சினிமா செய்திகள்

‘பேட்ட’ டிரெய்லர் வெளியானது : ‘பாட்ஷா’ ஸ்டைலில் அசத்தும் ரஜினி + "||" + 'Petta' Trailer Released: 'Rajini' in 'Badshah' style

‘பேட்ட’ டிரெய்லர் வெளியானது : ‘பாட்ஷா’ ஸ்டைலில் அசத்தும் ரஜினி

‘பேட்ட’ டிரெய்லர் வெளியானது : ‘பாட்ஷா’  ஸ்டைலில் அசத்தும் ரஜினி
ரஜினிகாந்த் நடித்து பொங்கலுக்கு திரைக்கு வரும் பேட்ட படத்தின் டிரெய்லர் நேற்று காலை 11 மணிக்கு வெளியாகும் என்று படக்குழுவினர் அறிவித்து இருந்தனர்.
முன்னதாகவே டிரெய்லரின் சில காட்சிகள் சமூக வலைத்தளத்தில் கசிந்ததால் படக்குழுவினர் அதிர்ச்சியாகி நேரத்தை மாற்றி காலை 10.25 மணிக்கே வெளியிட்டு விட்டனர்.

டிரெய்லரில், ‘‘20 பேரை அனுப்பி வச்சேன். எல்லோரையும் அடிச்சி துவைச்சிட்டான்’’ என்று விஜய் சேதுபதி குரல் ஒலிக்க அதிரடி படம் போல் காட்சி தொடங்குகிறது. பதிலுக்கு யாருடா அவன் என்று கேள்வி எழும்ப, ‘‘காளி.. வேறு எந்த டீடெய்லும் தெரியல’’ என்று பாபிசிம்ஹா விரக்தியுடன் கூறுகிறார்.


இன்னொரு காட்சியில் ‘‘ஒருத்தண்ணே யாரோ ஹாஸ்டல் வார்டனாம். மரண காட்டு காட்டுறான்’’ என்று ஒருவர் பேசுகிறார். இதன் மூலம் ரஜினி கதாபாத்திரம் விடுதி வார்டன் என்பதை உறுதிப்படுத்தி உள்ளனர். தொடர்ந்து ரஜினி பாட்ஷா பட ஸ்டைலில் நாற்காலியில் கெத்தாக அமர்ந்து இருக்கிறார்.

‘‘அடிச்சு அண்டர்வேரோட ஓட விட்ருவேன், பாத்துக்கோ, மானம் போனா திரும்ப வராது. பாக்கத்தான் போற இந்த காளியோட ஆட்டத்த.. சிறப்பான தரமான சம்பவங்களை இனிதான் பாக்க போற. டேய் எவனுக்காவது பொண்டாட்டி புள்ளக்குட்டின்னு செண்டிமென்ட் இருந்தா அப்படியே ஓடிப்போயிடு. கொல காண்டுல இருக்கேன் மவனே கொல்லாம விடமாட்டேன்’’ என்று ரஜினி பேசும் வசனங்கள் செம மாஸாக இருப்பதாக ரசிகர்கள் துள்ளுகிறார்கள்.

ரஜினியின் தோற்றம் இளமையாகவும், ஸ்டைலாகவும் உள்ளது. அதிரடி சண்டைகளில் வேகம் காட்டி இருக்கிறார். நவாசுதீன் சித்திக், விஜய்சேதுபதி தோற்றங்கள் மிரட்டலாக உள்ளன. சிம்ரனின் காதல் காட்சிகள் கவர்கின்றன. மீண்டும் 1980 காலத்து ரஜினியை திரைக்கு கொண்டு வந்து இருக்கிறார் இயக்குனர் கார்த்திக் சுப்புராஜ்.

படம் பொங்கல் பண்டிகையில் ரசிகர்களுக்கு செம தீனியாக அமையும் என்று டிரெய்லர் உறுதி கொடுக்கிறது.

தொடர்புடைய செய்திகள்

1. ‘ரஜினிகாந்த் நிலையான அரசியல் கட்சியை நடத்த முடியாது’ ஆர்.எம்.வீரப்பன் பேட்டி
ரஜினிகாந்த் நிலையான அரசியல் கட்சியை நடத்த முடியாது என்று ஆர்.எம்.வீரப்பன் கூறினார்.
2. ரஜினியின் பேட்ட - அஜித்தின் விஸ்வாசம் கூடுதல் வசூல் யார்? அதிகாரபூர்வ அறிவிப்பு
ரஜினியின் பேட்ட, அஜித்தின் விஸ்வாசம் தமிழக பாக்ஸ் ஆபிஸ் கலெக்சன் விவரம் அதிகாரப்பூர்வமாக வெளியிடப்பட்டு உள்ளது.
3. முருகதாஸ் படத்தில் போலீஸ் அதிகாரியாக ரஜினிகாந்த்?
ரஜினிகாந்த் நடிப்பில் ‘2.0’ படத்துக்கு பிறகு ‘பேட்ட’ படம் திரைக்கு வந்து ஓடிக்கொண்டு இருக்கிறது. மீண்டும் ஒரு புதிய படத்தில் நடிக்க தயாராகி உள்ளார்.
4. சென்னை போயஸ் கார்டன் இல்லம் முன் குவிந்த ரசிகர்களுக்கு ரஜினிகாந்த் பொங்கல் வாழ்த்து
சென்னை போயஸ் கார்டன் இல்லம் முன் குவிந்த ரசிகர்களுக்கு ரஜினிகாந்த் இன்று பொங்கல் வாழ்த்தை தெரிவித்தார்.
5. முருகதாஸ் படத்திலும் இளமை தோற்றம் : ரஜினிகாந்த் ஜோடியாக கீர்த்தி சுரேஷ்?
ரஜினிகாந்த் நடிப்பில் ‘2.0’ படத்துக்கு பிறகு ‘பேட்ட’ படம் திரைக்கு வந்துள்ளது. சமீபத்தில் ஓய்வுக்காக அமெரிக்கா சென்றுவிட்டு சென்னை திரும்பிய அவர் தற்போது புதிய படத்தில் நடிக்க தயாராகிறார்.