார்ட்மெண்ட் வீடு வாங்கி கொடுத்துள்ளது என்றும் செய்தி வந்தது. பா.ஜனதா கொள்கைகளை விமர்சித்து இருக்கிறேன். நான் எந்த கட்சிக்கும் ஆதரவாகவோ, எதிராகவோ இல்லை.’’

இவ்வாறு சின்மயி கூறியுள்ளார்.

தொடர்புடைய செய்திகள்

1. என்னால் திமுகவுக்கு பாதிப்பு என்றால் கட்சியில் இருந்து விலகிக் கொள்கிறேன்: நடிகர் ராதாரவி
நான் பேசியது உங்கள் மனதை புன்படுத்தி இருந்தால் அதற்காக எனது வருத்தத்தை தெரிவித்துக் கொள்கிறேன் என்று நடிகை நயன்தாரா மற்றும் இயக்குநர் விக்னேஷ் சிவனுக்கு, நடிகர் ராதாரவி விளக்கம் அளித்துள்ளார்.
2. திமுகவில் இருந்து ராதாரவி தற்காலிக நீக்கம்
திமுகவில் இருந்து நடிகர் ராதாரவி தற்காலிகமாக நீக்கம் செய்யப்பட்டுள்ளதாக அக்கட்சியின் பொதுச்செயலாளர் க.அன்பழகன் தெரிவித்துள்ளார்.
3. டப்பிங் கலைஞர்கள் சங்கத்தில் இருந்து பாடகி சின்மயியை நீக்க தடை சென்னை கோர்ட்டு உத்தரவு
தேசிய விருது பெற்ற பின்னணி பாடகி சின்மயி திரைத்துறையில் உள்ள பெண்களுக்கு இழைக்கப்படும் கொடுமைகள் குறித்து சமூக வலைத்தளங்களில் குரல் எழுப்பி வந்தார்.
4. மேனகா காந்தியிடம் பாடகி சின்மயி புகார்
பாடகி சின்மயி டுவிட்டரில் பாலியல் குற்றச்சாட்டுகள் கூறி வந்தார். பாதிக்கப்பட்டதாக கூறும் பெண்கள் விவரங்களையும் தனது சமூக வலைத்தளத்தில் பகிர்ந்து வந்தார்.
5. பாடகி சின்மயி புதிய புகார்
பாடகி சின்மயி ’மீ டூ’வில் பாலியல் புகார் சொல்லி பரபரப்பு ஏற்படுத்தினார்.