நாடாளுமன்ற தேர்தல் நேரத்தில் நரேந்திர மோடி வாழ்க்கை படத்தை வெளியிட எதிர்ப்பு

மோடியின் இளமை காலத்து வாழ்க்கையில் இருந்து குஜராத் முதல்வர் ஆனது 2014 தேர்தலில் வென்று பிரதமர் ஆனது வரை உள்ள சம்பவங்கள், அவர் நிறைவேற்றிய திட்டங்கள் படத்தில் இடம்பெறுகின்றன.

இதன் படப்பிடிப்பு கடந்த ஜனவரி மாதம் தொடங்கி தற்போது முடிவடைந்துள்ளது. அடுத்த மாதம் (ஏப்ரல்) 12-ந்தேதி மோடி படம் திரைக்கு வரும் என்று அறிவித்து உள்ளனர். இது நாடாளுமன்ற தேர்தலில் முதல் கட்ட தேர்தல் நடைபெறும் ஏப்ரல் 11-ந்தேதிக்கு மறுநாள் ஆகும்.

அதன்பிறகு தொடர்ந்து 6 கட்டங்களாக தேர்தல் நடக்க உள்ளது. தமிழ்நாட்டில் 18-ந்தேதி தேர்தல் நடக்கிறது. எனவே மோடி வாழ்க்கை படம் தேர்தலில் தாக்கத்தை ஏற்படுத்தி பா.ஜனதாவுக்கு ஆதரவு அலையை உருவாக்கும் என்ற எதிர்பார்ப்பு உள்ளது. எனவே இந்த படத்துக்கு காங்கிரஸ் கட்சி எதிர்ப்பு தெரிவித்து உள்ளது. தேர்தல் நேரத்தில் வெளியிட தடை விதிக்க வேண்டும் என்று வற்புறுத்தி தேர்தல் கமிஷனுக்கு கடிதம் அனுப்பி உள்ளது.