விஜய், அஜித், சித்தார்த்தின் துப்பாக்கி, வேதாளம், பாய்ஸ் 2-ம் பாகங்கள்

சாமி-2, சண்டக்கோழி-2, மாரி-2, கலகலப்பு-2, காஞ்சனா-2, திருட்டுப்பயலே-2, தமிழ் படம்-2 ஆகிய படங்களும் வந்தன. இப்போது கமலின் இந்தியன்-2, சதுரங்க வேட்டை-2 ஆகிய படங்கள் தயாராகின்றன. அடுத்து விஜய்-காஜல் அகர்வால் நடித்து 2012-ம் ஆண்டு வெளியாகி வெற்றி பெற்ற துப்பாக்கி படத்தின் இரண்டாம் பாகம் தயாராக உள்ளது.

துப்பாக்கி படத்தின் இரண்டாம் பாகத்தை கண்டிப்பாக எடுப்பேன் என்று இயக்குனர் ஏ.ஆர்.முருகதாஸ் தற்போது அறிவித்து உள்ளார். துப்பாக்கி, கத்தி, சர்கார் ஆகிய படங்களில் இணைந்த விஜய்-ஏ.ஆர்.முருகதாஸ் கூட்டணி துப்பாக்கி-2 படத்திலும் சேர இருக்கிறது. இப்போது ரஜினிகாந்தை வைத்து புதிய படம் இயக்கும் வேலையில் இருக்கும் முருகதாஸ் அந்த படம் வெளியானதும் துப்பாக்கி-2 படத்தை தொடங்குகிறார்.

இதுபோல் அஜித்தின் வேதாளம் படத்தின் இரண்டாம் பாகத்தை எடுக்க ஆர்வம் உள்ளது என்று இயக்குனர் சிவா கூறியுள்ளார். இந்த படம் 2015-ல் வெளியாகி வசூல் குவித்தது. அதன்பிறகு வீரம், விவேகம், விஸ்வாசம் படங்களிலும் அஜித்-சிவா கூட்டணி தொடர்ந்தது. தற்போது போனிகபூர் இயக்கும் 2 படங்களில் நடிக்க அஜித்குமார் ஒப்பந்தமாகி உள்ளார். இந்த படங்களுக்கு பிறகு வேதாளம்-2 தயாராகலாம்.

இதுபோல் ஷங்கர் இயக்கத்தில் சித்தார்த் நடித்து வெளியான பாய்ஸ் படத்தின் 2-ம் பாகமும் தயாராக உள்ளது. இதனை அந்த படத்தில் நடித்த இசையமைப்பாளர் தமன் சமூக வலைத்தளத்தில் உறுதிப்படுத்தி உள்ளார்.