கதாநாயகி தந்தை வேடத்தில் விஜய் சேதுபதி

சீதக்காதியில் வயதான நாடக கலைஞர் வேடம் ஏற்றார். தற்போது சிந்துபாத், கடைசி விவசாயி, சங்கத்தமிழன், லாபம், மாமனிதன் ஆகிய படங்கள் கைவசம் உள்ளன. மற்ற மொழிகளில் நடிக்கவும் வாய்ப்புகள் வருகின்றன. சிரஞ்சீவியின் சைரா நரசிம்ம ரெட்டி சரித்திர படத்தில் நடிக்கிறார். ஜெயராமுடன் மலையாள படமொன்றிலும் நடித்து வருகிறார்.

இந்த நிலையில் தெலுங்கில் தயாராகும் உப்பெனா என்ற படத்தில் கதாநாயகியின் தந்தை வேடத்தில் நடிக்க சம்மதித்து உள்ளார். இந்த படத்தில் பிரபல தெலுங்கு நடிகர் சாய் தரம் தேஜ் சகோதரர் வைஷ்ணவ் தேஜ் கதாநாயகனாக அறிமுகமாகிறார். நாயகியாக நடிக்கும் கீர்த்தி ஷெட்டியின் தந்தையாக விஜய் சேதுபதி நடிக்க உள்ளார். படத்தில் வில்லனும் விஜய் சேதுபதிதான் என்பது குறிப்பிடத்தக்கது.

முன்னணி கதாநாயகனான விஜய் சேதுபதி கதாநாயகியின் தந்தையாக நடிப்பது பலரையும் ஆச்சரியப்படுத்தி உள்ளது. இந்த படத்தை புச்சிபாபு சனா இயக்குகிறார். காதல் கதையம்சம் உள்ள படமாக தயாராகிறது.