சினிமா செய்திகள்

நாடாளுமன்ற தேர்தலில் போட்டியிட தயாராகும் நடிகர்கள் + "||" + Actors ready to contest parliamentary elections

நாடாளுமன்ற தேர்தலில் போட்டியிட தயாராகும் நடிகர்கள்

நாடாளுமன்ற தேர்தலில் போட்டியிட தயாராகும் நடிகர்கள்
நாடாளுமன்ற தேர்தலில் போட்டியிட நடிகர்கள் தயாராகி வருவதாக தகவல் வெளியாகி உள்ளது.

இந்தியாவில் 50-க்கும் மேற்பட்ட நடிகர்கள் அரசியலில் இருப்பதாக புள்ளி விவரம் சொல்கிறது. இவர்களில் பலர் அமைச்சர்களாகவும் எம்.பி., எம்.எல்.ஏக்களாகவும் பதவி வகித்துள்ளனர். மறைந்த எம்.ஜி.ஆர், ஜெயலலிதா, என்.டி.ராமராவ் ஆகியோர் முதல்-அமைச்சராகி ஆட்சி நடத்தி உள்ளனர்.

இப்போது கமல்ஹாசன் மக்கள் நீதி மய்யம் என்ற கட்சியை தொடங்கி அரசியலில் குதித்துள்ளார். வருகிற பாராளுமன்ற தேர்தலில் இந்த கட்சி போட்டியிடுகிறது. ரஜினிகாந்தும் விரைவில் கட்சி தொடங்குகிறார். இந்த வருடம் புதிதாக மேலும் சில நடிகர்கள் அரசியலுக்கு வருகிறார்கள்.

வில்லன் நடிகர் பிரகாஷ்ராஜ் வருகிற பராளுமன்ற தேர்தலில் சுயேச்சை வேட்பாளராக போட்டியிடுவதாக அறிவித்து உள்ளார். கர்நாடக மாநிலத்தில் உள்ள பெங்களூரு மத்திய தொகுதியில் அவர் நிற்கிறார். அவருக்கு ஆம் ஆத்மி கட்சி ஆதரவு தெரிவித்து உள்ளது. தமிழ் படங்களில் நடித்துள்ள பிரபல மலையாள நடிகர் மோகன்லால் திருவனந்தபுரம் பாராளுமன்ற தொகுதியில் போட்டியிட தயாராவதாக தகவல். பா.ஜனதா கட்சி அவருக்கு டிக்கெட் கொடுக்க ஆர்வமாக உள்ளது. நரேந்திர மோடியை மோகன்லால் சந்தித்து விட்டு வந்துள்ளார்.

ரஜினிகாந்தின் 2.0 படத்தில் வில்லனாக வந்த அக்‌ஷய்குமாரும் பாராளுமன்ற தேர்தலில் டெல்லி அல்லது பஞ்சாப் மாநிலத்தில் ஏதேனும் ஒரு தொகுதியில் போட்டியிட விரும்புகிறார். நடிகை ஜெனிலியாவின் கணவரும் இந்தி நடிகருமான ரிதேஷ் தேஷ்முக் காங்கிரஸ் சார்பில் லத்தூர் தொகுதியில் போட்டியிட முயற்சிக்கிறார்.


தொடர்புடைய செய்திகள்

1. வேப்பூர் அருகே, மருத்துவக்கழிவு ஆலை அமைக்க எதிர்ப்பு, நாடாளுமன்ற தேர்தலை புறக்கணித்த கிராம மக்கள்
வேப்பூர் அருகே மருத்துவக்கழிவு ஆலை அமைக்க எதிர்ப்பு தெரிவித்து நாடாளுமன்ற தேர்தலை கிராம மக்கள் புறக்கணித்தனர். இதையடுத்து வாக்களிக்க வருமாறு வீடு, வீடாக சென்று அதிகாரிகள் அழைத்தனர்.
2. நாடாளுமன்ற தேர்தலை முன்னிட்டு துப்பாக்கி ஏந்திய போலீசார் பாதுகாப்பு போலீஸ் சூப்பிரண்டு தகவல்
நாடாளுமன்ற தேர்தலை முன்னிட்டு மாநில எல்லையோர சோதனை சாவடிகளில் துப்பாக்கி ஏந்திய போலீசார் தீவிர பாதுகாப்பு பணியில் ஈடுபட்டுள்ளனர் என போலீஸ் சூப்பிரண்டு தெரிவித்தார்.
3. நாக்பூரில் இன்று வாக்கு செலுத்திய உலகின் மிக குள்ள பெண்
உலகின் மிக குள்ள பெண்ணான ஜோதி ஆம்கே நாக்பூரில் இன்று தனது வாக்கினை பதிவு செய்துள்ளார்.
4. முதல் கட்ட தேர்தலில் பலத்த பாதுகாப்பு ஏற்பாடுகள் : 91 நாடாளுமன்ற தொகுதிகளில் இன்று ஓட்டுப்பதிவு
நாடாளுமன்ற தேர்தலில் முதல் கட்டமாக இன்று 91 தொகுதிகளில் பலத்த பாதுகாப்பு ஏற்பாடுகளுடன் ஓட்டுப்பதிவு நடக்கிறது. 4 மாநில சட்டசபை தேர்தலிலும் வாக்குப்பதிவு நடக்கிறது.
5. யார் பெறுவார் அந்த 22?
2019 நாடாளுமன்ற தேர்தல் 7 கட்டங்களாக நடக்கும் நிலையில், முதல்கட்ட தேர்தல் இன்று நடக்கிறது. தமிழ்நாட்டிலும், புதுச்சேரியிலும் 2-ம் கட்ட தேர்தலாக வருகிற 18-ந்தேதி நடக்கிறது.