சினிமா செய்திகள்

இரட்டை வேட தோற்றத்தில் விஜய்யின் ‘பிகில்’ - ரசிகர்கள் உற்சாகம் + "||" + Vijay's Bigil in double role - fans excited

இரட்டை வேட தோற்றத்தில் விஜய்யின் ‘பிகில்’ - ரசிகர்கள் உற்சாகம்

இரட்டை வேட தோற்றத்தில் விஜய்யின் ‘பிகில்’ - ரசிகர்கள் உற்சாகம்
நடிகர் விஜய் இரட்டை வேட தோற்றத்தில் நடித்துள்ள 63-வது படமான ‘பிகில்’ திரைப்படத்தின் பெயர் நேற்று வெளியானதால் ரசிகர்கள் உற்சாகமடைந்தனர்.
சென்னை,

விஜய் நடித்து வரும் 63-வது படத்துக்கு ‘பிகில்’ என்று பெயர் சூட்டப்பட்டுள்ளது. இந்த படத்தில் அவர் இரட்டை வேடங்களில் நடிக்கும் தோற்றத்தையும் படக்குழுவினர் வெளியிட்டனர்.

‘சர்கார்’ படத்துக்கு பிறகு, அட்லி இயக்கும் படத்தில் விஜய் நடிக்கிறார். இவர்கள் கூட்டணியில் ஏற்கனவே ‘தெறி, மெர்சல்’ படங்கள் வெளியாகின. இந்த படங்கள் ரசிகர்கள் மத்தியில் வரவேற்பை பெற்றது மட்டுமல்லாமல், வசூலையும் குவித்தன.


மீண்டும் அட்லி இயக்கத்தில் விஜய் நடித்து வரும் புதிய படத்தில், கதாநாயகியாக நயன்தாரா நடிக்கிறார். விவேக், கதிர், ரெபா மானிகா, ஆனந்தராஜ், தேவதர்ஷினி ஆகியோரும் உள்ளனர். இந்த படத்துக்கு ஏ.ஆர்.ரகுமான் இசையமைக்கிறார். இது விஜய்க்கு 63-வது படம் ஆகும்.

இந்த படத்தில் அவர், பெண்கள் கால்பந்து அணியின் பயிற்சியாளராக நடிப்பதாக ஏற்கனவே தகவல் வெளியானது. சென்னையில் பல கோடி ரூபாய் செலவில் கால்பந்தாட்ட மைதானத்தை படக்குழுவினர் இதற்காக அமைத்து இருந்தனர். அதில் பெரும் பகுதி காட்சிகள் படமாக்கப்பட்டன.

இந்த படத்துக்கு தலைப்பு வைக்காமலேயே ‘தளபதி 63’ என்ற பெயரில் படப்பிடிப்பை நடத்தி வந்தனர். பட வேலைகள் இறுதி கட்டத்தில் உள்ளன. படத்தை தீபாவளிக்கு திரைக்கு கொண்டுவர திட்டமிட்டுள்ளனர்.

இந்த படத்தின் தலைப்பை அறிய ரசிகர்கள் ஆர்வமாக இருந்தனர். வெறித்தனம், மைக்கேல் உள்ளிட்ட சில பெயர்களும் சமூக வலைதளங்களில் பரவி வந்தன. இந்நிலையில் விஜய்யின் பிறந்த நாளையொட்டி படத்தின் தலைப்பு வெளியாகலாம் என்ற எதிர்பார்ப்பு நிலவியது.

முந்தைய படங்களான தெறி, மெர்சல், சர்கார் பட தலைப்புகளும் அவருடைய பிறந்தநாளிலேயே வெளிவந்தன. அதுபோல், விஜய்யின் 63-வது படத்தின் தலைப்பையும், அவருடைய பிறந்தநாளையொட்டி வெளியிட இருப்பதாக படக்குழுவினர் அறிவித்தனர்.

இதையொட்டி நேற்று மாலை படத்தின் தலைப்பு அதிகாரப்பூர்வமாக அறிவிக்கப்பட்டது. விஜய்யின் 63-வது படத்துக்கு ‘பிகில்’ என்று பெயர் சூட்டப்பட்டுள்ளது. ‘பிகில்’ என்றால் ‘விசில்’ என்றும் அர்த்தம் உண்டு.

படத்தின் முதல் தோற்றத்தையும் வெளியிட்டுள்ளனர். அதில் தந்தை-மகன் என இரு வேடங்களில் விஜய் இருக்கிறார். இதன் மூலம் அவர் இந்த படத்தில் இரட்டை வேடங்களில் நடிப்பது உறுதிப்படுத்தப்பட்டு இருக்கிறது. கால்பந்தாட்ட வீரர் சீருடையில் மகன் விஜய் உள்ளார். தந்தை விஜய், வேட்டி-சட்டையில் நாற்காலி ஒன்றில் கம்பீரமாக உட்கார்ந்து இருக்கிறார்.

அவருக்கு முன்னால் மீன் வெட்டும் பெரிய கத்தி உள்ளது. மீன் சந்தையில் இருவரும் இருப்பது போல் இந்த தோற்றம் அமைந்துள்ளது. ‘பிகில்’ தலைப்பையும், விஜய் தோற்றத்தையும் ரசிகர்கள் உற்சாகமாக வரவேற்று, ஆரவாரமாக கொண்டாடி வருகின்றனர். இணையதளங்களிலும் படத்தின் முதல் தோற்றம் வைரலாகியது.

இந்நிலையில் நள்ளிரவு 12 மணி அளவில் இரண்டாவது தோற்றமும் வெளியானது. இதனால் ரசிகர்கள் மேலும் உற்சாகமடைந்தனர். தற்போது இந்த இரண்டு தோற்றங்களையும் ரசிகர்கள் டிரண்ட் ஆக்கி வருகிறார்கள்.


தொடர்புடைய செய்திகள்

1. சென்னை வசூலில் பாகுபலி 2-வை மிஞ்சிய விஜயின் பிகில்
நடிகர் விஜய், இயக்குனர் அட்லீ கூட்டணியில் வெளியாகியுள்ள 'பிகில்' படம் வசூலில் புதிய உச்சத்தை தொட்டுள்ளது.
2. அதிகம் வசூல் செய்த முதல் 10 தமிழ்ப் படங்களில் விஜய்யின் பிகில்
அதிகம் வசூல் செய்த முதல் 10 தமிழ்ப் படங்களில் விஜய்யின் பிகில் இடம் பிடித்துள்ளது.
3. விஜய்யின் பிகில் முதல் வாரத்தில் வசூல் ரூ.200 கோடியாக தாண்டும்?
நடிகர் விஜய்யின் பிகில் முதல் வாரத்தில் வசூல் ரூ.200 கோடியாக தாண்டும் என்று மதிப்பிடப்பட்டுள்ளது.
4. பாகுபலி-2 சாதனையை முறியடித்த நடிகர் விஜய்யின் பிகில் வசூல்; 3 நாட்களில் ரூ.100 கோடி
நடிகர் விஜய்யின் 'பிகில்' 3 நாட்களில் ரூ.100 கோடிக்கு மேல் வசூல் செய்து பாகுபலி-2 சாதனையை முறியடித்துள்ளது.
5. நடிகர் விஜய்யின் பிகில் திரைப்படம் நாளை வெளியாவதில் சிக்கல் இல்லை
பிரேசில் என்ற தலைப்பில் தான் எழுதிய கதையை பயன்படுத்தி பிகில் படத்தை எடுத்துள்ளதாக வழக்கு தொடரப்பட்டிருந்த நிலையில் மனுவில் திருத்தங்கள் உள்ளதால் புதிய மனு தாக்கல் செய்ய சென்னை ஐகோர்ட்டு உத்தரவிட்டுள்ளது.