சினிமா செய்திகள்

கங்கனா ரணாவத் நடிப்பில் தமிழில் ராணி லட்சுமிபாய் படம் + "||" + Kangana Ranawat acting Rani Lakshmibai Film in Tamil

கங்கனா ரணாவத் நடிப்பில் தமிழில் ராணி லட்சுமிபாய் படம்

கங்கனா ரணாவத் நடிப்பில் தமிழில் ராணி லட்சுமிபாய் படம்
கங்கனா ரணாவத் நடிப்பில் தமிழில் ராணி லட்சுமிபாய் என்கிற திரைப்படம் வெளியாக உள்ளது.

தமிழில் ‘தாம்தூம்’ படத்தில் கதாநாயகியாக நடித்தவர் கங்கனா ரணாவத். இந்தியில் முன்னணி நடிகையாக இருக்கிறார். குயின் படத்தில் நடித்து சிறந்த நடிகைக்கான தேசிய விருது பெற்றார். தற்போது ஜான்சி ராணி லட்சுமிபாயின் வாழ்க்கை வரலாற்றை மையமாக வைத்து தயாராகி உள்ள மணிகர்னிகா படத்தில் லட்சுமிபாயாக நடித்துள்ளார். ரூ.120 கோடி பட்ஜெட்டில் தயாராகி உள்ளது.

இந்த படம் தமிழ், இந்தி, தெலுங்கு ஆகிய 3 மொழிகளில் வெளியாகிறது. இதன் தமிழ் டிரெய்லர் வெளியீட்டு விழா சென்னையில் நடந்தது. இதில் கங்கனா ரணாவத் கலந்து கொண்டு பேசியதாவது:-

“மணிகர்னிகா தேச பற்று மிக்க கதையம்சம் உள்ள படம். இதுமாதிரி ஒரு படத்தில் நடிக்க வேண்டும் என்ற ஏக்கம் பல வருடங்களாக எனக்கு இருந்தது. இந்தியாவின் திறமையான நடிகர்கள் பலர் என்னுடன் இணைந்து நடித்துள்ளனர்.

இதன் படப்பிடிப்பு தொடங்கியபோது 50 கிலோ உடல் எடை இருந்தேன். அதிரடி சண்டை காட்சிகளில் நடிக்கும்போது மிகவும் கஷ்டப்பட்டேன்.

தினமும் 10 முதல் 12 மணிநேரம் சண்டை காட்சிகளில் நடித்தேன். சில காட்சிகளை நான் இயக்கினேன். அது சவாலாக இருந்தது. ராணி லட்சுமிபாய் கதாபாத்திரம் சாதாரணமானது இல்லை. அதற்காக நிறைய அர்ப்பணிப்பை கொடுத்தேன். இந்த படம் அனைத்து மொழி மக்களையும் சென்றடையும் என்ற நம்பிக்கை உள்ளது.” இவ்வாறு அவர் கூறினார்.


தொடர்புடைய செய்திகள்

1. மீண்டும் சர்ச்சையில் கங்கனா படம்
கங்கனா ரணாவத் ராணிலட்சுமிபாய் வேடத்தில் நடித்த மணிகர்னிகா படம் ஏற்கனவே சர்ச்சையில் சிக்கியது. போராட்டங்களும் நடந்தன.
2. தமிழக எம்.பி.க்கள் பதவியேற்பு: தமிழில் பதவிப்பிரமாணம் எடுத்துக் கொண்டனர்
பாராளுமன்ற தேர்தலில் வெற்றி பெற்ற தமிழக எம்.பி.க்கள் இன்று பதவியேற்றுக் கொண்டனர்.
3. திரை உலகத்தை ஆக்கிரமிக்கும் மாமன் மச்சான்கள்
“முழு திரைஉலகத்தையுமே மாமன்-மச்சான்கள் வந்து ஆக்கிரமித்துக் கொள்கிறார்கள். வெளியிலிருந்து வரும் இதர திறமைசாலிகளுக்கு இடம் கொடுப்பதில்லை.
4. சூர்யா நடிப்பில் 4 படங்கள்
சூர்யா நடிப்பில் 4 புதிய படங்கள் உருவாகி வருகின்றன.