சினிமா செய்திகள்

பிகில் படக்குழுவினர் 400 பேருக்கு நடிகர் விஜய் மோதிரம் பரிசு + "||" + Actor Vijay's ring gift for Pigil film crew 400 persons

பிகில் படக்குழுவினர் 400 பேருக்கு நடிகர் விஜய் மோதிரம் பரிசு

பிகில் படக்குழுவினர் 400 பேருக்கு நடிகர் விஜய் மோதிரம் பரிசு
‘பிகில்’ படத்தில் தந்தை, மகன் என்று 2 வேடங்களில் விஜய் நடிக்கிறார். நயன்தாரா கதாநாயகியாக வருகிறார். விவேக், டேனியல் பாலாஜி, கதிர், யோகிபாபு ஆகியோரும் உள்ளனர். அட்லி இயக்குகிறார். ஏ.ஆர்.ரகுமான் இசையமைக்கிறார்.
 ‘பிகில்’  படத்தில் விஜய் பெண்கள் கால்பந்து பயிற்சியாளராக வருகிறார். சொந்த குரலில் ஒரு பாடலையும் பாடி உள்ளார்.

‘சிங்கப்பெண்ணே’ என்ற பாடலை ஏ.ஆர்.ரகுமான் பாடி இருக்கிறார். பெண்களை போற்றும் வகையிலும் அவர்களை சாதிக்க தூண்டும் வகையிலும் இந்த பாடல் உருவாகி உள்ளது. “சிங்கப்பெண்ணே ஆணினமே உன்னை வணங்குமே நன்றிக்கடன் தீர்ப்பதற்கே, நெஞ்சில் வலிமை கொண்டு ஏறு. அன்னை, தங்கை, மனைவி என்று நீ வடித்த வியர்வை உந்தன் பாதைக்குள் பற்றும் அந்த தீயை அணைக்கும் என்பன போன்ற வரிகள் உள்ளன.

இந்த பாடலில் விஜய்யுடன் இணைந்து ஏ.ஆர்.ரகுமான் ஒரு காட்சியில் நடித்துள்ளார். சில மாதங்களாக விறுவிறுப்பாக நடந்த பிகில் படத்தில் விஜய் நடித்த காட்சிகள் முடிந்துள்ளன. இதனால் படத்தில் தன்னுடன் நடித்த நடிகர்-நடிகைகள், துணை நடிகர்கள், தொழில்நுட்ப கலைஞர்கள் 400 பேருக்கு பிகில் என்ற பெயர் பொறிக்கப்பட்ட தங்க மோதிரங்களை விஜய் பரிசாக வழங்கினார்.

கால்பந்து வீராங்கனைகளாக நடித்தவர்களுக்கு தனது கையெழுத்திட்ட கால்பந்தையும் பரிசாக வழங்கினார். விஜய் வழங்கிய மோதிரம் மற்றும் கால்பந்தை சமூக வலைத்தளத்தில் பகிர்ந்து வருகிறார்கள். பிகில் தீபாவளிக்கு திரைக்கு வருகிறது.

தொடர்புடைய செய்திகள்

1. பாண்டிராஜ் இயக்கத்தில் விஜய்?
பிகில் படத்துக்கு பிறகு லோகேஷ் கனகராஜ் இயக்கும் மாஸ்டர் படத்தில் விஜய் நடித்து வருகிறார். இதன் படப்பிடிப்பு இறுதி கட்டத்தில் உள்ளது. இந்த படத்துக்கு பிறகு அடுத்து விஜயின் 65-வது படத்தை இயக்குவது யார் என்ற எதிர்பார்ப்பு ரசிகர்கள் மத்தியில் நிலவுகிறது.
2. விஜய்யின் மாஸ்டர் பட காட்சிகள் கசிந்தன; படக்குழுவினர் அதிர்ச்சி
பிகில் படத்துக்கு பிறகு லோகேஷ் கனகராஜ் இயக்கும் படத்தில் விஜய் நடித்து வருகிறார். கதாநாயகியாக மாளவிகா மோகனன் நடிக்கிறார்.
3. லோகேஷ் கனகராஜ் டைரக்‌ஷனில், `மாஸ்டர்' ; விஜய் முதன்முதலாக மீசை இல்லாமல் நடித்தார்!
விஜய் நடிக்கும் `மாஸ்டர்' படத்தை லோகேஷ் கனகராஜ் டைரக்டு செய்து வருகிறார். இவர், ‘மாநகரம்,’ ‘கைதி’ ஆகிய 2 படங்களை இயக்கியவர். சேவியர் பிரிட்டோ தயாரிக்கிறார்.
4. விஜய் நடிக்கும் 64-வது திரைப்படத்தின் பெயர் "மாஸ்டர்" -
லோகேஷ் கனகராஜ் இயக்கத்தில் விஜய் நடிக்கும் 64-வது திரைப்படத்தின் பெயர் "மாஸ்டர்" என்று படக்குழு அதிகாரப்பூர்வமாக அறிவித்துள்ளது.
5. விறுவிறுப்பாக நடக்கும் - விஜய், அஜித் படப்பிடிப்புகள்
விஜய், அஜித் படப்பிடிப்புகள் பல்வேறு இடங்களில் விறுவிறுப்பாக நடந்து வருகின்றன. விஜய் படத்துக்கு இன்னும் பெயர் வைக்கவில்லை. இது அவருக்கு 64-வது படம்.