சினிமா செய்திகள்

எகிப்திய கதையில் அஜித்குமார்? + "||" + Ajith Kumar in Egyptian story?

எகிப்திய கதையில் அஜித்குமார்?

எகிப்திய கதையில் அஜித்குமார்?
அஜித்குமார், விஸ்வாசத்துக்கு பிறகு போனிகபூர் தயாரிக்கும் படத்தில் நடித்து வருகிறார்.
இந்தியில் அமிதாப்பச்சன் நடித்து வெற்றிகரமாக ஓடிய ‘பிங்க்’ படத்தின் தமிழ் ரிமேக்காக இது தயாராகிறது. இதில் ஜோடியாக வித்யாபாலன் நடிக்கிறார். வினோத் இயக்குகிறார். படத்துக்கு இன்னும் பெயர் வைக்கவில்லை.

இதன் படப்பிடிப்பு விறுவிறுப்பாக நடக்கிறது. ஐதராபாத்தில் உள்ள ராமோஜிராவ் பிலிம் சிட்டியில் கோர்ட்டு அரங்கு அமைத்து வக்கீலாக அஜித் வாதம் செய்யும் காட்சிகளை படமாக்கி வருகிறார்கள். இதன் அருகிலேயே பிரபாஸ் நடிக்கும் தெலுங்கு படமான சாஹோ, மோகன்லால் நடிக்கும் ‘மாராக்கர்: அரபிக்கடலின்றே சிம்மம்’ என்ற மலையாள படம் ஆகியவற்றின் படப்பிடிப்புகள் நடக்கின்றன.

அங்கு சென்று பிரபாசையும், இயக்குனர் பிரியதர்ஷனையும் அஜித் சந்தித்து பேசிவிட்டு வந்தார். தமிழில் தயாராகும் பிங்க் படம் வருகிற மே மாதம் திரைக்கு வரும் என்று அறிவித்து உள்ளனர். இந்த படத்துக்கு பிறகு அஜித் எகிப்திய படமான ‘ஹெப்தா: த லாஸ்ட் லெக்சர்’ என்ற படத்தின் தமிழ் ரீமேக்கில் நடிக்க உள்ளதாக வலைத்தளங்களில் தகவல் பரவி வருகிறது.

இதில் அஜித் டாக்டராக நடிக்கிறார் என்றும் கூறப்படுகிறது. ஆனாலும் அஜித் தரப்பில் இதனை உறுதிப்படுத்தவில்லை. அஜித்தின் 60-வது படம் முழு கமர்ஷியல் படமாக இருக்கும் என்று போனிகபூர் கூறியுள்ளார். இந்த படத்தையும் இவரே தயாரிக்கிறார்.

தொடர்புடைய செய்திகள்

1. ‘நேர்கொண்ட பார்வை’ படத்தில் “இதுவரை பார்த்திராத அஜித்தை பார்க்கலாம்” - டைரக்டர் வினோத் பேட்டி
அஜித்குமார் நடித்து, வினோத் டைரக்‌ஷனில், போனிகபூர் தயாரித்து வரும் ‘நேர்கொண்ட பார்வை’ படத்தின் படப்பிடிப்பு முழுவதும் முடிவடைந்தது.
2. 60-வது படத்தில் கார் பந்தய வீரர் வேடத்தில், அஜித்
அமிதாப்பச்சன் நடித்த ‘பிங்க்’ என்ற இந்தி படம் தமிழில், ‘நேர்கொண்ட பார்வை’ என்ற பெயரில் படமாகி இருக்கிறது. படப்பிடிப்பு முடிந்து, எடிட்டிங், பின்னணி இசை சேர்ப்பு வேலைகள் நடைபெற்று வருகின்றன.
3. அஜித்தை வைத்து மேலும் 3 படங்கள்!
அஜித்குமார் இப்போது, ‘நேர்கொண்ட பார்வை’ படத்தில் நடித்து முடித்து இருக்கிறார். இந்த படத்தை மறைந்த நடிகை ஸ்ரீதேவியின் கணவர் போனிகபூர் தயாரித்து வருகிறார்.
4. அஜித் நடிப்புக்கு கிடைத்த பாராட்டு!
அஜித்குமார், `நேர் கொண்ட பார்வை' படத்துடன், 59 படங்களில் நடித்து முடித்து இருக்கிறார்.
5. போனிகபூர் அழைப்பு : இந்தி படத்தில் அஜித்குமார்?
அஜித்குமார் ‘விஸ்வாசம்’ படத்துக்கு பிறகு இந்தியில் அமிதாப்பச்சன்-டாப்சி நடித்து வசூல் சாதனை நிகழ்த்திய ‘பிங்க்’ படத்தின் தமிழ் ரீமேக்கான ‘நேர்கொண்ட பார்வை’ படத்தில் நடிக்கிறார்.