<
விஜய் படத்தில் 3 கதாநாயகிகள்?
விஜய் நடித்த ‘சர்கார்’ படம் கடந்த நவம்பர் மாதம் திரைக்கு வந்தது. ரூ.250 கோடிக்கு மேல் இந்த படம் வசூல் ஈட்டியதாகவும் கூறப்பட்டது.
சர்கார் படத்துக்கு பிறகு அட்லி இயக்கும் புதிய படத்தில் விஜய் நடிக்க இருக்கிறார். இவர்கள் கூட்டணியில் ஏற்கனவே தெறி, மெர்சல் படங்கள் வந்தன. இது விஜய்க்கு 63-வது படம் ஆகும்.
இதன் படப்பிடிப்பு அடுத்த வாரம் தொடங்குகிறது. இதற்காக சென்னை பின்னி மில்லில் அரங்கு அமைத்துள்ளனர். அட்லி படங்களில் 2, 3 கதாநாயகிகள் இருப்பது வழக்கம். இந்த படத்தில் கதாநாயகியாக நயன்தாரா நடிப்பதாக ஏற்கனவே அறிவித்து இருந்தனர். மேலும் 2 கதாநாயகிகள் நடிக்க இருப்பதாக தகவல் கசிந்துள்ளது.
இதற்காக கீர்த்தி சுரேஷ், ஆத்மிகா ஆகியோரிடம் படக்குழுவினர் பேசி வருவதாக கூறப்படுகிறது. விவேக், பரியேறும் பெருமாள் படத்தில் பிரபலமான கதிர், யோகிபாபு ஆகியோரும் நடிக்கிறார்கள். விளையாட்டை மையமாக வைத்து இந்த படம் தயாராவதாகவும் விஜய் பெண்கள் கால்பந்து பயிற்சியாளர் கதாபாத்திரத்தில் நடிப்பதாகவும் தகவல் வெளியாகி உள்ளது.
வடசென்னையை கதைக்களமாக கொண்டு இந்த படம் தயாராவதாகவும் பேசப்படுகிறது. சமீபத்தில் வெளியான தனுசின் வட சென்னை உள்பட சில படங்கள் வட சென்னையை கதைக்களமாக வைத்து வந்துள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
