சினிமா செய்திகள்

அரசு பஸ்சில் ‘பேட்ட’ படம் - நடிகர் விஷால் கண்டனம் + "||" + Petta played in government bus - Actor Vishal denounced

அரசு பஸ்சில் ‘பேட்ட’ படம் - நடிகர் விஷால் கண்டனம்

அரசு பஸ்சில் ‘பேட்ட’ படம் - நடிகர் விஷால் கண்டனம்
அரசு பஸ்சில் ‘பேட்ட’ படம் ஒளிபரப்பிய சம்பவதிற்கு நடிகர் விஷால் கண்டனம் தெரிவித்துள்ளார்.

சமீப காலமாக புதிய படங்களை, திரைக்கு வந்ததுமே இணையதளங்களில் திருட்டுத்தனமாக வெளியிட்டு விடுகின்றனர். இதனால் வசூல் பெருமளவு பாதிக்கிறது. இதை தடுக்க தயாரிப்பாளர் சங்கம், திரையரங்குகளில் கண்காணிப்பு கேமராக்கள் பொருத்த நடவடிக்கை எடுத்தும் பயன்இல்லை.

பொங்கல் பண்டிகையையொட்டி கடந்த 10-ந்தேதி திரைக்கு வந்த ரஜினிகாந்தின் பேட்ட, அஜித்குமாரின் விஸ்வாசம் ஆகிய படங்களை இணையதளத்தில் வெளியிட கோர்ட்டில் தடை பெற்று இருந்தனர். அதையும் மீறி படம் திரைக்கு வந்த சில மணிநேரத்தில் முழு படமும் இணையதளத்தில் வெளியானது. ஏராளமானோர் அதை பதிவிறக்கம் செய்து பார்த்தனர். இது படக்குழுவினருக்கு அதிர்ச்சியை ஏற்படுத்தியது.

இந்த நிலையில் பேட்ட படத்தை திருட்டுத்தனமாக பதிவிறக்கம் செய்து ஒரு அரசு பஸ்லில் ஒளிபரப்பி உள்ளனர். அந்த வீடியோ காட்சியை பஸ்சில் பயணம் செய்த ரஜினி ரசிகர் ஒருவர் செல்போனில் படம் பிடித்து டுவிட்டரில் வெளியிட்டுள்ளார். இதை பார்த்த ரசிகர்கள் ஆவேசமாகி சமூக வலைத்தளத்தில் கண்டித்து வருகின்றனர்.

தயாரிப்பாளர் சங்க தலைவர் விஷாலும் இந்த வீடியோவை டுவிட்டரில் பகிர்ந்து கண்டனம் தெரிவித்து உள்ளார். “அரசு பஸ்களில் திருட்டுத்தனமாக படங்களை ஒளிபரப்புவது இந்த வீடியோ ஆதாரம் மூலம் தெரிய வந்துள்ளது. இதன் மீது அரசு நடவடிக்கை எடுக்கும் என்று நம்புகிறேன்” என்று அவர் கூறியுள்ளார்.


தொடர்புடைய செய்திகள்

1. நடிகர் விஷாலுக்கு அக்டோபர் 9-ந் தேதி திருமணம்
நடிகர் விஷாலுக்கும் அவரது காதலியான அனிஷாவுக்கும் சமீபத்தில் திருமண நிச்சயதார்த்தம் நடந்த நிலையில் இவர்களது திருமண தேதி அறிவிக்கப்பட்டுள்ளது.
2. குமரியில் அதிகாரிகள் சோதனை, அரசு பஸ்சில் கொண்டு வந்த ரூ.52 லட்சம் பறிமுதல் - ஹவாலா பணமா? 2 பேரிடம் விசாரணை
நாகர்கோவில் அருகே அரசு பஸ்சில் கொண்டு வந்த ரூ.52½ லட்சம் பணம் பறிமுதல் செய்யப்பட்டது. இது ஹவாலா பணமா? என்பது குறித்து 2 பேரிடம் வருமான வரித்துறையினர் விசாரணை நடத்தி வருகின்றனர்.
3. டயரை தூக்கும்போது கயிறு அறுந்தது அரசு பஸ்சின் மேற்கூரையில் இருந்து கீழே விழுந்த ஊழியர் சாவு
டயரை தூக்கும் போது கயிறு அறுந்ததால் பஸ்சின் மேற்கூரையில் இருந்து கீழே விழுந்த ஊழியர் பரிதாபமாக இறந்தார்.
4. பண்ருட்டியில், அரசு பஸ்சில் வெடிமருந்து வெடித்தது; நரிக்குறவர் காயம் - பயணிகள் அலறி அடித்து ஓடியதால் பரபரப்பு
பண்ருட்டியில் அரசு பஸ்சில் வெடிமருந்து வெடித்தது. இதில் நரிக்குறவர் காயமடைந்தார். பயணிகள் அலறி அடித்து ஓடியதால் பரபரப்பு ஏற்பட்டது.
5. வருசநாடு அருகே, அரசு பஸ்சை சிறை பிடித்து பொதுமக்கள் போராட்டம்
வருசநாடு அருகே அரசு பஸ்சை சிறை பிடித்து பொதுமக்கள் போராட்டத்தில் ஈடுப்பட்டனர்.