சினிமா செய்திகள்

கோடநாடு விவகாரம் குறித்து முதல்வர் பழனிசாமி விளக்கமளிக்க வேண்டும்- கமல்ஹாசன் + "||" + Concerning the Kodanadu issue Chief Minister Palanisamy should explain- Kamal

கோடநாடு விவகாரம் குறித்து முதல்வர் பழனிசாமி விளக்கமளிக்க வேண்டும்- கமல்ஹாசன்

கோடநாடு விவகாரம் குறித்து முதல்வர் பழனிசாமி விளக்கமளிக்க வேண்டும்- கமல்ஹாசன்
கோடநாடு விவகாரம் குறித்து முதல்வர் பழனிசாமி விளக்கமளிக்க வேண்டும் என கமல்ஹாசன் கூறினார்.
சென்னை

மறைந்த முதல்-அமைச்சர் ஜெயலலிதாவுக்கு சொந்தமான கோடநாடு எஸ்டேட்டில் கடந்த 2017-ம் ஆண்டு ஏப்ரல் 24-ந் தேதி கொள்ளை சம்பவம் அரங்கேறியது. இதனை தடுக்க முயன்ற வீட்டு காவலாளி ஓம்பகதூர் கொலை செய்யப்பட்டார்.

இந்த கொலை-கொள்ளை வழக்கில் கேரளாவை சேர்ந்த கூலிப்படை தலைவன் ஷயான், மனோஜ் உள்பட கூட்டாளிகள் 10 பேர் கைது செய்யப்பட்டனர். ஜெயலலிதாவின் கார் டிரைவர் கனகராஜ், ஷயானின் மனைவி மற்றும் குழந்தை வெவ்வேறு சாலை விபத்துகளில் சிக்கி பலியாகினர்.

கோடநாடு எஸ்டேட்டில் பணியாற்றிய கம்ப்யூட்டர் ஆபரேட்டரும் உயிர் இழந்தார். அடுத்தடுத்து நிகழ்ந்த இந்த மரணங்கள் பெரும் சந்தேகங்களை கிளப்பின.

தற்போது கோடநாடு விவகாரம் குறித்த வழக்கு நீலகிரி கோர்ட்டில் நடைபெற்று வருகிறது. இந்த வழக்கில் கைதான கூலிப்படை தலைவன் ஷயான், அவனது கூட்டாளி மனோஜ் ஆகியோர் ஜாமீனில் வெளியே வந்தனர்.

இந்த நிலையில் கோடநாடு விவகாரம் தொடர்பாக ஷயான், மனோஜ் மற்றும் ‘தெகல்கா’ இணையதள புலனாய்வு பத்திரிகை முன்னாள் ஆசிரியர் மேத்யூஸ் சாமுவேல் ஆகியோர் இணைந்து கடந்த 11-ந் தேதி டெல்லியில் ஆவணப்படம் ஒன்றை வெளியிட்டனர். அதில் தமிழக முதல்-அமைச்சர் எடப்பாடி பழனிசாமியை தொடர்புபடுத்தி குற்றம் சாட்டப்பட்டிருந்தது.

தன் மீதான குற்றச்சாட்டு முற்றிலும் உண்மைக்கு மாறானது என்று முதல்-அமைச்சர் எடப்பாடி பழனிசாமி தெரிவித்துள்ளார்.

அ.தி.மு.க. சார்பில் முதல்-அமைச்சர் மீது அவதூறு தகவல் பரப்பியவர்கள் மீது சட்டப்படி நடவடிக்கை எடுக்க வேண்டும் என்று சென்னை மத்திய குற்றப்பிரிவு ‘சைபர் க்ரைம்’ போலீசில் புகார் அளிக்கப்பட்டது.

இந்த நிலையில் சென்னை விமானநிலையத்தில் நிருபர்களுக்கு பேட்டி அளித்த மக்கள் நீதி மய்யம் கட்சி தலைவர் கமல்ஹாசன்  கோடநாடு விவகாரம் குறித்து முதல்வர் பழனிசாமி விளக்கமளிக்க வேண்டும் என கூறினார்.

தொடர்புடைய செய்திகள்

1. திமுகவை நான் கடுமையாக விமர்சிக்க திமுகவே காரணம் - கமல்ஹாசன்
திமுகவை நான் கடுமையாக விமர்சிக்க திமுகவே காரணம் என்று நடிகர் கமல்ஹாசன் தெரிவித்துள்ளார்.
2. முரசொலியில் கமலை விமர்சித்து கட்டுரை ; ஒரே மேடையில் மு.க.ஸ்டாலின்-கமல்ஹாசன்
கமல்ஹாசனை விமர்சித்து முரசொலியில் கட்டுரை எழுதபட்டு உள்ளது. இந்த நிலையில் திமுக எம்.எல்.ஏ இல்ல திருமண விழாவில் ஒரே மேடையில் மு.க.ஸ்டாலின்- கமல்ஹாசன் அமர்ந்து உரையாடினர்.
3. கோடநாடு விவகாரம் : முதலமைச்சர் குறித்து பேச மேத்யூ சாமுவேலுக்கு விதித்த தடை நீட்டிப்பு -சென்னை ஐகோர்ட்
கோடநாடு விவகாரம் தொடர்பாக முதலமைச்சர் குறித்து பேச மேத்யூ சாமுவேலுக்கு விதித்த தடையை சென்னை ஐகோர்ட் நீட்டித்து உள்ளது. #KodanadIssue
4. கோடநாடு விவகாரம் ; மேத்யூ சாமுவேல் மீதான வழக்கின் விசாரணைக்கு தடை- சென்னை ஐகோர்ட்
கோடநாடு விவகாரம் தொடர்பாக ஆவணப்படம் வெளியிட்ட மேத்யூ சாமுவேல் மீதான வழக்கின் விசாரணைக்கு சென்னை ஐகோர்ட் 4 வாரம் தடை விதித்து உள்ளது.
5. கமல்ஹாசன்-சித்தார்த்துடன் 8 நாடுகளில், ‘இந்தியன்-2’ படப்பிடிப்பு
பிரமாண்ட டைரக்டர் ஷங்கர் இயக்கி வரும் ‘இந்தியன்-2’ படத்தின் படப்பிடிப்பில் கமல்ஹாசன் உள்பட படக்குழுவினர் கலந்து கொண்டு முதல்கட்ட படப்பிடிப்பை விறுவிறுப்புடன் நடத்தி வருகின்றனர். இந்த நிலையில், படத்தின் ஒரு முக்கிய கதாபாத்திரத்தில் சித்தார்த் நடிக்க இருக்கிறார் என்று ஏற்கனவே தகவல் வெளியானது.