சினிமா செய்திகள்

‘இந்தியன்-2’ படத்துக்காக வர்ம கலை கற்கும் காஜல் அகர்வால் + "||" + For 'Indian 2' Film Varma Art Learning Kajal Agarwal

‘இந்தியன்-2’ படத்துக்காக வர்ம கலை கற்கும் காஜல் அகர்வால்

‘இந்தியன்-2’ படத்துக்காக வர்ம கலை கற்கும் காஜல் அகர்வால்
இந்தியன்-2 படத்துக்காக காஜல் அகர்வால் வர்ம கலை கற்று வருகிறார்.

காஜல் அகர்வால் நடித்து வரும் ‘பாரிஸ் பாரிஸ்’ பட வேலைகள் இறுதி கட்டத்தில் உள்ளன. இந்தியில் கங்கனா ரணாவத் நடித்து 2014-ல் வெளியாகி வெற்றிகரமாக ஓடிய குயின் படத்தின் தமிழ் ரீமேக்காக இது உருவாகிறது. அடுத்து இந்தியன்-2 படத்துக்கு ஒப்பந்தமாகி உள்ளார்.

கமல்ஹாசன் நடித்து 22 ஆண்டுகளுக்கு முன்பு வெளியாகி வெற்றிகரமாக ஓடிய இந்தியன் படத்தின் இரண்டாம் பாகமாக இது தயாராகிறது. ஷங்கர் டைரக்டு செய்கிறார். இந்த படத்தில் கமல்ஹாசன் முதியவராகவும், இளமை தோற்றத்திலும் இரு வேடங்களில் நடிக்கிறார். முதல் பாகத்தில் வர்ம கலையால் லஞ்சம் வாங்கும் அதிகாரிகளை அடித்து வீழ்த்தும் இந்தியன் தாத்தா வேடத்துக்கு வரவேற்பு கிடைத்தது.

இரண்டாம் பாகத்திலும் அந்த தோற்றத்துக்கு முக்கியத்துவம் கொடுத்து உள்ளனர். கதாநாயகியாக நடிக்கும் காஜல் அகர்வாலுக்கும் வர்ம கலைகள் பற்றி தெரிந்து இருக்க வேண்டும் என்று இயக்குனர் ஷங்கர் அறிவுறுத்தி உள்ளார். இதற்காக வர்ம கலைகள் தொடர்பான விஷயங்களை காஜல் அகர்வால் கற்று வருகிறார்.

வர்ம கலைகள் சம்பந்தமான புத்தகத்தை படிப்பதுபோன்ற படத்தையும் டுவிட்டர் பக்கத்தில் காஜல் அகர்வால் வெளியிட்டுள்ளார். இந்தியன்-2 படத்துக்கு ரவிவர்மன் ஒளிப்பதிவு செய்கிறார். ஜனவரியில் இதன் படப்பிடிப்பு தொடங்குகிறது. இதற்காக அரங்குகள் அமைக்கும் பணி விறுவிறுப்பாக நடந்து வருகிறது.


தொடர்புடைய செய்திகள்

1. வசூலில் சாதனை படைத்து வரும் பி.எம். நரேந்திரமோடி படம்
திரையிடப்பட்டு சில நாட்களே ஆன பி.எம். நரேந்திரமோடி என்ற வாழ்க்கை வரலாற்று இந்தி படம் வசூலில் சாதனை படைத்து வருகிறது.
2. மம்தா பானர்ஜி படத்தை வைத்து அவதூறு: பா.ஜனதா பெண் பிரமுகர் கைது
மம்தா பானர்ஜி படத்தை வைத்து அவதூறு செய்த பா.ஜனதா பெண் பிரமுகர் கைது செய்யப்பட்ட நிலையில், ஜாமீன் கேட்டு சுப்ரீம் கோர்ட்டில் அவர் மனு தாக்கல் செய்துள்ளார்.
3. கமலின் இந்தியன்-2 படம் தயாராவதில் சிக்கல்?
கமலின் இந்தியன்-2 படம் தயாராவதில் சிக்கல் எழுந்துள்ளதாக தகவல் வெளியாகி உள்ளது.
4. ‘அவெஞ்சர்ஸ்’ படம் பார்த்து தேம்பி, தேம்பி அழுத இளம் பெண் - மூச்சுதிணறல் ஏற்பட்டு மருத்துவமனையில் அனுமதி
சீனாவில் அவெஞ்சர்ஸ் படம் பார்த்து இளம் பெண் ஒருவர் தேம்பி, தேம்பி அழுத வினோத சம்பவம் நிகழ்ந்துள்ளது.
5. இந்தியன்-2 படம் கைவிடப்பட்டதா?
இந்தியன்-2 படம் கைவிடப்பட்டதா என்பது குறித்த தகவல் வெளியாகி உள்ளது.