சினிமா செய்திகள்

கொலை மிரட்டல் விவகாரம்: மனித உரிமை ஆணையத்தில் நடிகை ஸ்ரீரெட்டி புகார் - துப்பாக்கி உரிமம் கேட்க முடிவு + "||" + Murder threat case: Actress Srireddy complained to Human Rights Commission - to seek gun license

கொலை மிரட்டல் விவகாரம்: மனித உரிமை ஆணையத்தில் நடிகை ஸ்ரீரெட்டி புகார் - துப்பாக்கி உரிமம் கேட்க முடிவு

கொலை மிரட்டல் விவகாரம்: மனித உரிமை ஆணையத்தில் நடிகை ஸ்ரீரெட்டி புகார் - துப்பாக்கி உரிமம் கேட்க முடிவு
கொலை மிரட்டல் விவகாரம் தொடர்பாக, மனித உரிமை ஆணையத்தில் நடிகை ஸ்ரீரெட்டி புகார் அளித்துள்ளார்.

அதிரடி புகார்கள் கூறி திரையுலகையே அதிர செய்தவர், நடிகை ஸ்ரீரெட்டி. இவர் தற்போது ‘ரெட்டி டைரி’ எனும் படத்தில் நடித்து வருகிறார். இந்த நிலையில் கடந்த சில நாட்களுக்கு முன்பு சினிமா பைனான்சியர் சுப்பிரமணி உள்பட 2 பேர், தனக்கு கொலை மிரட்டல் விடுத்ததாக கூறி கோயம்பேடு போலீசில் புகார் கொடுத்தார். சில மணி நேரங்களிலேயே அந்த புகாரை அவர் திரும்ப பெற்றார்.


இந்தநிலையில் சென்னை ராஜா அண்ணாமலைபுரத்தில் உள்ள மாநில மனித உரிமை ஆணையத்துக்கு தயாரிப்பாளர் ரவிதேவனுடன் வந்த ஸ்ரீரெட்டி புகார் மனுவை அளித்தார். இதன்பின்னர் அவர் நிருபர்களிடம் கூறும்போது, ‘எனக்கு நடந்த மனித உரிமை மீறல்களை புகாராக அளித்துள்ளேன். ரெட்டி டைரி படப்பிடிப்புக்காக சென்னை வந்தேன். சில நாட்களுக்கு முன்பு நடந்த சம்பவத்தால் குறிப்பிட்ட நாளில் படப்பிடிப்பை முடிக்க இயலாத நிலை ஏற்பட்டுள்ளது. இதனால் கடந்த ஒரு வாரமாக ரெட்டி டைரி படப்பிடிப்பு நடைபெறவில்லை. பட தயாரிப்பாளர் ரவிதேவனுக்கும், படக்குழுவினருக்கும் இழப்பு ஏற்பட்டுள்ளது. இந்த விவகாரத்தில் மனித உரிமை ஆணையம் உரிய நடவடிக்கை எடுக்கும் என்று நம்புகிறேன்’ என்றார்.

மேலும், உயிருக்கு ஆபத்து உள்ளதால் துப்பாக்கி வைத்து கொள்ள உரிமம் கேட்டு போலீஸ் கமிஷனரை சந்திக்க உள்ளதாகவும் கூறினார்.

தொடர்புடைய செய்திகள்

1. பிரதமருக்கு கடிதம் எழுதிய விவகாரம்: பல்கலைக்கழக மாணவர்கள் 6 பேரின் நீக்கம் திடீர் ரத்து
பிரதமருக்கு கடிதம் எழுதிய விவகாரத்தில், பல்கலைக்கழக மாணவர்கள் 6 பேரின் நீக்கம் திடீரென ரத்து செய்யப்பட்டது.
2. சப்–இன்ஸ்பெக்டருக்கு கொலை மிரட்டல்: பட்டாசு தொழிலாளி கைது
சிவகாசி அருகே சப்–இன்ஸ்பெக்டருக்கு கொலை மிரட்டல் விடுத்த பட்டாசு தொழிலாளியை போலீசார் கைது செய்தனர்.
3. நகைக்கடை அதிபர் தற்கொலை: ரூ.30 லட்சம் கேட்டு கொலை மிரட்டல் விடுத்தவர் யார்? போலீசார் விசாரணை
சேலத்தில் நகைக்கடை அதிபர் தற்கொலை விவகாரத்தில் ரூ.30 லட்சம் கேட்டு கொலை மிரட்டல் விடுத்தவர் யார்? என்பது குறித்து போலீசார் விசாரணை நடத்தி வருகின்றனர்.
4. கொலை மிரட்டல் விடுப்பதாக இந்திய கிரிக்கெட் வீரர் முனாப் படேல் மீது புகார்
கொலை மிரட்டல் விடுப்பதாக முன்னாள் இந்திய கிரிக்கெட் அணி வீரர் முனாப் படேல் மீது வடோதரா கிரிக்கெட் சங்க தலைவர் புகார் கொடுத்துள்ளார்.
5. டி.கே.சிவகுமார் கைது விவகாரம்: அடிபணிய மாட்டோம், தொடர்ந்து கேள்வி எழுப்புவோம் - காங்கிரஸ் சொல்கிறது
டி.கே.சிவகுமார் கைது விவகாரத்தில், அடிபணிய மாட்டோம், தொடர்ந்து கேள்வி எழுப்புவோம் என காங்கிரஸ் தெரிவித்துள்ளது.