சினிமா செய்திகள்

இஸ்லாமிய மதத்துக்கு மாறிவிட்டேனா? - நடிகை கஸ்தூரி விளக்கம் + "||" + Have you converted into Islam? - Actress Kasturi Illustration

இஸ்லாமிய மதத்துக்கு மாறிவிட்டேனா? - நடிகை கஸ்தூரி விளக்கம்

இஸ்லாமிய மதத்துக்கு மாறிவிட்டேனா? - நடிகை கஸ்தூரி விளக்கம்
இஸ்லாமிய பெண் தோற்றத்தில் இருப்பதுபோல் சமூக வலைத் தளத்தில் வைரலான புகைப்படம் குறித்து நடிகை கஸ்தூரி விளக்கம் அளித்துள்ளார்.

நடிகை கஸ்தூரி அரசியல் சமூக விஷயங்களை சமூக வலைத்தளத்தில் தைரியமாக பதிவிட்டு வருகிறார். இது சில நேரம் சர்ச்சைக்கு உள்ளாகி எதிர்ப்புகளையும் சம்பாதிக்கிறார். இந்த நிலையில் கஸ்தூரி இஸ்லாமிய உடையிலும், தொழுகை செய்வது போன்றும் இரண்டு புகைப்படங்களை தனது சமூக வலைத்தள பக்கத்தில் பதிவிட்டார்.

அந்த படங்களின் கீழ், “நாம் அனைவரும் ஒரே கடவுளை ஒரே நோக்கத்துக்காகத்தான் வழிபடுகிறோம். ஆனால் வார்த்தைகள் மட்டும் வெவ்வேறு” என்று குறிப்பிட்டு இருந்தார். இந்த புகைப்படங்கள் வலைத்தளத்தில் வைரலாகி கஸ்தூரி இஸ்லாம் மதத்துக்கு மாறிவிட்டாரா? என்று பலரும் கேள்வி எழுப்பினார்கள்.

புகைப்படங்களை பார்த்த ரசிகர் ஒருவர் உங்கள் இஸ்லாமிய பெயர் என்ன என்று கேட்க, அதற்கு கஸ்தூரி தபஸ்ஸும் என்று பதில் அளித்தார். இதனால் அவர் மதம் மாறிவிட்டதாக பேச தொடங்கினர்.

இதுகுறித்து கஸ்தூரியை தொடர்புகொண்டு கேட்டபோது மதம் மாறவில்லை என்று மறுத்தார். அவர் கூறியதாவது:-

“நான் காதலுக்காகவோ அல்லது மற்ற பிரச்சினைகளுக்காகவோ மதம் மாற வேண்டிய தேவை இல்லை. எனக்கு நெருக்கமான இஸ்லாமிய குடும்பத்தில் வயதான பெண்ணும் ஆணும் உள்ளனர். அவர்களை நான் அம்மா, அப்பா என்றுதான் அழைக்கிறேன். இலங்கையிலும் எனக்கு தெரிந்த இஸ்லாமிய சகோதரர்கள் நிறைய பேர் உள்ளனர்.

தெலுங்கில் தயாராகும் ‘அமராவதி’ என்ற படத்தில் ராணுவத்தில் பணியாற்றும் ஒரு இந்து இளைஞரை காதலிக்கும் இஸ்லாமிய பெண்ணாக நடிக்கிறேன். அந்த படத்துக்கான எனது தோற்றத்தைத்தான் சமூக வலைத்தளத்தில் வெளியிட்டேன்.” இவ்வாறு கஸ்தூரி கூறினார்.


தொடர்புடைய செய்திகள்

1. சமூக வலைத்தளங்களில் அதிக நபர்கள் பின் தொடரும் பட்டியல் - கேப்டன் விராட் கோலி முதலிடம்
உலக அளவில் சமூக வலைத்தளங்களில், அதிகம் நபர்கள் பின் தொடரப்படும் பட்டியலில் இந்திய கேப்டன் விராட் கோலி முதலிடம் பிடித்துள்ளார்.
2. பொழுதுபோக்கிற்காக சிங்க வேட்டை; முத்தம் கொடுத்து புகைப்படம் எடுத்த தம்பதிக்கு கடும் எதிர்ப்பு
பொழுதுபோக்கிற்காக சிங்கம் ஒன்றை வேட்டையாடி அதன் உடல் அருகே முத்தம் கொடுத்தபடி புகைப்படம் எடுத்த தம்பதிக்கு பலர் கடுமையாக எதிர்ப்பு தெரிவித்து உள்ளனர்.
3. இம்ரான்கான் என கூறி சச்சின் புகைப்படத்தை பதிவிட்ட பாக். பிரதமரின் உதவியாளர் - வலைத்தள ஆர்வலர்கள் கிண்டல்
பாகிஸ்தான் பிரதமரின் உதவியாளர், இம்ரான்கான் என கூறி சச்சின் புகைப்படத்தை பதிவிட்டார். இதனை வலைத்தள ஆர்வலர்கள் கிண்டல் செய்து வருகின்றனர்.
4. சமூக வலைத்தளத்தில் வைரலாகும் மாளவிகா, ரீமாசென் புதிய புகைப்படம்
நடிகை மாளவிகா மற்றும் ரீமாசென் ஆகியோரின் புதிய புகைப்படம் ஒன்று சமூக வலைத்தளத்தில் தற்போது வைரலாகி வருகிறது.
5. கணவரை ‘ஷூ லேஸ்’ கட்டவைத்த நடிகை - வைரலாகும் புகைப்படம்
கணவரை ‘ஷூ லேஸ்’ கட்டவைத்த நடிகையின் புகைப்படம் வைரலாகி வருகிறது.