சினிமா செய்திகள்

ரூ.25 கோடி கேட்டு மிரட்டிய தாதா - நடிகை லீனா மரியாவை சுட்டுக்கொல்ல முயற்சி? + "||" + Dada threatened asking Rs 25 crore - Trying to shoot actress Lina Maria?

ரூ.25 கோடி கேட்டு மிரட்டிய தாதா - நடிகை லீனா மரியாவை சுட்டுக்கொல்ல முயற்சி?

ரூ.25 கோடி கேட்டு மிரட்டிய தாதா - நடிகை லீனா மரியாவை சுட்டுக்கொல்ல முயற்சி?
ரூ.25 கோடி கேட்டு மிரட்டிய தாதா, நடிகை லீனா மரியாவை சுட்டுக்கொல்ல முயற்சி செய்ததாக தகவல் வெளியாகி உள்ளது.

கேரள மாநிலம் கொச்சியை சேர்ந்த பிரபல மலையாள நடிகை லீனா மரியா பால். இவர் மோகன்லாலின் ரெட் சில்லீஸ், ஹஸ்பெண்ட்ஸ் இன் கோவா உள்பட பல படங்களில் நடித்துள்ளார். மெட்ராஸ் கபே என்ற இந்தி படத்திலும் நடித்துள்ளார். சென்னையில் உள்ள வங்கியில் ரூ.18 கோடி மோசடி செய்ததாக போலீசாரால் கைது செய்யப்பட்டவர்.

கொச்சியில் லீனா மரியா பால் நடத்தி வரும் பியூட்டி பார்லரை நோக்கி பைக்கில் வந்த 2 மர்ம நபர்கள் சரமாரியாக துப்பாக்கியால் சுட்டு விட்டு தப்பிச் சென்றனர். அப்போது லீனா மரியா பால் கடையில் இல்லை. 2 பெண் ஊழியர்கள் மட்டுமே இருந்தனர். போலீசார் விரைந்து வந்து விசாரணை நடத்தினார்கள். சில நாட்களுக்கு முன்பு மும்பையை சேர்ந்த மாபியா கும்பல் தலைவன் ரவி புஜாரா, லீனா மரியாவுக்கு போன் செய்து ரூ.25 கோடி கேட்டு மிரட்டியதாக கூறப்படுகிறது. இதுகுறித்து கொச்சி போலீசில் அவர் புகார் செய்தார்.

எனவே மும்பை தாதா, ஆத்திரத்தில் ஆட்களை அனுப்பி துப்பாக்கி சூடு நடத்தி இருக்கலாம் என்று போலீசார் சந்தேகிக்கிறார்கள். அந்த பகுதியில் இருந்த கண்காணிப்பு கேமராவில் பதிவான காட்சிகளையும் ஆய்வு செய்து வருகிறார்கள். லீனா மரியா பால் அதிர்ச்சியில் உள்ளார். அவருக்கு பாதுகாப்பு அளிக்கப்பட்டு உள்ளது. ரவி புஜாராவை தேடி மும்பைக்கும் தனிப்படை போலீசார் செல்கிறார்கள்.


தொடர்புடைய செய்திகள்

1. அறைகளில் சோதனை நடத்தியதற்கு எதிர்ப்பு: மதுரை சிறையில் கைதிகள் - போலீசார் மோதல், கல்வீச்சு- தற்கொலை மிரட்டலால் பரபரப்பு
கைதிகள் அறைகளில் சோதனை நடத்தியதற்கு எதிர்ப்பு தெரிவித்து மதுரை மத்திய சிறையில் கைதிகளுக்கும், போலீசாருக்கும் இடையே திடீர் மோதல் ஏற்பட்டது. அப்போது கற்கள் வீசப்பட்டன. கைதிகளின் தற்கொலை மிரட்டலாலும் பரபரப்பு உருவானது.
2. வாட்ஸ்-அப்பில் புகைப்படத்தை ஆபாசமாக வெளியிடுவதாக மிரட்டல்: பயத்தில் தீக்குளித்து 10-ம் வகுப்பு மாணவி சாவு, வாலிபர் கைது
வாட்ஸ்-அப்பில் புகைப்படத்தை ஆபாசமாக வெளியிடுவதாக வாலிபர் ஒருவர் மிரட்டியதால் பயத்தில் தீக்குளித்து 10-ம் வகுப்பு மாணவி தற்கொலை செய்துகொண்டார். தற்கொலைக்கு தூண்டியதாக வாலிபரை போலீசார் கைது செய்தனர்.
3. அதிகாரிக்கு கொலை மிரட்டல் விடுத்தவரை கைது செய்யக்கோரி திருப்பூர் கலெக்டர் அலுவலக வளாகத்தில் விவசாயிகள் தர்ணா
பொதுப்பணித்துறை அதிகாரிக்கு கொலை மிரட்டல் விடுத்தவர்களை கைது செய்யக்கோரி விவசாயிகள் கலெக்டர் அலுவலக வளாகத்தில் தர்ணா போராட்டத்தில் ஈடுபட்டனர்.
4. திருப்பரங்குன்றம் அருகே உயர் மின் கோபுரத்தில் ஏறி பெயிண்டர் தற்கொலை மிரட்டல்
திருப்பரங்குன்றம் அருகே தன்னை தாக்கியவர்கள் மீது நடவடிக்கை எடுக்கக்கோரி உயர் மின் கோபுரத்தில் ஏறி நின்று வாலிபர் தற்கொலை மிரட்டல் விடுத்த சம்பவம் பரபரப்பை ஏற்படுத்தியது.
5. கொலை மிரட்டல் விடுத்தவர்கள் மீது நடவடிக்கை எடுக்கக்கோரி ஆதார், வாக்காளர் அட்டைகளை மனுக்கள் பெட்டியில் போட்ட டிரைவர் கலெக்டர் அலுவலகத்தில் பரபரப்பு
கொலை மிரட்டல் விடுத்தவர்கள் மீது நடவடிக்கை எடுக்கக்கோரி ஆதார் கார்டு, வாக்காளர் அடையாள அட்டை உள்ளிட்ட ஆவணங்களை கலெக்டர் அலுவலகத்தில் வைக்கப்பட்டுள்ள மனுக்கள் பெட்டியில் போட்ட டிரைவரால் பரபரப்பு ஏற்பட்டது.